海皇粥店 (已結業)

今日係入冬黎最冬既一日，決定去食粥底邊爐。7:30去到，等左一陣就有位。2個人食，叫左一個南瓜粟米肉碎粥底，一個 芫茜皮蛋粥底，配一豚肉一牛肉。好清，好香。好足料 ,好多粟米同肉碎一碟牛，一碟豬，兩條芝士腸，三粒肉丸，金菇，南瓜， 娃娃菜，生菜。 好多嘢食仲有即炸嘅油炸鬼超級脆卜卜。係芝士腸差咗少少，粟米煲咗好耐都仲好甜，肉丸好味，好新鮮。牛肉同豬都有六至八片。真係好抵食，服務比其他一人火鍋好，姐姐好熱情， 不停問我哋加唔加粥水。呢排咁凍真係可以去食多啲呢啲

馬鞍山唯一一間專門食粥品既餐廳，當然唔係自家小店又唔係平又唔係特別好食，不過馬鞍山黎講，已經好好。有時始終都係呢d大品牌既好。有時病左or想食清淡d，係一個好好既選擇👍🏿天寒地凍，去食碗熱粥，真係唔錯👍🏿

本想找一間中式火鍋店，但因臨近歲晚，大部份酒樓都暫停供應火鍋。路經海皇粥店，赫然發現粥底火鍋。本著不妨一試的心態點了一份海鮮鍋，粥底選了南瓜肉醉粥，火鍋配料有一隻蝦，兩隻青口，兩塊魚柳，小型蔬菜盤，半條油條，以一人份量計，配料確實一般。為了滿足倆口子喜好多樣化，我們增點了兩份肥牛，一份豬肉片及一份嚮玲。肥牛名副其實很肥，即使換了新一碟，肥肉仍佔了六成，反而豬肉片不太肥。起初擔心粥底會不足夠，幸好店員不時手持熱粥為我們的火鍋加添粥底。整體質素尚可，雖粥底可添加，但愈添粥底味道愈淡，建議不要添加太多次數。

暑假期間大吃大喝，今晚想食簡單d，於是去了食粥。8點半就有宵夜餐，只需27蚊，有粥又有腸粉，加多5蚊仲有杯豆漿添，真係好抵！宵夜餐碗粥，較平時嘅細碗d，加埋腸粉，份量都算足夠。艇仔粥裏有豬皮，肉碎，魷魚，花生，油條粒，材料十足，粥底好錦，沒有調味，只靠米粥本身的味道，這個做法相當好，感覺較為健康。豬皮好冧，混合肉碎，魷魚夠爽，加上香口嘅花生，令到整體好完美，最重要係食完沒有口渴感。蝦米腸粉雖然都是細細碟，豉油唔會太多，冇話浸住哂d腸粉，而且腸粉好滑，蝦米細細粒，同粥簡直係完美伴侶。加埋杯微甜豆漿，成了今晚嘅簡約晚餐。

好耐都無食過海皇粥店,今日見有少少凍凍地於是去食個熱騰騰既粥先。入到去都幾FULL, 所以等左一陣先有位坐‧今次點了:  魚片艇仔粥另外散叫了碟炸腸, 先講下個炸腸, 拎餐旁邊有個自助吧,可以俾食客自行添加醬料(包括甜醬,麻醬,芝麻同辣醬,任君選擇,好好味。) 腸粉拉得好滑,厚薄適中,不錯! 內裡包住既油炸鬼外脆內軟,配埋腸粉同D醬食簡直一流,一口接一口甘食~ 不過食完成碟覺得有點熱氣,哈哈。至於魚片艇仔粥都唔錯, 粥底幾鮮,甜,綿。配料亦都好豐富,有爽口既魷魚SO, 免治牛肉,生菜絲同花生,幾乎配料仲多過粥,正! 價錢又平, 食得過!

今日經過沙田做野，所以順便去到沙田好運中心嘅“海皇粥店”下午茶，我叫左個海皇一品粥套餐，一品粥D粥好綿，好滑，用料好多，有肉丸，肉味濃且幾彈牙，仲有蟹柳，但雪藏貨無乜味;另外有油炸鬼，剛炸起，好脆;蝦肉腸，都幾滑，蝦則雪藏蝦，但都幾好食，配埋濃郁豆槳，簡值perfect,值得推介

已經連續玩了兩日，正所謂開心嘅時候過得特別快，聖誕節終於完結了。夜晚食完韓國菜，到宜家又有D肚餓，所以係海皇食左碗狀元及第粥，粥底好綿，又唔會太稀，米香味濃，豬潤剛熟唔會靱，好粉，仲有豬肚好爽，好有口感，手打肉丸真材實料，啖啖豬碎香，好有口感

晚上9時多，覺得有些肚餓，由於不希望在這個時段大吃大喝，於是乘坐馬鐵，到馬鞍山海皇粥店食粥，這也可算是專程到訪吧！我點了排骨菜乾粥，而家人點了艇仔粥，再加炒麵和油條。原本是想少吃點，但是結果還是吃得飽飽的。排骨菜乾粥都不錯，以$21的價錢，有這麽足料，很難得。排骨很諗，易咬，就算是長者也應該沒有問題。不過粥底本身雖然好錦，味道還可以。但是似乎找不到米粒，莫非米已經煲至完全融化，這個我就不曉得喇。家人的艇仔粥，內容也是很足料，而粥底跟我那碗一樣，都是很錦而沒有米粒。可能因為粥底從早煲到晚的關係吧。家人覺得這個艇仔粥是還可以的。然而，$16的炒麵卻給予我驚喜。心想炒麵一般都是很油的，但是這裡的炒麵卻沒多帶油，雖然顏色略深，但是味道卻出奇地適中，不會太重口味。$10的油條就略遜一籌吧，大概可能是已經放了一天的原故，已經沒有鬆脆的口感，而且感覺還有點油膩。最後一提，服務員嬸嬸們個個都很好，很親切，她們的和藹多樂於助人的態度，是應該在這裡讚揚的。

大清早去食早餐。以前屋企附近有粥店就成日食，但自從執粒之後就好耐無食粥。聽聞附近又開返粥店就去食。叫左牛肉粥加炒麵。牛肉粥: 無咩牛肉味但又好好食，果種味道好難解釋，好似懷舊既味道。炒麵: 普普通通，调味岩岩好。