深宵食堂

營業中

休息中

考完試，又係時候放縱下，出咗旺角搵細妹食夜宵，我地去咗一間叫深宵食堂的食店大解放～位於三樓，升降機一開門就已經踏入店內，粉色花花丶木紋做主色，日系風濃烈，還有不小動漫公仔點綴周圍以串燒，燒物為主力，正是把酒談心的好配搭～我地叫咗鹽燒雞軟骨丶鹽燒雞翼丶安格斯牛柳丶蒜燒茄子丶蒜片一口牛柳粒丶鰻魚玉子燒，飯鰻魚石鍋飯和黑松露炒烏冬，仲叫咗個雞泡魚干添⋯先説牛吧～安格斯牛柳較重牛香，大粒易咬，囗感嫩腍，而一口牛柳粒除牛香外，用上香甜醬汁烹調，惹味好食雞軟骨同雞翼燒得香脆，又香口又有咬口。鰻魚玉子燒，在蛋面寫上＂深宵＂二字，切開厚厚一份，夾着厚肉鰻魚，如果配埋芝士就更出色雞泡魚干亦好出色，燒得恰到好處，帶小小微焦，但不會過乾，又鮮美又好吃。再來叫了一個石鍋飯和一個黑松露烏冬。烏冬係濕炒的，個汁帶甜味，而且有超重黑松露的香味。而鰻魚石鍋飯，鰻魚厚度超高，配埋泡菜吃，出奇的夾。最後是蒜燒茄子，這個比較費時，但等待是有回報的，好大份，蒜蓉配茄子是絕配，有微微的焦香，灑上孜然粉～夠淋夠滑，高質好食。這裡吃日式料理又得丶吃燒物又得，吃主食也得，更是傾計談心飲返杯的好去處

唻到旺角都有串燒食，同朋友座底傾下計食下也不錯，唔夠飽的話仲可以叫飯食😋🍶辣酒焗蜆 $68唔係辣酒係香濃清酒，聞落芳香撲鼻，蜆肉鮮甜肥味，最後飲埋清酒湯，正🐥名古屋雞翼 $42 (推介)鬆脆而不油膩外層，外脆內嫩，而且 juice 多肉，加上芝麻令口感提升🦑炸北海道魷魚絲 $32 (推介)估唔到魷魚絲拎唻炸係咁正，金黃色賣相已十分吸引，放底已聞到香噴噴，送酒一流🐷豚肉生薑飯 $48一人份量，如多啲汁更好，好在豚肉夠肥，油香加薑汁送飯都可以👅厚燒牛舌 $38牛舌有口感，爽口唔乾，加上黑椒亦好香🍆蒜燒茄子 $68原條上好吸引，大大件佈滿蒜蓉和孜然，十分惹味🦆鵝肝什菌石鍋飯 $98呢個飯多汁，啱我口味，石鍋上夠熱，什菌鮮味量多，鵝肝大件，略覺太熟⭐️柚子茶 $28/ $30冷熱都有，清新解渴座位算寬敞，唔會同隔離枱好貼，環境新淨光鮮，唔錯的地方

豆腐沙律。豆腐份量很多，醬汁份量剛好，不會過多而破壞平衡。煙肉荔枝卷。煙肉不會過乾，有一定厚度，有口感，包著甜甜荔枝肉，味道好平衡。和風炸雞。大大舊啖啖肉，本身炸雞醃得好入味，好適合送酒。蒜燒茄子。大大條茄子，蒜蓉好香，茄子肉都幾多，有少少辣好嘢味。貓飯。好少地方可以食，白飯上加上鰹魚碎，簡單美味，但食落偏乾。黑松露炒烏冬。偏向日式炒麵既感覺，加上黑松露又幾特別幾夾，黑松露香味唔會搶味，而烏冬係煙韌口感，好入味但又唔會過濃味。呢間串燒種類算頗多，唔只串燒類，沙津同主食都有幾款選擇。串燒調味好岩配酒，可惜不是週未去食未能盡興。下次一定搵多幾個朋友一路飲一路談心！

我又約左朋友到旺角，再來到Ladder Dundas搵食，今次試3/F名古屋雞翼 $42外層炸得金黃香脆，雞翼肉還很嫩，肉汁豐富，加上芝麻增添口感和香氣辣酒焗蜆 $68蜆肉肥美，鮮甜無沙，嘗不到辣味，反而有清酒香，湯好濃的清酒味，湯都飲埋不浪費炸北海道魷魚絲 $32魷魚絲炸得金黃，好香有咬口，送酒一流豚肉生薑飯 $48豚肉肥肉多，有油香，加了新鮮薑汁，夠薑味，如果汁多更好送飯，一人量厚燒牛舌 $38牛舌燒得香，黑椒點綴，肉嫩蒜燒茄子 $68好大件，排得整齊好靚，滿滿蒜香和孜然香，惹味鵝肝什菌石鍋飯 $98鵝肝油香，什菌鮮，飯有好多汁，好好送飯 柚子茶 $30冰凍又甜，清新解渴

