淥鼎記

營業中

休息中

因為真係好食，所以朋友又拉埋我過黎打邊爐，今次黎係要試下佢地嘅雞煲！一如既往，閒日都係座無虛席。雞煲可以選擇辣度，我地要左小辣，因為雖然我哋唔係好食得辣，但係辣辣先更香嘛！雞煲好快上左，店員好熱心會提示你幾時要打開個蓋摷下個底，幾時熟食得。雞煲個汁好個杰撻撻，雞件又滑又入味。因為有芫荽同洋蔥，所以辣得黎又香。打邊爐我哋要咗花膠美人鍋，花膠非常多！要個清啲嘅湯底更能突出肉類嘅美味！牛肉我最中意依道嘅美國安格斯牛板翼，一板兩件，同塊板一樣禁長！牛板翼雖然睇落脂肪冇好多，但牛味濃之餘，肉質係最細膩，估唔到依個價錢可以食到咁高質嘅牛肉！另外，我同朋友最鍾意嘅係依度嘅炸魚皮，大大塊之餘非常新鮮，絕對唔係炸過夜勁硬咁。自助吧我最多會攞嘅係手工雲吞，做得係好唔錯！

天氣凍，邊爐小隊係時候出動 😌 作為一個好鍾意打邊爐嘅小朋友，我梗係做足功課啦！今次特登去淥鼎記打邊爐，朋友仲大讚我揀得非常之好添 🙆🏻‍♀️椰子雞打頭陣嘅係椰子雞，新鮮嫩滑嘅雞肉配清甜嘅椰子湯，既滋潤又好味，未打邊爐我哋已經飲咗兩大碗 🤤 個雞仲有配埋青檸汁同埋特製嘅醬油，好特別 👍🏻 而呢個可以自己加青檸汁嘅醬油，原來攞嚟沾羊肉都係一樣咁好食！😆 由於個湯實在太好味，所以我哋食完啲雞之後就直接用佢嚟打邊爐 👏🏻錦繡前菜：青瓜、鹽酥雞、胡椒豬肚、檸檬鳳爪鹽酥雞啖啖肉，炸粉薄而且鹽酥味剛剛好 👍🏻 青瓜就鮮甜爽脆，酸酸辣辣夠醒胃 😋 胡椒豬肚超入味，係連配菜粒白豆都超香胡椒味，勁正！大推個檸檬鳳爪，酸酸辣辣又有檸檬清香，勁Fresh 😍 我第一次食檸檬鳳爪，估唔到咁好食 🤤肉類：安格斯牛、伊比利亞黑毛豬、羊肉、鮮雞件佢嘅安格斯牛有三款：極佳級精修牛、牛肩胛同埋牛板腱，配埋黑毛豬都仲有羊肉同埋雞件，食肉獸表示大滿足 🤤 賣相新鮮，入口充滿肉香，正 👍🏻丸類：手打鯪魚丸、手打蝦丸、手打墨魚丸、黑松露豬肉丸手打丸類全部都勁爽口彈牙，食得出食材係非常之新鮮 😍 出邊嘅自助吧都有好多丸可以揀，例如

冬天食火鍋特別暖笠笠，早前專登約埋朋友仔到觀塘 淥鼎記 一齊食火鍋聚一聚，120分鐘火鍋成人價只需二百頭，真係超級抵食，性價比高先來前菜拼盤，賣相相當吸引：有爽口的拍青瓜、白雲鳳爪、豬肚和炸雞～再來3選1食品，可以揀重慶麻辣雞煲、酸菜魚、椰子雞，樣樣都係我嘅至愛，選擇困難症～ 最後我地揀左雞煲（小辣），滿口麻香好惹味，雞肉肉質又滑又結實，好入味呀～食完雞煲就到真正嘅火鍋時間，湯底我地揀左花膠美人鍋，夠晒滋補養膠，真材實料～必食手打蝦丸、墨魚丸、鯪魚丸，好彈牙爽滑呀！美國安格斯牛板翼、牛板腱、肥牛、伊比利亞黑毛豬、豬肋條等優質肉類和雞件都可以任點任食～ 仲有我地大愛嘅雞子，漲卜卜，好好味～自助區有數十款火鍋食材：響鈴、山根、炸魚皮、鴨血、帆立貝、牛柏葉、多款餃子、麵類、蔬菜菇類等，食材好新鮮，而且會用蓋蓋好，好衛生！飲品都係任飲，有清怡的竹蔗茅根、茶類和汽水等任均選擇～好開心好滿足嘅火鍋晚餐！整體來說，呢度嘅出品都幾高質，絕對對得起個價錢！卡位座得好舒服，私隱度高，而且店員服務勤快，招呼唔錯，難怪未夠6點已經人頭湧湧，睇嚟我地下次要早啲book定枱了～

