淥鼎記

營業中

休息中

我知淥鼎記係觀塘區一間好出名嘅餐廳，除咗酸菜魚之外，佢哋嘅雞煲火鍋同手工點心都好受歡迎。酸菜魚係老壇嘅招牌菜，魚肉鮮美，配上酸菜、辣椒同其他調味料，味道香辣醇厚，好開胃。另外，佢哋嘅雞煲火鍋亦都唔錯，湯底鮮甜，雞肉鮮嫩，配上豆腐、菜蔬等食材，味道豐富濃郁，非常適合喺寒冬食用。而老壇嘅手工點心亦都好出色，包括燒賣、魚蛋、蝦餃等，每款點心都好精緻，皮薄餡多，味道鮮美，絕對係一個餐廳必試嘅菜式。總括而言，老壇酸菜魚係一間好值得推介嘅餐廳，唔單止酸菜魚好味，手工點心同雞煲火鍋都好出色，食物質素高，價錢亦都合理，值得一試！

又到Happy Friday，又要諗下同埋班同事去食咩喇，好喇，一個想飲茶，另一個又話打邊爐，咁包剪揼後就決定去飲茶，本來係去新港，但無意中發現淥鼎記原來有點心，咁就改去呢間喇！上到去，一路聞住d雞煲味，搞到我地又突然改變主意，叫左個四人麻辣雞煲，加埋午餐肉同闊薯粉，另外再叫左小食皮旦同菜芯。個煲上到黎，d雞係生嘅，要先等一陣，再自己炒下，炒到熟，大概等左8－10分鐘就食得，d雞肉好入味，都夠嫩滑，叫左小辣，辣到剛剛好，唔會太搶味，實在係好好食，至於皮旦同菜芯就普普通通喇～

有同事要離職，大家想收工去吹吹水減下壓，要搵到一間無限時火鍋，觀塘無限時唔多，最後有朋友推薦呢間，我哋入座後開始食，一輪一輪食物，把口機乎成晚未停過，邊食邊談笑風生咁，酸菜魚超好味，之後就打鞭爐，海鮮全部生鮮未死，飲品我哋叫曬清茶消濟，結果我哋全程食咗3個鐘頭有多，呢度可以盡情大聲唱談，因為成間店爆棚，張張檯都係咁嘈，其實我哋女人仔跟本食唔曬咁多，最後真係太飽，棄權唔再食，價錢差不多$500，都值嘅

觀塘亞太中心有好多食肆今日就陪媽媽嚟到呢棟大廈既淥鼎記飲茶🫖呢間餐廳幾特別 夜晚打邊爐 中午同下午茶就有點心供應 餐單選擇好多 除左點心外 重有d炒粉麵 酸菜魚同刺身叫🔸川辣鴨舌♥️辣到適中 食到辣嘅香味 鴨舌好爽口啲🔸黃金蝦餃皇（2件）🔸黑椒蒸雙肚♥️醬汁濃 令到個牛肚好Juicy😋🔸嫣紅黃金流沙包（3件）幾鍾意呢個流沙包 即使放到最後先食 內餡都仍然保持到流沙狀態 欣賞！🔸野菌鮮蝦菜苖餃🔸蟲草花叉燒腸粉♥️除咗有冬蟲草 仲有啲生菜喺入面令到成個腸粉好有口感 叉燒又甜甜地好味🔸熊仔奶茶♥️♥️最鍾意呢個熊仔奶茶 熊仔其實係一個奶茶冰 好得意🤣🤣🤣打卡同味道都一流估唔到中式酒樓會有咁過癮嘅飲品🍀總結地方好寬敞同古色古香 價錢尚算合理 食物質素唔錯 相對其他中式酒樓既款式選擇亦較多 係飲茶唔錯既選擇

朋友帶我黎左觀塘呢度食一間好味又抵食既打邊爐，我地叫左堂主套餐，呢個餐有酸菜魚食之外仲有其他雞煲可以揀，而且仲有得任叫海鮮，海蝦彈牙，蠔大大粒，仲有沙白好鮮甜無沙既，飲品同配料可以响出面自己拎，涼粉爽好有咬口幾好飲，配料有多款丸類，蔬菜，麵，烏冬等選擇食物新鮮，淮山木耳健康配料都幾好味，牛肉薄片肉味香濃，甘多食物真係好抵食，前菜有鹽酥雞脆卜卜，湯底有6款選擇，花膠美人鍋好有骨膠原又健康養顏，花膠好厚身入面仲有紅棗同杞子。