見到深宵食堂呢個名～令我諗起一個電視節目～即刻就上咗去睇吓係咪同嗰個電視節目有關～其實係無關係嘅～位於旺角同油麻地之間嘅Ladder Dundas 3樓～喺等馬路嘅時候，見到有個大燈廣告，吸引咗我哋上去～一開lift門就已經係食堂～地方不太大～但環境裝飾好日系～亦有好多經典日本卡通嘅畫同figure擺設～當晚仲播放住80至90年代嘅日本歌～聽到啲回憶返晒嚟餐廳主要係食串燒～我哋話咁快就揀咗～鮟鱇魚肝 - 入口即溶，係我鐘意食嗰隻鮟鱇魚肝～雞泡魚干 - 雞泡魚干只要輕輕燒熱，再點沙律醬，已經係人間美食～安格斯牛柳 - 好林好juice～芝士蟹肉大啡菇 - 蟹肉味好強烈，有種食甲羅燒嘅感覺～鹽燒雞軟骨/鹽燒雞翼 - 串燒必點呢兩樣，無得輸～汁燒白鱔 - 呢個白鱔真係不得了～肉厚彈牙，魚皮咬落”索索”聲，外脆内軟，超級好味～蒜蓉炒什箘 - 蒜蓉同炒箘配合得好好～炒得好好味～黑松露炒烏東 - 滿滿嘅黑松露味掩蓋住成碟烏東～鰻魚石鍋飯 - 可能之前食咗個白鱔～呢個鰻魚石鍋飯就比咗下去...鰻魚玉子燒 - 好大舊好抵食，大大隻寫深宵兩個字雖然有啲老套，字體亦有待進步，但正正又因爲咁，又吸引我去影相

最近追緊電視劇深夜食堂，一間餐廳既菜單只有幾款食物，但充滿人情味。原來香港都有間餐廳叫深宵食堂，出於對呢套電視劇嘅迷戀，我約左女友去試試。餐廳大約有六、七枱，天花掛滿具日本特色既迷你雨傘，牆上亦貼滿櫻花裝飾。餐廳食物比電視劇嘅深夜食堂多好多，餐紙總共有七、八頁，每頁最少十款食物。豚肉蘆筍卷既豚肉薄如紙，加上上菜時熱烘烘，一咬勁多汁，而且口感超脆，好似薯片咁。鹽燒秋葵看似簡簡單單，但適量既鹽就已經帶出秋葵既味道。厚燒牛舌有咬口但唔韌，牛味相當濃厚。雞皮食落完全唔膩，每塊雞皮都好乾身脆口。甲羅燒即係即松葉蟹膏釀蟹蓋, 亦會加蟹肉。每次去日本旅行一定會食極唔停。呢個甲羅燒加左味道濃郁，配多士仲好味，感覺上無咁鹹。自己作為黑松露狂迷當然要叫黑松露烏冬。黑松露既獨特香味加上洋蔥既甜令人難以抵抗。重頭戲當然係芝士蟹肉玉子燒，用蕃茄汁寫上「深宵」二字。蛋非常輕盈，蛋汁滿溢，同時亦有拉絲效果，不過蟹肉既鮮甜味冇咁突出。雖然餐廳同電視劇相比完全大相徑庭，但每款食物都幾高質，沒有奢華裝潢卻有説不到既窩心。