朋友介紹黎呢度食任食火鍋，我本身食量少，又唔食辣，所以好少去食而家時興嘅任食邊爐😆見朋友大力推介就試吓啦朋友話呢間好處係無限時同埋坐得舒服，我哋四個人都可以坐張好大嘅卡位一嚟到已經上咗碟刺身，有鮑魚又牡丹蝦又帆立貝，都好豐富，仲有前菜四小碟主菜係六揀一，我哋揀咗老壇酸菜魚，四個人淨係食呢碟都飽左😌，啲魚好滑好多肉同埋都唔會好辣，幾好食食晒熟嘢就開始打邊爐啦，我哋揀咗豬骨鍋，再上埋頂級手切牛同豪華海鮮拼盤，淨係食呢啲都飽晒，完全唔需要出去再攞其他嘢食🫣無限時嘅好處係我哋由七點鐘坐到夜晚11點半😆😆雖然好快就飽晒，但係又可以飲吓嘢食吓雪糕，都係一個幾好聚會嘅地方嘅

食最貴個餐$488(4位起)，要早一日落訂入座已經係冇安排，店員服務勁差，一個話揀咗食咩湯底同個主菜食乜先，我地揀好第二個人又話食哂前菜再嗌，好混亂。最後埋單見單冇扣訂所以問吓，店員語氣好似欠咗佢咁，真係好趕客。除咗火鍋料之後其他野都好食嘅豉椒鵝腸有鑊氣，鵝腸唔會太肥。鹹蛋黃炸魚皮 新鮮炒起，甘香惹味！時令刺身店員擺底就走，完全冇介紹，唔知乜鬼魚，反正白身魚淡而無味，好在唔腥生醃海鮮有鮑魚、蝦同龍蝦味道正常偏鹹 加咗最憎嘅臭茜 可能要辟味？🥲食完都冇人肚痛嘅🤣主菜揀咗酸菜魚魚片夠薄無骨，叫咗小辣，但依然多麻小酸🤣 入面仲有寬粉酸菜萵筍好多料，四個人食成盤都已經飽咗😅手切牛有牛舌同其他唔知咩部位，唔算高質素嘅牛肉，出面食其他任食打邊爐，啲質素都隨時好過佢沙巴躉真係原條上，去晒骨，魚片都係夠薄，易熟，唔腥除咗肉類同海鮮係手機落單，，其他火鍋料係自己出去拎，我比成$5xx冇expect好似$2xx火鍋店咁自助😅主要係佢拎嘢食個位好細好窄，兩個人拎緊已經好迫，嘢食擺到密密麻麻，感受唔太良好。嘢食選擇都唔算多，都係啲丸、餃子同菜。同行朋友話鴨血有怪味。總括嚟講，佢嗰堆前菜比火鍋出色，火鍋料普通到

今日和同事慶祝生日，去左觀塘亞太中心8樓嘅淥鼎記飲茶。我哋8人叫左好多點心，其中有幾款點心特別精緻。流心紫薯酥，好鬆脆，因為流心加上係紫色，令到賣相好靚🤣嫣紅黃金流沙包，粉紅色有金泊起面，有啲唔捨得切開佢食🤣，仲有裡面熱騰騰嘅流心奶黃，真係好好味。每人消費都係100元左右，都算低食

叫既係尾二貴既套餐整體上都唔錯刺身好新鮮，尤其是帶子好甜，蝦就差少少，但係已經比我去其他包埋刺身既店鋪要好得多前菜感覺一般，除左鹽酥雞以外既都麻麻地。雞煲要大讚👍好惹味而且雞件好滑，但可惜係呢個價錢居然無得refill至於任食既打邊爐個人就覺得麻麻地，湯底我地選擇左胡椒豬肚，無特別出色既地方，而出去攞既材料亦都好一般。

早前去觀塘搵朋友敘敘舊，咁佢就建議不如去飲茶喇，可以慢慢坐傾下計(⁎⁍̴̛ᴗ⁍̴̛⁎)野食黎到，賣相幾好所有點心都幾好食，相比起同等價錢既集團酒樓更為出色而且環境衛生都更好-黃金鮮蝦餃 $18-野菌鮮蝦菜苗餃 $28-鳳爪排骨蒸日本珍珠飯 $38-鳳凰鮮蝦腸粉 $32-香芋天鵝酥 $36-酥皮菠蘿叉燒包 $28

