海洋超級漁港 (深海龍躉專門店)

營業中

休息中

今日跟幾個同事吃了一個十分抵食的商務套餐餐！點心拼盤蝦餃、燒賣都係上上質素，仲有好鬆軟嘅白糖糕，食得好滋味。碧綠花枝蝦花枝好爽滑好好味，冇諗過個蝦球係咁爽甜大隻，真係比100分🫶🏻🫶🏻🫶🏻足料靚湯粉葛瘦肉，十分足料，有媽媽湯的感覺😋😋清蒸沙巴龍躉呢條魚都算好大條，我哋四個食都食到舔舔脷，好嫩滑好鮮甜。蟲草花珍菌浸菜苗呢碟菜就未食得晒，可能太多了，但總體是可以的👌玫瑰豉油雞玫瑰露好香，豉油入味，雞好嫩滑，讚！合時凍糕點椰汁紅豆糕，份量剛剛好，作為圓滿的句號。

是日晚餐約了家人在佐敦海洋超級漁港進食。天氣炎熱，飲杯壽眉食下花生再睇食咩好。最後點了西澳洲龍蝦三寶，半隻醬燒琵琶鴨，果皮蒸頭腩，原煲老火湯。西澳洲龍蝦三寶--芝士焗龍蝦+伊麵底--一層厚厚芝士再撈起撈埋伊麵底，非常香口。主角龍蝦鮮甜肉質好，一梳梳龍蝦肉拆出嚟食大大歡喜。當紅脆皮吊燒雞--南乳汁協助去提昇味蕾口感，肉質好。燒得剛剛好還保留著肉汁加嫩滑雞肉。金銀蛋蒜子浸菜--大碟到應該有成斤菜芯，菜芯新鮮。醬燒琵琶鴨--外皮脆鴨夠味而且真係好大碟。果皮蒸頭腩--頭腩魚香十足，肉質好好。厚厚魚皮更加係食出骨膠原。原煲老火湯--今日老火湯係粉葛鯪魚湯，湯煲出來的味道，濃度都可以飲得出用料豐富同火喉充足。濃郁湯味道是家的感覺。食完仲有甜度剛剛好，煲得淋淋紅豆的紅豆沙吃。

今日難得和朋友們一起到酒樓飲茶，於是就決定食好啲，叫了一個四人份量嘅商務套餐。鴻運點心拼盤一個拼盤有三款點心，特別欣賞蝦餃和燒賣，蝦餃皮薄餡靚，而燒賣鮮美可口。碧綠花枝蝦球新鮮的西蘭花配搭爽口彈牙的花枝和蝦球，整體味道不錯。明火足料靚湯湯頭濃郁鮮美，四個人飲到一滴不留。清蒸沙巴龍躉龍躉肉質鮮嫩，味道非常鮮甜。玫瑰豉油雞雞肉鮮嫩多汁，口感滑嫩。蟲草花珍菌浸菜苗套餐有菜食，正！唔同嘅蔬菜夾雜在一起，口感有唔同嘅層次。合時凍糕點餐後的一道清爽的甜品，口感Q彈。

今晚一行四人, 約了飯局, 大家都想找間海鮮酒樓食晚飯, 聚舊聊天.   結果選擇了 佐敦海洋超級漁港 (深海龍躉專門店)步入酒樓, 看見大魚虹內有生猛海產,  食海鮮不一定去鯉魚門或離島, 近近地乘地鐵去佐敦更方便.  設巨型酒櫃,  中外好酒也不少.  食堂面積大,  還有多間貴賓房. 我們安排堂座, 水滾茶靚,  侍應送上餐牌多張,  食材款式多, 價錢吸引,  立即落單.   晚市優惠, 二選一.   我們點了  生猛大海花蝦. （8隻）鼓油皇焗. 香氣四溢, 蝦肉爽彈惹味, 每人兩隻. 我們又點了優惠孖宝.   (有多款 自選組合)金銀蒜蒸大元貝 （4隻）好巨型. 粉絲蒜蓉蒸, 每只大元貝佈滿了滿滿的蒜蓉及粉絲, 蒜蓉好香, 元貝蒸得岩岩好, 夠鮮味, 不會韌,  粉絲也極柔軟, 撈些蒜蓉同豉油汁入曬味.豉椒洋蔥炒蟶子（4隻）蟶子好大肉. 厚肉又爽口, 配了豉椒汁, 味道不太重,  可以吃到蟶子皇的鮮味,  炒得剛離殼, 肉質好滑, 鼓椒惹味開胃.食海鮮必食魚, 生猛龍躉兩味, 最合心意.  龍躉炒球好鑊氣,  厚肉, 好大塊,  魚肉新鮮, 口感結實但不乏彈性, 加入了嫩綠

