深宵食堂

營業中

休息中

呢個深宵食堂餐廳地理位置非常方便。餐廳地理位置的裝潢同擺設都幾特別。我地坐低左無耐就陸陸續續多人黎，都坐到full house。我地嗌左都有成9樣野。煙肉荔枝卷鹽燒雞翼 冰燒菠蘿 汁燒雞髀菇 日式炒野菜 蘆筍炒柱貝 蒜片一口和牛粒 黑松露炒烏冬 豚肉生薑飯 外加杯麒麟啤酒…wahaha打開menu，見到食物種類都真係幾多，沙津，串燒，燒玉子，炸物等等。我哋當晚都好肚餓，於是就叫咗好9樣食物喇!汁燒雞髀菇好好食同好推介大家去嗌來食！燒汁完全無搶左菇嘅香味。鹽燒雞翼，當店員送來時，已經聞到好香，入口時，一口咬feel到肉質鮮嫩多汁，燒得啱啱好，自己好鍾意食雞翼，呢款雞翼絕對係encore之作。冰燒菠蘿都好ok，酸酸甜甜，燒得幾香口，而且鮮甜多汁香暖，真心好好味!煙肉荔枝卷，幾夠創新，用煙肉包著荔枝肉一齊燒，好得意又好食！燒到脆脆地嘅煙肉，同又甜又多汁嘅荔枝一齊估唔到原來咁夾，一鹹一甜味道幾ok。Overall價錢合理，而且味道都ok，呢間餐廳值得一試。

呢間串燒店，座落係熱鬧嘅旺角。因為係樓上鋪，玻璃又隔音，感覺寧靜，同朋友聚會，傾計都舒服啲。餐廳裝修同佈置都好日式，望落乾淨醒神。今次我同朋友盡情吃喝，食左好多野😋蟹籽沙律，份量大、蟹籽多、青瓜好新鮮。黑松露炒烏冬、日式炒雜菜，好濃醬汁味。大阪燒，勁多醬汁同配料、好香濃蛋味。雞泡魚乾係我至愛，呢度整得好香脆。燒菠蘿同秋葵，燒完仲鎖到水份，唔會乾憎憎。燒鯖魚，肉質鮮嫩👍🏻炸芝士球，外皮好脆，入面嘅芝士係流心㗎😋焗蠔，芝士覆蓋住成隻蠔，隻蠔好鮮甜。燒蒜蓉蝦，啖啖肉，爽口彈牙😋燒雞翼，肉質鮮嫩多汁。呢間餐廳唔止提供串燒，仲有提供鍋物，呢個泡菜鰻魚石鍋飯，用料好足，啲飯滲晒醬油味，淡淡好滋味。總結呢間餐廳性價比高，會再黎😊

最近睇左一套梁嘉輝的電影，叫深宵食堂，所以見到旺角有這間餐廳，所以試下，響油麻地港鐵站出響旺角方向行見到一個好細的門口的Ladder Dundas 3樓就係，一開lift門就已經係餐廳的櫻花裝飾，一梯一伙，枱椅以木色為主，感覺都好日式風情。店員遞上一叠點菜紙，有各款肉類、菜類串燒及小食，還有飯同烏冬。先來客燒雞翼$28，好香口，雞皮燒到淨返少少油份。甲羅燒$78蟹蓋放滿濃味蟹膏及不吝嗇的蟹籽，旁邊配上烤多士，味道襯落帶出蟹膏香味。燒牛舌$38，好爽口，用左大量黑椒，好惹味。豚肉露荀燒$38，豚肉薄薄的好香脆。叫左咁多串燒，當然要叫杯麒麟啤酒解渴，煙肉荔枝卷$38，甜甜地，好味。蒜片一口和牛粒$68，牛肉夠淋，牛味夠香，還有鮮菇片和蒜片夾埋一齊食。吉列廣島蠔$38，都好大隻，和風炸雞$48，雞件大件，有雞皮連住，好脆，炸漿夠薄。大阪燒$42，有椰菜絲，好爽脆。牆上貼上不同的日本漫畫海報，