窩夫與𧎚子餅某星期六下午二時左右到達「淥鼎記」，沒有下午茶優惠但還要等位，午市點心供應至三時半。約2時25分入座，幸運地被安排坐在窗口位。「淥鼎記」的茶(每位$9)是用獨立包裝的茶包，窩夫與蝦子餅選了香片，其他選擇有鐵觀音、普洱和壽眉。手機落單不久，蟹籽龍皇燒賣($18)便火速送到，水準不俗。黃金鮮蝦餃皇($18)看來很有貴氣，蝦肉鮮甜，整體來說比燒賣遜色。蠔皇叉燒包($26)的包皮裂開露出叉燒餡，汁都要流出來了，包皮口感鬆軟，餡料鹹甜適中，水準之作。特色奶皇流沙包($30)一籠三個不同顏色不同表情的，十分可愛，掰開鬆軟的包皮，奶皇餡做到流沙的效果，不過稍嫌略甜。打卡必點熊仔奶茶($20)，不只好看，味道也非常好，有茶香且有奶香，又不會太甜，有驚喜。離開的時候才能拍下入口的一對醒獅。

😋又嚟觀塘亞太中心搵食啦，臨生前真係好想打一次高質邊爐🤣上OpenRice搵到呢間邊爐放題就嚟咗啦！7:30pm前離座$228有啲抵，7:30pm後都只係$258IG Follow @foodie.mama_hk仲有環境同埋食物影片睇添😍🏮成間餐廳嘅裝修都好有宮廷特色，卡位好闊落，坐得好舒服！🍱前菜拼盤 (放題included)(手拍青瓜、鹽酥雞、酸辣鳳爪、酸菜豬肚)意想唔到4樣前菜都好好食，個樣又好打卡able，份量又多🤣🍲主食 (放題included)(可以揀酸菜魚、雞煲、椰子雞）因為懷孕後期要清胎毒，所以嗌咗清少少又無咁熱氣嘅椰子雞！我掛住影相完全冇理碟雞要幾時食，侍應好緊張，好驚我淥到啲雞老左🤣不停強調係11分鐘，最終感謝侍應，啲雞剛剛好，好滑😆椰子湯底夠濃味，唔會話太淡。順帶一提，見到隔籬枱嘅雞煲煮到咋咋聲，好吸引🤣想生完之後試試佢！📱電話app落單選擇唔算多，推介美國安格斯牛板翼，肥瘦適中，有牛味，不停order就啱啦😏羊肉、手打丸類都好出色，一定要嗌！🙆🏻‍♀️出面自己攞嘅款式比app更多，而且全部都有蓋，真心好乾淨衛生，極之欣賞，夾得好放心！推介麻辣牛丸，好好食😋菜方面竟

自從上次同偽韓仔去完淥鼎記飲茶，佢成日都叫我去返呢度飲茶，可能係因為呢度啲點心好精緻😍咁啱呢日我哋去開觀塘行街，一於就去試吓佢哋嗰間觀塘分店🤩呢邊呢間分店，可能因為比較接近寫字樓，晏晝都比較多人😆原來呢度同旺角分店嘅食物都有啲分別，有啲食物呢邊先有，有啲就嗰邊先有😝呢邊有幾款點心媽媽都好鍾意蟹籽龍皇燒賣呢度嘅燒賣一籠有兩粒，啱晒人少少嘅我哋，而且粒粒都好大粒😋麗芋天鵝酥天鵝嘅造型非常之可愛，除咗外表之外佢亦都好有來函，入面充滿咗芋頭蓉，非常飽足😊早晨孖寶超值套餐套餐包咗一個蒸飯，同埋一個點心，價錢都$48，非常之抵食，味道都唔錯，偽韓仔自己一個食晒成盅飯啊🤩

天氣凍梗係要打邊爐😍今日特登早啲收工黎食呢間既17:30-19:30既套餐$228，任飲任食2小時，仲可以每位升級$28加1份酸菜魚/雞煲/椰子雞🫢好鬼抵食。。湯底6選1，我地擇左「肉骨茶湯底」好濃藥材味唔錯幾養生。一坐低會黎「錦繡前菜」有4種涼菜，味道唔錯，不過只有一次性，無得再加。。「老壇酸菜魚」小辣，呢度酸菜魚真心正，又夠麻，又夠酸，酸得黎帶辣，魚片又滑又無骨，仲有薯粉萵筍等等配料。。任食火鍋方面有40幾款配料係自助吧自取，牛豬類等就用QR code落單。好似安格斯牛板腱、穀餇豬頭片就每次限叫三份，另外仲有墨魚、蝦手打丸。QR code落單好快手👍🏼無漏單。。兩個鐘任飲任食真心正又抵食👏🏻👏🏻唔怪得1730時段都咁爆場😂😂

