深宵食堂 (已結業)

旅行buddy聚會，大家都想食串燒所以晚餐去了位於銅鑼灣的樓上日式串燒小店--深宵食堂。晚上八時，餐廳差不多已經滿座。幸好我們有訂位，不然大概要摸門釘了。餐廳細細間，我們的座位對正電視機。正呀！有在家睇電視送飯feel。食品有炸物、燒物、主食和一品料理，要畫紙仔落單。芝麻雞翼＄48（三隻）雞皮炸得好脆，鬆化。雞肉嫩滑唔會乾。好食！我認為這道雞翼最值得encore！讚！蟹肉沙律＄42沙律菜好新鮮，蟹肉的份量都不少。配上酸酸的沙律汁，很清新的一道沙律。吉列廣島蠔＄42（四隻）炸得很好，炸粉不會太厚。非常香口！連平日不太吃蠔的我也忍不住吃了一粒。汁燒帆立貝＄36（一串三粒）帆立貝好容易會燒得過火變得又乾又硬，這裏的汁燒帆立貝燒得剛剛好。肉質爽口不會乾，配上燒汁一起吃，正好用來送啤酒（可惜我們沒有order酒)芝士年糕＄36身為芝士控的我，當日讚一讚這裏的芝士年糕。記得一定要趁熱食！年糕裏面釀了滿滿的芝士，咬下去軟軟的，好像棉花糖但芝味濃郁。最討厭吃完會黏住牙齒的年榚，但這個芝士年榚完全不會啊！細細碟吃完也不會覺得太膩。蒜片牛柳＄66起初以為蒜片牛柳即是蒜片炒牛肉粒，上桌後才發現我們會錯意…這

今晚早左放工, 豆腐出左老銅行住街等皮蛋收工. 行下行下行到餓, 皮蛋話不如我唸定食咩. 豆腐喺Times Square拎住戰利品唔想行太遠, 又想去d唔會好多人排隊嘅地方, 行下行下就去到耀華街. 知道皮蛋不嬲都鐘意食燒物, 豆腐就上去碰碰運氣睇下駛唔駛等好耐啦.上到去, e~ 外面一個人都無嘅, 豆腐膽粗粗㩒門鐘睇下有無人. 有穿著日本餐廳師傅衫嘅人出黎開門, 招待我進內.餐廳入面唔算大, 大約能客納二十多人. 裝潢都富有日本色彩, 有日本漫畫, 日本酒等.豆腐剛到埗時大概7:15, 果時店內還未滿座. 皮蛋大約只是比豆腐遲十分鐘, 他來到時已經座無虛席了.第一樣上場嘅係芝士年糕, 服務員話呢個要趁熱食. 剛端上來的的芝士年糕遠看好似幾舊壽司咁嘅樣, 近睇見到外面有少少微焦. 食落去外脆內軟, 年糕煙煙韌韌, 又不會搶去芝士的味道. 年糕貼心地在上菜前已經分開了一半, 咬落去就唔使驚別晒啲芝士出嚟, 可以很滿足地一口一顆.食緊芝士年糕嘅時候, 燒雞泡魚乾就嚟左啦. 雞泡魚干除了本身的調味之外還加上了沙律醬和七味粉, 甜中帶點微辣. 呢度嘅雞泡魚干同其他鋪頭食開嘅有啲唔同, 比較腍身