收工行到呢度見到新開的餐廳設計理念同日本好接近即管坐底試下叫左日式炒面好好味同出面的港式炒面好唔同呢個做法偏向日本當地的做法呢個菜我記唔起咩名但我就勁中意吃一吃就係甘吃得我仲想叫多份最後不能錯過的鰻魚玉子燒姨？鰻魚呢原來鰻魚不露相係內面呀好正玉子內面充滿鰻魚香好融合呀最後我都叫反我每次去串燒店都必叫的雞軟骨因為雞軟骨吃得出係靚定唔靚試過吃到大陸來的雞軟骨好彩呢間的雞軟骨唔係大陸來的真係整得勁好味推薦大家一定一定要過來吃下同朋友聚會亦可以包場

旺角深宵食堂，夜晚食串燒的好地方！由沙律、前菜、一品料理，到燒物、炸物，都可以邊吃邊傾計，邊飲返杯嘆下。蟹籽沙律（$58）：開胃前菜。煙肉荔枝卷（$38）：煙肉包住荔枝，好juicy!汁燒雞腎（$28）：味道甜甜地，都幾惹味。厚燒牛舌（$38）：牛舌夠厚有咬口！鹽燒雞翼（$28）：雞翼燒得皮脆肉嫩，味道唔錯。名古屋雞翼（$42）：呢道雞翼比鹽燒雞翼更香口呢！燒雞皮（$28）鰻魚玉子燒（$78）：玉子燒好軟熟，內裡包住鰻魚，層次更豐富。不過茄汁字有點恐怖，哈哈。豚肉生薑飯（$48）：最後來點澱粉質，份量都幾多。洋蔥好香甜。

今日黎到位於旺角新大廈Ladder Dundas 嘅［深宵食堂］，唔黎都唔知呢度有間甘正既串燒店。串燒店裝修細緻，天花佈有多把滿滿日本風嘅雨傘，牆身又有日本燈籠，櫻花做裝飾。置身串燒店中，與朋友風花歲月，十分享受。串燒店多款前菜，燒物，炸物及主食， 任君選擇。最愛白鱔既我，當然要點汁燒白鱔同鰻魚玉子燒。汁燒白鱔外面好少食到。呢度既燒白鱔很不錯，厚肉，鱔皮烤得香脆可口，強烈推介。而鰻魚玉子燒，玉子中間亦夾住大大塊，厚厚嘅鰻魚。我未食過甲羅燒，其實連聽都未聽過，怨我孤陋寡聞。🙈如果你是蟹癡，就唔好錯過呢個甲羅燒。釀滿左蟹蓋，再加咗啲蟹籽，香氣不斷翻滾，配埋旁邊嘅多士，簡直一流，唔會太漏又充滿蟹香。呢度好強酒精飲品，啤酒，清酒等等，唔算太貴。如果唔係揸左車，真係叫返支清酒飲下。

Yo! 終於唔洗過海都食到深燒食堂啦😎🥚鰻魚玉子燒🥚香噴噴嘅蛋味，切開見到好大條鰻魚 😍 原本以為只係有啲鰻魚肉粒，所以超乎想像😂 份量非常足，食完大滿足。💥炸物💥炸得好，唔會食到一口油，上枱時仍然熱辣脆身。蟹餅同炸蠔都鮮甜，如果蟹餅多啲蟹肉增加口感更好。🍍燒蔬菜🍄冰燒菠蘿好好好味，又甜又多汁。芝士蟹肉大啡菇嘅啡菇都好juicy，同平時好膩嘅芝士平衡到😋🥗蟹籽沙律🥗青瓜絲幼細，爽口，蟹籽充足，仲有蟹柳絲增加甜味。🥒明太子配青瓜🥒原來可以咁樣配搭！爽口清甜青瓜，同火炙辛味明太子，一爽一軟，一甜一辛，口感與味道衝擊，好好味，好開胃！下次要喺屋企試下咁食。