朋友話想食依間（淥鼎記）好耐，所以都突登好早book定位，因為曾經試過wlaikin話冇預約就冇晒位，所以今次做足準備，一黎到就有位入去食。估唔到入面都幾大，裝修幾靚，而且一d都唔焗促。講番有咩野食先。今次食既係叫（小寶套餐）19:30前離座只係$228，每位加$28仲可以叫一個主菜（老壇酸菜魚🐠/重慶雞🐔煲/香辣烤魚🐟/水煮牛肉🐂/🥥椰子雞🐔。今次我就揀咗個酸菜魚試吓，酸菜魚一到有啲嚇親😮，我冇諗過咁大碟，而且個份量都好充足，啲魚🐠都好滑酸菜味道剛好唔會太酸。其實食完都已經有一半飽。錦繡前菜：個名好靚，咁當然野食都有番咁上下，包括有鹽酥雞/鴨🦆血/青瓜/豬肚湯。安格斯牛🐂板翼：好新鮮，唔算太肥好重牛味。安格斯牛🐂肩胛：脂肪分佈得好平均，入口即溶好滑。紐西蘭羊肉🐑：估唔到呢個價錢食到咁優質嘅羊肉🐑片，有少少騷，但非常之啱我口味。飲品櫃，仲有啲冷泡茶同竹蔗茅根水，最鍾意就係飲啲DIY飲品少防腐劑。總結：食早場真係平靚正，加上仲可以坐卡位，下次會再多d朋友再黎。

之前聽過同事講此餐廳，已經很想試食，終於今日我相約家人一行4人去食淥鼎記啦。套餐是無限時放題相當吸引！它的套餐不是非一般嘅打邊爐，有先後次序，一開始先食主菜（四選一），我們選擇了酸菜鱸魚，有驚喜！酸菜魚湯鮮甜，酸度同胡麻度恰當好處（辣度個人選擇），鱸魚肉嫩滑而且份量多，配菜都好味。食完主菜後，就好快送上日本直送時令刺身，刺身新鮮並且肥厚肉嫩。完成以上兩道菜式，再開始正式打邊爐，選擇了正宗藥膳鍋湯底，套餐贈送的海鮮拼盤及美國頂級牛小排與湯底一拼送到，牛小排值得一讚，手小排肉質嫩滑，口感入口即化，牛小排有質素，好快食完。之後就係食一般打邊爐有嘅配料。整體：感覺套餐可食不同種類嘅主食、時令刺身較為特別，可是到打邊爐時已經半飽，但酸菜鱸魚亦值得再食。

又到火鍋季節啦，如果想同朋友簡簡單單食一餐，又飽肚又可以吹下水嘅話，火鍋任食真係超好嘅選擇，食得多都唔會肉赤😆。講起火鍋任飲任食，觀塘區 淥鼎記真係我嘅火鍋飯堂🤭，食過好幾次，佢地嘅食物質素都唔洗講係有水準架啦👍🏻，今日黎到原來之前要加錢嘅酸菜魚，今日都有免費😋。例牌會有四小碟，麻辣手拍青瓜、鹽酥雞、鴨血、糊椒豬肚。鹽酥雞做得唔錯，炸得又脆又乾身😋酸菜魚，份量都好足，魚片好滑身，全部都係冇骨，食得好放心，酸菜湯底味道酸酸辣辣，好開胃惹味，底部仲有好多萵筍片、仲有粗片紅薯粉。Order左豬骨湯底，齋睇果三舊大豬骨，真係好有睇頭，最大果舊豬筒骨，真係大過隻拳頭👊🏻，側邊嘅軟骨真係充滿骨膠，非常正。肉類呢幾款我不停order，牛肩胛、黑毛豬片、羊肉片；牛肩胛最有咬口，牛味都唔錯，蘸點麻醬食一流👍🏻；黑毛豬片，爽口彈牙，又有肉鮮；羊肉片，帶些小羊羶味，肉味鮮甜。蝦丸、墨魚丸、鯪魚球丸，全部都係手打，非常爽彈，呢幾款都係今晚唔停咁食。其他出邊嘅火鍋配料都有好幾十款，仲有汽水，竹蓆水任飲，今晚個小寶套餐$238，加埋一人均都係$250左右，我覺得非常超值👍🏻。下次約齊多幾個朋友，要食埋爵爺套餐😋