深宵食堂

營業中

休息中

我系真系可以每日都食串燒ge人嚟咖🤣🤣深燒食堂我之前已經食過銅鑼灣嗰間 而加喺旺角開左仲方便我仲要收2點 我呢d宵夜人就最fit! 我同老公二個食 叫左蟹籽豆腐沙律 雞泡魚肝 炸蟹餅芝士蟹肉大啡菇 一定必點ge串燒三寶 牛脷！雞翼同雞軟骨😍😍😍 飲品就叫左杯巨峰提子🍇梳打雞泡魚肝燒得好香口呀配埋Mayonnaise一流！蟹籽豆腐沙律系我必點ge前菜大啡菇一路食一路流汁！好juicy 好好味呀d串燒 收得夜又坐得舒服😌食物選擇又多想飲二杯啤酒🍻清酒🍶梅酒都一樣有而加旺角都有埋分店 又多一間選擇🥰🥰其實我未夠喉咖 仲有雞皮 日式炒野菜 煙肉荔枝卷鹽燒五花腩 芝士蟹肉玉子燒都好想食咖！一路打字一路後悔緊呀 嗚🤢🤢

見近排都好耐冇食過日式串燒，琴日就決定同朋友一齊食下啦黑松露炒烏冬呢碟烏冬黑松露味超香，而且加入左好多菇菌，令到香味同埋味道都十分之好安格斯牛柳呢款牛柳係會有兩串，絕對抵食，而且調味得啱啱好，食得出好香嘅牛肉香味蒜燒茄子呢個蒜燒茄子，加入左大量嘅碎蒜，證明左餐廳廚師嘅心機，而且同樣調味得啱啱好，令人食極唔停口焗蠔焗蠔同樣有兩隻，抵食！！芝士控必食！！！和風牛肉餅呢款牛肉餅好似喺日本食緊咁，充滿日本風味，而且配上嘅醬汁微酸，令人越食越開胃

仔仔多左功課，加上不嬲對功課冇好感嘅佢....更加令我氣了又氣！😤真係好需要出去抖氣，嬲嬲地叫老公陪我出去飲番杯🍻咁就不如去下居酒屋嘅《深宵食堂》食下串燒飲下酒！舒一舒個悶氣！.我嘅悶氣其實同香港🇭🇰嘅都好接近，但估唔到呢到好爆，好多人，枱接枱冇停過！好在我地訂左位先唔需要等！.黎到當然㨂串燒食啦！🍢燒雞皮🍡豚肉露筍卷🍢厚燒牛舌🍡燒雞軟骨🍢燒雞翼🍡汁燒雞腎🍢甲羅燒🍡芝士蟹肉大啡菇🍢炸北海道尤魚燒🍡大板燒🍢安康魚肝🍝黑松露炒烏東真心講，串串我都好鐘意食，好欣賞佢地用心製作食物！我係一路食一路同豹爹講「好好味！好好味呀！」😋🤤.而最鐘愛應該係:-燒雞皮（香脆又唔乾，好野味）-豚肉露筍卷（豚肉香香的加露筍脆脆的，口感好之如味道正）-燒啡菇（燒得好juicy)-安康魚肝（厚厚嘅口感+香滑）.當然唔小得我杯啤酒🍻啦！食串燒+飲酒係絕配呀！

同男朋友講左好耐想食串燒，係油麻地行行下就經過呢間深宵食堂！由於食既時間都有啲晏，我同男朋友都好肚餓！一見有咩想食就畫呀畫，叫左勁多野食！再加杯啤酒！爽！先黎雞泡魚干 - 最好既佐酒小食😋去親串燒店必點！而呢到既魚干做得幾出色！甜甜地，見到都流口水，食落既感覺好特別！必食！再黎原條茄子加上孜然粉🤪又幾夾喎！同埋條茄子食得出幾新鮮，燒完啲都仲好Juicy！然後叫左燒雞翼，個種切法令人食雞翼既時候唔會因爲要拆骨而尷尬，可以開胃大嚼🤪🤪食多多都唔怕！最後有非常Juicy既牛柳粒、好Fresh既雞脾菇、好Sweet既紫薯，今晚真係捧住個肚番屋企🤪另外大家食串燒成日會遇到既困擾可能係，食完件衫會好大陣味。而食完呢間食堂就一啲異味都唔會有！仲好夠冷氣添！環境一流！總結深宵食堂係一定會再番食😋😋😋

