海岸餐廳燒烤樂園 (已結業)

開揚餐廳，優雅景觀，服務勤快，價錢清楚無雜費，燒烤打邊爐打孖食，乾淨企理!!野食算夠多，鐘意食海鮮就O岩晒，係無雞扒有d奇~~今次去唔覺D汽水唔夠氣WOR趁有週年優惠會再去多次呀!~又正又抵

每人$93.(無其他什費)有得燒嘢食.有得打邊爐.(食物雪櫃內四五十種生料.魚.蝦.蟹.瀨尿蝦仲係扎扎跳!)仲包埋汽水任飲.一路食,一路欣賞海景兼睇日落.環境乾淨企理.都咪話唔抵!!聽啲伙記講,下星期開始,佢哋公司攪週年優惠.(星期一至五-成人$68.小童$38.)(公眾假期及假期前夕-成人$88.小童$48.)仲包晒開爐費.一樣係任食任飲四粒鐘.真係值得幫佢哋宣傳一吓囉.

星期五晚同dept同事黎呢度bbq, 由中環坐車入黎都係40分鐘到我地響下面兜左個圈就上黎, 呢度環境好好,我地係第一枱客, 一黎就揀左最入面最角落既位置,正!!!好好feel!!! 可以望到個海!呢個時候waiter黎透爐,個爐好大,d炭好靚,所以d火亦燒得好靚. 先黎兩jar 汽水, 夠凍但無乜汽,食物選擇都係普通bbq食品,同事覺得醃得好入味,但我就覺得過份鹹啦呢度最正就係燒到咁上下可以打邊爐,唔洗另外收費,有肥牛,金菇,牛柏葉,連蝦,蟹,瀨尿蝦都有(瀨尿蝦仲曉郁ga!!)一路食一路傾唔經唔覺就3個幾鐘啦呢度差不多全自助,碗筷手套紙巾蜜糖任你拎,唔會好似其他餐廳要配給咁, 地方好乾淨好闊落(可能星期五晚比較少人啦), 個feel又正, 只係當晚比較凍同大風,要圍住個爐取暖bbq餐廳黎講呢度真係做得好decent,食完之後你唔會覺得自己好污漕,亦都唔需要覺得食得好受氣,有機會搞gathering 會提議黎呢度

上星期四唔使開工,同成班Friend入屯門黃金海岸行,影相咁.廣場搵個地方坐飲.飲飲聞到陣好香燒烤味,係樓上傳落,於是上去望.原來樓上開間燒烤餐廳.橫掂差唔多夠鐘搵食.班Friend話不如坐低試.每人$93(任飲任食四粒鐘).都唔差,幾多食,幾夠味,仲有蝦有蟹咁. 隻隻郁郁咁.幾好!食食有個伙記隊個鍋底埋?原來包埋打邊爐?,咁都得!!班友話,雖然貴.但多,夠新鮮,地方乾淨夠企理.個景夠晒殺.如果包埋啤酒就最正!!$15 一支,晚我飲幾舊水呀陰工!!

後記2005年12月11日成人$78,小童$45每位再加$15即是$93,$60唔算平,不過勝在夠"均真"唔會有野係另外收錢(啤酒除外)佢呢度真係可以用埋火爐黎打邊爐(唔洗加錢),不過我就唔想加爐,一心不能二用,同埋你打邊爐真係唔係好多料,１）有肥牛,金菇,東菇，粟米,蝦,賴尿蝦(好新鮮,仲見d腳係咁動)青口,蟹柳,烏冬,公仔麵２）BBQ呢就有豬牛雞扖,雞亦，芝士腸，金沙骨，蕃薯，尤魚，紅腸，３）最勁係無限供應牛油蒜蓉包，正，不過唔好食咁多，好漏．．．．．．>_<"４）汽水係佢斟一渣比你，所係隔一陣係會冇氣，冇計５）個環境幾好，戶外形式（最衰係果日超大風，唔係咁好），成日有人在附近影相（結婚相都有）６）待應服務好好，好好笑容^_^"

星期日同五個朋友行完山, 其中一人提議入黎屯門試呢間餐\\\廳, 其實我之前都有睇過報紙雜誌介紹, 大家又無異議, 於是一於由東涌搭車入屯門!!我地差唔多四點鐘去到, 原先我地訂左五點鐘, 咁諗住早少少去問佢\\\有無枱, 佢\\\話有, 咁我地就早左一個鐘頭開始食, 食物種類都算多,有紅腸, 貢丸, 牛丸,龍蝦丸, 魚蛋等, 蝦又新鮮, 仲係度跳架! 又有粟米蕃薯, 連娃銈菜都有, 仲有錫紙供應, 又有蒜蓉同牛油, 基本上所有時興BBQ 食物同方法佢\\\地都有齊哂! 如果唔想拎住隻叉係度燒, 又可以將D 野食放落個煲度灼熟, 快靚正!! 佢\\\又有成四個雪櫃, 食物變壞的機會率都低D 啦! 唯一唔係太好就係汽水, 無哂汽, 好似飲糖水咁, 雖然任飲, 不過都唔係太好. 同埋佢\\\放生果甜品個雪櫃竟然放埋盤蟹柳係度, 又生又熟的食物放埋一齊唔係太好囉! 不過出面的環境, 又真係好靚o既! 搭車入去又唔算太遠, 不失為秋涼戶外食飯的一個選擇!收費: 成人$78 + $10 開爐費(我無留意小童收費)時限: 每枱由入座起計四小時

價錢唔係貴$78加開爐費,又可以燒烤又可以打邊爐,野食質數,都ok,可以叫人添加, 不過地方窄左小小,最好的就係佢個景囉,又可以望到海,同d靚靚遊艇,又夠開揚,個景唔錯,要求唔高的,我己經食過2次啦.

以前都試過係呢間餐廳BBQ同打邊爐﹐上次同GF嚟入去入面鋸扒﹐set dinner由50至80不等﹐算係比較樓下的餐廳便宜很多﹐氣氛幽暗加支蠟蠋有浪漫味道﹐味道也不錯﹐食完也可到露台看海景﹐如果不一定要去意大利式餐廳可擇嚟呢間。

入到黃金海岸，同男朋友搵下有咩好食，見呢間舖頭有BBQ同打邊爐，就試下啦，反正收費唔貴(成人78位，另50蚊開爐費)!其實決定幫襯前都睇過佢有D咩食，覺得都唔太差!當然佢食物種類唔算太多!佢D瀨尿蝦都算幾新鮮，起碼見到有幾隻仲識郁下郁下、有蟹(不過無試)、有蒜茸包、.......雖然包埋打邊爐，不過都無叫佢拎埋個鍋，佢有錫紙供應，所以D食物唔一定要燒黎食，好多我都係加佢D醬"烘"黎食!整體黎講食物尙可，主要都係享受佢寧靜的環境，佢播D歌唔開到好大聲!可能係星期一的關係，所以唔太多人!唔駛同人迫。雖然大熱天時BBQ，但係唔覺好熱，可能近海!!!有機會都會再黎!!!

我覺得那裡的燒烤食物都OK，但食物種類不多，最感不好的是飲料，汽水已沒有氣，就像塘水，得難飲，及燒烤爐的擺放位置很狹窄，不宜小朋友吃，而且他們沒有說，是開爐費的。計埋加一，其實價錢太貴(比一般有野玩有野食的燒烤場，他們的價錢太離譜)。