海膽仔

營業中

休息中

爆膽丼超多海膽 而且勁肥美 鮮味濃 舖滿曬整個飯既表面 加上有粒粒豐滿既三文魚籽 個配答望落已經好吸引 每一啖都好鮮甜 而且新鮮即開 紫菜包一舊海膽 再送一啖飯 食落口感同味道都好正 側邊既三文魚籽都好重油甘香 鮮味濃海膽三色丼除左超正既海膽刺身同三文魚籽之外 佢仲加埋吞拿魚刺身 吞拿魚刺身一樣出色 厚切得來每一塊都咁鮮甜 魚油脂既甘香係齒頰留香帶子刺身每隻都好大 有半隻手掌咁大隻 都要分一半先可以放到入口 帶子鮮甜得黎口感又好滿足 而且好厚肉原隻赤蝦刺身 新鮮即切 每隻都超大隻 肉身好厚身彈牙 咬落去每一啖都有好濃厚既鮮味同海水味 而且蝦膏都好多 鮮味夠曬濃

今晚同朋友去左海膽仔食飯, 未夠8點入面已經坐滿哂人, 而且前面仲有人等緊, 小妹等左大約15分鐘到就入得去! 餐廳環境唔算大, 不過企理乾淨, 而且所提供嘅食物款式都幾多! 小妹同朋友各揀左一個set🍱，每個set配有和風沙律🥗同日式餐湯🥣!🌟爆膽丼有兩份海膽分別鋪左係木板同飯上面, 海膽入口鮮甜唔腥, 口感creamy, 一啖海膽一啖飯, 非常滋味!🌟和風牛肉丼🐂🍚牛肉軟腍嫩滑, 入味多汁, 配搭炒洋蔥好好餸飯!

又係《海膽仔》其實已經唔係第一次嚟都嚟過好幾次今次真係試下佢啲海膽先.1️⃣加拿大海膽$228唔係舊舊海膽都好食睇彩數😛得1/2舊係好食 甜既某幾舊係苦苦地tim 係咪我期望過高另外配有壽司飯團仔+紫菜條自己鐘意點食就點食.2️⃣倍化帶子吞海膽 $88 @2點解個帶子同其他人食果d 細咁多😂似係一粒普通嘅帶子 入邊放咗海膽咁味道還好啦～帶子唔夠鮮甜～海膽都係～.3️⃣日本黑豚肉眼定食（一碗飯、一碗湯、一杯嘢飲）都做到外脆內嫩既.4️⃣火炙三文魚腩5️⃣火炙左口魚邊壽司因為食過嘅關係 火炙壽司佢會有勁多醬今次叫左少醬🤣好食過上次 啲壽司飯都冇上次咁大舊...海膽仔 (新蒲崗)新蒲崗衍慶街2-32號新蒲崗大廈地下Q號舖

今日同老公一齊放假，拍拖去到新蒲崗，行完大商場後，四處找點吃的。夏日炎炎，最好都是吃壽司。😅😅😂😂珍味丼絕對是季節限定,有三文魚、鮑魚、甜蝦、希靈魚、拖羅蓉、帶子⋯⋯原本以為是鮑魚片，竟是一整隻鮑魚！👍🏼👍🏼三文魚有足足三片，新鮮又肥美，滿足了口腹之欲😋珍味小食老公最喜歡吃這些調味小食😌，有芝麻八爪魚、中華沙律、海蜇，一次過滿足三個願望🤫🤫香蔥拖羅蓉手卷老公喜歡吃拖羅,另外點了拖羅蓉手卷,滿滿的拖羅,吃得滿足。汁燒雞扒拉面雞扒有濃濃的醬汁，雞皮燒得焦香，有整大塊雞件，非常不錯！拉麵有紫菜、蔥花、筍片、溫泉蛋半隻，材料好豐富，有多重口感。另外還有跟餐太卷兩件、沙律、海鮮湯，好抵吃。

前牌見到有雜誌介紹一間食海膽嘅餐廳，好似好正咁🤔，咁啱有日喺附近經過，就同左朋友過去食咗個下午茶..... 其實都唔算係下午茶🤣🤣我哋每人都叫咗個定食.....好鬼飽😋😋😋 呢間餐廳原來唔止做堂食外賣!!!! 仲有啲新鮮直送嘅食材，任君選購!!!!! 嗰日見到有挪威三文魚，望落啲色水好靚👍🏻👍🏻而且啲紋路好均勻!!!!! 而且仲有一盒盒 pre-packed 嘅海膽賣，有好幾款!!!! 價錢又貴又平，可以根據自己銀包嘅厚薄睇餸食飯🤣🤣🤣 其實本身諗住買啲返屋企，只可惜之後有活動......呢啲冷藏嘢就唔方便跟住我周圍去啦.....怕變壞嘛🙈嗰日我哋兩個分別叫咗個海膽三色丼，同埋刺身定食!!!! 最令我驚喜嘅真係個海膽!!!! 海膽份量啱啱好，鮮甜味十足，勁creamy!!!!! 最值得一讚嘅係啲海膽入口即溶，而且食完之後個口係一啲都唔會腥!!!!! 證明真係好新鮮!!!!!!👍🏻 呢間野啲海膽真心值得推介🥳🥳🥳

