海 三碗麵

營業中

休息中

中午1:30到達舖頭 見到前面有五位顧客 心諗可以做到頭一輪 因為佢好似有六個位 點知一等再等就等咗一個鐘零15分鐘 老闆一路都冇同我去講話幾點先可以開舖 中途好想放棄㗎 但係見下晝放假咪等一陣囉 原來真係傻咗 🤣 等到老闆開門果一刻入到鋪面六個位 有位單身女士拒絕俾我搭枱 我問老闆有冇隔板呀 答案係冇嘅 😂😭 我出返門口 嗰一下決定算啦 我放棄啦 呢一碗麵都係要下世先食到㗎啦 希望老闆下次可以做足準備同埋準時開舖 等其他人有機會食到你碗麵啦 ☺️

由老闆一個人一手包辦既小店，全店只賣三款唔同湯底既伊麵，配一碟燒牛肉，三張二人枱。非繁忙時間，排左一陣隊，每個客人入去，老闆都會講唔好意思要等咁耐。11月，試左期間限定既牛肋骨蕃茄濃湯，真係好好味，牛肉燒到好香，岩岩好，平時好小食伊麵，估唔到同蕃茄湯底咁夾。蕃茄湯底好鮮甜，成碗飲晒咁濟, 大滿足😍老闆話12月會出辣味湯底，一定要再去試下。走個陣，另一枱岩岩走既客人一路行，一路聽到佢地講 真係好好味丫。😌

呢間小店你尖沙咀，入面只有6個位，我地2人一共排左大概一小時左右。雖然都排左一段時間，但排既時間對得住質素。排排下肚餓去左附近買炸雞食。老闆好好人，叫我地可以係佢個度食埋先走。希望老闆繼續做落去

I heard a lot a good comments about this noodle shop. The soup has no MSG, the tomato soup taste very tomato! The owner said he made the soup base fresh everyday and it takes many hours to boil! The roasted beef was tender and premium ! It is worth the time queuing up! Will go again yum!

好難得又有一間令我有衝動寫食評先講湯底上面係海蝦濃湯 真係濃湯 因為味道稍鹹 但唔係味精鹹略嫌唔夠鮮味 如果轉用龍蝦湯底就perfec池下面係金華火腿雞湯冇味精 100%真材實料製作建議先飲啖湯先再食再嚟個燒牛肉 牛肉肯定係靚牛老細燒到七成熟 冇渣 入口即融伴櫻花蝦+蔥花上 你冇諗過喺尖沙咀用呢個價錢食倒啲咁高質嘅牛餐牌最平$75 最貴$100, 隔一條街剩係牛肉都要呢個價要彈嘅就係老細早咗少少燒肉 上碟時牛已微冷唔想蓋過牛味就唔好夾咁多蔥花一齊食最後嘅伊麵反而稍微失色 但容我再強調 個湯先係主體 麵係配角有麵只係令你食飽啲 同埋唔會齋飲湯咁寡入面得三張枱共六個位，今晚只做三輪共18臺客個湯賣曬就收工，勁巴閉擺明唔係為賺錢另外老細慢~~~工細貨我地遲一步等咗九個字左右心急人士勿入

早幾個禮拜嗰陣，我同男朋友已經去過諗住食，點知就摸門釘🤣🤣。然後咁啱今個禮拜又去咗尖沙咀，我哋就唔死心，就再去多次。今次終於俾我哋食到😙😙！------------------------------個舖頭唔大，得三張雙人枱。我哋亦都睇到老闆係廚房嘅一舉一動，幾有feel。------------------------------我哋嗰日係星期日嚟嘅，我哋七點幾左右度，我哋等咗一張枱就有得入去。我哋同另外兩位食客已經係嗰日嘅最後兩枱，因為賣埋比我哋之後，啲湯已經賣晒。然後老闆就同我哋講賣晒蝦湯，得返金華火腿煲雞濃湯同埋牛肋骨蕃茄濃湯。咁所以我哋就嗌咗各一碗。😋😋------------------------------金華火腿煲雞濃湯roast beef伊麵：個湯好濃，好重雞味同埋金華火腿味，啲湯入面仲有啲金華火腿絲同雞絲。個湯好飲到我差唔多飲晒啲湯😋😋！其實我本身唔係好食伊麵，所以我覺得個伊麵冇乜特別。而個roast beef就俾個老闆燒到半生熟😍😍，所以唔會韌，但我哋個陣掛住食就唔記得影埋佢另一面🥲🥲。冇偷食到男朋友個碗牛肋骨蕃茄濃湯，所以我都唔知咩味🤣🤣🤣。但男朋友都係咁飲啲

