淥烚年代

營業中

休息中

很喜歡這家餐廳的燉湯及蒸飯，沒有落味精原汁原味，很有住家飯的感覺！$78一個飯一個湯，各有3款選擇，而且3款我都試過，全部都好食，但最中意蟲草花蒸雞飯，最入味！個飯有蟲草花，蒸雞都好嫩滑，好大舊，絕對夠食！我第二最愛就係桃膠蒸肉餅飯，用粉紅豬肉，再加埋桃膠好養生，而且一啲都唔鹹，是有仲係自己會落幾多就落幾多，完全就晒個人喜好！黑松露排骨，我試過一次，都幾特別中西合璧！午市沒有加一服務費！好抵食！無味精既湯

之前係IG見有人推介呢間餐廳，咁岩朋友生日，佢request要打邊爐，於是就帶左佢黎呢間度慶祝。呢度無論係裝修，用具定係擺盤都勁打卡able, 黎慶祝特別日子都勁有face~一開始落左單之後就有職員捧左一大盤醬料材料黎，除左平時好common嘅材料之外，仲有好少見嘅洋蔥同埋芝麻，耳目一新呢度好似比較多人推介食內臟，咁岩我朋友都係一個好鐘意食內臟嘅人，見佢呢度提供咁多款嘅內臟我地都叫左唔少黎試下。內臟嘅部份我地叫左豬潤，豬肚，鵝腸，同埋比較少見嘅粉腸黎試。粉腸我真係成世人第一次食，但朋友極度推介。食落嘅口感都幾特別，外面煙煙韌韌，但咬到入面又有少少豬潤個種比較淋身嘅口感，都值得試下～豬潤非常新鮮，切得厚薄適中，爽口得黎內裡又有D軟淋淋。不過咁多內臟黎講我都係最鐘意食鵝腸，爽口又掛汁，打邊爐食最過癮！湯底方面我地叫嘅係鮮茄雜菜湯，雖然個人黎講打邊爐係比較鐘意食D濃味D嘅湯底，但朋友話太濃味會蓋過左內臟嘅香味，佢生日佢話事啦～但個湯嘅蕃茄味都出，唔會感覺太單調打邊爐嘅重點之一就係牛肉，所以我地叫左一份鮮牛肉，估唔到細份嘅份量都唔少，其實3-4人食都冇問題! 2個人食食到捧住個肚走! 由個色澤

週日家庭樂，相約家人黎到隱私度高既樓上火鍋私房菜食野，店如其名有供客人淥下烚下既火鍋，原來仲有私房菜餐單可選擇，我哋今日黎到先試試佢既主打火鍋！聽聞佢既湯底用左3小時熬煮而成，果然名不虛傳，川貝百合燉螺片湯，真係好清甜好滑，螺肉經熬湯後仍很鮮味，仲可以食埋，入口有少少咬勁。手切安格斯牛肉，每一塊切得厚薄均勻，而且肥瘦亦都好平均，咬落去肉味香濃，而且冇乜筋，可以睇得出舖頭揀牛肉嘅時候嘅用心。鯛魚刺身，由日本新鮮空運嘅鯛魚，即叫即劏即叫即劏，非常新鮮。即炸響鈴，豆味濃郁，唔同坊間已經包裝好嘅響鈴，由於係新鮮製作嘅原因，所以入味超級快，浸一下就可以食得。午餐肉，唔會太鹹，肥瘦均勻，真係一樣好好食嘅配料。脆肉鯇，師傅除咗將脆肉鯇起咗肉之外，仲將佢介蝴蝶刀，令佢面積比較大，更好入口。凍豆腐，鴨血，超入味，吸收咗本身一個咁正嘅湯底嘅精華。手工鮮蝦雲吞，絕對冇偷工減料！大大隻蝦喺裏面，而且好細心地，蝦肉冇完全剁碎，只係將佢拍扁，所以食得出鬆軟，但係完整地成隻蝦。可以稱得上係一隻皮薄餡靚嘅雲吞！蔬菜拼盤，每樣蔬菜都非常新鮮，而且有多種嘅菌類！呢間餐廳用料新鮮，用心處理每一道食材，店員服務亦十分照顧周到