約了朋友到旺角食飯傾偈，想搵一個可以慢慢食慢慢傾嘅地方，找到了深宵食堂， 這裏以食串燒為主。 第一次與朋友到旺角的深宵食堂， 銅鑼灣區的我已經去過了 。入到店內見到很多櫻花佈置， 牆身和枱櫈以木為主，很有日本的風味。 看見餐牌上有很多款串燒，小食和飲品， 首先點了一杯麒麟啤酒， 然後再點食物～芥辣八爪魚， 大阪燒，牛肉餅， 芝士大啡菇， 黑松露炒烏冬， 燒牛舌， 鰻魚玉子燒， 大蔥雞肉串。麒麟啤酒🍻～ 非常解渴， 食串燒一定要飲番杯啤酒的。芥辣八爪魚🐙～ 新鮮的八爪魚口感煙煙韌韌再配芥辣， 很好味的小吃。大阪燒～ 我很喜歡吃大阪燒的， 所以一見到要立即點。牛肉餅～ 金黃色炸得脆卜卜， 入面有軟淋淋的薯蓉和牛肉，正！芝士大啡菇～ 面層有一片濃郁的芝士， 大啡菇很多汁， 兩者配上味道很夾。黑松露炒烏冬～ 非常香濃的黑松露味， 令到烏冬炒得特別香， 烏冬的質感控制得剛剛好， 絕對是必點推介。燒牛舌～ 牛舌是厚切的， 但一點也不硬， 面層有黑椒的香味， 肉汁豐富。鰻魚玉子燒～ 用茄汁寫上深宵， 一來可以令到大家記得串燒店的名字， 又可以食玉子燒的時候配上茄汁醬， 一舉兩得。 玉子入面還有肥美的

難得平日夜晚有時間同朋友去旺角食飯，大家又想食日式嘢喎，於是就去左呢間樓上開的深宵食堂食飯了。一開𨋢門就已經係餐廳，木系的裝潢，加上日式燈籠及海報，整間餐廳好有東瀛居酒屋的feel。環境舒服，都幾適合三五知己相聚食飯。由於大家都好肚餓的關係，所以都叫左幾多嘢食，準備開餐。首先有麻辣牛舌，味道香濃，牛舌非常入味，食落又麻又辣，好刺激。而且牛舌切成方粒，方便食用之餘又有口感。哇～呢個炸蟹餅好好食啊！外層炸到金黃鬆脆，非常可口，但入面就好creamy，口感幼滑，有淡淡的蟹味，好食。香濃美味的黑松露炒烏冬，唔好睇佢好似好平凡，不論氣味定味道都充滿住黑松露味，而且炒得夠火候，十分惹味 yummy～燒雞皮燒到卜卜脆，咸香十足好有風味，用黎下酒應該會好正。極度誘人的鹽燒五花腩，五花腩燒得好 juice，每一口都充滿燒肉香味，油脂感十足，加上用鹽作簡單調味，呢個五花腩認真好食！熱辣辣芝士蟹肉玉子燒，個玉子燒整得好靚，上面仲用茄醬寫左餐廳個名，好有家庭feel。玉子燒口感好滑，蛋味香濃，再加上芝士同蟹肉，令玉子燒不論口感定味道變得更豐富。香噴噴的蒜燒茄子，未食都覺得吸引。啲茄子肉燒到腍晒，而且係面頭晒滿

Tonight I went to this Japanese skewers restaurant with my friend. The place is full of Japanese decoration and very spacious. The spicy ox tongue was a great starter. It was spicy and tasty. It was good to chew. Me and my friend finished them within a min. The ice Chrysanthemum was sweet and refreshing. It really help with the thirst. The deep fried crab cake was delicious. It was creamy and full of crab meat. The outside was crispy and crunchy. The black truffle fried udon was quite special, i

不知不覺原來今日係七夕夜, 我就即慶帶左女友人去行下街. 我地去左旺角，嘩講真真係好熱所以我地行到邊就求其上樓揾野食, 咁岩就比我地揾到呢間深宵食堂！..佢呢間餐廳主打日式料理環境充滿東瀛味得黎又帶點住家feel.. 好舒服.. 野食方面我地就叫左d小食芥辣八爪魚，芝士大啡菇，帶子炒蘆筍，燒牛柳粒，燒物牛俐丫，燒粟米，有石鍋鰻魚飯 同埋個招牌鰻魚蛋卷。整體而言都唔錯.... 我地咁樣就簡簡單單過左個七夕夜...

呢排都想約個朋友出唻食飯聚舊, 咁搵餐廳嗰時, 就見到呢間個名好有趣嘅餐廳，好似日本嗰套日劇名, 好啦, 一於去呢間, 等左朋友之後就上去, 一出電梯就見到好多櫻花裝飾, 地方細細但好有日本風情, 成間居酒屋咁, 又可以坐得舒舒服服咁傾偈。前菜，熱食，炸物，燒物和熱食都多選擇，首先來是我地必叫的芥未八爪魚，芥末味濃郁又新鮮好惹味。這裡的大板燒都不錯，材料多醬汁味道剛好。沒想到會有那麼濃蒜蓉香，蒜蓉炒什菌和蒜片一口和牛粒，材料入晒味不錯。這碗豚肉生薑燒丼我和朋友都覺不錯，肉有口感而有勁多洋蔥，醬汁不太咸而飯都不少十分足料。喜歡吃豆腐的我到有糖揚豆腐就叫了一份，豆腐幾滑皮口感幾特別，有少少七味粉增加不少味道。串燒就叫了鹽燒秋葵，厚燒牛舌和葡萄豚肉串，沒想到提子和豬肉一起食不錯，少少甜又有豬肉少少燒脆口感好味，牛舌都厚身又保持到嫩滑有驚喜。最後來的是鹽燒鯖魚，魚質幾好燒皮有點脆而肉嫩，啖啖肉配檸檬汁最好。

