海 三碗麵

營業中

休息中

朋友介紹喺‘韓國街' (金馬倫街)的低調高手，類似日本拉麵的概念，但呢間係以伊麵作主打，每日親自熬湯，有濃蝦湯、金華火腿雞湯、蕃茄湯。餐牌上只有四款選擇，本人選了濃蝦湯配火烤牛肉麵 & 牛肋骨蕃茄湯濃湯配火烤牛肉。見老闆即場抱牛肉用火槍烤過，再加上大量蔥花及櫻花蝦上碟，天啊！超好味！濃蝦湯入口香濃，入口不會覺得口渴，又不會覺得咸味偏重。但本人較喜歡茄湯的清新。小店關係，舖頭坐位不算多，亦都聽老闆說，自家熬湯日賣完50碗就沒有了，見他在熙來攘往的‘韓國街‘ 如此低調，與其浪費太多時間在其他地方排隊等位，不如試試一些低調高手的作品，撐撐本土的誠意。

平時都已經比較少去韓國街仲要呢間鋪頭真係行過都好容易會skip左店鋪地方唔大 座位得幾個餐牌都係得3款碗同1款burger我果晚去到都已經9點幾 幾驚已經收左好彩趕得切 老闆仲要超級nice 即叫即整 ❇️海蝦濃湯 Roast beef伊麵 $75個湯勁香蝦味 好濃郁 仲好鮮甜又唔咸老闆話完全無落味精架 我食麵最鍾意飲埋d湯 伊麵質地煙韌 仲掛到湯 超級正雖然係肥d 但間唔中一次都唔過分每碗麵都會跟一份火炙手切燒牛肉🥩大約都有6-8件 都唔會好薄身仲好貼心咁會分開上 上面仲有好香既蒜油味想生d可以就咁食 想熟d就可以浸湯食另外湯同牛上面都有大量櫻花蝦🦐勁正門口餐牌寫住人生三碗麵 人面、情面、場面嗯 有d意思😮‍💨

好鍾意蝦湯抵。今日放工快閃嚟試。叫咗海蝦濃湯e麵+roast beef。上到枱已到聞到蝦香。湯好濃，好鮮，好正！e麵好襯。roast beef薄薄哋，大約五成熟，我要浸一浸落湯熟啲。麵食晒湯飲晒，大滿足！外賣碗金華火腿煲雞濃湯e麵+roast beef。一定會再幫襯👍🏻營業時間一至日1200-2200

金巴利街除咗係韓國街之外，近期都開咗唔少新舖頭，第二次又來到依間麵店嗰度，今次試咗去第二款，就係金華火腿煲雞濃湯roast beef 伊麵，今次都係12:30到，都係唔使等位，首先飲一啖湯先，真係好濃郁😬，爽！伊麵同牛肉照舊都係好好味😋，最後我成碗湯飲晒🤣，飲完之後都唔頸渴💪🏻，老闆照舊都係好照顧客人同好nice 😊,好欣賞呢啲小店好有人情味！！😌每一次去都有驚喜😋

9月都仲天氣熱到人都癲，係尖沙咀周圍行出晒汗，諗住睇下邊間係wish list 又附近就嗰間食。行過呢間三碗麵就入去了。一入去係有陣唔係幾好聞嘅味，而且好明顯係頂上手舖又無乜再裝修，所以係有點殘舊。如果食物夠好味呢方面可以彌補。叫左兩碗麵，一碗龍蝦湯一碗胡椒豬肚湯。餸無得揀，配燒牛肉，麵底都無得揀，配伊麵。老闆一個好用心咁處理好碗麵，所以都等左一陣。主角係湯，龍蝦湯飲得出鮮味，調味剛好，有下過功夫煲，少許辣，上面有櫻花蝦乾加葱花好惹味。另一碗胡椒豬肚一飲都幾辣，齋飲係好味嘅，兩碗揀我會喜歡龍蝦湯多啲。但兩款湯底都有個弊處，當係本人嘅喜好，如果杰身啲會好啲，而家個湯好味，但唔夠掛麵，就係爭左少少。伊麵就煮得剛好唔淋。而個薄牛肉都好味，夠淋又有牛味，份量唔算多。聽老闆講好似係slow cook 再燒所以夠淋。一路食同老闆傾左陣計，佢都關心碗麵味道好唔好，又解釋下煮嘅過程，明白佢對出品都著緊。唔知係咪平日又下午茶時間，由我地入去到走都無其他人，希望生意能做下去，因為老闆都係有心做好食物嘅人。

