影片
雖然改名但係水準都係差唔多,午市都唔難位.叫幾個大路點心,無乜特別.D燒腩仔好肥.屋酒樓係咁上下,唔會有太大冀望.
繼續閱讀
改左名,依家叫新富臨!!!尋晚清明食飯造節。未改名前黎食過,個時真係好唔得。估唔到改左名d食物好左咁多!!嗌左好多碟,唔太記得d名,記得幾多寫幾多la。翠肉瓜炒駝鳥肉：炒得幾好味,駝鳥肉係d好快熟,太熟會un ge肉黎,但佢炒出黎完全唔un,幾好味!!不過d油略為多左d。蝦干通菜煲：都幾好味,但蝦干好似小左d。油鹽水浸菜遠：即係菜心,不過不失,冇咩特別。椒鹽茄子脆豆腐：整得好香口,d豆腐又唔老,重好滑,好正!!冬菇椰菜扣花膠筒：都幾足料,重好入味tim!!d花膠筒好大件,但又唔會un,而d冬菇同埋菜都好好味!!籠仔蒸蝦伊麵：用個大ge點心籠整。d蝦唔算大隻,切開半隻半隻咁整,d蝦ok,但又未至至好好味。d伊麵好正,好有味,佢成籠都有蒜茸,重埋d伊麵1齊好正!!重有叫左：燒鵝,乳鴿,鱸魚,豬腳仔。lee d我冇食,但睇到屋企人話好味,重好快清晒,我諗應該都唔錯=)飯後ge紅豆沙我都冇食,但佢地個話都好味,呀媽重食左2碗咁多。舅父個d重嗌左成7枝啤酒,但最後埋單7個人都係$481,真係好抵食!!夜晚重有好多人打邊爐,個價$$都好抵,搵日要搭車黎食次先得=)
繼續閱讀
輪到同老公個邊慶祝母親節，雖然係屋村酒樓，可能大家都提早慶祝，所以全場爆滿。幾個月前食過一次，是散叫小菜，質素都唔錯，都算食得過，尤其是佢一大三例的咕嚕肉，真係幾有水準。不過今次大家費時煩，叫個$1,488的全包宴套餐。講真的，過節前夕，呢D特價全包宴，像工廠式生產，都唔會有好高期望。乳豬燒味併盤裡的叉燒，好夠蜜味，有肥有瘦。杏仁花姿丸-有點像金沙角的墨魚脆脆波，呢個做得不錯，唔會有好多粉，好爽口彈牙。甜品紅豆沙，真材實料，好多紅豆又多果皮，不過如果鍾意食起沙的朋友，就未必會鍾意。全晚最好食就係以上三款。另外，勁差的有：合桃鮮蝦仁-蝦仁大大隻，只得一個爽字，蝦味欠奉。清蒸石班，雖然大隻，肉地勁”鞋”，蒸得唔夠熟透。吊燒雞-又係勁柴皮。鮮蝦荷葉飯-一睇塊荷葉好翠綠，肯定唔係原個蒸，就知D飯沒有荷香味。下次再o黎的話，唔好叫餐，散叫會好好多。
繼續閱讀