影片
港鐵海洋公園站B出口, 步行約5分鐘
繼續閱讀
電話號碼
35551700
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
有關獎賞計劃
相關文章
2023年，12月，有好多公司聚餐。首先，是同事的婚禮。之後排著的，有公司尾牙，有聖誕 Party。仲有一個，也可以說是12月的第一個大餐。就是全公司上上下下去到海洋公園參與了一個籌款活動。早上的活動完結後，公司就設宴招待我們一眾有出席是次活動的同事及親友了。選址，就近近地在海洋公園門口，Ocean Park Marriott Hotel 的《Marina Kitchen》，食 lunch buffet。活動結束後，公司各同事在公園門前拿了手帶，便分批來到海洋公園正門旁的 Marriott Hotel。我們就在酒店的庭院內，找到這一間地方都幾大下既酒店餐廳。人齊後，老闆道謝大家參與活動之後，大家就開始去搵食了。首先，當然去看看有什麼美妙的海鮮類食品。海螺，青口，花甲，蝦，無限量提供。當然，仲有一出就幾乎被人搶晒的長腳蟹。有同事說，淨係食呢度已經抵返晒。另一邊就有日式的中華沙律，日式的螺肉同煙三文魚。這些都是為大家配沙律食的。而煙三文魚，就咁同其他的凍海鮮一齊食，味道上都好夾架。再看，就是刺身了。有三文魚，北極貝，帶子，希靈魚，油甘魚同八爪魚。全部都是新鮮而香滑。Marriott Hotel 貴為一間五星級酒店，質素不用質疑，吃入口就知道，水準好好。之後去看的，就是提供熱食的區域了。熱食，熱炒，有中式，西式，印度式。然而，最令大家開心的就是有好多唔同既點心選擇。而且全都是細細籠，當做一個小食，不會飽，但會令喜歡食點心的人滿足。另外的 Grill，燒烤類食品，有大量的烤肉，烤腸，食肉獸的朋友們同事們都瘋狂地來不斷添食。此外，出色的燒味，也是許多人喜歡之物。而印度式的咖喱，行近少少已經聞到香味，配以不同種類的薄餅及印度飯，也是非常吸引的。若不是怕多吃了會很飽，我一定會吃很多。(當日，我並沒有吃咖喱，但因為有素食咖喱，這成為太太食主打。)然後去看的，就是甜品了。甜品中，有海量的蛋糕，有海量的甜美小點，有海量的葡撻。我相信，場內一定有人，主打食甜品做午餐。此外，這兒的水果選擇也是豐富得非常。可以說，水果部總會有一種小果，會合你心意的。最後，仲有一個夾軟糖的地方。那天，我們一家人出席，我的兩個細路仔，搞到每人一大袋軟糖啊。好了，該說說我們拿了什麼回來吃。先說阿女的，她吃幾個點心同一兩件燒味已經足夠。可愛的蒸點，香脆的炸點，再加上脆皮的燒鵝，小女兒吃得津津有味。平常，我會先來一大碟沙律，但該日，該餐廳的海鮮實在太吸引了。搞到我一開始就 skip 沙律，直接吃一大盤海鮮。太太也有不少的素食選擇。主要都是因為沙律既選擇夠豐富。加了壽司同中華沙律，就令到成份餐好日式了。她的主食，就是咖喱。素菜咖喱很是香口，配飯配薄餅固然一流，太太用粟米同中華沙律來配咖喱，她給我試了一口，味道OK 播。令我感覺到，咖喱這東西，的確是百搭。我的第二 round，都係海鮮，這一次就以日式為主。我可以說，日式刺身的確比得上那些天天有直運魚到港的日式餐廳。許多都是鮮味十足。無論是刺身，壽司同 cold meat (配蜜瓜食的火腿)，都非常之可口。再下一城，就是烤肉。有Roast Beef，燒料牛扒，三文魚同石斑。味道同肉質，不用質疑，全是高級數的。眾熱食中，最後想點評的，是大大件，足料好味道的灌湯餃。餃子，由皮到餡，由湯到魚翅，都鮮甜香口。而且，很少機會食到咁大隻灌湯餃。真係想多吃一隻，但應該會搞到我食唔到其他野，尤其是甜品。尾聲就是甜品了。蛋糕，cup cake 之類的東西，我大概已經沒有太多的食力去消化他們。所以就簡單來一個焦糖炖蛋、水果同 Häagen-Dazs 雪糕。再添多一杯香濃的咖啡，就美滿了。食物好，環境好，選擇又夠多，而且飲品也是任飲的。綜合了各種好處，令到大家都吃得很滿足。
