海岸餐廳燒烤樂園 (已結業)

25 DEC 07 6:15PM-10:00PM今晚約左幾個朋友+2個小朋友一齊去BBQ 其中一對夫婦+2個小朋友未到6點半就到了~ 但係有個似經理既男人安排左佢地坐一張很暗無咩燈光位置既枱男性朋友要求過轉枱 但係呢個男人唔肯話所以位都book左無得轉~但係又比男性朋友睇到有人walk in 佢都即刻安排到位比佢地我地3個女仔一齊係6點8左右到當時只係4成滿天開始黑我地張枱係黑到咩都睇唔到當時仲有好多吉枱 (如圖)我頂唔順我地又早黎而且仲有枱可以比我地換所以走到同個似經理既男人講要轉枱 點知... 呢個四眼黑黑瘦瘦既男人第一句就好無禮貌指手劃腳用鬧交既語氣同我講: 最光係你張枱! bbq係圍住個爐張枱黑都唔關事!!我當堂火都黎埋因為佢當時語氣實在係太無禮貌我同佢講:你貴姓叫你經理出黎佢話: 我就係經理我話: 咁叫你老細出黎佢又話: 我就係老細!!之後仲追住我黎鬧我話佢無禮貌佢竟然鬧番我無禮貌我真係好火滾我要影佢既罪證因為當時就係有好多吉位可以安排轉枱!!!我四圍影呢個無禮貌既男人見到竟然影番我相我同佢理論佢仲話番我唔可以係度影相叫我唔好影!!你邊度寫明唔比客人影相!!

今年我地一年一度既BBQ揀左呢度.我地成廿幾人, 去到第一件事就係收錢! 之後先至開爐, 個火超細又起得唔好, 我地叫個職員整大d個火, 佢睇下之後話"呢個火係咁嫁啦!唔係好快燒完!我地日日整, 冇錯係咁嫁啦!", 之後就行左去, 整都唔整下個火, 最後都係我地自己再整大d個火, 如果唔係餓到肚穿都冇得食!! 3個人先有一包炭同一支蜜糖, 我地問炭唔係任用咩? 個職員好串咁話"夠你地燒啦!" 另外鐵絲網, 錫紙, 雪糕雪條一律另計.講番食物, 選擇真係唔多, 而且味道好一般; 海鮮只蝦,蟹,同瀨尿蝦. 蟹同瀨尿蝦都唔新鮮又霉! 蝦十分細隻,有d又係霉既! 汽水係冇味又冇氣!最好就係環境, 有海景又有乾淨廁所. 但係員工就好差, 無服務之餘, 見我地攞得多野食重眼超超,口噏噏兼手指指我地! 如果咁介意人地攞得多野食, 不如唔好俾人任食好過!!!

勁勁勁差呢度既服務態度簡直係趕客!傳說中企向門口個'經理'仲要o係條褲patpat位置既袋揷滿筷子...唔係嘛...問佢拎筷子要係佢patpat位置拎出唻俾我地?!食物選擇又極極極少, 又冇調味!我真係未試過食自助bbq得咁少選擇又咁唔好食囉!!呢間野等執, 睇住唻!!!

I took my girl friend to this restaurant last night for dinner. My girl friend didn’t like BBQ, so we sit inside the restaurant and ordered pork chop, lamp chop and Russell soup. The chops were too salty so we just ate a mouthful piece. I told the man (he seems like the manager) that our foods were poor. He turned angry and yelling to us. My GOD! What kind of service standard like this, how come such restaurant can still exist………..

昨晚同家人前黃金海岸探朋友，晚處就到這間餐廳食燒烤，結果我們都盛興而去，敗興而回…1. 未食野先收錢，驚死你會走左去…2. 好多食物無refill，問侍應佢地就閃左去…3. 杯、碟、筷子只「配給」一套！你問佢地都唔會再俾…4. 鐵絲網、錫紙都要另外買！5. 臨走想向那個餐廳經理投訴，點知換來粗口對待：「唔X鍾意咪唔好黎囉！」所以我地發誓唔駛錢都唔會再光顧呢間餐廳！

首先聲明與呢間燒烤場無任何關連.只不過不值有人只顧批評人而掩飾自已嘅劣行.當日我一家八口也同場燒嘢食,有老有BB.呢一大班人帶埋啲大中小size鷹鵡嚟玩.本來各人有各人嘅自由.但都要有公德至得.啲雀毛雀屎周圍飛.完全唔理人感受.依家政府都叫人小心禽流感啦.講番單關於禮貌嘅事件.老實講,呢間燒烤場的確有問題,但據我一家所見,係有個女人喺度嘈話牛油同埋錫紙要比錢.跟住同行有個口喫雪茄四眼嘅男人衝出嚟.一開聲就X人老母.跟住兩個四眼佬咪喺度嘈囉.Loffe君.要人尊重先要學會尊重人.有錢消費唔係大晒嘅!!你哋嘅行為,係會教壞細路........