同媽媽行完街肚餓就搵吓有邊度好嘢食行行吓經過見到旺角原來都開咗深宵食堂之前喺銅鑼灣經過好多次已經好想試今次難得同媽咪兩個人食飯唔使因爲小朋友左就右就 再加上都冇乜頭緒食咩所以我哋就揀食呢間 雖然呢間價錢吳平中間位二個人食左五百幾 但係每一樣野都好有水準我個人比較推介豚肉荔枝卷好特別 同埋意想不到配搭得甘好仲有甲羅燒 食得到我日本食既味道燒茄子係原條燒 好大條 辣辣地幾惹味嗰度嘅環境會令你好似置身於喺日本佈置得同日本嘅居酒屋一樣會擺一啲figure公仔我覺得幾舒服

放工同同事happy hour，但係又食厭左酒吧D食物，所以就試下居酒屋。搜尋一下，見到深宵食堂都好似唔錯，就同同事起行去覓食。店內設計給人好舒服的感覺，是談天說地的好地方。打開餐牌發現有很多食物選擇， 例如有一品料理、主食、燒物、炸物、沙律、小食、等等。Happy hour 少不了的啤酒厚燒牛舌非常爽口，牛味濃郁，加上簡單的黑椒調味，味道提昇不少。鹽燒五花腩～ 食串燒五花腩係必點嘅！油脂用熱力迫出嚟，再流返落啲肉度！真係原汁原味！ 加上少少鹽吊味，簡直人間極品！甲羅燒吃到蟹的鮮香，每份甲羅燒都伴隨一塊烘多士，把蟹膏厚厚地塗在多士上，香脆的多士和帶鹹鮮味的蟹膏相互起了神奇的化學作用，令人回味無窮。    大蔥雞肉串香噴噴的串燒，絕冇雪藏味，大葱非常新鮮，爽脆清新。豚肉生薑飯份量都幾多，豚肉爽口，洋蔥好香甜，抵食之選。安康魚干鵝干般嘅口感，味道非常鮮甜，個人十分推薦必點！

返工每晚收到甘夜，莉莉子都做到無哂心機，係時候要學識放鬆下🥰🥰今晚同位姊妹黎到旺角呢間新開既「深宵食堂」，最開心既當然係有好多居酒屋串燒同啤酒啦，老闆仲要係甘同我地傾計添😆😆😆要飲啤酒當然唔少得食串燒同炸物啦，呢間深宵食堂提供好多唔同類型既炸物俾客人選擇☺️當然要介紹下我地食左d咩啦🍢🍢吉列炸蠔好脆好熱，送酒一流，另外朋友叫左個忌廉蟹餅，老闆好細心預先切成一份份，入面既忌廉餡爆哂出黎，好正😚😚另外點了煙肉荔枝卷，外面好脆入面甜甜地，勁正☺️☺️特別要介紹下呢個貓飯，莉莉子本住好學既精神問老闆咩係「貓飯」，簡單黎講就係木魚絲加醬油，感覺好似食燒餅既飯甘，都幾得意😆😆特別要介紹呢個甲羅燒，賣相已經非常靚。濃濃既蟹膏加上大量超多既蟹子，用黎配方包真係超級好食，塊方包仲要係烘左嫁，十卜十卜🙋🏻‍♂️🙋🏻‍♂️🙋🏻‍♂️埋單都係500蚊兩位連加一，係一間甘有氣氛既居酒屋，又有老闆殷勤既服務，莉莉子一定會介紹俾多d人識😎😎😎

有晚突然想吃日本串燒見到旺角新開左一間深宵食堂又見到有龍珠高達做擺設老闆識貨👍🏽一於就入去試下見到單餐有個甲羅燒個名好特別即管叫個黎試下一黎就見到滿滿蟹膏加飛魚子擦上麵包度勁好味🤤回味無窮呀勁度👍🏽👍🏽大推呢味菜老闆勁度推薦的豚肉露荀卷薄薄的豚肉包住個露荀清甜可口只可恨得幾條未到喉🤤叫左茄子🍆，羊架，冰燒波蘿，焗蠔，呢個去邊都一定要吃的虎蝦，新鮮蝦味重🤞🏽好正最後仲有鰻魚玉子燒