最近喺FB不斷見到有人推介新蒲崗一間日本料理店⋯⋯就係呢一間海膽仔，身為海膽狂熱粉絲嘅我當然要試一試，舖頭位於新蒲崗，好近我返工嘅地方。所以今日放咗工即刻約朋友去食呢一間海膽仔， 我哋大概六點去到，場內已經有三四台客人，不過因為佢有兩層所以我哋都唔使等位。入到去，職員即刻送上Menu俾我哋揀，我哋二話不說就揀咗最出名嘅倍化帶子吞海膽，我就係俾呢一樣菜式吸引，所以無論如何都要叫嚟試吓呀，果然真係冇令我失望，海膽好新鮮，味道鮮甜，帶子超大舊，喺出邊嘅餐廳以同等價錢完全食唔到咁大舊嘅帶子，所以呢度係真係抵食！！另外我哋仲叫咗一啲壽司同埋冷烏冬，冷烏冬都好值得推介，因為本人十分鍾意食煙韌嘅嘢，而呢個冷烏冬就好符合我嘅要求👍🏻

新蒲崗雖然唔近港鐵站，卻係美食天堂，不同類型嘅小店都響呢度站得住腳，就知好多人都係慕名而來搵食！今日特登揸車過嚟新蒲崗，專登過嚟食吓野，講真呢度冇咩好行，最大嗰個就係mikki商場，不過呢度真係好多小店，仲好有驚喜添！除咗好多小店，呢度泊車都好容易，今日揀咗呢間海膽仔嗌外賣返去食，舖頭門面一眼就見得到，裝修得幾靚，有幾個凍櫃，仲有新鮮生蠔同埋貝類海產，都幾多元化㗎！睇Menu有刺身壽司、熟食、套餐，唔啱嘅話仲可以叫特別精選，有生蠔同埋特色刺身，個人來講覺得日式小店海膽仔選擇選擇都好多！套價由幾十蚊至百零蚊，叫咗壽司定食，賣相相當唔錯，雖然係外賣，但係絕不馬虎，米飯黏口，刺身新鮮，仲跟麵豉湯同埋餐前小食，百零蚊好抵食呀 ！見到三文魚腩好新鮮，逐份磅，買咗一份叫師傅即刻切片做刺身，又OK喎，油脂分布均勻，一份切到十幾片大概$90左右，好超值啦！下次可以試吓堂食，原來都有10個座位，聽講午市都幾爆㗎！

店內簡潔舒適，充滿日本風味，服務員禮貌推介菜餚，招待非常貼心。1. 海老大滿貫丼$88食材非常豐富，兩隻大赤蝦新鮮又大隻，如筷子般的長度，肉質鮮甜蝦膏滑溜，還有熟蝦和甜蝦，配上日本飯，跟餐有沙律和海鮮湯，非常好味又滿足。2. 木板燒港膽$88擺盤精美，用火槍燒焦港膽表面，更覺吸引，港膽新鮮甜滑，口感極佳，配上4個飯球，紫菜和蘿蔔絲，非常爽口醒胃。3. 牛油果軟殼蟹卷$32濃濃的牛油果香味，軟殼蟹炸得酥脆，夾著青瓜的爽脆，卷上配以沙律醬和蟹子，口感非常豐富。4. 三文魚腩壽司$7、玻璃蝦壽司$6、明太子沙律軍艦$8肥美的三文腩，鮮嫩滑口。玻璃蝦鮮甜值得推介。粒粒爽脆的明太子軍艦抵食必選。

想食魚生海膽，於是來了這間位於新蒲崗這間名為海膽仔的小店。顧名思義，當然要食佢的海膽。叫了個海膽三色丼，有魚子、海膽及葱吞拿魚腩，肥美大大粒的魚子、海膽也幾新鮮好，吞拿魚腩也不錯，佢跟餐，有埋海鮮湯及沙律。除了餐牌，另有些時令推介，包括日本直送的魚、生蠔及海鮮（如原隻赤貝、象拔蚌、粒貝等），我叫了兩隻日本蠔、一隻赤貝及帆立貝。令和怪物蠔幾鮮美，連醬也不用落，另外那隻也大大隻及肥美！尤其欣賞赤貝，幾新鮮好味，一隻幾食，才$38，超抵食！😋😋新鮮好味又抵食的食店，要再來食！

推介話食依間餐廳。咪試吓囉。唔太肚餓所以叫得唔多。玉子壽司。沒特別好說。海膽蝦。有少少中伏的味。好驚食海膽因為好易食到坑渠味。但這個還好。火炙三文魚腩。都香同肥美嘅入口即溶。鵝肝。正。本身鐘意鵝肝味。無得講。都算大舊。咬落去油香四溢又係入口即溶。好rich同creamy嘅口感。所以encore了牛油果炸軟殼蟹壽司。食唔到牛油果味。蟹都熱同脆嘅。不過蟹份量比較少。燒海膽。這個做法都聰明。可能燒過吓食落無腥味嘅。都算甜。壓軸要講就係依個手卷。有海膽同北海道海膽。貴多三十蚊都試吓。點知就食到最驚食 到嘅味。即刻bad list。我覺得餐廳叫得依個名。海膽好食係最basic吧。所以食海膽好睇運數。都係唔好亂試。