今日經朋友介紹下，嚟到呢間私房菜火鍋店食嘢，個名好特別，叫淥烚年代。💁🏻‍♀️💁🏻‍♀️而家喺OpenRice訂位，指定時間日子仲有八八折，我哋今日就係用呢個優惠。餐廳主打係打邊爐，但係亦都有做私房菜菜式。川百合燉響螺湯底,真係好濃郁，響螺肉質都好鮮美，湯底入口滑，川百合味道好突出，真係好好味。安格斯手工牛肉🥩，肉質非常嫩滑，好juicy。肉汁濃郁，上等之作。鯛魚刺身都非常正🐟，魚肉鮮甜，配上wasabi 同醬油，可以體驗到白身魚嘅清香同埋優雅。即炸響鈴🫘，炸得好酥脆，唔會油膩，好好味。而且豆味極之濃郁。脆肉鯇🐟，啲肉質非常脆同juicy，真係好食到爆。手工鮮蝦雲吞🦐，皮薄厚度啱啱好，蝦肉鮮美，而且餡料嘅份量可以話係爆炸級！新鮮蔬菜拼盤🥬，蔬菜都好新鮮，健康又好味。鴨血，蜂巢豆腐，口感非常好，特別係蜂巢豆腐，豆腐質地非常細緻，兩樣嘢都可以吸咗湯底嘅精華。📍淥烚年代 (尖沙咀) 📍地址: 尖沙咀海防道32-34號寶豐大廈2樓#美食 #打邊爐 #火鍋 #冬日必吃 #暖身 #好味道 #食物控 #美食愛好者 #熱騰騰 #幸福時光 #港式風味 #經典菜式 #豐盛餐點 #共享美食 #滿足味蕾 #經典打

打邊爐呢家嘢不嬲都唔會分季節！前幾日收工就同朋友去咗打邊爐😋😋《淥烚年代》幾時都話，港式邊爐係最正😋😋先嚟一碟安格斯（小份）🥩🥩🥩雖然寫就寫係小份，但兩個女仔夠食有特🥹擺到靚靚咁上嚟～睇落似手切！每塊都有一定厚度🫢碌一碌就食得😋😋入口未到即溶但肉質嫩滑，啖啖滿足🥹海蝦🦐🦐🦐好有心咁一隻隻用竹簽串住👍🏻方便碌又方便食！一向好驚係出面食海鮮，驚會腥🥹但呢到嘅🦐🦐竟然有驚喜！一啲都唔腥！仲要厚肉得嚟肉質仲好爽滑😋😋😋真係好好食🥹一定要點！食完蝦就食埋魚！白鱔片🐟🐟一睇就知好新鮮！魚肉冇骨🤍🤍碌完之後會捲起一片片咁！唔會一碌就散～肉質紮實！咬落去爽口彈牙😋😋港式打邊爐就係要呢啲👍🏻三拼丸（鮮牛丸、墨魚丸、鮮蝦丸）每款有三粒👍🏻全部都好彈牙！食落似手打嘅～當中最鐘意鮮蝦丸😋😋係真係食到蝦味！總之三款都好好食！必點～

今日要去尖沙咀買啲野，順便搵咗個地方打邊爐。朋友介紹呢間打邊爐，4月份而家做緊星期日至四晚正價88折～撞正有折喎😍😍😍啱晒我啲師奶仔～🥰🥰🥰呢間位置都幾方便，係海防道中間去阿士厘道條樓梯，轉入去搭𨋢上2樓就到～～淥烚年代～個名都幾得意，玩食字🤣淥烚60淥烚60，下次約人打邊爐試下打「不如去60」睇下有無人知我講咩先😂😂😂望下餐牌先，原來佢除咗打邊爐之外仲有做私房菜，好多款式選擇😋😋😋另外仲有做午市套餐，有湯有蒸飯。既然佢私房菜主力係海鮮，陣間打邊爐等我都叫啲試試佢～揀好晒野食，就係醬油時刻。每次打邊爐都好鍾意點辣椒豉油，見到呢個調味盤咁多配料就開心，加咗辣椒，蒜頭，脆蒜，芫荽😍😍😍醬油 is ready👍🏻👍🏻👍🏻跟住就送上雙拼鍋-沙嗲拼芫荽皮蛋湯😍😍😍一清一濃，食鮮味可以用清湯底，想食有風味就用沙嗲湯底，呢個經典組合係我嘅favourite，開行個爐滾返熱下佢先～湯底is ready😋😋等緊個鍋滾嘅同時，啲野食亦都送上檯，時間啱啱好👍🏻👍🏻仲要係我嘅至愛安格斯肥牛😋😋😋😋😋跟手，其他野食都一次過送上～😍😍😍新鮮鵝腸$98 蜂巢豆腐$48，牛柏葉$68，活海蝦$128，萵筍片$58，大

