海天堂(大家姐監製) (已結業)

4人行尖沙咀食完拉麵～見2位男士感冒～食咗幸福相風素都好似冇咩效咁～路過咁啱見到有感冒茶～就叫佢哋一人整返一碗～店仔雖然細細～但涼茶種類都算多～上至清涼下至潤肺～仲有最出名嘅招牌龜苓膏～之前試過～不過感冒茶適合佢地兩位男士多D～坐低飲完先走啦～熱飲功效好D感冒茶睇落都係黑蚊蚊同普通涼茶外表差唔多～但飲落冇廿四味咁苦咁濃味～不過都係苦嘅比較難入口～飲完成個口都有回甘味～飲完幾時有效就無人知啦～不過如果真係有效都幾好呀

黎開尖咀要等人，黎左海天堂坐坐，友人依舊食龜苓膏，佢覺得定時食下幾有效，清下熱 。我想飲個涼茶之類，問下職員龜苓茶苦唔苦架，佢話唔苦，咁就飲下啦！黎到唔係黑色既，都應該唔苦，哈哈。飲落其實似平時阿媽既湯咁，至於清熱下火功效，相信要持續飲多幾次先有效。廿八蚊，還可以吧。

今天經過尖沙咀, 天氣又凍又濕, 又想吃甜品。 可惜厚褔街甜品店滿滿的是人, 於是多走一條街看看, 就在HSBC 對面街角看見涼茶店, 心想飲涼茶清清熱毒也不錯, 於是選擇了這間店舖飲杯涼茶。平常到涼茶店也是五花茶 , 雞骨草等等, 這家卻有一個生魚野葛茶,標榜清熱開胃。也好, 就來一碗試試。店員奉上一碗類似湯的東西, 原來不像涼茶般。放於枱上已嗅到足料湯的味道。 我不懂形容是是咸還是甜, 就是生魚鮮味, 一啖之後卻意外地有回甘味道。 每一口也是這樣的, 先嗅嗅魚鮮味, 放進口不知是甜咸, 最後回甘。 生魚野葛茶完全沒有渣, 可以飲到最後。店舖雖少但人情味十足, 店員笑容很好。飲畢過後十多分鐘上了巴士, 咽喉還有那份回甘味道!

是日係TST等人, 係街企, 不如食小小野. 大食就不要, 煎炸肥膩又唔係幾好. 就近, 不如飲涼茶啦. 鬍鬚佬間海天堂食得多, 大家姐間又有什麼不同呢. 喜歡坐在鋪頭角落, 因為可以飽覽全景, 不過店子細細, 又冇乜好影. 之後, 直指一盅龜苓膏, 對比下鬍鬚佬同大家姐龜苓膏.大家姐間鋪, 大多保持原汁原味涼茶鋪Style. 而大家姐既龜苓膏, 藥味, 其實同鬍鬚佬既不相伯仲, 喜歡藥味較重的, 就兩間都不要去, 更傳統的其實更好.邊食, 邊看看其他食品, 有個什麼特效龜苓膏, $300一盅.....又壯X, 又男士恩物......來日真的陽X了時, 才試試有冇效用啦.