海底撈火鍋 (金巴利道)

營業中

休息中

早咗一個禮拜透過電話book位，慶祝生日。我哋book咗7點，但係7點3先到。門口個侍應好熱烈歡迎我哋，係咁安慰我哋話等多陣啦執緊枱啦就有位啦。我哋想book美甲，但係嗰日已經full左，佢俾咗一張卡片我哋叫我哋下次唔使食都可以去整☺️入到去店員就為我哋送咗一啲生果頭盤，好貼心😝嘢食方面就同大陸差唔多，分量就少啲。不過都食到大陸嘅味道。因為我哋有人生日，佢仲安排咗生日歌播俾我哋聽，因為我哋冇買蛋糕，佢送咗個生日蛋糕同生日禮物俾我個朋友，佢超開心🥳😂不過大家要去食嘅話就早少少去排隊，七點開始超級多人。

第一次食海底撈係係深圳，疫情底下無辦法北上，所以就黎香港分店食，香港分店好似無大陸咁好食今次用餐係因為朋友生日，我地四個人嗌左番茄拼牛油麻辣湯底，呢兩款都係海底撈最出名嘅湯底，番茄湯底非常濃郁，麻辣湯底都好香！必試我地嗌左毛肚、黃候、蝦滑、蟹柳棒、雞胗、鴨血、午餐肉、油條、萵筍、鵪鶉蛋、脆皮腸、日本和牛！其中我最推薦大家試毛肚、蟹柳、脆皮腸、鴨血同埋日本和牛。日本和牛超級嫩！真係可以話係入口即溶！值得一試！鴨血都非常唔錯，係比較脆嘅口感！個人十分鍾意！

喺香港開設嘅海底撈一直未有機會食，呢排忙完終於都搵到時間約埋朋友一齊去尖沙咀試。整體服務、食物、湯底同大陸海底撈嘅大同小異，仲可以預約‘單色指甲服務’，係等位嘅時間可以體驗下。入到去餐廳會見到食物區擺咗一啲生果，例如西瓜等，仲有醬料供客人自行拎取。火鍋爐有四格，可以因應價錢揀選兩個湯底，今次特別係揀咗蕃茄湯同埋菇湯，菇湯滾起左嘅時候一定要飲嚟試吓，你會飲到香濃嘅菇味，非常有驚喜，而且會愛上佢嘅味道。食材方面，牛肉質素尚可，配菜與其他火鍋店嘅類別差唔多，只需要揀返自己鍾意食嘅就可以啦🥰。仲有一定要叫海底撈嘅手打麵，因為有師傅會即將喺客人面前表現拉麵。

收工好想打邊爐嘅一個晚上，9點幾可以選擇嘅地方唔多(禁堂食12點)好耐好耐冇去海底撈，仲可以用埋之前嘅優惠卷，就去食一次啦！湯底：胡椒豬肚雞$54好足料下喎！係咪臨收工所以比多啲料呢🤔味道唔錯，胡椒味足夠，唔會好味精！牛小排半份$0好食！有牛嘅香味、而且好滑！嫩雞肉片半份$24呢個樣子唔太討好，但味道、口感係正常架！油豆皮半份$19呢個薄薄的一條，食落幾得意喎！而且豆香味幾重！皇帝菜半份$19每次都要叫嘅菜～炸饅頭$22間唔中就會想食嘅炸饅頭！呢度嘅炸饅頭依然好食～

海底撈火鍋因為香港太多選擇 所以搞到一直都機會試香港既海底撈 今個月有位壽星女點名食喱間 凹咁我地就陪你去試-一試啦 雖然花臣野唔可以同大陸相比但佢既生日歌同氣氛真係笑死人珍眼水都標埋出嚟台斜鍾意搞笑氣氛慶祝生日不妨可以試試喱間（重點要揀普通話版嘅生日歌)仲有好佩服佢哋嘅員工 卑躬屈膝咁制仁怪不得個個都話海底撈係sell服務態度而唔係嘢食？（其他人我唔知但今日 service我地既員工真係好好搞到姐姐我都有啲唔好意思添 ）