《海洋超級漁港》地方好近地鐵站出口，佐敦站出咗行幾分鐘就到 去到門口店員安排入座，入面空間感好足。 當晚四個人我哋點咗： 《懷舊醬燒琵琶鴨 》$78 半隻 雖然係半隻但上枱比我地預料中大碟，怪唔知經理叫我地嗌住先唔夠食再加，果然冇錯。皮脆肉嫩，又冇燒鵝咁油膩。 《冰鎮咕嚕肉 》$138 成碟咕嚕肉一大個冰盤上，外表相當吸引。啖啖肉酸甜適中，味道好好。 《豉椒炒蟶子皇拌煎米 》$268 蟶子皇新鮮爽口。煎米粉兩面乾香，是潮式兩面黃的製法，豉椒芡汁令煎米粉更惹味。 $298孖寶《沙巴龍躉斑》 蒸魚火候恰到好處，魚肉鮮嫩蒸到剛剛離骨。夾上清爽的姜蔥，淋上微甜的豉油，有水準。 《紅燒脆皮乳鴿》乳鴿皮香乾身，肉香頗濃。 《鮑汁燴滑豆腐》$118 經理引以自豪嘅豆腐煲。豆腐外面酥脆，裡面非常的軟嫩。鮑汁伴白菜燴嘅豆腐煲，的確係出色。 《例湯：粉葛鯪魚煲豬骨》 $198 粉葛湯鮮甜，湯渣都好好食。四個人六個湯，足夠食有餘。實在是一間性價比高嘅酒樓。

今日同家人到佐敦海洋超級漁港食晚飯。原來餐廳拎左飲食天王頒獎禮龍躉天王。好快安排好座位，店員好有禮貌問好飲咩茶，俾左碟脆脆花生。今日我哋叫左個二選一特價優惠，4個人可以以$78叫半隻醬燒琵琶鴨，原煲老火湯，西澳洲龍蝦三寶（芝士焗龍蝦伊麵底，金銀蛋蒜子浸菜，當紅脆皮吊燒雞）果皮蒸頭腩。醬燒琵琶鴨：琵琶鴨入味，燒出外脆內熱。原煲老火湯：個湯飲得出個濃味完全飲得出係煲左勁耐既老火湯個濃度人地講幾多碗水煲到一碗個款，真係超級好飲。粉葛鯪魚湯真係用料十足。芝士焗龍蝦伊麵：芝士味濃，龍蝦啖啖肉，龍蝦爽口彈牙。伊麵混合芝士汁食一流。金銀蛋蒜子浸菜：咸蛋皮蛋都好香，蒜子爆過香味入返個湯。菜芯新鮮爽脆嫩口。當紅脆皮吊燒雞：雞外脆內嫩滑，肉汁仲鎖住，唔會過火鞋口。果皮蒸頭腩：果皮香帶起成個魚，魚香味十足。紅豆沙：紅豆夠晒淋，甜度岩岩好。