今日老公帶我打邊爐，係一間樓上舖呢間坐得好舒服，如果人多，仲可以有房坐個爐都印有logo一坐低佢就俾個九公格我地，調定豉油嘅料我眼裡只有芫茜，但納眼都見到少見既紫洋蔥又想食辣又想唔辣，可以加錢雙拼左邊係沙嗲右邊係皮蛋芫茜想講個鍋本身已經勁多料，皮蛋重手，鴨血又多鴨血仲要超好食！兩丁友，叫得唔多安格斯牛肉、菜心苗、蒿筍、日本黑豚肉、牛柏葉、水魷，粉腸菜真係條條都好嫩，放入辣鍋索曬d辣汁食又係別有一番風味濃郁既牛味同柔軟既質地，安格斯真係最愛既種類之一日本黑豚肉，呢個有驚喜上台先見佢色澤已經勁靚，脂肪分佈均勻放入口超香，有一陣微妙既甜味真係唔食牛都要食豬另外碟粉腸都好高質，平時mama地粉腸但同海膽一樣，如果係靚野就真係識品嘗佢既好食之處口感幾q彈，內餡豐富鮮魷又係要提一提，佢勁厚！！！超有份量同埋好鮮味，好厚肉又嫩唔會好似咬擦子膠咁打邊爐就係要食呢d新鮮既野！結論，好食加好坐，可以再食好多次

出消費券的日子，實在應該好好咁樣整返一餐，大家舉手都話打邊爐，更有朋友介紹尖沙咀有一間非常雅致的去處，於是心思思地走咗上去，（淥烚年代）好有feel嘅店名，內裏的佈置令人想起阿飛正傳，但是手切🔪安格斯牛肉卻平行時空地出現……放落個銅鍋再經過沙嗲湯底十幾秒，嗰種彈牙、嗰種軟滑、好味到連個嘴都有記憶，保證60年代一定冇咁嘅味道，今晚相信只有牛脷才可以與他比較，真係倚天不出誰與爭鋒，這個牛脷有啲咬口質感和安格斯牛肉不同，我們幾個有說牛肉最好，亦有說牛脷才最好吃😋，其實今晚還有百褶豆腐、鵝腸、即炸響鈴，桃膠餃子，萵筍、和（一木箱）菇和菜，海鮮的出現，也實在搶眼，脆肉鯇魚、大蜆、蝦🦐⋯⋯不辜負了（鮮）這個字.如果一定要挑剔，就可能係今晚沒有梁朝偉（講笑）.店員的親切和細心服務，其實都好窩心嘅！原來除咗打邊爐佢哋都有私房菜，睇吓個Menu真係口水都流埋，班老友記都好認真咁講，值得一試！

