海洋超級漁港 (深海龍躉專門店)

營業中

休息中

冬至食飯，因為要去旅行，所以提早兩日食，反而不用同人迫，仲因為早book枱，可以比間房我地，可以早D同兩老去打吓麻將。冬大過年，一定要食好D，呢間哥哥經常來吃飯，所以由他發板，如一般酒席叫左一圍，當然改好一點，樣樣都大碟又好味，乳豬唔肥皮香硊肉鬆化，最愛佢跟的層餅仔，點甜醬與乳豬一起吃，帶來不少兒時記憶。龍蝦加錢改要澳龍，彈牙鮮甜，不要伊麵改配煎米粉底。米粉沾上上湯龍蝦汁勁好味。清蒸大海杉班，蒸得剛好，唔老，魚味濃，肉彈，老豆話全晩最好食。花㬵鮑片一般貨色，味濃，但編咸左少少。薑汁酒炒芥蘭，菜嫩，有鑊氣。臘味南昌雞籠仔蒸飯。勁好食。臘味香，雞滑，最好食當然係D飯，吸收曬臘味的香和雞的汁，惹味非常。壽包就一般，馬拉糕就非常好食，鬆軟綿密，不太甜。可說是完美。

知道這裡算是我叔叔的介紹。畢竟他的洋服店在附近開業了三十多年，而且像我爸一樣，為食又嘴勺，吃遍了油麻地和佐敦所有的中菜酒樓和火鍋店，小時候跟著他們幾個大人在油尖旺也過了不少口癮，但最近幾年冬至，他都選這裏吃團圓飯，都成了熟客。這酒樓開業了多年，最出名是：清蒸龍躉，龍蝦，燒味，其他菜式味道也是中上，但重點是性價比高，周末飯市人均一兩百，但常常滿座，晚上九點後的宵夜時段，正價小菜也不過是一百元，平時都是多做熟客生意，宵夜也有大半滿座，但如是生客，天天在樓下走過也不會被招牌或菜牌吸引上去。雖然這裡環境格局偏小，還算光鮮乾淨。一個長方形廳，有個半圓小舞台可坐兩席，旁邊是面向街景大玻璃，如若多訂數圍，就已經包了半個大廳，另有三間廂房，每間房可放兩張大枱加兩張麻雀枱。我們這次冬至吃團圓飯訂了兩圍，就要了一間小房。鴻運脆皮燒乳豬全體，皮夠薄夠脆，乳豬唔肥，唔點醬都好味！化皮乳豬，乳豬外層夠香脆。伴碟的涼伴海哲，是另外裝碟，彈牙煙韌，但份量激多，我們十三人每人夾了兩三次才夾完。彩虹腰果炒蝦球伴椒鹽蝦球，西芹爽口，花枝片較韌，蚌肉煙韌，腰果香脆咸香，順帶一提，吃過幾次白灼蝦，都是大隻又鮮甜，這次的蝦仁，

山長水遠來到將軍澳，少不免去飲茶，這天來到新都城3期的海洋超級漁港，看似是吃海鮮的地方，但我只是來吃下午茶，不必用海鮮如此隆重來歡迎我了，我當自己屋企得架啦。雖然是下午茶時段，找一個位置坐下也是一種困難，唯有搭枱，與隔離的陌生人，大家手拖手肩碰肩合巹交杯來吃這一個小小的下午茶。皮蛋瘦肉粥$22：綿綿粥品，但凍了些許，粥必須熱辣辣吃才有意思，尤其是冬天的時候...白灼菜心$42：菜心油光滿臉，落的油應該不少，其實我想講清蒸菜心就可以了。古法馬拉糕$22：咬落香甜，陣陣清香。小籠飽$30：咬下都有汁流出，但仍略嫌小凍。白腸粉$26：還是油光滿險，應該健康的菜式化了碟。埋單$167，原來如此多人吃也未必定是好味的，原因可能是附近酒樓少吧，我見到佢地食得好歡喜，我自己就麻麻地，我看我還是早些埋單，留返個最佳位置給他們吧。