繼續閱讀
海灣餐廳及海灣咖啡室 最出名就是有清蒸龍蝦任食。晚餐自助餐是在晚上6點半開始，可以吃到10點，時間來說是足夠的。不過沒想到用餐座位被安排在最入的位置，而且還要面向著柱和冷氣機滴水。幸好可以換位，不然整個用餐體驗會變得很差。冰鎮海鮮方面，有蟹腳、青口、螺、蝦、蜆和麵包蟹。整體來說質素一般，沒有太大的驚喜也不會特別差就是了。不過最出名的清蒸龍蝦果然名不虛傳，不單止很大隻，肉質還很結實彈牙。有蒜蓉或芝士醬可配著吃，但即使單吃都夠鮮美。第一次見刺身選擇是沒有三文魚，想吃的話就只有煙燻三文魚那種。沙律菜、芝士這些都有，但對比其他酒店，配料選擇不算多。熟食方面，西式那些的吸引度都不太高。喜歡吃辣咖喱可以試試。有焗蠔，但要吃到實在太難。基本每次一出就被拿光了。中式熟食，燉湯好喝到喝了兩碗，湯夠熱已經很加分。其次就是燒味 (叉燒) 和片皮鴨都好吃，感覺這間的推薦菜都是中菜耶。羊架則有點羶，但口感是鮮嫩的。另外還有即場煮的湯粉。甜品大都是細細件，不怕吃了一件就吃不落其他的。鹹蛋芝士蛋糕那個要試試，還有豆腐花、雞蛋仔等等，沒想到還有薑汁芝麻湯圓。雪糕則是 Häagen-Dazs & MÖVENPICK®，有雪糕杯也有脆皮雪糕批。飲品有咖啡、茶和果汁是免費，但酒和汽水之類就要另外加錢。早餐自助餐會有三個時段，我們選了 08:30 - 09:45 這個時段。大概是人不多的關係，座位是安排在方便拿食物的位置。中式早餐就是點心之類，但除了糯米雞和叉燒包外，其他的都一般。或者食山藥燕麥粥都可以，口感綿密亦幾啖口，適合早餐吃。沒想到會有茶葉蛋，魚也是不錯，另外早上時間都會有即場煮的粉麵。西式早餐就是基本的沙律菜、火腿、香腸、煙三文魚等。杯裝乳酪有菠蘿口味的。即點即製的芝士奄列也可以吃吃看。亦有不同款的麵包。喜歡這裡的 Pancake 不會很大塊，還鬆軟香甜。當然咖啡、茶、果汁是任飲的。
繼續閱讀
男朋友生日想食有蒸龍蝦既自助餐唔搵唔知其實香港有蒸龍蝦既自助餐都幾少9成都係得凍波龍搵左幾間，見到依間做緊優惠，雖然搶唔到買一送一，但有個8折都已經抵過平時，好過冇啦加上同事食過話唔錯，就決定試試佢值得一提既係..雖然用OpenRice訂位時有mark for生日，但我唔記得三日前要打去餐廳要求寫名試生日牌所以最後個生日牌只有happy birthday day不過酒店其實都已經好貼心，係我未有去要求既情況下，只係見到booking remark 左for生日就已經準備左一份生日蛋糕比我片皮鴨一定要食鴨皮好脆好香，春餅都好煙靭彈口即叫即切我食左好幾轉龍蝦係蒸好黎放係暖蒸爐上，對半切開再上碟比我既，男朋友食左4大隻龍蝦肉都好新鮮彈牙仲有3款汁醬可以點嚟食，我就試左紅咖哩同辣椒豉油兩款同龍蝦都非常match仲有個燉湯都好出色好甜好夠味本人又飲左兩碗最後甜品都好滿意柚子朱古力慕絲同紅絲絨蛋糕都好好味 tiramisu同葡撻無得輸仲有水原信餅都好味，不過冇影到大部分食物都唔錯既，唯一係有啲比暖燈照住既食物放得太耐就收得比較乾同硬倒如印度薄餅同叉燒