在現在百花爭豔的香港，火鍋店開得成行成市，當中又以雞煲最盛行，大打濃味風，食客對此也超受落，常常看到雞煲店座無虛席的情況這家60年代座落旺市一隅，是開在海防道的其中一個大廈的樓上舖服務水平正常食物芫荽皮蛋湯$118恰好今晚覺得滯膩，幸好有芫荽皮蛋湯可以選，湯底清淡而且富有大量芫荽香味，湯底有少量瘦肉粒，呷一口清而不膩脆皮芝士腸$48外皮爽脆裡面多芝，不錯呢！豬肚$48脂香濃郁又順滑，沒有多餘內臟味，不俗萵筍片$58口感爽脆，也沒有渣！白菜苗$58相當清爽的白菜苗，入口清甜，水嫩彈牙日本黑豚肉$68一卷卷的豚五花，肥瘦相間，有層次感芝士獅子狗$58細細條的獅子狗裏面竟然充滿了大量的芝士，口味鹹香細緻，不俗新鮮鵝腸$98相當爽脆的鵝腸，無論煮多久也不會變得堅韌，帶點腸道內脂的香味，好好吃脆肉鯇片$78同樣相當爽脆， 沒有腥味的脆肉鯇片竹蔗茅根$26支裝，沒有特別點評號外：聽聞他們午市有蒸飯套餐晚市也會做私房菜滿多元化的發展呢

今日經朋友超熱情介紹，話一定要黎試下依間餐廳，所以放假食餐dinner。今日黎食佢打邊爐，睇佢餐牌原來佢都有做私房菜同午市，午市蒸飯+燉湯確實抵，可惜唔係依邊番工。我地要左經典嘅沙嗲湯底。打邊爐點少得牛肉？依個安格斯牛肉真係好正…完全可以媲美矜貴嘅級數，牛味好濃郁，又唔鞋，量又夠多滿足晒口癮！必點。大花甲除咗鮮甜之外，仲有一股海水味，好食過平時街市買。size係XL級自己買都唔平。脆肉鯇魚片係我至愛，不過佢好睇新唔新鮮，同埋切個厚薄，有時骨太長難入口。依道完全係勁新鮮，又好咬，非常推薦！鵝腸脆脆地岩晒中意食內臟嘅人士。如果咩菜都想食下就叫田園盛蔬菜拼盤，顏值又高。依家打邊爐，好多人會諗咗放題先，我自己都唔例外。不過依道所有食過嘅食物都非常高質！令我重拾單點打邊爐嘅樂趣！

同朋友補祝生日 想搵間未試過既火鍋店試下係OpenRice訂枱有88折 而且見到有啲特色啲既湯底 就試下呢間 地點好近海防道熟食市場 都好易搵到餐廳都幾闊落 枱同枱之間唔會好貼 都坐得幾舒服 坐低侍應就放低九宮格調味架 有芝麻同紅蔥比較特別我地叫左羊肚菌海參燉雞湯 飲左湯先用黎打邊爐 飲落同平時燉湯味道一樣 應該無味精 做邊爐湯底都幾特別由於朋友都話肚餓 叫左兩個小食試下 一個生蝦 一個麻辣鴨血 兩個都正常水準 價錢都合理另外叫左兩碟牛肉 一碟大安格斯 一碟細牛頸脊兩碟味道都唔錯 肉味濃 而且份量夠 值得一試其他邊爐料都合格有餘 尤其蔬菜都好大份 係雲吞感覺唔係太新鮮 不過經理都好好 成碟取消左佢 同埋好多飲品都無 不過坐低有主動放低一壺水俾我地飲 好似比較少火鍋店會有不過員工成日入哂廚房或者VIP房 要大聲少少先搵到員工 呢樣改善埋就更好喇 88折之後 埋單兩千幾蚊 每人都係大約四百幾 唔算平 但都算合理 行過可以一試

同朋友gathering最啱就係打邊爐🍲咁啱星期五收工之後聚會好多地方都full booking 好彩朋友揾到呢間樓上邊爐 設有包廂 私隱度都幾高👍🏻醬汁配料自己較嗌左鴛鴦湯底 有芫茜皮蛋同麻辣鴨血 前者清甜下火 後者麻辣過癮 兩都湯料好足 特別係後者 鴨血同百頁豆腐索哂湯底 好香！小份安格斯肥牛片份量都夠2個人食 肥瘦勻稱 由於都有返咁上下厚度 可以食得出牛味香濃配菜係小碟形色上枱 幾精緻 其中最推介係鵝腸同牛柏葉！好爽口 連平時唔食內臟嘅朋友都話好食冇怪味 擺喺麻辣湯底度煮好夾其他脆口之算係脆鯇魚片同水魷 都幾新鮮鍾意食內臟嘅可以叫埋粉腸 咬落去會爆汁🤭整體黎講啲材料幾新鮮 內臟處理得幾好 服務都好好 好有禮貌又會定時幫手加湯 食完先知原來佢有私房菜提供 火鍋仲做緊優惠 星期一四 5點後88折添！會再黎的🤭