嚟到呢間茶樓，首先點嗰碟上湯焗龍蝦真係賣相吸引，龍蝦肉咬落去彈牙得滯，夾埋啲伊麵，醬汁香濃，真係👍🏻！然之後啖啖鮑魚，蒸得啱啱好，唔會話太硬或太腍，微微的鹽香味，簡直side裡正！清蒸龍躉又係一絕，肉質鮮嫩，滑嘟嘟，我就鍾意咁樣啖啖清甜。不過炸子雞就真係皮脆肉嫩，啖啖肉香，啲皮薄又爽口，正到飛起！講到負面，鹹排骨時蔬煲就真係有少少失望，排骨肉嘅部分太肥膩咗，食落有啲腻，可能要再改善吓。至於流沙奶皇包，本來我好期待，但遇到奶皇酸咗，幸好經理好有服務精神，即刻換左個椰汁紅豆糕，順滑又唔太甜，就算胃口差都想再食多啖！總體嚟講，呢一餐食得好滿足，咁多款海鮮都做得出色，少少閃失都係小事，特別值得表揚下茶樓員工嘅服務態度，熱情又貼心，下次有機會我一定再嚟！👌🏼🦞🍲

睇完戲去附近搵地方hea最好就係飲茶啦可以坐下傾下偈又有啖水飲下黎左呢間海洋超級漁港呢個店名一聽就覺得有啲歷史以前真係好鍾意叫xx漁港睇下餐牌點心同茶錢都唔貴喎仲有唔少特價點心添即刻劃下食咩先孖寶蜜汁叉燒湯瀬+一款點心$46碗叉瀬都幾好仲好大碗添點心併左蟲草花什菌餃個皮煙韌餡料多仲勁重芫荽味添春蛋燒賣$28似乎係呢度名物好多人點大大粒蝦膠彈牙香芋糯米卷$28芋頭皮包著綠豆蓉糯米飯都好食但我鍾意傳統糯米卷多啲鮑汁鳳爪$28朋友話鳳爪明明就小點多鮑汁兩個字就賣貴啲哈哈好食就得啦鳳爪很入味花生又炆得淋晒正喎壺茶都幾好夠濃又夠滾鐵觀音很清香呢度都應該開業多年了疫情下仲支持得住算係咁加油吧～

好友出嚟陪我lunch,仲專登早些出嚟攞定位,開定茶等我😘真窩心❤️甘啱喺房不會那麼好嘈吵,方便傾計！兩個人叫咗四樣嘢食😋不知不覺間傾下講下兩個鐘頭好快過又要繼續工作😅🥢煎薄餐薄撐煎唔油膩,薄撐皮都熱騰騰既,香蔥都幾多,只嫌煎得唔夠香口😅🥢叉燒腸粉腸粉不是太厚身而且算滑溜,叉燒餡ok嘅,點上甜豉油,令味道提升😋🥢椒鹽九肚魚外層炸粉好簿而且唔會咬落去成口油,仲好juicy,味道唔錯😋🥢鯪魚肉煎釀茄子茄子微暖,但係不至於成口油,不過不失可以接受,如果再熱啲就會更加好😅總括嚟講食物尚算ok！

今日參加咗同事喺佐敦舉辦嘅大食會，包場入邊仲有得打麻雀，未出發之前都非常興奮 今晚叫咗套餐，每人收費$380，酒水全包 性價比其實都幾高，仲有私人嘅空間，唔怕嘈到其他人印象比較深刻嘅有豉椒蟶子配煎米粉，超肥美既蟶子非常新鮮，食得出有鮮甜嘅味道今日既蟶子夠哂大隻，廚師火候控制得好，炒得剛剛熟，鮮甜爽口彈牙，配豉椒夠惹味。配上米粉嘅配搭一流。魚湯菜心非常好味，鮮魚本身既海鮮甜味再加上蔬菜既清甜味道，口感不單味美，而且營養都十分豐富，簡單得來又好味臘味糯米飯香而不油膩、糯米既軟硬適中，整體香口亦不太油膩，飯粒水份食得出適中有咬口，配料香甜

