海膽仔

營業中

休息中

今日同朋友去完MiKiki行完就喺附近搵嘢食行到去𧗠慶街見到一間海膽仔，我即刻兩眼發光因為海膽係我至愛顧名思義就係食海膽!唔係講笑淨係海膽都有好多款選擇除咗日本直送，仲有澳洲空運到香港我朋友叫咗空運雜錦丼 $98 微熱壽司飯再舖上三文魚腩、吞拿魚蓉、希靈魚、三文魚籽、蟹腳、北寄貝碎帶子仲有海膽...全部新鮮甜美，可以一次過食到八款空運海鮮而且份量十足$98蚊係值得嘅😋我就豪啲食爆膽丼 $168大大碗飯鋪滿新鮮海膽呢個價錢份量都唔算少，賣相有創意真係成板海膽放係你面前，雖然唔係日本貨，但來自澳洲嘅海膽，依然入口Creamy同埋好鮮甜👍🏻仲有餘下啲海水味添⋯⋯一定要讚呢度碗湯，用咗好多蜆同海帶提鮮啖啖清甜好好味

咁啱去開新蒲崗搵朋友，朋友介紹我食呢間街坊小店，話係區內比較抵食質素又唔差嘅日本嘢(●’◡’●)ﾉ見到個名有海膽食即刻去試ᕕ( ᐛ )ᕗ.全部丼飯都有包生菜車厘茄前菜沙律同埋湯，沙律正常發揮，湯比一般味噌湯多咗大蜆。出面食晩市好少有沙律同湯，呢度有幾好。ʕ•ᴥ•ʔ.爆膽丼$168🧡嚟到呢度梗係特別試吓佢嘅海膽飯！一上枱見到好似唔係好多海膽咁，但其實只不過係疊住左| (• ◡•)|另外海膽都好厚唔會喺薄薄一片。海膽有兩種，一種比較實身，另一種比較creamy.加埋三文魚子食落好鮮味,仲有紫菜可以夾埋食。.松葉蟹雙重丼$128🦀一碗入面有齊蟹肉，蟹膏♥︎蟹肉本身都幾鮮甜,撈埋沙律醬食更佳。蟹膏份量好足，就咁食落有小許苦味，但撈飯嚟食唔太食得出。加埋飛魚子增添口感，整體來講不錯。.總括而言：呢個價錢晩市有埋沙律同湯性價比不錯。如果兩個丼對比嚟講我會更加鍾意海膽！店內仲有好多海產（海膽/生蠔etc)可以買走,去開附近嘅朋友有興趣睇吓！

海膽，係小弟最喜愛既海產之一，聽聞新蒲崗開左間專食海膽既餐廳，身為海膽迷既我點都要第一時間黎試下。一入門口已經見到大量隊機貨海膽，未出發先興奮。除左海膽之外，餐牌上仲有好多唔同選擇。我同友人叫左兩個定食，黎到就緊係要叫主題爆膽丼啦，叫埋個海老丼，咁就可以同友人一齊食到唔同口味啦。呢度每個丼定食都會跟一個沙津以及一個硯肉湯，硯肉好飽滿鮮甜，再黎講下我地既主角爆膽丼，啲海膽真係十級鮮甜，份量亦唔少，果然係招牌菜。最令人驚喜係呢度竟然有中拖同大拖食，中拖有一條筋，但油香好濃，未到入口即溶，但香港食到呢個質素已經算好好。其他壽司同刺身唔貴，cp值高。環境好食物唔錯，綜合黎講可以再黎。