以前喺銅鑼灣食過深宵食堂，近排見旺角開咗分店就搵埋友人嚟回味下。友人無酒不歡，啤酒夠凍唔錯。巨峰提子梳打味道夠甜。汁燒雞腎 - 咬落韌韌地有口感，燒得好入味。安格斯牛柳 - 肉質鬆軟多肉汁好juicy，好好味！厚燒牛舌 - 口感軟中帶韌，燒得唔會太乾身。芝士翠玉瓜 - 口感爽脆，芝士燒得半溶有啲痴牙。和風牛肉餅 - 外層炸粉香脆，中間嘅薯蓉香濃軟滑，可惜牛肉比較少。鹽燒秋葵 - 好爽口，味道鹹鹹地唔錯。日式炒麵 - 炒得好入味，味道有啲似大阪燒。鰻魚玉子燒 - 玉子結實唔會一夾就散，食落味道比較偏淡，加埋茄汁味道啱啱好。

深宵食堂是一套日本漫畫及電視劇。講述好多不同得小故事，當你坐進食堂你就好有機會成為小故事的主角。今日我好開心成為主角，因為約左朋友來旺角呢間食飯吹水。門一開一陣和風味已經吹出來，墻上貼滿不少動漫海報及放置了不少“figure。我呢個宅男點會唔識啊!同朋友吹水點唔可以叫野食：先來一個蟹籽豆腐-好清新豆腐配上蟹籽真係醒胃。再來一個煙肉荔枝卷 -燒過香脆煙配上多汁荔枝肉。呢個停唔到口一次食晒三粒。來到點可以唔食玉子燒-厚厚的玉子夾住鰻魚又真係幾好食。和風點會唔食大板燒-呢個汁做得幾好，堅係好美。我好喜歡肉食更係食埋個鹽燒五花腩-師父手藝真係不錯。燒到外面乾身，但內裏有肉汁。最後更係食個包肚，鵝肝什菌石鍋飯~燒過鵝肝油份撈埋什菌及珍珠米。一定會在來食過。總結深宵食堂係一間食品有質數的食堂。

之前食過銅鑼灣店，見旺角開咗分店，就帶友人去試吓。地點好方便，就喺正彌敦道。一出𨋢就係食堂，裝修好日式。食物種類同銅鑼灣店類似，又有酒飲，正！先叫咗杯生啤同巨峰提子梳打，凍冰冰，好解渴。汁澆雞腎 - 好彈牙，個汁都好搶味安格斯牛柳 - 好驚豔，牛柳好淋，又juicy，燒完一啲都唔乾日式炒麵 - 傳統日式炒麵味，令我諗起大阪燒鹽燒秋葵 - 好清新牛肉餅 - 台灣的可樂餅，中間嘅薯蓉好幼滑，甜甜地幾好食，不過唔係好食到牛肉燒牛舌 - 好厚身，加檸檬汁，好好食芝士翠玉瓜 - 芝士可以再燒耐啲，而家芝士同瓜係分開鰻魚玉子燒 - 招牌菜，玉子好滑，一啲都唔老，又唔會生到有蛋汁，火喉控制得好好高質日本食堂，價錢又唔貴，老闆又親切，會問食客意見👍🏻

平時夜晚出街食野多數都係打邊爐，但之排深宵食堂登陸旺角 na🚩環境舒服安靜～，好適合同朋友去傾下計 🗣 牆上既海報加上櫻花既裝潢仲有好多模型擺設好有日本風格🇯🇵 首先點左四杯巨峰提子梳打🍇鰻魚玉子燒上面蕃茄汁寫上深宵兩字🍳 而入面就係肥美嘅鰻魚😋 黑松露炒烏冬🥢黑松露令到個烏冬超香濃 🍥 麻辣牛舌厚係切，好有咬口👅另外當然唔少得串燒啦🤫蒜蓉燒虎蝦🦐蒜燒茄子🍆芝士蟹肉咖啡菇🍄全部都好足料🤤安格斯牛柳🐄蒜片一口和牛粒🐮呢 2 款牛肉都好濃牛肉味，所以就算冇乜調味都已經好正，另外叫左芝士年糕🧀汁燒雞腎🐓鹽燒雞軟骨🐔炸蟹餅🦀紫心芋丸同大阪燒，呢啲都係我好推介俾大家嘅嘢食