食物係幾好食，但服務超差。事件一：話說我地食壽宴，有蛋糕（有壽星公公仔同幾個壽包係朱古力造），切完哂蛋糕，侍應話幾個裝飾品已掉，因為通常冇人食。事件二：女廁廁所有兩格比客人嘔到污糟哂，侍應竟然係仍然有女士壽緊廁所既情況下，叫個男清潔工入女廁清潔，當時我係最出果格去緊廁所，個清潔工拎條水喉噴濕哂我。我覺得好過分，果個係女廁尼，點解比個男清潔工入去清潔。

成班蝦怪，每幾個月都會聚一聚來呢度食蝦，今次借富貴同事生日來個飯聚😁不過呢度D蝦冇得電話訂，成日嚟到要睇彩數，我地今次七點九到，就已經得番一斤蝦咋，十一個人食一斤蝦，大家都欲哭無淚😭仲記得上次五個人食五斤蝦先至覺得啱啱好🙈 嗰陣阿姐仲問我地係唔係嗌大左🤣不過老實講除咗D蝦，其實其他餸都OK尤其是呢度嘅壽桃入邊有鹹蛋黃㗎👍🏻不過等我講返D蝦，何解成日都冇呢就係因為D蝦好鮮甜，好爽口又大隻又抵食白灼咋喎，唔係本身D蝦好食真係白灼就見真章所以我哋一話食蝦，就會嚟呢度😆另外推介乳豬都好好食👏🏻因為要請埋同事食生日飯仲要飲咗五支酒(自備)有個同事做統籌計返都係講緊$320一個頭，所以我唔係好清楚呢餐飯幾多錢，總之就扺啦😆

海洋 唔系系d好靚嘅地方若果你系樓下 你唔似會上去不過d食物質素系唔差嘅😂😂😂是日大年初一 員工非常欣勤一有客人到 就列隊系門口等侯💤1️⃣龍躉兩味 - 炒班球 蒸龍躉🐟🐟🐟 $388深海龍躉專門店 唔系唔食龍躉掛炒班球 炒得好 魚身厚 好滑蒸龍躉 有果皮味好正2️⃣燒鵝 （例牌 ） $168系好香 多肉不過食食下覺得點解兩邊鵝肉唔同嘅一邊好好食 一邊梅梅地.........so bad 唔系新年就要你退嫁啦3️⃣籠仔豆腐蒸帶子 $108中規中矩 有少少荷葉味 帶子頗細粒 大番少少會開心d 性價比低

去開佐敦整頭髮，就出去搵搵食啦😋😋本身想試d細店，點知可能我去嘅時間開始多人食野，見幾間小店都full full 地，最後決定都係飲茶😃😃（始終都係鐘意飲茶）我係食午餐時間，吾係食夜晚，所以覺得都係一般酒樓甘様吧！不過食物係ok架，因為起碼樣樣都即刻蒸，所以熱辣辣上堂嘅！蝦米煎腸粉：👌🏻馬拉糕：個賣相雖然一般，但味道出奇地正！食落好香，好軟熟！我囡囡都話好味道😆😆柴魚花生粥：好少酒樓有，所以我點了試👍🏻味道吾錯，重有好多花生添😏😏

今日做下孝順女同daddy去佐敦飲茶呢間海洋超級漁港係爸爸一向幫襯開，但我就第一次去。 是日大約中午12點去到，等左五分鐘就有位。我地叫左$168套餐，有南乳吊燒雞，金銀蛋莧菜同上湯米線。另外再單點一個沙薑雞腳、椒鹽魷魚鬚同咸水角。沙薑雞腳無咩特別，不過不失咸水角餡比較少，而且不夠熱同脆南乳吊燒雞雞皮香脆，點南乳一起食的確好香好好味。金銀蛋莧菜一向我最愛，上湯濃而不咸，莧菜新鮮，不錯。椒鹽魷魚略嫌蒜同辣味道不夠，有點遜色而且炸粉太多。總括嚟講不過不失，除地點方便，我相信仍有好多好選擇