新蒲崗有唔少高質小店，呢幾日想食日本野，估唔到都有。成間鋪無論格局同裝潢都好有日本氣氛，前舖主要做外賣同賣魚生刺身，後舖就堂食。.店面同店內都有唔少日式擺設，好有心思。成雙成對的無面人好可愛～.我們二人點了一個定食再加一些單點。😍.松葉蟹雙重丼💰128堆積如山的松葉蟹肉同蟹膏完全覆蓋飯嘅表面，再加蟹籽，撈飯一流😋.蟹膏不會太腥👍🏻.蟹葉蟹腳嘅肉鮮甜爽嫩。.啖啖肉🤤.定食跟餐湯同沙律，湯有兩隻蜆，無沙但可惜帶點腥味；沙律調味清新 。.定食嘅爆膽丼同海膽三色丼都係用澳洲海膽，我就散叫了唔同海膽試吓。.左邊黃d嘅係澳洲海膽軍艦💰25，右邊深色d嘅係北海道海膽軍艦💰48。北海道同澳洲的味道口感都判若雲泥 — 澳洲海膽有點刺鼻的甘味，北海道海膽則味道香滑清甜，海膽味濃但只有少少回甘，口感豐盈而綿密，令人回味！中間係火炙左口魚邊壽司💰12，原來則是比目魚，比一般魚生更鮮甜而無腥味，肉厚但肉質柔軟細膩，帶點肥美，非常可口。.友人的北海道海膽手卷💰68🥶.店內仲提供唔同國家嘅即開生蠔，友人點了超級愛爾蘭生蠔💰45。.總的來說，除左澳洲海膽，其他都喜歡💕

今日約咗老公嚟新蒲崗high tea，想食日本嘢。喺可立中學正對面衍慶街入口，見到有呢間海膽仔。一於入去試下啦。 海膽飛嘅環境格局都幾分明：一入去係廚師即製刺身壽司區，同埋外賣海鮮區。見到有唔少新鮮海鮮空運到港，由平平哋嘅甲羅燒，以致七百幾蚊嘅板海膽都有。再入去先係用膳區，環境佈置都幾有日式風情。有啲酒罐，播住英文歌，幾Chill。今日季節限定有珍味，都唔貴。98蚊有齊三文魚、鮑魚、甜蝦、希靈魚、拖羅蓉同埋帶子。不過因為想試下佢啲海膽，直接叫咗個168蚊嘅爆膽丼。當飯套餐跟柚子沙律同埋海帶湯。柚子沙律個汁稀身啲，酸酸甜甜，零舍開胃。 未鎮海帶湯 入面都幾多了 有兩隻蜆 豆腐 同埋海帶 佢唔似一般味增湯感好重味精美或者好唔好味 恐龍未 有啲似加咗味、鹹鹹哋嘅湯水。但我鍾意咁樣清淡啲，同埋可以食到啲鮮味。 爆膽丼嚟啦！嘩分量好多下呀。飯上面鋪滿咗六隻完整嘅海膽。海膽size好大隻，口感紮實飽滿。你睇，好似成條脷咁哈哈。食落覺得海膽都幾creamy，唔腥。夾埋紫菜食好似自製軍艦咁，更加好食 ^^ 不過紫菜同飯都偏淋身， 配菜酸薑亦都幾辣下。 加咗罐日式汽水，爽下~~ 我鍾意原味，冇咁死甜。另

今日同屋企人喺九龍城整完嘢，我哋就喺新蒲崗呢頭搵下有啲咩食，我哋最後決定試下呢間喺衙前圍村附近嘅海膽仔一入舖頭就係外賣區，亦會見到師傅喺度處理緊魚生，再行入去啲啲先係堂食區啲定食睇落幾抵食，我哋決定一人叫一份定食，然後再加啲壽司share嚟食每份定食都會跟返沙律同埋湯，湯入面都有幾隻蜆㗎屋企人叫嘅係空運雜錦丼($98)，入面嘅食材都幾豐富同新鮮，有蟹鉗仔、海膽、三文魚籽、吞拿魚蓉、三文魚粒等等！呢個係我叫嘅自家製叉燒拉麵($68)，啲叉燒肥瘦適中，拉麵亦唔會話煮得太淋，呢個價錢食到呢個質素嘅拉麵真係唔話得食拉麵仲會跟埋兩件太卷，好鐘意入面甜甜地嘅腐皮呢度有三文魚腩壽司兩件($7/件)、海膽軍艦兩件($25/件)同埋火炙穴子壽司兩件($10/件)。啲三文魚腩非常肥美，海膽亦好鮮甜唔會覺得苦！下晝嚟食可以唔洗加一，食咗咁多嘢都係$250左右埋單，抵啊