天氣又凍左，想食火鍋🍲條引又起，近近地到呢間任飲任食的#淥鼎記，我想食嘅野基本都有，而且價錢親民合理。湯底選咗芫茜🌿皮蛋湯🍲套餐，點完湯底後再到出面嘅自助區，取醬料、餸料、餃子🥟、丸類、什菇、飲品跟蔬菜🥬 ，而菜都用上了保鮮紙包好，很衛生啊。
湯底好足料，湯滾起便盛起一碗先品嘗，湯味清甜很香，越煲越入味。至於用QR Code 點的肉類，有美國安格斯牛小排、牛肩胛、羊🐑同豬🐷，而且切得薄身，只需要滾滾便可以食。還有滑溜的雞件，鮮蝦丸、墨魚🦑手打丸等等，各樣食1-2件，都己經飽到不行了🐶。飲品很多選擇，有自家制的竹蓆茅根水，各式汽水、茶類飲品選擇。
環境衛生乾淨，地點就近地鐵站，食物有質素，確係唔錯架😋。

一直都好想黎回一回佢， 因為身邊朋友又有講過同事又提過今晚終於黎到!！！ 試下佢既邊爐 佢間野都算中式既 門口都有擺設 上至燈飾下至碗碗碟碟都係中式野 都ok 重點係以打bin lo 任食黎計，佢d 位算闊落架。而且佢既 Staff 都好有禮貌，d野跟得好足! 仲有問必答最後我地揀左耶子雞開始同埋真係要落佢既桔仔汁 好fresh～佢仲跟埋碟沙薑 可以自己加豉油點雞食佢d 雞真係好滑 而且之後佢既雞湯仲鮮當你食晒之後又可以揀返個湯底真正打邊爐就可以開始佢仲跟埋個小食拼盤 有泰式鳳爪、鹽酥雞、手拍青瓜同埋胡椒豬肚 泰式鳳爪鹽酥雞都真係好好味 最衰冇得加.....基本上佢既牛海鮮都係用QR code 落order 丸菜餃魚皮響玲麵 都係出面夾水魷...牛柏葉真係好快比人清晒......記得拎ar!!!!PS 佢嘅嘢飲真係包羅萬有，而且仲好有人性化設置常溫區。啱晒怕凍，但係又想飲嘢嘅人。

呢間邊爐人氣有返咁上下. 今日就同朋友去試下環境唔錯～啲枱都好闊落！可以先揀價錢… 然後每個餐都可以先揀食酸菜魚呀/雞煲啊/椰子雞～ 我就揀咗椰子雞煲前菜：鹽酥雞，雞腳，青瓜，豬肚隻雞睇落好新鮮…食落唔會鞋…食完椰子雞煲之後就可以換湯底食其他嘢.我哋就揀咗花膠美人鍋.真係有一大大嚿嘅花膠喺度.真材實料！炸魚皮 脆嫁！牛雖然好似得2 隻…但2 隻都有牛香味. 好味！ 所謂貴精，不貴多～ 蠔好大隻呀！ 蜆好大隻！ 好鮮甜！ 無沙！蝦都好大隻. 啲肉係實既！ 好多食材揀！ 全部都有盒裝住… 幾衛生！

淥鼎記依間餐廳早上午市有手工點心食晚市仲有火鍋放題見到佢推出左個『小寶套餐』火鍋放題主要食安格斯精修牛同黑老豬望落都幾吸引首先主菜五選一 我揀左椰子雞另外佢會有錦繡前菜跟埋裡面有青瓜 鳳爪 鹽酥雞 豬肚 雖然係頭盤但份量都唔少而且四款小食都好睇又好食鹽酥雞仲係新鮮炸熱辣辣 而佢嘅椰子雞鍋味道香甜 落肉前飲左佢湯椰子味偏淡雞肉有半份雞 非常嫩滑 肉都好多同埋可點佢青檸汁再調味添熬完雞之後湯頭味道即時濃厚左之後再選火鍋湯底打邊鍋一樣六選一 我決定揀特別少見嘅胡椒豬肚鍋餐牌有十幾款配料任你點主要都係牛 豬 羊 手打丸等都係基本操作乜都點下肉類切得好薄好快熟 而蔬菜類同麵等都係自助吧到拎全部都有蓋包住環境都幾乾淨任食火鍋依間餐廳都好值得推介

[ 淥鼎記 ]上次食過淥鼎記嘅點心好唔錯，而且午市價$實惠，免加一，啱哂同朋友同事嚟嘆下茶食點心。✿ 蟹籽龍皇燒賣(2件) $18燒賣熱辣辣，上台出哂煙，食落啖啖肉，都幾大粒。✿ 黃金蝦餃皇(2件) $18有金箔嘅蝦餃😍，好睇又好食，裡面有2隻蝦🦐🦐✿ 嫣紅黃金流沙包(3件) $30粉紅色再加上金箔嘅外觀，女生們一定會鍾意💕裡面喺滿滿嘅蛋黃流沙，食嘅時候小心辣親口🤣✿ 8頭鮑魚和牛酥(1件) $38午餐食鮑魚，簡直喺奢侈嘅享受🤭和牛酥整得酥脆鬆化。✿ 安蝦鹹水角(3件) $26鹹水角每次飲茶必點，外皮脆脆，咬落軟糯。✿ 蟲草花叉燒腸粉 $32腸粉整得皮薄餡靚，叉燒大大嚿，切成6份，方便食用。總結🫦午市免加一，經濟實惠，而且點心質素高，係會再訪嘅餐廳之一🤭✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿淥鼎記地址: 觀塘觀塘道414號1亞太中心8樓電話: 27555328✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