.終於食到期待已久既海膽仔啦😋今次同男朋友專登去買外賣返屋企食由黃大仙站行去都唔算太遠 大約10-15分鐘左右.買左辣味三文魚丼 海老大滿貫丼 呢2款丼已經跟左沙律同海鮮湯 超豐富另外單點左三文魚腩壽司 帶子壽司 甜蝦壽司 香葱拖羅蓉軍艦同海膽手卷叫左咁多嘢埋單250蚊都唔洗！辣味三文魚丼超多料 加左啲蒜蓉更香口仲有三文魚籽添💙 海老大滿貫丼有齊大海老 甜蝦同熟蝦 超滿足 蝦肉鮮甜美味丼飯上面加左啲紫菜絲 唔會太單調👍🏻海膽手卷係有成舊加拿大海膽係度 性價比太高了海膽鮮甜 加拿大海膽出晒名大塊🤤係口入面溶化既感覺太正了帶子壽司都係啖啖肉 好大件💜果然係高質 仲要價錢咁平！一定會有下次的！

今天和朋友到新蒲崗試食海膽仔餐廳，進入餐廳後，發現餐廳內坐位已坐滿，因此需要等候一陣。等候區域的佈置，很有日本感覺！大約等了十五分鐘，就可進入餐廳！我們首先選擇了馬刀貝壽司、赤貝壽司，諗住如果好味就可以點多幾個。可惜，難以入口，非常失望！之後，我們選了最愛吃的味醂魚干。趁還是熱的時候第一時間品嚐，但一開始魚干已經得硬，假若放涼了，相信會更硬。我們選了一個套餐，自家製叉燒拉麵，配太卷兩件、沙律、海鮮湯。拉麵太淋、沒有口感，叉燒還可以，而太卷中規中矩。日本番薯天婦蘿，番薯有些地方會有點硬，外層炸得不夠脆。明太子雞翼，這個是最好味的。雖然雞翼細隻了一點，但當品嚐幾款都無一款好味的時候，這一個就令人有點意外驚喜！

聽朋友講呢間新蒲崗日本餐廳質素好高😍今日一於去試吓先！餐廳裝修環境帶日本風，擺放多款日本清酒🍶一踏入店舖就係外賣位置，放滿左各式各樣刺身，另一邊係壽司吧枱，可以睇到廚師整壽司🍣選擇好多 有刺身、丼飯、拉麵、壽司拼盤、日式牛丼、海膽拌麵、生蠔等等主打係海膽，梗係要試吓啦😍混合海膽湯麵🍜 $128海膽湯底較稠身，口感濃厚，海膽湯加咗海膽粒，增加豐富感！將拉麵放入海膽湯，拉麵非常掛汁！每啖都食到海膽嘅鮮味，唔錯😍👍🏻我叫咗燒左口魚邊丼 $98套餐附送味噌湯同沙律，味增湯有蜆肉同豆腐 足料啊！左口魚火炙後 油脂豐富好香口魚油充滿口腔 有入口即化嘅感覺😍而且丼飯預先加入燒汁 配左口魚好夾

見到佢評分幾高過嚟試吓，串燒好好食同幾抵，牛舌難得都幾好食，咬得開唔un！很好。好可惜最貴個個最失望：海膽海鮮炒飯，平時海膽壽司類見得多，所以好想食海膽炒飯，$128，得一粒海膽，加幾粒蝦同蜆肉，真係失望到燥，成本問題都唔會得一粒海膽掛？？？個一粒我仲要2個人分，仲要粒海膽都無咩味，成個炒飯好似無落鹽！成個飯都無味….炒埋d粟米粒入去，仲令到成個炒飯好似茶餐廳貨色…..如果店主覺得無問題就當係我期望過高，建議店主加返張相等客人知道得一粒先決定點唔點。

睇到廣告介紹呢間食海膽 見個價錢又幾吸引 就嚟食吓啦 星期五夜晚walkin 呢間嘢做外賣多所以裏面唔算太多位 坐得都有啲迫夾👇🏼前菜有個小沙律同埋蜆湯 冇特別唔多講👇🏼海膽丼 海膽份量都算正常 不過擺法可以靚啲既 海膽唔腥 不過味道就有啲淡👇🏼小魚生刺身拼盤 質素似係自助餐個d 唔算太新鮮不過都冇雪味👇🏼炙燒左口魚壽司 真係冇咩燒咗嘅感覺 有啲失望👇🏼鵝肝壽司 算厚身 口感都唔錯👇🏼燒茄子 一睇真係唔覺得佢燒過 似係蒸熟左埋單3-4xx 海膽唔算話特別出色 不過都考慮佢價錢都係平民價 想過吓口癮OK 但係其他食物就真係麻麻地