個牛肉超級好味！湯底好濃好正最重要係老闆真係好用心好認真 去做好嘅食物俾食客言談中feel到佢對食物有一份執着而且好nice好好人可能因為鋪面唔起眼 又冇做online media嘅宣傳所以唔係好多人認識但真係強烈推薦大家去幫襯絕對係值得支持嘅小店

作為伊麵愛好者一見有間主要食伊麵嘅舖頭立即衝入去試！一入到去舖頭比較細 得六個位三張枱但勝在乾淨企理 見到舖頭嘅木筷子幾靚 覺得老細係一個幾用心嘅人全間舖頭得老細一個one man band 上菜時候方面就長咗啲食物方面 我認為8/10 湯底出色 分別叫咗海蝦同雞湯個人認為海蝦更出色 雞湯有點偏鹹每個麵都配咗個roast beef 個牛都好唔錯伊麵都唔會煮到淋晒 麵嘅質感都好不過雖然我好鍾意食伊麵 但伊麵有個缺點 就係掛唔到啲湯係麵到 如果要啲伊麵有味 就一定要連湯一齊食 不過都唔大影響 因為湯好味呢間小店嘅老闆好有熱誠咁 同佢傾咗幾句覺得佢真係好鍾意煮嘢食同好想做好每一碗麵 所以好推介大家嚟試試佢！另外老闆話每個月都會換一種湯底~ 就唔怕次次都係個三種味啦！

之前喺社交平台嗰度見到依間野，已經好想試，終於去到試，店舖只有三張枱，六個位，大約12:30開店，當日去到，都係剩返一張枱，真係好好彩😌店舖淨係買三款麵，同埋一款burger，今次就試咗傳說中超濃嘅海蝦濃湯 roast beef 伊麵🍜，碗麵來到，即刻試吓飲一啖湯，真係好濃，真係好正😍，雖然好濃，但係飲落唔會好鹹，而家好有蝦味，再配上伊麵，簡直係食到舔舔脷😋，之後再試一片火灸牛肉，真係好香好好味，牛肉片係有d生，如果平時食開熟嘅朋友，可以擺落個湯度燙下去😂，下次我都要試吓佢嘅金華火腿煲雞濃湯roast beef 伊麵😝

今日好想食湯麵 碌openrice搵吓有咩好食 睇黎睇去都係車仔麵 拉麵同米線 冇咩新意碌咗好耐俾我發現呢間主打伊麵嘅小店 幾特別小店喺韓國街 鋪面好唔起眼 一不留神就會錯過咗小店淨係賣3款伊麵同一款burger海牛堡對有選擇困難症嘅我黎講真係super friendly我同男朋友一人揀咗一個湯底再交換食呢度每款麵都配一碟火炙手切燒牛肉一落完order 老闆就開始手切roast beef 再用火槍炙燒牛肉 淥麵同埋預備湯底每個過程我地都隔住玻璃望住老闆用心製作海蝦濃湯伊麵 ($75)一上枱我即刻飲啖蝦湯 湯底濃郁鮮甜又唔會好鹹伊麵非常掛湯 完全吸收哂蝦湯嘅精華佢地嘅Roast beef亦係一大亮點 牛肉味濃而且加咗自家製黑蒜油 炙燒完非常之香金華火腿煲雞濃湯伊麵 ($80)呢個完全係老火湯嘅味道 仲會食倒湯料呢個比蝦湯更加濃味 我同男朋友搶住食最正嘅係老闆一再強調冇落任何味精我地好放心地飲到見碗底 果然都冇口渴老闆好親切 同我地有傾有講言談間知道餐廳所有嘢都係老闆一腳踢每款湯底都係老闆每日親自熬製廿個鐘而成而小店每個月亦會轉換其中一款湯底今次個金華火腿煲雞湯真係一試難忘期待下個月再去試

讚1.痴線成間嘢係得三款麵揀，估唔到尖沙咀夠膽開啲咁有性格既麵店，蝦湯實在夠味，啖啖都係蝦鮮，同星馬喇沙果啲加左椰奶既風格好唔同，呢邊係純粹蝦鮮，配既燒牛肉同櫻花蝦都幾香口下2.細間但佈置得幾骨子彈1.配既係伊麵，個人唔太鍾意，覺得油左啲又唔太吸湯，不過老闆有解釋原因，呢樣嘢係佢既堅持✊