最近天氣凍，火鍋就成為唔少人搵嘢食嘅好選擇。我公司附近開嘅呢一間舖頭，平時收工已經見到好多人坐滿晒。餐廳招呼得很好，一坐低嘅時候已經擺滿晒小食，有無骨鳳爪、麻辣青瓜、胡椒雞、酥炸雞等等，味道香口，是不錯的開胃菜。椰子雞係啲菜之中最出色嘅一款。椰子汁嘅清新、配搭雞肉嘅鮮味，仲有佢哋嘅醬汁，微甜同微辣，餐廳亦都打安排咗柑桔同沙薑，非常有內地嘅風味。仲有啲菜就擺得好精緻，令人睇得出好有心機。餐廳特別嘅係，食完雞煲之後可以換一個煲，自選湯底再去打邊爐，我揀左個鴛鴦鍋，有肉骨茶同花膠，加少少錢，但就可以有兩個唔同風味：唔好想像肉骨茶好有藥材味，佢呢到調教過，係頗適合打邊爐。餐廳有不同配料供選擇，仲有出前一丁😂飲品櫃亦都有自家製嘅飲品，我就鐘意飲無糖嘅蜜香紅茶。佢哋嘅餃子真係做得好用心，皮薄馅大。肉餡味道鮮甜，仲加入啲菇等不同配料，味道更加豐富。

淥鼎記在旺角同觀塘各有一間，除咗晚上打邊爐，中午同下午茶都有點心供應，今日就約咗朋友去觀塘分店飲茶。接近中午午飯時間，人流都幾多，我哋剛好唔駛等位，繁忙時間就建議可用Gulu 攞定飛，星期一至五，下午茶仲有九折😄餐廳地方寬敞，佈置古色古香，靠窗位置可見開揚景觀😄我哋用手機落單，餐單選擇十分多，除咗中式點心，炒飯麵，仲可以叫刺身、壽司、川粤小食酸菜魚米線、飲品都有，我哋點咗五款點心，一邊食，一邊傾😄黃金鮮蝦餃皇一籠兩粒，賣相矝貴，餃皮晶瑩剔透，蝦肉彈牙😋野菌鮮蝦菜苗餃菜苗餃飽滿，餡料加咗紫椰菜同甘筍絲，配搭更健康😋芝麻肉鬆米網腸米網餡料有蝦肉，雲耳絲，菜絲，面層灑上肉鬆，口感豐富😋黑松露赤螺三文魚酥三文魚粒配黑松露，味道幾夾，酥底甜甜地，夠鬆脆😋沙律蝦長春卷春卷長條型，有5條，裡面係彈牙蝦膠，卜卜脆😋

今日嚟到位於觀塘壹亞太中心8樓淥鼎記食酸菜魚 😆老壇酸菜魚魚肉滑溜,份量充足,花椒份量剛剛好,不會太重-肉骨茶鍋湯底有北芪,黨參,紅棗,杞子,龍眼肉,猪骨, 真材實料-錦繡前菜款式多多 任君選擇-脆鯇魚腩肉質爽脆-美國安格斯牛板腱脂肪分佈平均,牛味香濃-伊比利亞黑毛豬肉質好軟熟-紐西蘭羊肉片吃起來完全沒有羊騷味-沙白蜆鮮甜無比 -海蝦灼到剛剛熟 爽口彈牙-蝦丸和墨魚手打丸當然是真材實料，吃得出鮮味以及爽彈的質感，超市的急凍丸絕對不能相比-廣島蠔雖然size不大,但仍肥美、飽滿，其肉質鮮甜

差評， book左9點， 去到9點拳都冇得入。 話入邊上一枱未走。 竟然9點冇枱就唔應該俾人book 啦其實佢個餐係5:30食到11:00， 根本佢就知9點希人走！ 由得你book完之後上到黎慢慢等！ 咁樣做生意真係已後冇幫襯！同場仲有勁多book9點既人係度等， 服務勁差完全係由得你！

每次放假都會搵好野食😂因為好多都有早鳥優惠咁，今日約左frd17:30黎旺角食酸菜魚+火鍋（$228另加一） 19:30前離座。超抵食！！。明明咁早食，但都好多人😂一坐低叫完個餐就上左酸菜魚，之後就有頭盤四小碟，牛肉個啲就可以QR code落單，其他野食就自己出去自助吧自取。。酸菜魚超滑超抵食！有10幾年魚，之後湯底擇左花膠美人湯👍🏼性價比超高，有7-8件大大舊花膠，湯底好多骨膠原。。出面自助吧選擇都勁多，真心食到未夠1900已經飽晒😂😂😂野飲出去自己拎，又有火鍋又有酸菜魚食，真係市場比較少見。