海南少爺 (已結業)

一直都懶得寫食記習慣，除非遇到極端不滿例子。今次個人覺得呢間餐廳，值得寫一寫讚賞。當晚4人7:30入坐，雖然有限用餐時間，慶幸到最後，都未有被趕還枱。諗住先叫一份2人份量套餐另加炒蘿蔔糕，待後再叫其他，但對我們整份量剛足夠。肉骨茶可以無限添飲，值得欣賞。食品方面：味道剛好，不太油膩，不算濃味。服務態度：有耐性，恰當地回應查詢，並迅速跟進。因為朋友慶生，預約時要求海景位置，餐廳都可以配合及安排。謝謝希望繼續保持水準，有機會會再來

今晚過咗嚟海港城搵朋友食飯，見到呢間「海南少爺」好似好吸引，好滿座，餐廳裝修又幾有格調，好多好精緻嘅擺設，於是都去試試佢🤤海南雞飯拼海鮮喇沙係高水準發揮，海南雞夠油香，食落又好嫩，配搭一式三款醬，薑蓉、醬油同辣醬，風味更佳😋炒貴刁好香口，仲配搭油麵，有勁豐富嘅配料，有臘肉、魚餅、芽菜等等 滋味滿溢，上色得嚟勁惹味😍馬拉盞炒通菜翠綠爽口，尤其落咗香口嘅馬拉盞，微辣更開胃，一啖接一啖，好味😎新加坡蕃薯喳喳都好正，濃稠香甜，而且有香甜嘅番薯嘅加持，食落更加好味，近排天氣咁凍，呢個甜品一流🤩

放假想chill 下又懶諗食咩🫢索性食返試過嘅餐廳今次帶埋朋友黎二訪海南少爺🤗其實早幾個月前食過都覺得唔錯特別係個維港景色🤓雖然今次就無海景位喇但食物質素依舊無變(っ◔◡◔)っ♥ 招牌海南雞配馬來西亞肉骨茶♥嫩滑嘅無骨海南雞無得輸配埋3色醬（黑豉油，薑蓉，辣醬）一齊食滋味提升🌟個人最鐘意黑豉油甜甜嘅口味😋雞油飯粒粒分明無油膩味👍🏻配埋菜成份餐都顯得健康😆套餐配埋細碗肉骨茶架肉骨茶藥材味唔算好濃口味比較大眾化雖然細細碗但裏面嘅材料都冇偷工減料有一字排，豆卜，支竹…豆卜同枝竹吸收晒肉骨茶嘅精華正👍🏻(っ◔◡◔)っ♥ 椰香海鮮喇沙♥Encore呢個係因為上次食過細碗覺得好好味我鍾意椰汁嘅香味🌟所以特別欣賞佢嘅湯底米線好掛湯同有口感唔係糊左嘅米線🍜材料方面有三隻蝦，豆卜，魚片..etc蝦都好新鮮👍🏻(っ◔◡◔)っ♥ 沙嗲拼盤6串♥拼盤有雞同豬兩款選擇今次我揀咗各3串其實兩款調味都好夠配上帶花生嘅沙嗲醬👍🏻個人就比較鍾意雞串嘅口感(っ◔◡◔)っ♥羅漢果冬瓜桂圓蜜♥其實本身餐廳有提供荔枝茶都好好飲🤗不過見到有呢杯羅漢果蜜又心思思想試😂OK喎，唔太甜而且好香飲落好潤喉❤️

喺香港要搵間星馬菜餐廳絕對唔難，誇張啲講梗有一間喺左近，而我最近就試咗間CP值高嘅星馬菜餐廳位於海運大廈嘅海南少爺主打正宗星馬菜，堅持無味精烹調，當中嘅招牌海南雞飯更加不能不試。另外餐廳環境亦係賣點，設計以少爺別院內大宴親朋的盛況為藍本，當中有幾張枱更可以遠望維港兩岸景色食物選擇多，點了幾款必食嘅星馬菜式🥢招牌海南雞飯 拼 海鮮喇沙 - 用上百日三黃雞，肉質亦非常嫩滑。另外分別附上雞油飯和海鮮喇沙，雞油飯就用上自家製雞飯醬、雞湯、香茅和班蘭葉製成，食落油而不膩，陣陣雞油香味。海鮮喇沙就滿滿椰香味，沾滿喇沙湯嘅海鮮，食落微辣更加惹味🥢馬來西亞肉骨茶 - 馬來西亞嘅肉骨茶著重藥材，揉合16種上等藥材及食材，味道甘醇芳香。配料有響鈴、豆卜、油條、炸魚皮、炸支竹、三吋排骨、豬肚 (另有豬手或豬腩肉可選) ，非常豐富，伴著肉骨茶嚟食，絕對係好好嘅養生湯品！🥢馬來五香雞卷 - 炸脆後嘅外皮香脆可口，肉卷更是啖啖肉，隨個人喜好可沾少少甜酸醬，我自己就覺得就咁食已經好好味🥢蔥油手拍酥餅 配 咖喱汁 - 大大塊夠晒抵食，外皮煎香酥脆，點一點自家製咖喱汁更加惹味！