深宵食堂聽聞己久, 今天相約友人來一個"串串貢"聚會, 地方雖小但骨子裡有親切感覺.忌亷溝鮮奶先來杯飲品解解渴, 有清香忌亷味, 不錯!蚧肉沙律一絲絲的蚧肉頗為鮮甜, 配以酸味醋汁, 令我胃口大開胡麻蕃茄清甜的蕃茄配以我至愛的胡麻醬, 絕配雞泡魚干烤的程度剛好帶微焦, 加上蜜糖的焦香, 一條接一條停不了口鵝肝脆脆的外層, 內裡軟熟入口即溶, 可惜調味略淡芝麻雞翼這個炸得不得了, 食落"嗦嗦聲", 外皮脆口好似食薯片, 內裡肉汁豐富, 肉質嫩滑, 雖然芝麻味欠奉, 但非常欣賞黑豚露筍卷薄薄的黑豚, 感覺不膩; 露筍鮮甜細嫩, 連斷吃了二碟芝士蚧肉玉子燒蛋非常嫩滑, 芝士味又不会蓋過疍香, 間中會感覺到絲絲的蚧肉鮮甜汁燒帆立貝甜甜的醬汁燒起來野味, 帆立貝爽口鮮味蒜蓉大虎蝦8吋長的大虎蝦, 肉質爽脆, 粒粒的蒜茸又不嗆口, 配搭得宜娃娃菜比預期的多汁, 甜醬汁正好提升菜的鮮甜冬茹燒得不過火, 還保持內裡水分非常滿足的一餐!!

這是—間很溫馨家庭式的日式食店，有點像日本小小的喫茶店。雖然店子不大但座得很舒服，可能時間早，還很清靜如電視机聲量可以較少一點就好了。蟹肉沙律份量比較，沙律醤加了日式芥末味道清新，可以的話最好在餐牌上寫上沙律醤成份，因為不是人人接受芥末的味道雞泡鱼干，日本人喜歡佐酒的小食，燒得剛剛好，甜甜的咬下有點煙韌加上七味粉有点辣，好味 ，豚肉露笋卷，豚肉薄薄的卷在露笋上燒已肉的肥油跟落在露笋上令露笋得到滋潤味道更好芝士蚧肉玉子燒，份量頗大，芝士味也濃郁，雞蛋上面用茄汁寫了店名令人印象深刻。芝麻雞翼，這菜幾乎所有客人都點，因為有其它食物所以放了一陣才吃此菜但雞翼還是非常脆及一点也不油利，而且非常入味鵝肝好味道，如果有醤汁就更美味。汁燒帆立貝，一串三粒，大大的帆立貝加上燒汁非常之惹味。豚肉波菜卷，波菜夾豚肉吃了少了點罪惡感蒜蓉大虎蝦 用上很多蒜蓉非常之香味蝦也很有蝦味真是非常豐富的一餐，招呼也很好，吃了—頓非常之窩心的一餐

這個名字很特別, 亦令我諗起日劇 “深夜食堂”, 當然應該沒有太大關係, 但也是以食物為主的了, 哈哈~~雖說是深宵, 但當然晚上去也不錯啊, 在銅鑼灣的鬧市中, 一出LIFT感覺好日式居酒屋的感覺, 而且不知怎的一看門面有點與生無爭之感~~(我想像力太好了吧??) 入內給人很溫暖的或, 用了木做牆身裝修, 雖然地方不大, 但有很舒服的卡位置, 而且擺設也蠻有特色, 有日本式亦有些日本漫畫書, 我相信是老闆自家收藏及可以供客人看的吧?? 黑牌上也寫著店主的當天推介供參考~然後看看木制的餐牌, 有圖字供看, 而價錢就是ORDER紙的上, 填好給侍應便好了!! 這裡應該是燒物出色的, 所以我們也選了一些……煙肉荔枝卷(1串)($36)~~~超好味, 推介!!! 煙肉幾香雖然都油, 但夾埋清新荔枝, 完全去左油味, 仲要又大粒又甜, 所以一定要試!!豚肉露荀卷(1串)($38)~~~露荀好新鮮爽口, 豚肉不過不失, 但就覺得比較薄左少少, 如果整厚少少就不錯…….芝麻雞翼(3隻)($48)~~~這個好好味, 炸得好香脆, 加埋芝麻味好香, 而且炸粉不多又不會有一股好膩的油味, 外脆內JUIC