周日一行五十人到此處食$88位戶外燒烤，點知搞到掃興而回！事緣我地其中一位好斯文的女友人見無錫紙，想問又無人理你，咁咪走入去室內餐廳問果位姓童(自稱係老細)的四眼瘦漢，其實如果佢禮貌回答話，錫紙要收錢，區區十零蚊佢一定會俾，成五千蚊生意我地都幫襯呢間店啦…點知姓童果個所謂老細，極不客氣回答：「你無眼睇嫁，錫紙要另外俾錢嫁！」女友人就問：「D菜無錫紙點燒呀？」佢冷笑話：「用叉篤住黎燒啦！」「無人咁燒嫁喎？」女友人俾佢嘲笑玩就回答！佢跟住就好得戚咁大聲話：「你咪開先河試下囉…」女友人俾佢嚇親，走返出戶外，準備燒烤！點知條友追出黎大叫：「呢個牌有寫錫紙要收錢嫁！你唔係盲呀嗎？…」我地都俾佢咁差劣的服務態度嚇左一點！其中一個男友人就同姓童的說：「你係咪男人呀，追住一個弱質女子黎鬧？況且我地係人客喎…」姓童的老羞成怒，就磨拳擦掌想打人…整件事除左我地50人外，仲有好多人睇到；個個都搖搖頭！我就問間店另一個胖胖的侍應，佢話姓童的根本唔係老細，只不係負責打理間鋪姐！佢平日都得罪好多人客，難怪呢度食評咁多人評佢地服務態度極劣啦！各位如果想揾間令你激到爆、火都著的食肆，就黎呢間啦！

今天一行五十多人, 沒要求餐廳給予一分一毫折扣, 落得如斯對待實在忍無可忍一. 只安排四張小方桌及二張可坐八人的桌子, 迫得不能再迫, 但諷刺的是除了我們是沒有客人的二. 一開始已被侍應*喝*止"我地筷子唔係任用架", 我只係整跌左一隻想拎過一對咋, 唔洗被喝掛, 你D即棄筷子甘名貴, 寫明每位客人只限一對嘛, 甘我咪拎去洗囉, 仲會拎埋返屋企珍藏添, 豈有此理三. 食物一般過一般, 唔洗調味果D無問題, 要醃果D.....連我口味向來清淡都覺得無味, 所謂海鮮......唔該晒, 睇見都唔開胃, 汽水.....只得溝了一半冰的維他可樂或忌廉, 想死四. 如閣下乃有背景人事或自認不怕受凶者應該可跟哪裡的惡伙計抗衡(有個面目可憎四眼黑瘦男子更自認老闆), 因他不止用粗口招呼客人更會"邀請"客人出外比武, 需然不是我被邀請, 但我就的確好驚服務有得比負分嘛, 呢間野甘o既質素, 我今日11月25日開始幫佢倒數

我係冇去食,不過呢間野連基本既答問都唔掂,事源係咁既...........某一個星期三下午2點幾我打去book星期六4:00pm位,佢叫我留低名同聯絡電話,話會有人覆返我有冇位,到夜晚9點幾都冇人覆我,我就打去問下,佢話冇咁快覆到,我心諗唔通呢度真係咁好,咁多人黎,所以咁快冇位,我不斷問佢咁即係幾時先可以覆到有冇位,佢就一直答我:"冇咁快架!"我同佢講如果係冇我就要搵過第二間,佢答我:"咁你搵過第二間啦!"我雖然非常怒火,不過我都一直保持好好既態度,佢話:"係呀!你搵過第二間啦!未咁快覆到架,起碼要星期五既夜晚,星期六朝早先覆到!"佢終於比到個答案我喇!我只係想知佢一直話未咁快覆到,即係要幾時先覆到0者!我已經早左3日book,如果星期六係已經full左既,咪直接答我冇位,到時walk in黎睇下有冇位囉!點解要星期五夜晚,星期六朝早先覆到我呢,難度佢依家唔知星期六full左未?如果到時星期六朝早佢先覆我冇,咁我約晒成班朋友,咪楝晒0係度,臨時臨急去邊度搵第二間呢?!!答到無寧兩可咁,我都唔佢想點!!!!!!!

擒日我同我老婆仔見佢咁平就去試一次啦一去到岩岩坐低就收錢...好似驚你走左佢咁, 2個人有一包炭同一支蜜糖, 一包炭係唔夠用架囉, 所以加15蚊要多包炭。要左榨可樂..好淡無咩氣好唔掂!講下啲野食啦,選擇唔多,果d所謂既海鮮,D蟹好鬼細隻無肉的,D瀨尿蝦得我手指尾咁長,仲要無蝦同魷魚!再睇睇D扒,醃得唔好,無味既。最正常都係雞翼同芝士腸。有D咖哩雞塊完全唔得。可以講既係果度既環境係OK乾淨既,起碼唔會周地都係水同骨,可以接受。但D員工真係唔得,嚴格黎講係無服務可言,佢地O係我後邊果D位到係咁講粗口,我地之後試下橙汁,因為本身果D可樂已經斷左氣,佢叫我地飲埋先加啦..因為我唔知係自己REFILL既諗住叫佢幫我REFILL,佢D口面真係好難睇..又唔係忙WOW全場得4臺客結果D橙汁一唔好飲就成整倒左佢再飲第2D野!!價錢由68加到78...我都唔知佢憑咩加返到78..返到屋企一陣半夜係咁痾..痾左我4-5次..加左價已經唔抵食, 食到痾就再抵食都唔會再去!!如果大家想排毒就去啦!!