鮮甜藥材味的肉骨茶👍🏻呢到的係馬來西亞嘅肉骨茶就唔係新加坡嗰隻胡椒湯味我個人本身好鍾意食胡椒麻麻哋好苦嗰隻肉骨茶味但呢度嘅肉骨茶雖然有好多種藥材但係飲落好鮮甜🤩而且可以揀唔同嘅配料我就揀咗豬手同豬肚🐖另外仲有炸魚皮，響鈴等嘅配料好似打邊爐咁食啲配料朔晒肉骨茶嗰種鮮甜味好好食😋足蛋味蠔餅😙食落好足料好多隻蠔仔而且蛋味好香濃食到停唔到口配埋甜辣醬，更入口😍鍾意重口味可以配埋魚露食有三隻鮮蝦的喇沙🦐🦐🦐米粉配米線嘅參參仲有魚片，同埋豆卜啲豆卜滲晒喇沙味好入味海港城來講，性價比幾高喎位置就入左少少，但勝在人流少啲，等位都唔洗等咁耐欣賞佢一入座就有一壺茶，係好香的茶，個味幾特別，唔係成日飲到

海南少爺位於海港城，主打星馬菜，環境寬敞舒適，經典馬拉美食如海南雞及喇沙，誘人美味。坐在玻璃窗邊，可欣賞維港兩岸夜色，增添浪漫風情。 星洲蠔餅 118金黃的蠔餅，煎至圓厚微脆，蛋香濃郁，咬開看到白滑的蠔粒，十分滋味。蠔仔肉汁鮮甜，沾上魚露，更加鮮香吸引。餐廳以手機落單，可以炮製出個人口味，選配走蔥或走芫茜等，方便貼心。海南雞飯拼海鮮喇沙 138可以一次過細味兩款招牌菜: 海南雞及喇沙，十分滿足! 海南雞柔嫰可口，雞皮滑不溜口，啖啖肉而無骨，沾了甜稠的黑醬油，食慾大增。跟配油潤黃油飯，是滋味的配搭。喇沙湯頭奶白，加入濃厚的椰奶，有大蝦、豆腐卜、生菜、魚片頭等，大蝦肉質爽彈，豆腐卜吸收了湯底精華，洋溢椰奶香氣。湯麵煙韌，連同喇沙呷入口，微辣惹味，加上柔軟魚片頭，感覺細膩。特色椰漿飯 118椰漿飯誘人的綠色，倒上香甜椰漿後，口感濕潤清香，啖啖散發清幽椰香。炸雞翼充滿熱燙肉汁，脆卜卜又香口，美味舔舔脷! 伴菜還有糖心蛋、江魚仔、花生及青瓜等，充滿地道的南洋風情，一口脆雞翼，一口椰漿飯，十分豐富。海燕窩燉椰皇（熱）82燉椰皇清潤誘人，椰青水如水般清澈，用匙子挖出細滑椰子肉，陣陣椰子幽香，滿滿的骨

📍 海南少爺 (尖沙咀)係海港城shopping完💸🛍️想係附近搵番間唔太貴但有質素既餐廳食🤪海南少爺真係不錯👍🏻😋海港城黎講價錢比較親民👍🏻坐得舒服🪑仲有海景位🌉上菜快又高質🤤✨ 必點🌟海燕窩燉椰皇（熱）$82 🥥🤤呢個一上枱熱到出煙🤩放涼咗一陣,上面一層面凝固咗, 呈啫喱狀😍食落更有口感😋椰皇椰味香🥥配養顏燕窩🥰仲有椰子有好多椰肉😍好好食！✨沙嗲拼盤(6串）$118 🐓🐖雞🐓同豬🐖串燒各3串, 串燒用左自家調味料醃製12小時🤩非常入味😋肉厚易咬, 配花生沙嗲醬好好食🤤✨海南雞飯拼馬來西亞肉骨茶 $138 🐓🍲呢一個比想像中大份👍🏻海南雞好嫩滑😋 馬來西亞肉骨茶好足料🍲湯底好香肉骨茶味🤤✨ 炒貴刁 $118好有鑊氣👍🏻 粿條同油麵雙拼炒得帶點煙韌😋臘腸味好香但又唔會太鹹太油📍 海南少爺 (尖沙咀)尖沙咀廣東道3-27號海港城海運大廈地下G16號舖