呢度環境超靚～感覺好似春天嘅日本。厚燒牛舌，都幾厚片，燒得唔錯，唔硬。原條粟一燒，粟米燒得幾香，唔會乾爭爭。芝士蟹肉咖啡菇，大推，3種食材個味好夾，雖然芝士好香，但唔會遮左個蟹肉味，而個菇燒得好好，無出水。露荀炒柱貝，男胖子最愛，柱貝細細粒咁，唔錯。鰻魚玉子燒，相信係招牌菜，蛋味都幾清，而且幾滑。蒜片一口和牛粒，伴有菇片，味道濃郁。鰻魚石鍋飯，條鰻魚都幾長，石鍋keep 到個飯好熱，如果有多啲飯焦會更好。芥末八爪魚，好爽口，個wasabi 味較得唔錯！

I was having a drink with my friend after a light dinner in MK, and then felt hungry again. My friend suggested to go for a supper, so we checked openrice, found this newly opened Japanese Restaurant open until 2am. Let’s go and have some Japanese skewers 😊 It’s located in a newly furnished commercial building with only a few of restaurants. The environment was very nice, with a lot of traditional Japanese decoration. Seats are well arranged and spacious. Menu is very all rounded and prices are

今晚落勁大雨，行到附近就見到一棟新嘅building裏面有唔同嘅食店！ 諗都唔諗即刻入去食咗嘢先，望過天一陣會停雨喇！豆腐沙律～ 豆腐好滑呀！配上日式麻醬一流！沙律菜都係新鮮爽口嘅！ 沙律嘅份量係啱啱好，冰冰凍凍咁！好開胃！黑松露炒烏冬～ 所用嘅烏冬絕對係靚烏冬，食得出一定唔係平價貨！ 既彈牙又滑！ 加埋唔同嘅配菜去炒，見到色彩繽紛都好吸引，而黑松露味都好濃！鹽燒五花腩～ 食串燒一定會食啲邪惡嘅item，五花腩係必點嘅！ 動物嘅油脂用熱力迫出嚟，再流返落啲肉度！ 真係原汁原味！ 加上少少鹽吊味，簡直人間極品！和風炸雞～ 一碟炸雞嘅份量原來都唔細，共有五/六件， 選用嘅炸粉都係比較薄身，脆得嚟食到雞肉嘅質感！芝士年糕～ 呢個item係今晚嘅highlight，燒到啱啱好，外層軟綿綿，夾層芝士味香濃， 口感一流，完全帶到一個溫暖嘅感覺畀我！店內嘅環境好靚， 明顯花過心思去裝飾，啱曬女仔💕 亦有啲寫喺黑板嘅推介食品，既然推介得，一定會點一兩樣支持下！嘢食嘅item都算多價錢合理。

每晚開夜放工都餓到個肚打鼓，但為左健康著想又不能食得太飽，最好有輕量又好味的宵夜食就good啦。朋友介紹我黎尼度，好就腳，係家樂商場行過登打士街彌敦道斜對面就到。裝修光猛開陽全日式，天花好多櫻花，墻上有做舊日本懷舊牛皮紙電影海報。煙肉荔枝卷煙肉整得夠乾身，夠甘香。鹽燒五花腩五花腩表面燒得一樣夠乾身，裡面保持肉汁，肥瘦比例完美，好好食。鹽燒秋葵秋葵係我的最愛，燒黎食能夠保持秋葵本身原汁原味。冰燒菠蘿好得意，唔知點解叫冰燒菠蘿，菠蘿好新鮮好甜好香。露筍炒柱貝這是一個以外驚喜，炒得好好味，柱貝鮮，露筍甜，調味恰到好處，火候控制得好，完美。麻辣牛舌驚喜中的驚喜，第一次食麻辣牛舌可以咁好食，牛舌夠淰，加上好香的麻辣汁，絕配。麒麟啤酒食日式野根系要飲返杯麒麟啤酒。