海南少爺 (已結業)

之前喺海港城行完街，都會來海南少爺醫肚，揀佢原因係以尖沙咀價錢算抵食，經濟又實惠，又有得望住海景，夜晚來都唔差。今晚同男朋友來試下佢肉骨茶，之前食過喇沙都好食。原來佢有肉骨茶套餐二百幾蚊係有得無限添飲，點可以唔叫呢。肉骨茶已有排骨、豬腩肉、豬手同豬肚，用料十足，仲配上好多配料有豆卜，炸魚皮，油炸鬼，腐竹等。淨係齋飲肉骨茶都好夠飽，份量超級多。我哋仲點咗個炒蘿蔔糕做小食，混合左黑豉油去炒，有啲似出邊嘅XO醬炒蘿蔔糕咁辣辣地，香味濃郁。我哋再叫咗個半隻海南雞飯再加喇沙，海南雞肉質嫩滑，配埋新加坡薑蓉，味道更搭。成餐飯食到好飽都大約$500左右，服務一流，CP值高。