喺尖沙咀同女朋友行街，諗唔到食乜，突然醒起屋企人提過呢一間伊麵，咁啱上兩個星期又食唔到，咁就嚟碰吓運氣。————————————去到舖頭，見到有開門，咁就果斷入去食，入到去先知我似乎係最後一兩台客，因為老闆話湯底賣晒。得返雞湯同蕃茄湯，餸都係得牛。咁我哋就帶咗各一，而貌似我個番茄湯唔係成日有。咁睇落去個番茄湯好似好酸好正，食落去都好有蕃茄味，而且唔知係咪伊麵嘅關係，每條麵麵好好掛到湯，麵條軟硬度適中。而去牛肋骨，都係老闆用噴火槍燒咗窿邊再切片，唔好睇佢好似好熟，其實牛肉嘅底下係粉紅色，而家我咪好重，食落去唔算太韌。$80嚟講係值得一試。———————————我哋喺度食嘢，老闆都一路同我哋吹吓水，講吓嘢食呀，舖頭嘅音樂。我覺得老闆份人都幾風趣，而且老闆睇落都係一個鍾意食物而先開鋪人，對煮嘢食係好有興趣。

五點路過見到係一間伊麵做主題既小店， 覺得幾有趣。 所以入咗去試一試老闆係一個頗健談既人佢推薦咗牛肋骨蕃茄濃湯，因為呢個係今個月既特別版同時我都order 咗金華火腿煲雞濃湯 。味道方面，兩者我都覺得唔錯金華火腿雞湯似老火湯既感覺，牛肋骨蕃茄湯幾濃郁。而且佢嘅牛肉片因為有用火槍燒過，所以有一點炭燒味道。

被稱為韓國街嘅尖沙咀金巴利街你以為今次係嚟食韓國菜？非也🤚🏿係嚟尋覓呢間隱世麵店🍜第一次到訪平日傍晚時分賣哂了🥲想嚟食但係食唔到嗰種落差太大心有不忿中午嚟到終於食到🤓呢間麵店一人主理由煮麵到樓面都係一腳踢而店內亦得六個位所以要食都要花時間等候就如店名只賣三碗麵兩款固定款 一款限定湯底係老闆每日新鮮足料熬製十多小時只配伊麵同燒牛肉海蝦濃湯Roasted Beef伊麵本身我對佢係好高期望海蝦濃湯飲落係濃嘅蝦嘅鹹鮮味但自己又覺得冇想像中勁濃郁咁不過個湯底真係好香嘅蝦味冇味精 唔口渴 feel到係熬咗好耐伊麵配蝦湯幾新奇麵質爽滑偏淋身 而且好掛湯呢個配搭又唔錯喎！配上嘅燒牛肉真係超正！見住老闆細心地用火槍將每碟牛肉燒至表面半熟帶微焦再加上好多櫻花蝦同蔥花牛肉帶焦香肉質超級軟腍！好重牛味！帶油脂香但一啲都唔油膩！攤凍咗都好好食🥺蕃茄牛肋骨Roasted Beef伊麵當日嘅限定品係呢個對比蝦麵反而就失色咗湯底入口甜甜地嘅蕃茄香後勁先會有浸牛骨湯鮮甜味係幾好飲嘅冇味精稍為有啲油而且蕃茄香蓋過咗牛骨湯嘅味道削弱咗啲呢款湯配伊麵就冇咁夾自己就麻麻哋呢啲款不過燒牛肉都係同樣出色😋️-一間非常用心嘅小店！完全

湯超濃又超咸根本難以入口金華火腿湯有很多肥肉浮面賣相奇差伊麵只是一般麵舖的7一8蚊一個的麵餅無乜特別口感牛肉只得幾片賣一百蚊碗完全唔值小心中伏唔明点解会有咁多人排隊又会有咁好口碑，真係木宰羊餐廳環境一般再試埋海鲜湯'蝦湯啲味道很古怪，又咸又帶腥味完全感覺唔到海鮮湯的味道同牛肉不配搭比一般大地鱼制成的云吞湯差得遠以價錢及口感論，味千拉麵都比它優勝今次慕名幫趁，想不到中伏，可能網上食評太多膳稿，貼錢買難受

老實講，如果要我排好耐先食到呢碗麵我會俾喊好彩今日唔洗點排都試到，不過個人覺得真係唔係好食到咁誇張。個蠔湯其實淨飲湯只係忌廉高湯，冇乜蠔味，有啲蠔碎係入面，但就算食埋啲蠔碎都唔覺重蠔味個蝦湯係濃的，但同個伊麵唔係好夾，個伊麵本身都冇乜蛋味，唔算係靚伊麵，食到最尾係得個鹹味。個roast beef 算係幾好食，好食過啲麵。間舖得一個老闆做野，睇得出佢係好俾心機煮嘅，可能睇左其他comments講到咁好我個expectation高左，所以試完覺得言過其實

