海膽仔

營業中

休息中

問母親大人生日想食啲乜，佢淨係講左兩隻字：海膽，又唔知係香港一間專sell海膽既專門店有幾難揾，好彩依間位於新蒲崗既小店最近推出左一系列以海膽為賣點既日式料理，成功拯救左小弟既一條小命😊. 北海道海膽（$480/ 100g) 新鮮、味甜，價錢符合心理預期🤣，配合波波飯同紫菜，我阿媽"BOMB💣" 一聲就鯨吞左成板，笑住問我可唔可以嗌多板，咁我當然就馬上轉移視線，嗌左同樣係餐廳皇牌既倍化帶子吞海膽（$88)頂住檔先。隻帶子有我半隻手掌咁大真係有啲誇，輕輕炙燒過令佢既香味更突出，配合海膽夾層可謂一場鮮味既碰撞，係我銀包夾層擦出唔少火花🥲。. 最後見我阿媽未食飽，作為孝子既我即刻嗌多左碟什錦天婦羅（$58）同刺身定食配壽司飯（$118)俾佢品嚐🤪前者比我想像中好食，塊炸衣薄得來唔會太油，而且足足有三隻蝦咁多，後者標榜係由日本新鮮運送至香港，有一定水準，但略嫌吞拿魚唔夠肥美。總括而言，來依度就專心食同海膽related 既菜式啦，聽人講佢爆膽丼都唔錯，下次有機會再試下🤑. P. S. 依間店仲有一個不足之處，就係佢音樂實在較得太大聲，如果想同朋友細細聲傾心事既話，容許我温提一次this is

最近朋友向我推介咗一間位於新蒲崗主打海膽生蠔刺身而且仲好親民嘅小店😚所以襯今日喺嗰頭影相所以順便去埋食個lunch😃餐廳好大有兩層，不過如果唔想排隊等位嘅話記得預先book位，唔係就好似我咁要等一陣先入到去🤧去得海膽仔就當然要食佢地最出名嘅海膽仔啦😍所以我同朋友分別叫咗佢地招牌爆膽丼同埋前菜嘅麵豉湯同出面餐廳食到嘅有少少唔同入面有兩大隻蜆肉而且唔太鹹🤗爆膽丼用咗北海道馬糞海膽同加洲海膽兩款海膽，兩種唔同嘅味道都好有特色💦兩種海膽勁肥美，食落去一啲腥味都冇，反而帶有微微嘅甜味👍🏻海膽側邊仲有啲三文魚籽做點綴，不過如果飯份量多啲就好啦唔係太夠我食🤧而朋友就叫咗雙重三文魚丼😍三文魚腩好唔單止色水靚同新鮮，而且油脂分布均勻🤤同爆膽丼一樣都有啲三文魚籽做點綴🤩地址：新蒲崗衍慶街2-32號新蒲崗大廈地下Q號舖

香港大埔龍尾泳灘啟用大概一個月，不斷有媒體報道發現大量海洋生物，以及泳客被海膽和水母刺傷的個案。有網民笑言，香港政府大可參考丹麥政府當年處理生蠔氾濫的做法：鼓勵市民採集生蠔，大埔龍尾泳灘的海膽問題必能解決。當然，這只是笑話一則，龍尾泳灘本有大量的海洋生物棲息，並不適宜當人工沙灘；另一方面，若想吃海膽，筆者建議大家應該到適當的地方，例如位於新蒲崗的「海膽仔」。環境：✨「海膽仔」的門口跟日本餐廳無異，但內進後會看見一個有如小型水產店的買賣區，陳列出不同種類的魚貝水產，可即時堂食或購買，而買賣區的隔壁是開放式廚房及堂食用餐區。✨裝潢設計主要走親民的日本餐廳路線，擺放了不同品牌的日本酒瓶、掛着和式燈籠及旗幟等，氣氛輕鬆舒適。服務：✨職員態度和藹親切，看見我們吃得狼狽之時，主動給予我們紙巾；上菜速度令人滿意。食物：🍚 爆膽丼 ($168)✨集齊北海道海膽及美加海膽，一次滿足兩個願望！✨配上日本壽司飯、蜆肉味噌湯及沙律，必能填飽肚子。🐚 倍化帶子呑海膽 ($88/ 2隻)✨尺寸驚人！打卡一流！✨這應該是筆者吃過最大的帶子，中間夾着份量多得傾瀉的海膽。🔥 木板燒港膽 ($88)✨廚師以火鎗本地海膽燒