朋友介紹旺角有間間式餐廳幾有feel《深宵食堂》, 所以今日帶老公嚟食飯拍拖，6點我哋第一枱入座，可以坐窗邊，聽住正歌，點完餐望住樓下人來人往幾有feel, 而且餐廳佈置都好充滿日風，超多宮崎駿poster👍我哋今晚叫咗... 串燒雞腎➡️雞腎燒出嚟唔靚仔，但味道調得一流，呢個必點蒜蓉燒大蝦 ➡️比預期中大隻，但只得一隻，蝦有鮮味，係用靚蝦，抵讚，但唔算抵食燒蕃薯 ➡️無估到呢隻蕃薯，有d意外，不過味道ok嘅燒牛舌➡️好味，唔會太乾身燒雞泡魚乾➡️之前未食過，第一次食，甜甜哋幾得意，伴酒食應該唔錯。燒秋葵➡️出街食飯都要搵d蔬菜食下，所以點咗平時好少係屋企煮嘅秋葵，燒乾身咗，比平時易入口，幾好味。炸廣島蠔➡️一碟4隻，抵食，必點北海道雞翼➡️一碟3隻都抵食，炸得幾香口大阪燒➡️細細個餅，兩個人食岩岩好，粉同配菜比例合適，唔會成口淨餅，同醬汁味道好夾，必點日式炒麵➡️味道ok, 不過炒得濕咗少少，配菜比多少少會好d.整體嚟講呢間餐廳非常岩同朋友上嚟吹水飲嘢叫d小菜食下咁，地點就腳，冷氣夠，坐得舒服，服務都好好，點餐後需時等候，因為即叫即燒👍

今日四個女仔走咗去食串燒，首先一去到好驚喜，裝修好日系，而且有好多海賊王。海賊王嘅我表示心心眼😍而且坐得好舒服，影相打卡都一流。我哋就點左個鹽燒鯖魚。首先條魚好大條啦，而且好新鮮，燒到啱啱好，魚肉好滑，而且冇咩骨。雞泡魚干我最鍾意食嘅雞泡魚干就係甜甜地，而且咬落好有口感，加埋特製沙律醬，好好味呀。呢度嘅焗蠔一定要試，首先蠔超大隻，上面一層層芝士，雙重口感，蠔真係好新鮮，咬落仲有一浸海水鮮味。蒜蓉燒虎蝦，鍾意食蝦嘅一定要點，蝦好大隻，而且好新鮮。加埋蒜蓉喺上面，好野味。黑松露炒烏冬。真係好多黑松露㗎而且烏冬炒到好爽口芝士焗大姑，菇好 juicy 最後我哋一路飲啤酒一路食串燒，唔覺唔覺食咗好多嘢。但係每個人都係百零二百蚊。好抵食👍🏼👍🏼👍🏼

前晚，去開果欄買水果，買完之後順便係附近食少少嘢。油麻地旺角一帶，想搵間悠閒嘅地方慢慢食，慢慢坐，上網search 到附近有間叫「深宵食堂」，睇相見環境幾特別，就上去了。門一開，成間係日本佈置的，6點幾去到，未有太多人，落完單之後，影吓舖頭嘅擺設先，幾靚的。問店員推介咗幾款小食。甲羅燒：睇完個名唔知係乜，店員話係蟹肉蟹籽配小多士。少少咸咸地塗上多士，多士烘得脆，配搭唔錯。大阪燒：平時去日本必食，見到呢度有，試下先。細細件，上面好多木魚，味道同日本食嘅都好接近，推介!!鰻魚玉子燒：自己本身喜歡食鰻魚。一大板玉子入面，藏住一塊鰻魚，加埋上面嘅茄汁，鮮甜。蒜燒茄子：上枱時，嚇咗一跳，一整條好大呀。茄子肉上灑了七味粉同蒜蓉，好惹味，微辣，用來撈飯好正。鵝肝什菌石鍋飯：珍珠米配什菌，本來淡淡的，但重點係件鵝肝，一啖飯配一小口鵝肝，中和番個味道。總括呢度嘅食物，都幾有心思，賣相唔馬夫，碟碟都係靚靚咁上枱，配搭特別。有飽肚嘅主食，亦有佐酒小食。