本來對環境都有期待, 但實在唔得...食物選擇少不在話, 連錫紙都要另外加錢, 未夠11點就收舖, 想玩夜D都唔得...總結, 可一去, 但真的不可再...

都唔明樓下果位食家,2007年6月去幫襯,但張相係2006年1月影? 今日女友家人為我預祝生日,而且聽過我朋友講過,話呢度有自助BBQ,所以我之前上網搵資料,就決定今日下午呢度試下啦!中午一行六人飲完中茶後,到街市買些少海鮮,坐車到黃金海岸商場落車。四點多到達先到樓下麥當奴涼下冷氣先,因為今日烈日當空熱到爆炸,買小食坐到五點正,就離開上去平台BBQ。我女友一早打電話訂爐,但上到去只得一對情侶,開爐燒烤中,場面都較為冷清,可能時間仲早關係啦!今日每位$68元任飲任食,但學之前食家話齋,所謂任食真係少之又少,蟹細隻到殼完全冇肉,得蟹抓蟹腳啜下味。任飲就係一渣渣溝滿冷好淡汽水,我話唔想飲汽水,反而叫佢俾冰水我都唔肯,都唔明點解過濾水喉水仲平都唔肯俾...吹脹!? 另外仲有瀨尿蝦、秋刀魚、豬、牛扒、紅腸、獅子狗、牛丸、芝士腸、雞中翼、雞全翼、茄子、椰菜、洋蔥、青椒等。醬料則只有三樣,為茄汁、黑胡椒溝幼鹽及蒜茸辣椒醬。魚、蝦、蟹得五點第一輪供應後,就只有等待到夜晚九點後先有補充,認真唔夠食及敗筆。其他肉類好似冇咩醃過咁,好淡冇任何鹹香味,但總算新鮮唔梅,好過好多地方醃得過鹹及太梅,不過要自己帶豉

上星期日比班Friend帶嚟呢度BBQ,我都係第一次嚟,環境算OK啦,喺天台望住遊艇會嚟B,都算幾過癮.嘢食都算齊,汽水又任飲,不過唔係好夠氣.每三個人送炭同蜜糖各一,幾孤寒.不過就送羊肶過我哋嚟燒,算大隻啦,幾好味.最衺係無Free Parking!!不過$68任食任飲算係抵嘅.

睇個網址.原本都以為OK 的.點知很失望星期一至五每位$68 任飲任食(仲話有海鮮).但食物和服務都是一般. (而且只提供一包炭和蜜糖.再要每包炭$15.蜜糖$5)佢唔算太多爐.但係員工都係唔夠.得兩三個.服務麻麻食物扒類方面ok, 但係個日d紅腸就變壞,D丸都唔太好食,朋友話見到海鮮,不過係起我地去到個時見過幾隻賴尿同埋蟹蓋之外,就沒有其他了. 亦都無refill 過.(見到都唔係太想夾)飲品是一些加了冰的可樂.而且要飲完先可以轉味.總之感覺不太好

尋日, 我同男朋友兩個人夜晚去呢間"所謂"餐廳BBQ,諗住每人$88有海鮮食都ok啦, 掂知一到步就發現賴晒野。唔掂一：侍應態度奇差。找錢找少十蚊當無回事，叫佢拎橙汁又拎左忌廉，仲同我講：小姐，呢度任飲既，飲完忌廉先啦，我堅持唔肯就範，佢先肯換俾我。仲有，個個侍應都當左你係佢殺父仇人咁，個個都黑口黑面，同佢講完要乜野佢好似唔想做咁。不但只係咁樣，佢地個個都成日爆粗，我真係從來都無見過咁既侍應囉。唔掂二：食物同飲品選擇極少：任飲既只有可樂、橙汁同忌廉，仲要係一揸揸上，仲要係無氣既，真係慘過飲水，我見有幾台人用$5買水飲。野食又係極唔得，話就話有海鮮，但係只係得個身得5蚊銀咁大既蟹仔同半隻手掌咁長既瀨尿蝦，又無肉又梅，其他食物只係得20款左右，仲要好多係重覆既，d扒又係“原汁原味”完全無調味，其他食物亦都唔得。唔掂三：樣樣野都要收錢。話就話俾人燒四個鐘，但係只係包一小包既炭，我地兩個人燒都唔夠，買一包又要15蚊，其他錫紙、燒烤網都要用錢買。唔掂四：個爐太高，好難燒。環境好迫，好似集中營咁，既睇唔到所謂既海景，d 簷蓬仲好矮，總之就食得好唔舒服。