今晚約了朋友宵放題, 同事又要等男友收工食飯,所以一齊落銅鑼灣行下街,行左成個鐘開始肚餓, 但係又唔可以食太多野落肚,原本想去篤魚蛋,但仲有成粒幾两粒鐘, 決定揾間串燒食下飲返杯, 朋友係本劇迷, 佢話型男小田切讓做左套叫日劇既深宵食堂,係銅鑼灣開左,雖然唔知係咪有關 ,但都好想睇下搞邊科。我本住無咩所謂, 一試無妨的心態就踏上深宵食堂的路, 最重要係留住胃口食宵夜。深宵食堂- 諗住唔係深宵上去無人,点知全場爆滿! 两個人都要稍等,好大鍋。最奇怪既現象係串燒場, 居然唔係唔係日劇既全場麻甩佬飲住啤酒,反而係9成9女仔好斯文甘傾計, 好適合我地兩個女仔黎。未打開 menu, 先两杯生啤抖抖先。 打開menu上無價錢,所以最後都係用点餸紙。專攻送酒小食朋友中意食辣,我中意燒物, 所以两個人話事叫左麻辣螺肉, 芥辣八爪魚, 雞泡魚乾同芝士燒年糕唔夠20分鐘, 就掃哂4碟。似乎我地真係要食 實際 既填下肚我叫左牛油燒元貝, ,都係我中意既香口食物,朋友叫左健康既膳魚 。膳魚成78蚊, 雖然有點貴,但算啦,我都叫左两樣, 扯平。呢度上菜超快, 两個人唔夠個半鐘已食左10碟,真係誇張 !

P先生和我今天逛港島經已雙腿報銷，也只怪P先生的好動力，一下子要去上環取獎品，一下子要去中環A&F購物，轉下又到香港植物公園。最終我倆終於坐"叮叮"返回銅鑼灣，因為我想到希慎那拍拍"復仇者聯盟"的英雄們。我倆逛著逛著真的累了，只好在'開飯啦'找餐廳。銅鑼灣食店聚多，P先生和我想找個可以坐久點的地方，最後選擇了"深宵食堂"。這個名字對我不陌生，初次得悉應該是深宵食堂的電視劇，原來是由漫畫翻拍而成。近日，電影也即將上眏。好像每道菜也是有每個故事的，若感興趣可看電視劇。剛踏入門前，很有電視劇的感覺。環境寧靜，時間可能尚早，人流不多。因為這深宵食堂是在樓上位置，所以因此人流不多。蜜糖八爪魚(紅腸仔)$32   腸仔並不是由八爪魚所製，只是將每條小香腸弄成八爪魚般的外型，令賣相更加吸引及生動。蜜糖沾滿腸仔的全身，每一口也很甜很惹味。脆皮的腸仔更是香口又脆口。簡單的腸仔，經過裝飾後令人食慾大開。蚧肉沙律$42   蟹拆肉後變成一梳梳的肉絲，加上車厘茄及生菜，開胃沙律頗出色的。沙律菜新鮮爽甜，蕃茄微酸，蟹肉配撘一起頗開胃。雞泡魚干$78   河豚算是日本高級的海鮮美食，油脂清香，後味微甜。烤過的雞泡

今日出黎銅鑼灣諗住買啲野，買完諗住走，接到呢間嘅宣傳單張，之後就俾人SELL左上去，上到去真係覺得幾搞笑，要好家庭式小店嘅感覺，地方都幾窄下。好在我下晝六時九上到去，無咩人係呢間野，於是我就簡左個最大嘅位坐。由於四點幾食左個下午茶，見佢呢度有鵝肝飯，就諗住試下。等左大概十五分鐘鵝肝飯終於上枱喇。上枱之後，我就發現左個問題，個鵝肝飯除左果片鵝肝，幾片菇同埋幾條豆苗，就真係得飯。。。而且個鵝肝無入口即溶嘅感覺，老闆整得有啲乾身，而且飯嘅份量唔多夠，所以百幾蚊咁樣一個鵝肝飯真係唔多值。不過味道上個鵝肝飯都算OK，都算係挽回少少分數咁喇，希望老闆對呢個鵝肝飯會有啲改善喇。