❀ 海膽仔 #新蒲崗 ❀❗️美食沙漠中綠洲 超抵食海膽爆丼❗️——————————————————疫情期間冇得去旅行，越來越多人鍾意買原版海膽食，而新蒲崗最近就開咗間以海膽為主題嘅日本餐廳🇯🇵位於小巷內，但人頭湧湧，充滿由世界各地空運嘅新鮮海產。一入去會見到廚師喺度處理刺身，另一邊亦有大大嘅魚缸裝住新鮮嘅海鮮，當中包括日本、加拿大海膽、各種新鮮魚刺身、生蠔等😆係街坊餐廳但高質抵食。.✷𝑀𝑒𝓃𝓊✷☞ 定食 定食會配湯、沙律。雖然平平哋但絕對唔求其~餐湯並非一般嘅麵豉湯，而係真係用蜆肉熬成，算係唔錯。♥ 爆膽丼 $168 (4.1/5)$168有咁多海膽真係幾誇張🤩仲要有兩款唔同嘅海膽，全部都大大嚿勁creamy！自己較為鍾意飯上嘅海膽，較為鮮甜，配埋隔離嘅紫菜，包住啲飯一齊食好正！反而係板上嘅海膽就有少少臭味(可能係我唔識欣賞)，但整體以呢個價錢嚟講算唔錯👌🏻！另外海膽fans更可以購買佢哋嘅原板海膽刺身，有來自北海道、加拿大、甚至本地等等嘅海膽，價錢最平由$80至幾百不等。.♥ 刺身定食配壽司飯 $118 (4.2/5)刺身都唔少🍣有二至三塊新鮮三文魚、吞拿魚、油甘魚、帶子、兩大隻爽口彈牙

今日到新蒲崗探望婆婆，揸車經過小巷，發現到呢間食丼飯的小店，因為行過已經比佢個名吸引住！因為我好鍾意食海膽㗎！二話不說，就停車在一邊來過午餐.這個店舖很特別，前面是可以購買刺身的舖頭，行入少少先係餐廳嘅位置. 跟店員說了一下原來他們只開了大半年，所以裝修很新，簡約舒服，也很有日式的感覺。好懷念呢種感覺言歸正傳，因為開始午市時段開始多人，他們提供全日餐牌。除咗我頭先提及過刺身丼飯，仲有熱食熟悉嘅丼飯同面，差不多有10幾款的食物選擇一定有款啱你心水。我比海膽吸引當然要叫返個海膽飯試吓啦！我就叫咗個海膽三色丼$128，有兩隻手指咁大咁長嘅海膽，同埋配有三款刺身蓉. 呢個價錢海膽份量都抵食，海膽味鮮味也很好，刺身新鮮，只是略為少了一點，如果多點就更好！朋友食松業蟹丼$128，有蟹膏有蟹肉，跟飯食一流，賣相同味道都很滿意！餐牌有冇其他選擇下次一定會再嚟試

黑洞最近試咗呢間日本餐廳🍴門口位賣日本直送海鮮餐廳有兩層 坐位唔少✅主打海膽菜式 價錢唔太貴💰-🔹木板燒海膽($88)將迷你壽司飯團放紫菜面🍙再鋪上燒海膽份量隨你diy🤗有得玩有得食-🔹倍化帶子吞海膽($88)黑洞私心推介💕帶子厚切勁大片中間包住海膽肉🤩一啖食落口鮮味十足🥰-🔹松葉蟹雙魚丼（$128）蟹控可以一戰🦀除咗松葉蟹肉 仲有大大份蟹膏‼️撈飯食好滿足跟餐仲有湯同沙律🥗-🔹刺身定食配壽司飯（$118）雜錦刺身啱晒貪心仔黑洞🤪款式同份量唔少 cp值幾高特別一讚 蝦刺身🦐好大隻-🔹燒原條鰻魚（$88）燒鰻魚味道正常發揮黑洞略嫌鰻魚汁多咗小小🤏🏻淨食會重口味 撈白飯好d😉-黑洞仲試咗唔同款式壽司🍣以下幾款值得一戰👇🏻🔹油甘魚壽司（$12）🔹松葉蟹膏軍艦（$15）🔹熟帆立貝壽司（$7）🔹香蔥拖羅蓉手卷（$25）