今日同男朋友一齊去咗打邊爐，因為天氣好凍打邊爐就啱晒啦！ ！之前去過九龍行嗰間海底撈，覺得麻麻哋，今次就試吓黎尖沙咀呢一間！食物方面，我哋嗌咗好多半碟嘅嘢食，嗌咗魚啦，豚肉啦，鵪鶉蛋啦等緊！另外我哋仲嗌咗一個胡椒豬肚湯仔同埋麻辣湯底！其實都真係算好好味，但就係唔知點解同大陸嘅湯底味道硬係爭咗少少野😔😔😩😩

通常任食先會限時，但呢間嘢一來唔係任食，二來價位唔係好高但一定唔係平，限2小時叫人食到一半走？真係又難睇又市懀！而且我地共四位，有兩位早到半小時，間舖頭入面冇乜人都堅持一入座就計時，理得你未齊人，之後亦有幾枱客因未齊人而無奈等候，完全欠缺彈性去處理，冇下次！In my opinion, they need to improve:1) increase the limitation of the eating time 2) serve customers as a more flexible bases

大陸嗰間海底撈同上海道海底撈我都試過香港我真係第一次試下呢間， 因為疫情關係唔會有真人表演喺度做手工麵， 如果一個仲有個毛公仔陪住你食唔會寂寞呢度嘅調味料 林林種種花八門 我最鍾意就係佢嗰個牛肉粒醬料 仲有xo醬醬料都好好味每道菜都好精緻細細份唔會太多 如果有任食放題就更好啦生果好新鮮西柚好甜多汁， 呢度啲服務員好好經常走過嚟加水同埋斟水 非常細心， 前菜可以任添 飲品加15蚊就可以任飲檸檬汁味道可口， 朋友冇介紹錯 下次可以再嚟一試

Bb 未到2歲，出街食飯都好苦惱，選擇唔多，又要坐得舒服.香港海底撈未試過，諗住清水煮野食bb都可以，就試吓～門口服務員勁nice.一入座服務員就比左個玩具bb玩，bb好開心. 不過我就覺得好枝樣衰😂隔離枱個小朋友有片琴，好似仲好玩.我仲唔知醜問佢拎左個仙女棒🤣野食方面，整體都ok. 叫左個比普通肥牛貴小小既牛肉，都幾好食，不過就貴左小小. 蝦滑同墨魚滑都好滑食.因為有小朋友，送左個豬仔包（奶黃） 同蒸蛋（無鹽）. 岩哂bb食，好滑呀～ 撈烏魚食. 不過個包就唔熱既. 食完等左陣gel甲. 叫做抵返🤣如果唔係，2大1小，成$600淨係食野就好貴.

上次港島區經過時已想品嚐海底撈火煱，但實在太多人，就沒有排隊等候。今次朋友生日，提前預約，以免等候太久或沒有位。不過，當日下午人流還好。不算太多人，體驗後，整體服務質素好好和貼心，大部份食物也很好，蝦滑好新鮮、肥牛質素ok、湯底、前菜，即場申請會員還送了炸饅頭😍😋好好味！另外，我覺得好有驚喜的項目，在等候食物時，還可以預約“單色指甲服務”體驗。幸好下午人流不多，所以，才能即場預約到此項服務體驗。大堂等候區還有圖書、桌上遊戲供等候區客人使用；洗手間裡有獨立包裝牙線， 真的好貼心！！服務、設備、環境寬敞、食物、窩心的體驗項目，都做得好，難怪長期都那麽多人去品嚐啦！讚！！

早就听说香港有海底捞，价格略高，这次来的时候亲身体验了一下，环境挺好，就是太冷了，披围巾都冷的那种刺骨冷。餐品上只能说还可以，并没觉得味道好到惊艳的那种，服务员服务上也没有之前在内地感觉得那么周到，就连菌菇汤底出沫是我自己捞的，盘子里的汤快冒出来了是我自己去拿盘子处理的，就这个情况下服务费收了50hkd感觉不大舒服。