相約很久不見的中學同學晚膳，由於她在灣仔工作，為了方便大家，就選了一間位於銅鑼灣的樓上日式串燒店晚飯閒聊.我們於7:00am到達小店，成為當晚第一枱客人. 店內裝修以和風為主，牆上掛上古代日本美女圖像，也有一些日本漫畫及小飾品，讓人有種置身於日本小家庭的感覺. 木製餐牌幾有特色，店子提供沙律、串燒&主食等，款式也多. 蚧肉沙律 $42以鮮嫩翠綠蔬菜配以鮮味蚧肉弄成的沙律，清新又開胃. 牛油帶子$52一客4件的牛油帶子相當大粒，帶子肉剛熟，入口嫩滑，非常正!芝士蝦球6粒 $38即炸蝦球內裡有一絲絲的芝士，不用沾沙律醬也相當美味. 可惜友人不吃芝士類食品，不想浪費下一個人KO 6粒芝士蝦球，實在太多了.芝士蚧肉玉子燒 $78店員推介的玉子燒，嫩滑雞蛋內裡是熱溶芝士及蚧肉，芝士迷必點. 友人不吃芝士的，一人獨力吃了2/3玉子燒，雖然玉子燒很美味，但要與同好芝士之道的朋友才好點，否則一人要吃罷實在吃力!豚肉露荀卷 $38甘香豚肉包着爽脆露荀卷，簡單又美味.生燒牛利芯 $38香烤牛利完全不帶臊味，連一向不吃牛利的我也試了一塊呢!雞泡魚乾 $78雞泡魚乾入口香軟亦有蜜味，甜甜的味道讓人一吃再吃，完

當紅的深夜食堂，來自日本電視及漫畫，每話都介紹不同又特別的食物，小妹其實無點睇過套漫畫，但就印象深刻當中的貓飯，貓飯其實係將味增湯，菜餚剩湯，或只用醬油拌柴魚片，放在白飯上便成。快速又便宜，係一道簡單既料理，唔知味道如何呢? (不過由於胃容量有限，最終都無食到貓飯)剛好得知銅鑼灣也有一間名叫深宵食堂的串燒店，裡頭竟然都有貓飯食，還有些食物都係跟住漫畫裡頭去製作，感覺滿特別的。餐廳位於百樂中心的六樓，門面已覺得很有日本風的感覺，而客人到步後需按門鐘，店方開門才能進入。.餐廳座位唔多，唔會好迫狹，簡約的裝潢還滿舒適的，更設有LCD電視呢。店員都著上日本風的製服，綁上頭巾，感覺很有活力呢。.坐下後看看餐牌，食物款式唔少，但說真的某些食物的價錢稍高了點。.煙肉荔枝卷燒香過的煙肉卷著荔枝肉，食落清甜爽口，平衡了煙肉的油膩感。.吉列廣島蠔 (4隻)外層炸粉很薄和香脆，又不會很油，裡頭仍嚐到蠔的味道，不會炸至沒有蠔味，不錯。.芝麻雞翼 (3隻)雞翼外皮炸至金黃色超脆身，咬落脆卜卜，雞肉多汁嫩滑，小妹覺得好好味。.汁燒白鱔白鱔燒至外帶微脆，魚肉幼嫩多汁，啖啖肉，掃上燒汁後食落更加惹味! 讚!.黑豚露筍

今次係第三次嚟呢到，芝麻雞翼好好食，個皮好脆又無冰鮮味。鵝肝飯都好正，不過塊鵝肝唔夠mix with all the rice, my suggestion is to take it away first and eat the rice with the mushrooms. Then put it back into the rice and mix it. 