COVID--19疫情下，第３個中秋節經歷年初爆發第５波疫情，連續105天禁晚市堂食，團年飯、開年飯都要在家煮，中秋節可以外出慶祝，當然要把握時機。今年的中秋節晚餐，我們選了家街坊茶樓：海洋超級漁港提前１星期訂座，準時到達，點了龍蝦鮑魚４人餐，包括以下的：#上湯焗龍蝦：龍蝦肉富彈性，有鮮味，配伊麵底，好吃！#果皮蒸南非鮮鮑魚：火候剛剛好，完全不會韌，好吃！#清蒸沙巴龍躉：新鮮，魚肉嫩滑，好吃！#脆片炸子雞半隻：皮脆肉香，好吃！#鹹排骨時蔬煲：排骨太肥，扣分。#流沙奶皇包：奶皇餡變酸了，向經理反應，給我們換了椰汁紅豆糕，微甜不膩，yummy！

這裡的龍蝦伊麵好抵食，$168已經有一食龍蝦，轉芝士伊麵不用另外加錢，味道鮮美，燒肉皮脆，兩小排份量剛剛好，芒果布甸裡面有芒果粒，可份量比較少，綠豆沙甜度剛好。

服務態度真心麻麻，或者對熟客會好少少吧。阿姐將單「啪」一聲飛落枱，實在有欠基本禮貌，仲要唔係多客的時候，全場至少一半吉枱。所以難用忙亂做藉口。壺開了蓋，等了廿分鐘都無人加水，舉手🙋🏻叫人，無人理，有人見到眼神回應了，但無蹤無影，五分鐘後再舉手🙋🏻，另一阿姐好不願意地拎去加水，但又係「啪」一聲重重放下。食物尚可：咸水角-有驚喜，值得一食牛柏葉-正常發揮，不妨一試叉燒腸-叉燒明顯隔夜有異味，皮厚粗但Q彈，料少，肚餓可食帶子餃-帶子比尾甲還小，蒸過火，完全夾唔起，內外分離，味道一般，不需試

同屋企人去完西九龍海濱公園睇聖誕樹後， 原本打算係西九食埋晚飯，但嗰度得返一間餐廳有開而且坐滿人…… 所以唯有出返去佐敦食晚飯。出到去佐敦已經八點幾再加上肚餓， 所以見到有間酒樓就入咗去食。紅燒北菇豆腐：正常水準，不過不失。魚香茄子煲：上枱時熱辣辣， 原來伴白飯食一流。咸菜支竹豬肚煲：鹹菜味及胡椒味好濃烈， 個人飲完啲湯會變得好暖。美極蒜片炒肥牛粒 ：肥牛粒分量好少，配料反而好多。蛋白菜粒炒飯：分量正常，但味道偏淡。

兩個人平日去佐敦平民酒樓飲茶。第一次嚟呢間 （初初看佢個logo以為係同一個有 「海」字的集團）不過，見點心紙嘅設計，應該唔係🤣入到去午膳時間，乜優惠都冇，都好滿坐。坐底後，見到張點心紙，好多大點同特點😵‍💫，原來一d都唔平民😮 心諗唔緊要，就食好啲啦。就揀咗幾樣，平時都會叫嘅「大熱」點心。要先講下籠 特點「崧子上素餃」，如下圖，皮薄晶瑩嘅，崧子同冬菇片都有啲，因為收特點，我會預期多啲靚餡料，一眼睇晒，可惜不似預期😢，三隻素餃好「扁」，皮又太黐住張蒸籠紙，點夾都穿，流晒啲餡出嚟，食得好狼狽，寧願叫碟炒雜菜加粉皮 😂。唔建議點佢。其他都係大點，「鮮蝦菠菜餃」係可以試下，佢個皮冇 「上素餃」咁薄，同埋真係「立體d」，冇一夾就散，加上佢都叫有粒蝦仁，都係大點，又大粒過素餃，兩款相比下「鮮蝦菠菜餃」較優。如果吃全素嘅朋友，就小咗個選擇😢另外，其他酒樓多數都係中點的 「牛肉球」和「雞包仔」呢間收大點。你可以話佢份量多小小？！但味道材料同一般平民酒樓或者點心專門店冇乜分別，唔覺得特別要去呢度食點心。本來諗住 貴咗小小 吃好小小，可能我自己期望高了小小。正如好多人都講 「貴未必好」。