尖沙咀跟油麻地這兩家分店的服務真的比荃灣那家好太多了，員工也超級貼心。去過幾次，就有員工記住自己了，記得自己的喜好，這種感覺真的很好。有次點外賣，員工居然叫得出我的姓氏，還記得我愛喝酸梅湯，和吃小零食。默默地為我準備好了~~ 海底撈真的大方到極致😂😂 (by the way，海底撈的小龍蝦配他們家的小麥啤真的是超級無敵完美的搭配啊)

海底撈一向都係我同朋友gathering必選地方。如果你想幫朋友慶祝生日怕無氣氛，海底撈實幫到你手！首先，每次來員工永遠都never say No態度好、有禮貌、好醒目幫你密密清潔枱面+加湯底，而且上菜速度超快菜式又多選擇，最欣賞佢可以半份食物咁樣order，咁就可以揀多幾種唔同嘅配料。四色湯底真心冇得彈，最鍾意必食組合- 招牌番茄+麻辣+雜菌+胡椒豬肚湯底!!! 疫情後餐廳有C區，而家好難搵到個地方可以同6個朋友一齊食飯喇～今晚食飯其實冇特別講比餐廳知我哋當中有”八月之星”，不過serve我哋張台個服務生妹妹見到我哋好想聽其中一首搞笑生日歌，埋單前特登搵埋幾個同事俾個surprise我哋，播+唱生日歌同我哋一齊玩全場氣氛沸騰(因為附近啲人都會一齊喪笑)笑到癲咗～～疫情後好耐冇試過咁開心，多謝海底撈送俾我哋有得玩有得食有得唱歌嘅一個夜晚*特別要多謝醒目嘅經理+服務我張枱嘅服務生妹妹

一早PLAN好左今日早上帶呀仔去整蛋糕👨‍🍳, 完成後到海底撈火鍋午餐。覺得今日既經歷好奇妙, 朝早整蛋糕既時候, 右手邊兩組客人講日文🇯🇵, 左手邊兩組客人講英文🇬🇧, 而黎到海底撈, 我唸起碼佔左9成以上既客人都係講國語🇨🇳, 令我覺得今日好似去左幾個唔同既地方旅行咁。想食鴛鴦鍋, 侍應教我地嗌四宮格 - 兩格湯底, 兩格清水🚰, 咁叫就最抵食。我地點左大骨湯底同蕃茄湯底 - 跟市面就可以買到的一包包海底撈火鍋底料味道好似, 味精重。食材方面, 覺得比較好的是桂花蚌同粟米🌽, 用料尚算新鮮, 桂花蚌爽口, 粟米清甜。而肉類方面, 全部我都覺得唔好食, 芝士牛肉丸同芋香貢丸好厚粉, 一D都唔彈牙。美國雪花和牛有羶味。撈派滑牛肉的確係唔韌, 但就似係比梳打粉醃到無曬口感既嗰種唔韌。另外, 仲嗌左響鈴卷 - 唔脆, 魚皮餃同烏冬 - 就係平時超市買到既貨色, 相信佢地都係現成買返黎。然後仲加左每人$15自選飲料, 我要左酸梅湯 - 普通, 甜味重, 九龍城方榮記的酸梅湯好飲太多。之後, 店員送左一碗蒸蛋🥚同一個豬豬包比我地, 蒸蛋完全無味, 絕對係一DD鹽或糖都無🙅🏻‍♀️加到落去。豬豬包

服務果然一流，湯底好但海鮮質素有待改善😅麻辣鍋香又麻，最鍾意比起喺內地食味道都差不多，丸都OK反而牛肉就好麻麻哋，分量少而且價錢貴。不過勝在呢度服務態度好加分不少。最喜歡佢嘅麻辣湯，反而椰子雞湯有點兒失色，雞件唔夠好味而且個湯有啲假，其他配菜都還好，配料嘅話菜品會比較好。另外最失望就係佢嘅海鮮，都真係唔太新鮮呀但係服務及衛生就做得好好，而且都非常體貼拎咗手機袋，提醒我哋要放好電話以免手機俾汁水彈到。