今日去新蒲崗攞野，一早就上網睇定有咩開飯推介，我地就搵到呢間「海膽仔」啦。 今日我地叫左個丼飯同我地想食既壽司。 丼飯有跟埋湯同沙律，同行友人話沙律個醬好好味，我就鐘意飲佢個湯，湯內邊有海帶同蜆肉，好正。我地叫左係「爆膽丼」，呢個爆膽丼同個名一樣，多到滿些既海膽，仲要每一件海膽都好鮮味，好正好正好正（重要事情要講3次），仲要海膽好大舊，真係性價比超高，冇得輸。到食壽司啦，壽司都好好食，我最欣賞係左口魚裙邊壽司，肉厚又燒到岩岩好，帶子壽司都好鮮味，唯一美中不足係蟹棒壽司，如果佢可以燒香點就更加好啦。最後我地係食左個牛油果炸蝦壽司作結尾。呢個真係我最愛我卷物。100分好食。總括黎講，我推介大家去食「海膽仔」，尤其是海膽丼，佢海膽真係令我回味，下次一定要再食佢😋😋

.𝙣𝙞𝙘𝙚 𝙨𝙖𝙨𝙝𝙞𝙢𝙞 𝙬𝙞𝙩𝙝 𝙧𝙚𝙖𝙨𝙤𝙣𝙖𝙗𝙡𝙚 𝙥𝙧𝙞𝙘𝙚! @uni.kotomo 𝙞𝙨 𝙣𝙤𝙩 𝙖 𝙫𝙚𝙧𝙮 𝙛𝙖𝙣𝙘𝙮 𝙥𝙡𝙖𝙘𝙚 𝙗𝙪𝙩 𝙬𝙝𝙖𝙩 𝙩𝙝𝙚𝙮 𝙤𝙛𝙛𝙚𝙧 𝙞𝙨 𝙤𝙣 𝙩𝙝𝙚 𝙡𝙚𝙫𝙚𝙡, 𝙛𝙧𝙚𝙨𝙝 𝙖𝙣𝙙 𝙜𝙤𝙤𝙙.特登走入新蒲崗就係為左食海膽，估唔到價錢親民得黎質素又唔差，每日仲有新鮮飛機貨返黎添～ 呢排限定既木板燒海膽同帶子海膽真係幾抵，香港產海膽雖然淡味啲，但燒過面層再加埋蔥粒包飯食都幾正！另外用帶子包住既海膽就鮮甜啲creamy啲，呢個組合真係冇得輸，大到要分兩啖先食哂🤤 刺身平得黎好新鮮，原隻赤蝦大大隻，肉質爽口鮮甜，連蝦膏都一啲腥味都冇；薄切池魚彈牙之餘魚味濃；鯛魚就正正常常咁，整體的確好唔錯，可以再返黎食過～