深宵食堂是銅鑼灣的人氣餐廳，最近旺角開了新店，於是就約朋友去食晚飯嘆串燒，放鬆一下。我們叫了很多串燒，有荔枝煙肉，味道幾清新，荔枝中和了煙肉嘅油膩。白鱔串也是我的最愛，燒得很香脆，肉質爽滑，真的美味。唐揚豆腐外脆內軟，香口惹味。鰻魚玉子燒賣相超吸引 ，玉子很嫩滑，鰻魚份量多，很香。芝士蟹肉大啡菇味道香濃，蟹肉足料。 一眾美食再配上一杯清新解渴的菊花茶，全日的壓力和煩惱盡消。在深宵食堂內和朋友傾談，邊食美食，真的是一大享受，讓人忘記一切煩惱。而且這裏的環境和服務也不錯，下次會再來。

唔知係咪因為中秋就到嘅原因，開始覺得有啲秋意所以特別想食串燒，加杯啤酒真係生活態度我地點左個蟹子沙律做前菜，另外仲有一碟黑松露炒烏冬之後就開始我地今晚既主菜: 串燒燒雞翼應該無人會抗拒架啦，依到既雞翼皮脆肉汁多，唔會令人失望啊！蟹肉芝士燒大啡菇 鋪滿左滿滿既蟹肉 一啲都唔孤寒當然唔少得海鮮啦 今次點左燒生蠔同埋燒大蝦啲蒜蓉牛油嘅醬汁真係非常香口🤤最後再點左個紫薯波同埋燒菠蘿作為甜品為豐富既一餐劃上完滿句號

深宵食堂過往都係銅鑼灣食過無數次！依家登陸旺角啦，以後收工又有新聚腳點🤤🤤仲加入全新既日式串燒系列，最鍾意係佢嘅燒白鱔，同過往食到嘅燒汁鰻魚好唔同，肉質非常紮實彈牙，油脂分布非常高，入口好濃嘅魚油香🤤其餘仲食咗炸芝士年糕 同平時喺放題食到嘅唔一樣 入面嘅芝士係相當creamy 最後嚟多個鰻魚石鍋飯係超級有驚喜 個鰻魚係大條都唔駛錢咁 食落相當肥美而且啖啖肉好有滿足感原來食宵夜都可以有咁多食物款式選擇了

今次係第一次來食，係和朋友搵緊食之時，在登打士街抬頭一望，見新裝修的大廈好似有野食，外觀好靚，係落地玻璃可到落街的，就上左去睇睇，就來到這間了。這裡環境唔錯，擺設好得意好靚，係應該未有人發掘到，所以無乜人食，冷氣好凍好大風。野食都唔錯，我地食左螢光魷魚、鹽燒秋葵、鰻魚玉子燒、厚燒牛舌、汁燒白鱔、豚肉生薑燒丼，全部都好好食，第一次食螢光魷魚，好得意，都會再幫襯呢！我地坐的位置係冷氣凍左d、大風左d，建議坐窗邊會好d，但下次來都要帶定件風褸來著先好！

放工難得約咗個朋友出街食飯，去咗旺角一間日本食堂：「深宵食堂」，主打串燒小食，亦有提供炒烏冬等主食。樓上舖，一出電梯，就如去咗另一場景，櫻花的佈置、牆上貼上日本漫畫的海報，影相打卡一流！可能時間尚早而且係平日，人不算多，店員安排我們坐在窗邊位置，自成一角，可以同朋友靜靜地傾下計。介紹下食咗咩先：日式炒椰菜份量都ok，有椰菜、雜菌等，配日式醬汁 甲羅燒蟹蓋放滿香甜的蟹膏及蟹籽，配上暖暖的脆多士，食完係覺得唔係好夠喉，好想叫多份囉！黑松露炒烏冬黑松露極之香，食完一段時間，濃濃黑松露嘅味道仍然存留在口內🤤名古屋雞翼最欣賞這個，熱騰騰、雞皮燒得脆脆，內裡肉汁香濃，雞肉嫩滑，正👍蒜片一口和牛粒牛肉粒大細適中，配上小許甜的醬汁，不錯鰻魚玉子燒主打食品，厚厚的玉子燒，包住成條鰻魚，影相打卡一流！📷鹽燒羊扒羊肉一向都小食，但這個都ok，廚師仲將羊架的肉切開一件件，方便食用，啖啖肉最後我們又傾又食，兩個鐘好快就過咗，滿足的晚上，這裡可算是一個Girls talk 嘅好地方☺️