本身在附近返工，上兩個星期開完會返公司差唔多午餐時間，諗住食埋先返去，一心諗住食韓國嘢行到金巴利街中間，好香蝦湯味，就比佢嘅香味吸引咗我入去食，舖頭好細，得6個座位，店主淨係賣3款湯麵、1款海牛堡（燒牛肉飽）。我心諗一定對自己嘅出品好有信心先咁大膽係韓國街開舖賣中式Fusion 湯麵🍜入去叫咗一碗海蝦湯麵配燒牛肉食，當堂叮左一聲，真心忍唔住即刻同老闆讚好好味！同知名日本人氣拉麵一X唔同嘅係好濃郁而唔油膩的蝦湯，配中式伊麵有新意，老闆話伊麵係中式麵當中最貴，但我本人覺得伊麵索唔到個湯汁，重有啲爽脆蝦肉，但麵嘅味完全影響唔到個湯，食完之後忍唔住全碗飲晒，燒牛肉亦都係重中之重，香口軟熟我本身都鍾意食湯麵，所以對湯麵既質素要求較高，之後幾日老闆既三款湯麵我都食過哂，真心係好食😋⋯⋯冬陰功湯伊麵@泰式酸辣恰當，非常清新！胡椒酸辣湯麵@我自己本身偏愛胡椒湯底，鍾意食辣嘅朋友不妨一試，非常搶喉，加咗酸味好配合，又係全碗湯可以飲哂😋如果老闆可以加多啲飲品嘅種類就Perfect！例如：支裝茶或者梳打水！老闆之後改良左牛肉分開用碟另上，重做左一碟特式燒牛肉比我，我入咗大量蔥花同櫻花蝦，再用火炙方式加熱，不

喺韓國街居然發現隱世美食🥓，鋪面一啲都唔起眼，入到去就會聞到好香嘅蝦味🦐，店內大概只得六個位左右，冷氣算充足。坐低後見到個餐牌只得三種唔同嘅麵🍜， 鍾意食海鮮嘅我就選擇咗海蝦濃湯伊麵， 其實任何一種湯麵都好，佢都會跟一碟手切燒牛肉一份🐂，但唔食牛嘅朋友要注意啦， 店內除牛肉外暫時冇其他肉類選擇。老闆出嚟落單之後，大概等幾分鐘就有得食啦， 牛肉係預先切好，但係上菜前佢會用火炙一炙，所以上菜時你會聞到好香嘅燒牛肉味。🥰老闆放低碗麵之後佢仲會提一提你，如果唔想食太生嘅牛肉可以放喺湯嗰度浸一浸先，如果想食Juice一啲嘅話可以就咁食🤓講真蝦湯極濃，我相信老闆用好多蝦頭同材料去炮製呢個湯底，真心講句手工野！ 香港已經好少何食到咁好食嘅湯底 ，再加上一大羹嘅蝦干，將個湯底嘅鮮味再提高10倍😍😍最後碗湯都飲晒一滴冇漏🤣🤣由於自己中午之前冇食早餐，同埋比較少過去尖沙咀，所以決定叫埋海牛漢堡， 份量啱啱好🍜 🙈

在諾士佛台happy hour完打算去韓國街食碗冷麵醫肚。行過金巴利街頭迎面吹來一陣很濃的蝦湯味，不自覺追住香味到咗一間小麵店，一於試試。餐牌很簡單祇得三碗麵，貴精不貴多，聰明。一心為咗個蝦湯而來，梗係試下佢碗海蝦濃湯roast beef伊麵。麵一上枱立即呷一口蝦湯，蝦味濃郁香甜。再試啖伊麵，完全吸收蝦湯的精華，好掂喎！塊roast beef係厚切，一啲都唔欺場。小小的一碗麵處處看出小店用心製作，絕對值得捧場！！😋😋😋

從來沒有想像過，當燒牛肉遇上伊麵的時候，味道會是這麼細緻和特別的！😋😋😋 牛肉的烹調拿揑得剛剛好！厚薄適中，牛味濃郁！加上濃濃的蝦湯和口感一流的伊麵，定能帶給愛好麵食的人一份驚喜和滿足！值得一試！

從未想過當燒牛肉遇上伊麵的時候，會有這麼美味！😋 燒牛肉製作拿捏得剛剛好，厚薄適中，牛味濃郁！配襯濃蝦湯底，亦是一大驚喜！喜歡麵食的朋友，絕對值得一試！另外，老闆非常熱誠，給食客注入在港少有的小店風味！👍🏻