某日想去Little VEGAS 度試下, 點知又無得BOOK位, 話等位要等2個鐘, 太跨張, 所以即刻決定轉場, 成棟大廈都係餐廳!! 去樓下見到水牌有間深夜食堂, 好似係雜誌都見過, 所以就上去踫踫運氣, 點知真係有位!依度地方真係好細, 我諗得廿個位都無, 俾安排坐係BAR枱位置, 入面主打係串燒, 仲有少量鳥冬炒飯可選, 我地都係叫串燒, 金菇肥牛串, 份量不多, 每一件都係一口可以食灑, 牛肉燒得甘香脆身, 入面仲好多汁, 惹味! 燒帶子入面都算好熱仲有好多汁, 唔會燒得乾身或者太熟但味道偏咸, 炸蠔好有驚喜, 外面真係炸得脆而且很鬆化, 口感一流, 而且入面仲好多汁, 蠔很肥美, 不過點了一個侍應推介既飽魚, 諗住會好正啦, 點知又貴又失望, 一來原來係凍既, 二來無咩味, 三來得兩件, 咁就多謝$88, 細問點解係凍既, 佢話原來呢個要整兩日, 要慢慢燴D味入去, 我問點解唔可以整返熱, 佢話整返熱就唔好食, 我覺得凍食一D都唔好食, 仲要無咩味, 好普通, 多謝灑!! 芝麻雞翼都係好食既, 不過份量又係得3隻, 其他都好一般, 總括黎講我地兩條友, 要基本食飽, 埋單

近期呢間有上Openrice榜, 加上佢個名同"心燒食堂"同音, 所以注意到~ 個名雖然有意思, 但覺得咁樣同人地同音抽水真係唔係幾好~因為要之後留肚食好大份嘅甜品, 所以揀咗之前黎呢到食串燒~食物種類無"心燒食堂"咁多, 但d串燒幾好味~1) 金菇牛肉$38串, d金菇非常爽, 個汁好好味, 所以叫咗兩串之後再encore一串~2) 牛肋骨個汁又係好好味~3) 汁燒鷄翼$33串, 燒得乾, 好味!! 價錢幾貴, 但我鍾意呢個多過佢地推介嘅芝麻鷄翼$33, 因炸好熱氣~4) 煙肉荔枝卷$3x串, 個茘枝新鮮爽同大粒, 呢個好似抄"小平津", 但呢度個荔枝同整得好味d~5) 鷄軟骨$32兩串, 普通~6) 一口牛$78串, 又係個汁好好味, 其實我諗緊係唔係全部用同一隻汁, 所以個汁味道差不多~7) 牛油帶子, 唔知點解無牛油味, 反而係甜味~8) 豬軟骨烏冬, 好細碗, 好味係因為幾味精味~賣單佢地竟然無receipt, 只用order紙個個tick tick tick黎計數同客收錢~ 開業之前receipt唔係應該係基本要準備嘅野黎咩? 但開業咁耐竟然未有receipt? 點埋數? 

是晚，相約兩位友人去銅鑼灣吃串燒。大家都是早睡之人，故未夠七點已到達《深宵食堂》，準備「速吃速回」。約三個多月前，曾與一大班朋友到此飯聚，蠻回味當中數款食物，故決定再點來品嚐。辣味花螺$58頗為肥美且富嚼勁，入口鮮爽彈牙且多汁，辣味甚為突出。胡麻番茄$48造法簡單，又一清爽鮮甜之小吃，且混入帶麻香的日式胡麻汁，食味不錯。惜，蕃茄片過份冰凍，仍未完全融冰，咬下有冰粒沙沙之感。無魚不歡的友人想試燒白鱔，故來一客厚切汁燒白鱔 $78/2串。汁燒白鱔水準確實不賴，鱔肉肥美鮮爽，惟是次外皮燒得未夠香脆。小妺最愛的鵝肝雜菌石窩飯$108又豈能錯過﹗鵝肝雜菌固然極度油潤甘美且香口，然，石窩飯卻失準了﹗飯粒質感卻略為濕淋了，口感嚼勁稍遜。立於不敗之地的凍柚子茶$34入口清爽冰凍，且不太甜膩。一客四件的牛油帶子$52牛油味濃，肥美帶子又夠鮮嫩，咬口十足。酥炸吉列廣島蠔$42賣相一般，似炸過火了。咬下，略為油膩，外層香脆，內裏的蠔鮮嫩多汁，煞是味美。芝麻雞翼$48/3隻即叫即炸，熱辣辣、香噴噴的，教人垂涎三尺﹗咬下，外皮極之香脆可口，且帶白芝麻的幽香；內裏仍燙口的，肉質鮮嫩多汁，調味也絕佳，非常好吃﹗友人