今日特登黎到新蒲崗試下呢間2層既人氣海膽主題日本餐廳，雖然位置遠離鐵路站，但去到依然係滿座真係好犀利！淨係鋪面係呢區已經突圍而出，充滿日本風味❤️ 佢唔單至堂食，仲設有獨立零售區域，可以外賣各款新鮮刺身返屋企慢慢嘆😍 令我諗起日本啲魚生市場，冇得旅行呢到照食可也😋➨原板北海道海膽 100g ($480)以海膽做主題既日本店連店名都係海膽，緊係要叫海膽食，過下口癮喇😍 呢到有海膽系列既期間限定(好搶手架)仲有日本空運直送既原板海膽，今次嗌佐一板北海道海膽，會跟紫菜同波波飯，海膽好鮮甜，漲卜卜，完全唔會腥同苦澀👍🏻 成板食咁先夠滿足🤩➨刺身定食 配壽司飯 ($118)所有定食都會跟沙律、海鮮湯。不得不提海鮮湯真係比其他地方出色，入面既蜆肉好肥超鮮味！又夠熱辣辣👍🏻 刺身有齊三文魚、北寄貝、帶子、珍寶赤蝦、鯛魚、吞拿魚，好豐富而且全部都好厚切，勁大隻😍 非常抵食！➨火炙三文魚腩壽司 ($20/2件)壽司/火炙迷有福了，呢到既火炙價錢好親民，宜家好難食到好味又抵既火炙架啦☺️ 而且燒得剛剛好入口即溶，好幸福！➨火炙鵝肝壽司 ($28/1件)鵝肝相對硬身唔夠肥😂 如果平時好怕鵝肝肥膩感既人就值得一試

今日食既呢一間係位於新蒲崗既日式專門店位置都幾隔涉下，不過行多幾步就有巴士站到去到店前係賣生蠔等既外賣，而後面就係堂食既食物既選擇都幾多，價錢屬正常水平，黎得海膽仔當然就要叫個爆膽丼爆膽真係名乎其實！海膽既份量超多，加埋有3塊紫菜可以夾埋d海膽包黎食！成個餐包括左有爆膽丼，前菜，麵鼓湯，其實都幾豐富！首先講下海膽，佢係好明顯的有2隻唔同款既海膽！一隻用板上，一隻就咁放上飯上面我個人黎講會鐘意板上個隻多D，因為佢係鮮味濃好多，而且感覺比較creamy，very nice!!!

海膽仔 - 全部都係海膽今日嚟到新蒲崗一間日本菜餐廳，更加特別是一間海膽專門店，有多款不同的海膽料理，海膽控一定要來朝聖，餐廳也有提供熱食的丼飯和外賣的服務。海膽三色丼 首先當然要是海膽喇，三色丼有大大塊鮮味海膽、綿綿的吞拿魚腩蓉和爆珠的三文魚籽，三種鮮甜的食材，味道更鮮更豐富。秘製牛舌丼 平時食開和風牛肉，今次試試牛舌，厚切的牛舌，口感軟腍啖啖肉，加上秘製的醬汁，香甜又滋味。生姜豚肉丼 另外點了豚肉丼，豚肉肥殺肉比例適中，燒烤過後口感一流，配上生姜燒醬汁，帶點微微辣味，十分開胃。