今日同朋友逛海運大廈，去咗"海南少爺"醫肚。我哋叫左海南雞飯拼馬來西亞肉骨茶，可以加$8轉雞胸/雞髀。去骨黃油雞髀肉滑，雞味鮮，碗油飯做得出色，又香又輭。食呢個餐嘅另一個原因係可以試埋肉骨茶，排骨d肉淋甜有油香，d豆卜炸支竹豆味香得嚟又有咬口，湯底夠熱又甘甜。我哋另外點咗炒貴刁同沙爹拼盤(6串)。炒貴刁我地揀左走辣，除咗河粉仲有油麵，兩樣都好煙韌，配料除咗3大隻彈牙嘅大蝦，仲有雞蛋、魚蛋片、臘腸等，馬拉盞同參巴醬好惹味，炒得有鑊氣。雞肉同豬肉沙嗲用咗好多香茅醃製，雞肉嫩滑，豬肉唔鞋有油香，橙色嘅沙嗲醬味道好，我覺得幾特別，唔似一般嘅沙嗲醬。凍奶茶和椰汁紅豆冰都有水準。呢度每位茗茶收費$8，餐後朋友話茶味好特別，我向店員查詢，原來係荔枝古樹紅茶，係飯店嘅自家品牌。我哋買咗一罐返屋企，算係意外嘅收穫。呢度嘅菜式真係有好多選擇，睇餐牌已經好吸引，食落質量佳，下次會再來光顧，試下其他菜式。店環境舒適，服務佳，好!

諗起星馬菜，海南少爺都係頭幾間我會即刻就諗起嘅餐廳。好耐以前喺新界區食過，今次就黎左海港城分店。馬來西亞肉骨茶, 肉骨茶底下有個火爐仔一路烘熱住，配菜有5款，包括響鈴、豆卜、油條、炸魚皮、炸支竹。而肉類可以揀兩款，我地揀左三吋排骨同豬手。發現佢睇落一個煲仔，但放到成4-5舊厚嘅排骨同豬手，肉質非常腍又入味，抵食到爆👍啲湯味道我覺得適中岩我口味，唔會係過濃嘅藥材味～再黎個特別啲嘅新加坡古法黑鼓油雞飯，呢隻黑鼓油我感覺帶少少甜味，雞面頭有少少炸蒜，幾香！而重點係啲雞好好嫩滑😍如果有得比我呢啲懶人揀無骨嘅就仲正😍一定秒清！本身想嗌碟菜🥬，但呢個涼拌嘅雞絲撈起沙律又好吸引，於是嗌埋佢！我自己就無落好多麻醬但已經好好食，由其佢有d脆花生脆片，又有紅薯粉喺底，多重口感，非常推介啊！

/海南少爺尖沙咀靚靚無敵海景嘆海南雞飯👍🏻早排夜晚去海港城行街，行行吓突然好想食海南雞飯，咁啱呢度有一間海南少爺出名食肉骨茶同海南雞飯👍🏻平日晚上7:30入座唔使等位，不過見到餐廳裏邊都幾乎滿座，除咗食物之外，佢個無敵大海景真係值得一讚，視野一流，好似去咗高級餐廳咁😂食物質素唔錯，而且都算大份，以呢個價錢環境食物質素嚟講，我覺得都叫做性價比高👍🏻我覺得佢幾好燕窩燉椰皇幾特別，食嘅時候係液體，一放入口就會變咗啫喱，好特別嘅口感，大家如果你海南少爺食飯都可以試吓嗌呢個甜品！星洲醬油參巴炒蘿蔔糕 $106咸蛋黃魷魚 $106海南雞飯拼馬水西亞肉骨茶 $138美綠哥斯拉 $35海燕窩燉椰皇（熱）$82海南少爺 (尖沙咀)尖沙咀廣東道3-27號海港城海運大廈地下G16號舖