趁住4月頭天氣仲係凍凍地,梗係打多次邊爐先,出開黎尖沙咀,一出地鐵站唔夠3分鐘已經見到好幾間火鍋店,就揀咗呢間,一黎地點好就腳,二黎好近海港城,食完可以過去對面shopping！餐廳用料幾靚而且好多選擇😆—————————————————————📍 淥烚年代地址: 尖沙咀海防道32-34號寶豐大廈2樓✍🏻/食評/◍安格斯牛肉叫咗細份但份量已經足夠二人食,牛肉肉質嫩滑,油脂分布平均,重牛味◍三拼鮮打丸有曬黑松露豬肉丸,金沙牛丸同清酒蝦丸,三款都好鮮甜,口感彈牙,特別鍾意蝦丸有少少酒香味～◍ 萵筍片+日本黑豚肉+新鮮鵝腸+牛柏葉+蜂巢豆腐萵筍片快煮爽口,慢煮就入口即溶,又飽肚日本黑豚肉肉質粉嫩唔鞋涮涮蜂巢豆腐口感好特別,食完覺得打邊爐必叫因為佢完全吸晒啲湯汁好好味！！◍帶子餃 淨係睇相都覺得十分飽肚,餃皮比較厚身,而且帶子好鮮甜飽滿,出面冇食過,好特別！

餐廳最近做緊優惠，星期日至四晚市訂座有88折！宵夜時段（10點後）仲有7折！餐廳門面位置大約坐到十枱客、環境都唔錯，一大班人既仲可以坐包廂，私隱度更高❤️沙嗲湯鍋 $118沙嗲湯味道剛剛好，唔會太濃，仲帶有少少花生香🥜安格斯（小份）$198啲雪花紋好靚，肉質好，食落又香👍🏻另外仲散叫左少少菜同海鮮🦞呢啲細份既會用呢個好有儀式感既擺盤❣️全部食材都有細心處理，例如水魷會𠝹定晒啲紋方便煮熟秀珍菇、萵筍、雲南黑木耳、蜂巢豆腐大花甲、水魷、日本黑豚肉

今次去呢間火鍋店，地點比較隱蔽，但其實📍位置好方便～鄰近海港城！食材十分新鮮，用料上乘😋好值得一試✨✨共有九種醬料配料選擇～🥘藥膳醉雞鍋🐥醉雞會分開上，可以自己控制烹調時間，所以唔會有過老嘅情況👍🏼另外藥膳湯底係打邊爐之前飲會比較滋補養生，打完之後吸收咗食材嘅精華再飲鮮味十足！🐮安格斯-小份油脂分佈平均，牛味濃郁，份量十足！🍡三拼鮮打丸包括🐮鮮牛丸、🐷豬肉丸同🦐鮮蝦丸 。鮮牛丸用鮮牛肉制成，坊間比較少見～豬肉丸口感爽彈；🦐鮮蝦丸則較鮮甜！萵筍片萵筍係打邊爐必點嘅蔬菜之一😚我自己鐘意煮耐啲～質感軟淋😍大花甲肉質飽滿，鮮味十足✨🐷日本黑豚肉肉質呈粉紅色，脂肪紋理分明，肉質鬆軟！鮮冬菇口感嫩滑，十分新鮮✨🦑水魷每一件size 都好大😳另外處理工夫做得好好👍🏼口感爽彈！🐟脆鯇魚片肉質結實爽脆！唯一食用時要小心🦴碎骨~🥬唐生菜十分翠綠，入口清甜爽脆！推介指數： ⚡️⚡️⚡️⚡️餐廳環境：⚡️⚡️⚡️⚡️服務態度：⚡️⚡️⚡️⚡️⚡️再訪：Yes