近排上網見到新蒲崗有間海膽仔，膽粗粗過去試下工廈區黎講，餐廳有裝修，價錢唔貴仲要免加一，仲有幾多家日本菜會唔收加一首先點一個小食，倍化帶子吞海膽，一客兩件，巨型帶子好厚肉，外層輕輕灸燒過，夾著海膽，一口放入口，好滿足，厚厚的帶子好口感當晚同友人一人一份丼飯，鮪魚雙色丼，註明是鹿兒島產的吞拿魚，期待～全日的定食都會跟一份和風沙律及日式餐湯，輕食一會，鮪魚雙色丼要來了四片吞拿魚刺身，鮮紅色的鹿兒島吞拿魚果然同平常的不一樣，面層有油光，新鮮，入口有質感，陣陣魚香，美味至於吞拿魚茸，當然是肥美，上面灑上香蔥芝麻，再配搭幾粒三文魚籽另外友人點的刺身定食，真的一盤刺身放在腿前，很吸晴，呢到既定食，配的白飯超多，男生不用怕吃不飽

同朋友黎開新蒲崗行行下見到呢間食海膽好似唔錯就入左去試下。我地嗌左個倍化帶子吞海膽（$88）同埋一人一個雙重三文魚丼（$78）其中一個加左$5跟汽水揀左提子味 都幾好味冇藥水味係日本果汁汽水黎個飯跟一個餐前沙拉同蜆肉面豉湯。個沙拉都幾新鮮 唔錯蜆肉面豉湯就都足料，都有2-3隻蜆三文魚都算厚身，幾肥美，另一款係火炙三文魚，燒得岩岩好，正呀而倍化帶子吞海膽就係今晚重點帶子好大隻，燒左小小面，唔完全係刺身，海膽鮮甜，夾埋一齊食簡直係享受如果紫菜在脆小小就好啦，有小小lum身，扣左小小分不過overall 性價比都唔錯！環境都幾舒服企理，岩同朋友傾下計慢慢食

滿心期待去試下新開既海膽仔，點知換黎一個伏字！😡我地叫左一個爆膽丼同刺身定食，海膽唔新鮮唔在講，更加冇爆膽既感覺。刺身定食既質素更加連k buffet都不如！一句講晒，不可一不可再！

對於外區人來說，海膽仔的位置的確頗＂吊腳"，但因為被它吸引了，還是終於來潮聖。平日夜晚都好多人，十分受歡迎，還是先訂座比較好。海膽三色丼定食$128定食先來沙律和湯，沙律清涼又爽脆，車厘茄好甜，湯是昆布蜆湯，幾鮮。海膽三色丼有三樣我很喜歡的食材，包括海膽、三文魚籽及吞拿魚蓉，做成丼飯才$128真是太抵了吧，而且份量不少。海膽鮮甜軟潤，三文魚籽粒粒飽滿，一咬出爆出鮮味，較驚喜的是吞拿魚蓉，有很香的吞拿魚味，混上芝麻和蔥，令我回味到在日本吃的味道，拌著醋飯和紫菜吃，每口都是鮮味，超滿足。帶子壽司$24帶子味道十分新鮮，有一定厚度，可以慢慢品嚐它的鮮甜味。牡丹蝦刺身$38 活赤貝$38牡丹蝦口感爽脆鮮味，配搭頭部少少膏，很迷人，活赤貝切了小件，意外的有很多件，口感爽脆有著獨特的貝香，有兩件小紫菜原來是活赤貝加上青瓜絲，有HEART又好抵食。

已多次幫襯海膽仔食晚飯，昨晚比較豐富點點！叫了一板北海道海膽，有口感冇腥味，(因為曾經在尖沙嘴某日本料理試過，叫了一板成千蚊的北海道海膽，有重腥味)！及叫了一條極新鮮的金目鯛刺身拼盤，(內有活粒貝、活赤貝、三文魚腩、元貝⋯⋯)條金目鯛不用800元。之後魚頭用來煲粥⋯⋯鮮甜，沒有浪費條靚魚！也叫了兩款生蠔，分別愛爾蘭🇮🇪，海水味重。而GILLARDEAU，哇⋯⋯好好好creamy正！另外叫了鵝肝多士，香脆好味！(每次都叫)及幾串串燒⋯⋯總括食物有保證，地方乾淨，價錢在新蒲崗是合理的⋯⋯