小編勁鍾意食日本野🥰黎到呢間海膽專門店🤩 未開始食已經流晒口水🤤澳洲海膽 （$198）海膽味道鮮甜，唔會有腥或苦澀味，紫菜擺咗陣都依然能夠保持脆身，夾埋食好幸福🥰中拖羅刺身（四切 $198）油脂豐厚，近乎入口即溶😆不過略嫌有少少筋🥲原隻甜蝦刺身 （六隻 $45）甜蝦大大條，肉質彈牙🤩膠質偏重，味道都幾鮮甜！北海道海膽軍艦（$48）入口比澳洲海膽更加creamy，鮮味十足🤤生蠔（$45）試左超級愛爾蘭同法國Gillardeau生蠔🦪前者較鮮甜，後者海水味較重，兩款都好新鮮😌火炙左口魚邊壽司（$12）油香充滿口腔，入口即溶🥰又係另一必食之選🥳火炙三文魚腩壽司（$10）經火槍燒香後，魚油香更突出😋三文魚腩壽司（$7）魚腩肥美，新鮮，忍唔住叫多咗幾舊🥳油甘魚腩壽司（$16）魚腩充滿油香，超級肥美😋大推‼️帶子壽司（$12）大大粒嘅厚切帶子🤩勁鮮甜，令人回味無窮😍赤蝦壽司（$7）味道普通，略嫌唔夠爽口😛牛油果軟殼蟹卷（$32）牛油果同軟殼蟹係最佳組合🥑可惜軟殼蟹炸得唔太香口，不過配埋沙律醬，整體味道係幾夾☺️

今日放假去左朋友屋企，落左佢屋企樓下隨便找左間食丼的餐廳，其實主要係比佢放門口的生蠔同海膽吸引左。因為我唔係好餓，所以無特別點刺生丼，我哋叫左燒銀雪魚定食，呢個定食仲有個蜆肉面豉湯，銀雪魚煎到有小小焦，面脆脆地但魚油一夾開就流出來，又唔會食到出面好多都好甜一啖砂糖的甜味，食完都唔會覺得肥。叫左海膽壽司同手卷，因為佢有個北海道的海膽，但我哋只係試普通版已經覺得好鮮味。食埋個好飽滿的牛油果軟殼蟹手卷，加埋個帶子刺身。。。每人大約百幾蚊，又食左海膽同軟殼蟹仲有刺身，性價比高。

海膽仔 網址: 地址: 新蒲崗衍慶街2-32號新蒲崗大廈地下Q號舖電話: 63773038===================全有供應的餐，由$75 起架飯有湯有湯律，食過一次已變成我家指定飯堂了。$68和風牛肉定食，味食落甜甜地，掛念日本旅行食到架牛肉飯滋味，來呢度回憶一下準沒錯，屋企人次次都話好食，牛腩肉片夠肥。$98黑豚肉眼定食，牛就多食肉眼位，豬都一樣有，優點是肉質夠滑。一大塊雖則我認為切厚肉口感會更好，不錯吃兩大袋包得整齊，到家中打開都一樣美味又美觀

看網上評價而來的這店有兩層 門口擺放了凍櫃可以購買海膽、刺身和生蠔安排了我和朋友坐裡上層 有一些音樂mv 播放著 我們點選了兩個丼飯和一些生蠔吃我吃爆膽丼$168 朋友吃松葉蟹雙重丼$128沙律新鮮 很多粟米 但醋只給很少餐湯有豆腐和蜆 但湯淡如水 不是味增湯 是忘記了放味增嗎？😅但這些不是主角 我不太介意 店員說是來自澳洲的海膽 看起來顏色淺一些 吃起來算新鮮 但味道很淡 不是入口鮮甜的那種 有點失望 只有3件海膽 但餐牌上提供的圖看到大約是5件 覺得這店不太誠實 也與爆膽丼的名稱不相襯 3件海膽如何爆丼？詢問店員那種蠔吃起來比較creamy 經店員落力推薦下 她直接排除了日本武士蠔 說味道很淡 然後推介來自愛爾蘭和法國的Gillardeau生蠔吃起來很creamy 還十分推薦另一種法國的belon銅蠔 說十分難得來貨 味道餘韻停留口腔較久我和朋友先吃了愛爾蘭和法國的蠔$45/1 但都不覺得creamy 味道較淡 和帶有蠔殼 二人覺得很奇怪 吃到銅蠔$88/1 外形圓圓的 是銅蠔的特徵 吃起來味道較前兩款濃 肉質爽脆 但沒有太多餘韻 沒有驚喜三款蠔都不是店員形容般好吃 本來是期待的