放工同朋友去開旺角，唔想成日去酒吧飲酒，所以就搵咗間日式居酒屋食飯放鬆下。餐廳佈置主要係用木同櫻花作主題，充滿日本風味，另外仲有一邊牆放有好多日本動漫公仔同海報。玉子燒分量十足，仲好得意咁樣寫咗佢哋餐廳個名‘深宵‘除咗嫩滑嘅蛋之外入面仲有鮮甜嘅鰻魚，兩種滑溜溜嘅食材好好味。 甲羅燒配多士蟹膏加埋多士簡直係絕配，濃郁嘅蟹膏加香脆嘅多士食落真係好好味。安康魚肝特別推薦呢一個，口感似鵝肝入口即溶而且多咗一份海鮮嘅鮮甜加埋啲醬汁簡直一流。吉列炸蠔新鮮嘅蠔好甘好甜，炸粉份量啱啱好，香脆得來唔會食到好厚粉。牛舌串燒必食，切得夠厚，好有牛味之餘爽口彈牙鹽燒五花腩豬肉燒得好香脆，配合五花腩本身嘅脂肪，口感同好有日本風味嘅居酒屋。

今晚和舊同事約在舊公司對面的深宵食堂吃日本菜。原本安排坐了的位置很冷，細心的待應即時安排另一邊靠窗的位置，可以望到舊公司和彌敦道， 回顧我們的少女時代。鰻魚玉子燒 - 打咭一流， 厚厚的玉子燒 包著原條鰻魚， 一口咬落去， 口感軟硬交集很特別。甲羅燒 - 蟹蓋放滿蟹膏蟹醬蟹子， 搽於小多士吃。四塊的確不夠吃。黑松露炒烏冬 - 本身覺得佢平平無奇 我之後濃烈的黑松露味撲鼻而來， 氣味誇張到隔離檯的人也聞到。 烏冬軟硬適中， 彈牙可口， 配上野菌雜菜，好吃。日式炒野菜 - 蔬菜菇類菌類 集於一身 配以日式調味， 吃肉的同時也要吃多點菜，救救地球。名古屋雞翼 - 芝麻粒雞翼 味道有少少辣， 雞翼尖唔好嘥。 吃了一口雞皮是微脆， 感覺沒有很多脆粉。蒜片一口和牛粒 - 和牛粒大細適中，油花ok， 好嫩滑，蒜味不大易入口。鹽燒羊架 - 有羊騷味但不太濃。而且廚師很細心 羊架肉切開 一條條， 方便夾起及咀嚼。是身心都好滿足的一個晚上，和同事談了足足兩小時，暢所欲言。

今日同老婆撐枱腳二人世界 ，老婆話口淡淡唔想食得太飽 又唔想食魚生！ 不如食串燒 👍🏻idea🥳。 搵咗呢間 “深宵食堂” 同電視節目名好相似😝 網上評價都唔錯 就去試下 ! 佢喺Ladder Dundas大廈，油麻地地鐵站一出嚟就係 ，交通非常方便！一入到去好有居酒屋feel 天花全部佈置了櫻花 🌸牆身貼滿了宮崎駿動畫的海報 ，餐廳嘅另外一邊係玻璃幕牆 ，可以一路食 一路睇街景 🖼整個環境令人有舒適嘅感覺！食串燒 點可以唔飲酒呢 ！我哋order咗 2杯Asahi🍻 再慢慢睇menu， 夠冰凍❄煙肉🥓荔枝卷🍡煙肉嘅鹹 配搭荔枝嘅 juicy甜 配搭出奇的驚喜 🎉必食👍🏻辣酒煮蜆Sake嘅🍶酒香加入牛油 日式煮法另有一番風味😋黑松露炒烏冬🍜松露控必叫 ，好多黑松露絕不吝嗇！炸北海道魷魚絲🦑此魚絲 先烤後炮油 逼出魷魚味 令人耳目一新 ，服務員建議趁熱食，不錯推介👍🏻燒虎蝦🍤燒烤火候啱啱好 有肉汁 優質貨名古屋雞翼灑上芝麻 十分惹味😋另外值得稱讚 服務員 服務態度良好👏🏻 細心 講解 推介， 識時不會打擾客人聊天！