難得要去新蒲崗做嘢就順便搵間餐廳去食，結果見到依間專食海膽嘅舖頭，冇諗過價錢都幾相宜，所以就入咗去～朋友同我各點咗個爆膽丼同雙重三文魚丼，海膽味好濃郁，完全唔腥，食落好Juicy同新鮮，呢個價錢來講可以食到咁好味嘅海膽真係好抵食呢！

位置：在考評局對面的街道，位置是較偏僻。環境：門口是以木條和玻璃裝潢，一走入店內是充滿日式風格的擺設，有大量千與千尋內的無臉男玩偶和各式酒桶，前舖有凍櫃賣海鮮和魚生，後舖是堂食，格局分明。服務：下單以QR Code形式，方便又環保，桌上帶醬油和椒鹽粉可供使用。午市：店內的食物種類煩多，正如一間日式放題店，但我主要想吃海膽，所以點叫了兩款最受歡迎的海膽系列。木板燒港膽 $88一小版海膽炙燒至微香，配上紫菜、小飯團和青瓜絲拌來食，海膽味香濃之餘，還有少許烤過的香氣，比平時的生海膽更惹味。這款海膽的質感較稠身，海水較濃郁。倍化帶子吞海膽$88厚厚的帆立貝肉包了海膽，外層再有一片紫菜，帶子厚身不在話下，肉質晶瑩剔透，海膽偏軟綿，不過味道未夠鮮甜，只是口感十足，且體型巨大，無法一口吞下。花之戀系列：黑松露玫瑰$32、香芒$22、魚籽$28唯一不是用三文魚刺身只有黑松露玫瑰，三款之中最好吃是香芒花之戀，因為芒果的酸甜突顯了魚生的味道，而我對用吞拿魚作花黑松露之戀，只是吃到黑松露香，無法跟吞拿魚的味道配合。當然魚籽永遠都是跟刺身是完美配搭。雞軟骨粒$35份量頗多，外形偏深身，口感較乾身但有嚼口，需要

今天下午放假一天，休休閒閒，輕輕鬆鬆的逛，突然收到电話，Gigi話發了佣金請我到新蒲崗的海膽仔吃海膽，真的心花怒放!很少到新蒲崗的我用了五分鍾的時間用Google map揾到呢間海膽仔，原來在可立中學附近，遲了少少的我，發現Gigi己到了!這間日式小店很精緻，也很日夲feel, 我覺得十分舒服!我們叫了一客爆膽丼和倍化帶子吞海膽，一起分享!倍化帶子吞海膽，就是原隻帶子夾着海膽，帶子很大隻夾着海膽一起吃，原來口味好夾，真的一試難忘!另外爆膽丼出來，我們馬上相機先食，加州海膽真的很多很誇張，價錢才168，比想像中的份量多很多，有一些紫菜可以包起來吃，但我太餓了，一啖海膽一啖飯，口感十足，鮮味無比，還有沙律及海鮮湯包埋，真的性價比高呀!

我去食午餐睇餐牌時，見到黑松露火灸油甘魚丼，因為有隻蛋而俾佢吸引左叫呢款上菜啦，黎到實物係咁既，無蛋既我以為自己記錯，問下侍應碗飯係咪少左隻蛋侍應話呢款本身無蛋當時我以為自己睇錯，無再追問落去過左半日，諗諗下唔對路，係咪我眼有事定我腦退化明明因為見到餐牌碗飯有隻蛋，所以想食叫果款於是我上OpenRice 睇返人地分享的餐牌餐牌張相碗飯真係有撻黃色野，唔係蛋黃係乜野？原來仲有幾塊紫菜，實物都係無既咁樣算唔算中伏？