繼續閱讀
生日🎂正日當然要入屬於香港人的公園—海洋公園，入樂園前要醫好五臟六腑，就係KK DAY 搶到買二送一優惠，除番開都係人均HKD 382。就試試海洋公園萬豪酒店自助午餐，大快朵頤。酒店🏨位於海洋公園站B 出口，一出口即望到成個竹棚架風格既外觀，一條天橋就直到餐廳門口，非常方便。訂位時已講明有一歲小朋友，酒店貼心非常，提供High Chair 同一套餐具🍴，不錯👍🏽海鮮包括：雪塲蟹：吾會浸咸水，而且每一條都咁粗大大條，鮮味十足，食得好滋味！仲配有多款醬準：泰式海鮮醬，雞尾酒醬等。麵包蟹：吾算好多膏，但得閒咬下無所謂。大蜆：粒粒飽滿。翡翠螺 ：真係有鮮甜螺味而且大大粒！加拿大青口：食落無咩味過得去。鮮蝦：有過過冷河/冰鎮，容易脫殼。龍蝦炒意粉：啖啖肉，已脫殼所以好滋味，仲要係用上中式煎炒面餅方法，食落面底仲脆👍🏽韓式燴牛肋條：牛肋條肉汁鎖緊，炆得好焾，骨肉分離好易，味道帶甜。甜酸醬大蝦：吾揸流攤！用上新鮮大蝦炒，夠曬甜同爽彈，好想食多幾隻。避風塘炒蟹：平時坊間食好貴！今次食回本，整體蟹肉偏瘦，基本上無咩肉食，係食佢嘅香脆同炸蒜。 燒西冷：都係誠意之作，好簡單連基本伴碟都絕無欺場，竟然提供交通椒燒洋蔥🧅同茄子🍆。牛排🥩好到位，粉嫩粉嫩，切得非常薄。仲有羊腿可簡。刺身：八爪魚🐙、鯛魚、鱸魚、赤蝦、油甘魚最少有五款提供，而且師傅好大方，想食幾多講幾多都可以。赤蝦太驚艷實在，肥美軟糯，仲要係味脫殼原汁原味，可以吸埋蝦膏。希靈魚好脆口清甜。甜品：有最愛的雞蛋仔，而且香脆得很，夾埋一球雪糕就正，杯裝雪糕有Häagen-Dazs 特別口味同movenpick ，任食吾嬲！ 而且其他蛋糕同甜品仔都好精緻出色！總結：飽到上天靈蓋整體高質 值得回購
繼續閱讀
原來海洋公園萬豪酒店自助餐真的很受歡迎，當日即興book都要等到waiting list先至排到我哋，雖然坐得比較遠，但係相對嚟講比較安靜，感覺幾舒服，下次可能都會要求坐入少少，略嫌靠近方便取餐位置，枱之間比較近。某程度上有少少驚喜，因為比較接近景點，沒有想到食物質素是香港自助餐中接近頂流，因為都是萬豪系，例如JW也是食物質素好，雖然酒店沒有投放大量資源力谷宣傳，所以試過先知道好食，回頭指數極高！而且服務都唔錯，收碟收得快，酒店餐廳員工也是有禮殷勤星期六日價錢$8xx 一位但係我有酒店會員所以都有八折，只不過服務費需要以原價計算食物豐富程度: 滿意無論中式西式東南亞熱盤同冷盤例如刺身沙律都有，海鮮方面、波士頓龍蝦、燒蠔都有，但係需要排隊，所以先食咗唔需要排隊嘅食物新鮮程度：非常滿意刺身質素有千両水平，完全唔係平時敷衍你嗰種，刺身夠厚身，而且融雪情況理想，必吃油甘魚 帶子 赤蝦，牛蒡漬物也是不錯的，食完好開胃，明太子沙律也好吃燉湯：花膠瑤柱燉瘦肉每碗也有1-2塊花膠，味道超好，前前後後飲咗最少四至五碗！唔需要排隊，大推介！波士頓龍蝦：每人每次只限半隻，但是排隊不算太慢，肉質不錯，中上水平，吃得出是非常新鮮的，就算不加任何醬汁也很有滋味，可以加上芝士汁咖喱汁，或者辣椒豉油小失望的地方：每人一位的蒜蓉粉絲蒸帶子，味道真係麻麻哋，期望越大失望越大，浪費了我的Quota，我建議可以skip 甜品方面，選擇多勁多Häagen-Dazs 雪糕款式都有五六款雞蛋仔、焦糖燉蛋 楊枝甘露 豆腐花，味道都唔錯，如果有小朋友仲可以搵吓夾糖飲品方面，有提供凍檸茶 ，可以自己加糖
繼續閱讀
您可能會有興趣的...