喺韓國街林立嘅位置仍然做到有名氣，背後一定有原因。舖頭細細得6個位，但正因為少位先專注做到高質素嘅麵。想要靚環境朋友嘅有其他選擇🐣呢度絕對係食嘢食同人情味。佢專心賣三款麵，試試佢個招牌蝦湯麵同金華火腿湯麵就知老細擺咗好多心機落去。言談間老細麵講每晚煲湯到凌晨5點先走，煮足十幾個鐘🥸到中午12點再返嚟開門做生意。食完都主動過嚟問有無咩comments，有互動性！.1️⃣海蝦濃湯𝗥𝗼𝗮𝘀𝘁 𝗕𝗲𝗲𝗳伊麵（$75）蝦湯超！爆！激！濃！果然熬咗十幾個鐘先索晒啲蝦嘅精華，配埋掛湯力強嘅伊麵係絕配🍜🦐面頭啲櫻花蝦亦唔會hea你，全部麵係用火槍燒到有焦香再放落去！至於𝗥𝗼𝗮𝘀𝘁 𝗕𝗲𝗲𝗳更加出色，喺廚房用火槍新鮮滾熱辣燒到半熟而且焦脆，帶出到牛嘅油脂香又唔會變韌，仲要有6大塊！呢個價錢嚟講性價比爆燈💡💡💡.2️⃣金華火腿濃湯煲雞𝗥𝗼𝗮𝘀𝘁 𝗕𝗲𝗲𝗳伊麵（$80）雖然呢個無蝦湯麵咁驚艷同搶眼，但每一啖食得出心機！十幾個鐘逼到啲雞油出晒嚟🐓而湯渣有雞絲同火腿絲🐖嘅微微鹹香，配伊麵食又係一流，無味精嘅情況下$80真係抵食（同好湯好麵比較）唔食得蝦嘅朋友可試呢個～.性價比：🌕🌕🌕🌕🌖美味度：🌕🌕🌕🌕🌕獨特性：🌕🌕🌕

老公一直好想試呢間所以我哋就去試吓喇我哋七點幾嚟到好好彩等咗5分鐘就有位我地叫左期間限定嘅🕐忌廉蠔濃湯roast beef伊麵🕐$100忌廉味好重，蠔味就比較少個湯底都好濃Roast beef薄薄地，分量OK但唔係太重牛味亦都比較油，有幾塊都有筋我哋都覺得一般📢金華火腿濃湯roast beef 伊麵📢$80個金華火腿濃湯真係幾出色金華火腿味好重 仲有啲金華火腿絲喺底我哋成碗都飲晒Roast beef一樣係有筋，所以一般我哋覺得最敗筆係個伊麵因為個伊麵係完全冇味亦都唔覺得同湯底特別夾如果可以改唔用伊面嘅話就好啦舖頭好細得三張枱老闆一腳踢 但態度好好食完覺得好口渴如果有機會改其他麵底就會再幫襯

<三碗麵•尖沙咀隱世小店🍜>—喺金巴利街呢條韓國街入面 搵到呢間小店 主打無味精❌自家熬製嘅湯麵 入面只有3張枱6個座位 廚房樓面都係老闆一腳踢💁🏻‍♂️—🍜金華火腿濃雞湯燒牛肉伊麵 $80本身諗住係叫濃蝦湯🦐 但晏咗去已經賣晒😢 就叫咗呢款火腿雞湯 反而更加有驚喜❗️一上枱新鮮滾熱辣🔥 第一啖就飲到濃濃嘅雞味🤩 仲有陣陣嘅火腿咸香🤤 忍唔住飲哂成碗😛牛肉🥩即叫即燒 見到老闆即刻拎住成條牛肉喺度切🤩 之後再用火槍炙燒🔥牛肉厚薄適中 肉味超濃😋 調味簡單落咗鹽同黑椒已經好好食🤤麵底用左伊麵 灼嘅時候啱啱好☺️—評分📈味道 8.5/10性價比 8/10—Rating 📈Taste 8.5/10Worthiness 8/10

想寫間小店支持一下，幾欣賞老闆的膽色同堅持。尖沙咀金巴利街係有名的韓國街，韓式食肆同食品店幾乎佔九成。街中間有間細得完全唔起眼小店「海 三碗麵」，窄長鋪位只得三張枱共六個位。店員得一個，就係老闆。店家唔賣韓國菜，而家貌似平常不過的麵。全店只賣三款湯麵加一款漢堡，好有日本小店的感覺。雖然選擇少，但每一項細節都包含老闆的心思。海蝦濃湯roast beef伊麵（$75），湯頭橙紅得來都幾清，飲落鮮甜唔腥，加上大量櫻花蝦，味道更鮮。因為完全冇落味精，真材實料熬成，所以多飲都唔會口渴。所有湯麵都用上伊麵冇其他選擇，麵質係爽滑，但唔太掛湯。最出色係隨麵附上的烤牛肉，每碟有5、6片，下單後店主切出牛肉片，再用火槍略燒。牛肉僅僅熟，口感非常軟腍，牛肉味甚濃，略帶黑椒味，將櫻花蝦同蔥捲埋一齊食，更添口感同食味。金華火腿煲雞濃湯roast beef伊麵（$80），相對海蝦湯，我更喜歡呢個，雞湯清潤得來帶火腿鹹香，亦咬到好多一絲絲火腿，好似住家湯。呢個質素收呢個價錢絕對值，去尖沙咀如果又未必想食韓國菜的話，不妨試吓（當然好容易滿座），老闆好健談的。