之前喺海港城行完街，都會來海南少爺醫肚，揀佢原因係以尖沙咀價錢算抵食，經濟又實惠，又有得望住海景，夜晚來都唔差。今晚同男朋友來試下佢肉骨茶，之前食過喇沙都好食。原來佢有肉骨茶套餐二百幾蚊係有得無限添飲，點可以唔叫呢。肉骨茶已有排骨、豬腩肉、豬手同豬肚，用料十足，仲配上好多配料有豆卜，炸魚皮，油炸鬼，腐竹等。淨係齋飲肉骨茶都好夠飽，份量超級多。我哋仲點咗個炒蘿蔔糕做小食，混合左黑豉油去炒，有啲似出邊嘅XO醬炒蘿蔔糕咁辣辣地，香味濃郁。我哋再叫咗個半隻海南雞飯再加喇沙，海南雞肉質嫩滑，配埋新加坡薑蓉，味道更搭。成餐飯食到好飽都大約$500左右，服務一流，CP值高。

每年聖誕都會去海港城睇充滿聖誕氣氛嘅佈置 順便喺海港城食個lunch 無意中發現高質海景星馬菜 🇸🇬🇲🇾椰香海鮮喇沙 麵底係我最愛嘅摻摻 鍾意嗰種一粗一幼嘅質感🥢 配料都好豐富 仲有三隻🦐 魷魚 魚片 糖心蛋 當然唔少得laksa精髓豆卜😋 湯底有濃厚椰香 湯頭又有啲香辣 帶有海鮮鮮味👍朋友就叫咗印尼炒飯配沙嗲串燒 有🦐 雞肉青瓜 洋蔥 芽菜 紅椒 太陽蛋 蝦片 仲有兩條串燒！個人推薦食法就係篤穿🍳 將蛋汁同炒飯撈勻 放上蝦片一齊食💯再追加左雞髀沙嗲串 雞髀肉超級嫩滑 烤得唔會太乾仲好juicy 我哋覺得好食過豬肉嗰個 沙嗲醬都好出色 濃稠又有粒粒花生 力推呢個‼️跟餐附送嘢飲 我哋就揀咗龍眼蜜 唔會太甜 清熱潤燥 適合而家冬天乾燥飲❄️

喺海港城行完街搵食，海運中心不嬲都多食物選擇 行完玩具反斗城出嚟見到一間裝修幾靚嘅海南菜見到價錢幾相宜，所以就決定試吓前菜叫咗個滷水豆腐，個豆腐滷水味好濃郁下面仲有五香味大大粒花生主菜叫咗最出名嘅海南雞油飯，呢個餐仲包埋一個肉骨茶，雖然係跟餐個肉骨茶非常足料另外一個主菜係海鮮喇沙椰汁味好香濃，食完想再飲多啖湯最後食娘惹菜一定要食蘿蔔糕，同一般港式嗰啲XO醬炒蘿蔔糕好唔同，煎到好香完之後再用娘惹醬去炒 不過咁啱餐廳，當晚冇任何飲品，可能水吧師傳唔舒服，有啲失望，唔係都想試吓啲特飲

海港城正宗海南雞飯同新馬泰菜式，非海南少爺莫屬。叫得海南少爺，第一印象就係呢度既海南雞飯，真係好正好好食。午餐時間有lunch set, 不同的combination 可以試埋其他野已經夠正，仲要係海港城呢度食，價錢不貴性價比高。我們點了海南雞飯拼海鮮喇沙，海南雞飯拼馬來西亞肉骨茶，見到D肥美的海南雞，皮光肉滑，即刻流曬口水。喇沙滿滿的一碗，有🦐有流心蛋應有盡有，肉骨茶也是超級足料，味道也十分到位。另外想飲雞湯補下，一定要點海南椰子雞湯，滾著熱辣辣上桌，邊滾邊食，椰子雞湯超級香甜好好喝好滋補，必點必飲啊。

今晚係尖沙咀海港城行街食晚飯, 黎到海南少爺, 幸運地坐到窗口位, 係落地大玻璃望到尖沙咀海旁夜景, 食星馬菜都食到咁有情調😍🔹招牌海南雞飯拼迷你椰香海鮮喇沙必點菜式之一, 海南雞口味幾正宗, 雞皮薄爽脆雞肉厚嫩, 喇沙椰汁味好香濃, 細細一碗但超足料, 有鮮蝦, 魚片頭, 魷魚圈, 蛋etc. 一次過滿足幾個願望😋 友人點左海南雞飯拼肉骨茶, 配料有響鈴, 冬菇, 豬肚同份量好多嘅排骨etc. 每舊肉都煮得好腍👍🏻🔹香酥印度薄餅我同友人都好中意食印度薄餅, 口感酥脆鬆軟得黎又香牛油味, 如果有埋咖喱汁點仲正!🔹串燒雞肉拼豬肉因為大家都太肚餓嘅關係, 好貪心地叫多個串燒黎食, 果然冇令我地失望! 串燒上枱時熱辣辣而且燒到好香口👏🏻