公司黎食春茗開年飯，真係未食過一間酒樓咁無質素，一係咸，一係無味。先黎係乳豬海哲, 乳豬可以又凍又咸皮唔算太脆，得個肥字，而海哲除左油就係油，無味可言。之後開始亂咁上菜，第2道已係蝦球伊麵，但伊麵完全係碎濕濕，夾都夾唔到. 蝦又唔新鮮，成碟野完全無味。橫財就手發財好市炆鵝掌，D冬菇厚身但係硬既,個底用生菜墊高，但係煮到林晒，成碟野得個蠔油茨有味，一個字咸。清蒸珍珠班係好大條，而且好厚肉，不過蒸到過左時，香口膠咁刃。上菜之前應該放左一陣，就連清蒸既豉油香味都無，蔥薑又唔多，唔知自己食緊咩。個翅得個咸字，無野想講。之後就炸蟹鉗同炸子雞一齊上黎，炸蟹鉗都炸得幾靚既, 不過入口成團粉，無味。炸子雞凍既，食唔落口。個糯米飯食水都唔夠，淺啡色，仲要濕既痴埋一舊舊。個壽包好重手，入面蓮蓉太多，個個都話似食月餅。成餐飯，都唔知自己食左咩落肚，無一樣野值得讚。食到後面想搵個阿姐加茶都無，招呼差到咁，我諗唔到下次仲要黎幫襯你囉。

今次同學聚舊，秋天到他選擇火鍋於是約左係海洋地方好近地鐵站出口，行幾分中就到去到門口店員安排入座，足夠空間感，座位整潔又舒適店員先奉上醬料盤:辣椒，蔥花，生蒜，乾蒜先調個混醬，先點個湯底吧，煙央湯底沙爹好夠濃味再點火煱料:手切牛肉質鮮嫩，油花分佈均匀，牛味比較重全熟仍保持不乾不韌帶子勁大隻，又爽又鮮甜兩個人食得好滿足象拔蚌刺身是我吃火煱必點的喜歡它的勁脆口感！點了些蔬菜，餃子，響鈴總括來講環境舒服, 食物質素也不錯值得一讚是這兒的服務很好，店員經常為我們加湯煙央湯底話多皮豆就多皮蛋，沙爹湯加水後亦加沙爹醬

有同事調職，攪餐大圍飯歡送，其實自己唔鍾意食酒樓大圍飯，菜色未食已經估到係乜，味道又唔會有驚喜，去酒樓只不過係貪地方好坐，平平地食餐晚餐！今次呢間係同事介紹，話味道唔錯，菜色唔會好公式！去到只係普通酒樓格局，比咗一間梗房我們兩圍！但間房比較窄，兩張大枱之後只可以放多一張麻雀枱！可能今晚都多人訂房食飯！所以就迫啲！席前有一個侍應招呼！阿姐好勤快，幫手換茶添水兼唱錢！好helpful! 鴻運脆皮燒乳豬全體：皮夠薄夠脆，乳豬唔肥，唔點醬都好味！海蜇煙韌！汁料清爽！金沙撈起大海花蝦球：薄咸蛋黃包住爽口蝦仁，味道咸香，食唔停口！彩虹腰果炒花枝片拌蚌仁：西芹爽口，花枝片較韌，蚌肉煙韌唔腥，腰果仁香脆！好味道！鮑汁金錢海鮑片扒豆苗：鮑汁香濃，鮑片炆得入味煙韌，冬菇厚肉淋身，豆苗嫩兼爽脆！好味道！原盅蟲草花燉龍躉頭骨湯：燉湯足料，湯好清澈，味道濃郁，充滿膠質！湯料另上，蟲草花煙韌清甜！清蒸生猛大海珍珠班：條魚好大條，魚肉正常，不過黏骨！出色在魚皮彈牙，豉油清爽微甜，青蔥好嫩爽口，夾埋一齊食好味！魚湯什菌浸新鮮冰菜：魚湯清甜，第一次食冰菜，好爽甜，質感得意，雜菌煙韌兼索晒魚湯，好味道！籠仔臘味蒸滑雞飯

這篇是小妹第2篇食評,加油加油! 今次已經唔係同Mr. Li 食啦昨晚來到佐敦的海洋超級漁港試菜A 出口直行就是了,上三樓~~同幢的有日泰郎等等食店~時間大概是晚上十時多....宵夜!! 要吃點東西補充體力,heehee.餐廳裝潢:地方格局和酒樓一樣, 地方少但絕不狹窄, 光鮮,乾淨, 人手足夠!一個長方形廳, 有三間廂房可打馬吊, 有個半圓小舞台可坐兩席,旁邊是大玻璃,面向街景.我們四人的宵夜: 前菜的花生都好吃,轉眼就吃光了共點了四個小菜.1)黃金豆腐拼九肚魚 ( $38?/$48?)椒鹽豆腐九肚魚,金脆可口,非常好吃, 大家來可以試試!!即叫即整吧! 又熱又脆, 豆腐小小的一粒粒,非常非常好吃 (我和家人都覺得,送酒一流!)九肚魚很新解,肉嫩的.good!可以跟大家說份量很多!!2)南乳脆皮雞 ($48半隻)南乳醬是另上的, 我只吃了兩小件,因為很快被家人掃清了.=_=""我吃的就肉質不會太實,就是有剛好的感覺. 由於我到最後才吃,所以皮的部分有點脆又開始有點淋了. 味道還好.3)芝士蝦球麵 (幾十蚊)可以說的是份量真的絕不欺場. 麵多醬多蝦球也超多.(10隻也有吧,

補返差不多一個月前既食評~成班好友或叫舊同學聚舊朋友提議到此聚餐26個人的飯局當晚我地9時多入座,(上午已經book位)食物方面最先送黎係乳豬拼盆乳豬，分碲，叉燒，油雞，海折賣相好得.乳豬外層夠香脆肉亦夠香味道都ok，海折彈牙，分蹄爽口叉燒又硬又鞋口，陪跑一份子油雞夠嫩滑，但無雞味紅燒雞絲花膠大生翅,分量十足好多D花膠絲翅較幼身,湯稀杰適中, 味道還可以芝士海蝦伊麵勁多芝士汁，雪藏蝦毫無味，得個爽字，個汁撈麵就幾好百花釀蟹拑熱辣辣上,一口咬下有燙口感覺蝦膠肉質夠爽甜彈牙沒有沾醬味道也很入味西蘭花雙蚌西蘭花普通，珊瑚蚌都爽鮮豆苗海螺片，螺片讙頭貨無特別北菇香濃亦夠大隻豆苗夠翠綠夠嫩口，完全無渣，正翡翠炒星班，魚肉比較鮮嫩,鮮味超級濃翠肉瓜爽口炸子雞,我分到雞胸一件雞翼一件.偏鹹,肉嫩雞味不重,雞皮還算香脆仲有其他食物水準OK 埋單每人大約二百元算低服務幾好, 加茶分菜好爽手, 員工亦有禮貌裝修算新淨, 廁所乾淨, 環境舒服

今朝約咗朋友攞嘢，朋友去過呢間飲過下午茶話ok，想試下呢度早茶，就去咗呢間飲。兩條友去到，大廳冇位，侍應就開咗近窗果間大房，房入面全部細枱，座位都算舒服企理。點左6 個點心，2個甜品：6個點心：1) 煎蝦米腸粉 好乾，好硬，一定唔係即煎，而係一早煎好一大堆，有人order果陣就再煎翻熱果啲，仲差過以前推車仔賣點心，因為上枱果陣只係暖暖地唔夠熱；2) 煎芋頭糕 又係好乾好硬，上枱又係暖暖地唔夠熱，情況同上面煎蝦米腸粉一樣；3) 蒸蝦腸 皮太厚，但蝦仲算有鮮味；4) 鳯爪 啲汁好杰，食完「醬」住個口，又係唔得；5) 山竹牛肉 個牛肉球好鬆散，撈粉撈得太多，一啲咬口都冇；6) 春卷 炸咗放得太耐，索咗油，唔得。2個甜品：1) 芒果布甸好食，好多果肉，唔太甜，啱健康人仕口味；2) 紅豆糕好食，又係唔太甜，好怕食呢啲糕點係咁落糖搞到甜耶耶，呢個啱啱好。呢間嘢，早茶都做到咁差，我都唔會對午市同晚市有期望，唔會再去了。

嚟呢度食宵夜已經好多次今晚成十一點幾嚟到得番三四枱客人，房都仲有客未走講番我地叫左沙爹湯底一份手切肥牛，仲有皇帝菜，金菇白鱔片同埋一個公仔麵沙爹湯底都好香濃，我好鍾意手切牛肉好像細碟咗，仲好鞋口，唔惦記得上幾次嚟好大碟同好淋宜家原全兩回事，下次唔叫白鱔片都好爽口其他都好新鮮，都唔錯公仔麵普通出前一丁跟味精上呢度服務都可以價錢都好實惠兩個人連一炸西瓜汁都係兩百元都可以接受