影片
港鐵啟德站C出口, 步行約11分鐘
繼續閱讀
電話號碼
57252287
開飯介紹
連結著室內衝浪場主題的泰國菜，大部分位置都可以無遮擋看到別人衝浪，是很新穎的體驗。配搭泰式串燒、開胃沙律、大蝦炒金邊粉及菠蘿炒飯等傳統泰國菜，讓食客感受泰國的熱浪。
繼續閱讀
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
有關獎賞計劃
優惠
當晚，約了住在啟德的細堂妹食飯！問她有無食過 Airside 的餐廳，有什麼推介？她建議位於6樓的滑浪主題泰式餐廳 <浪谷>！一踏進餐廳，店內播放強勁的音樂，其實都幾嘈！滑浪背景好吸引視線，而且場內的燈光不停轉色，營造氣氛！Menu 食物款式選擇不多，熱飲亦算少選擇，竟然連泰式熱奶茶都無！泰式凍奶茶 (少冰、少甜) $58香滑順喉，少冰入口涼浸浸，少甜的甜甜度恰到好處！Colada $58椰子飄香，質感濃稠！沙嗲豬肉串 $98/3串那陣焦香的香氣令人垂涎欲滴，自家製泰式魚餅 $98泰式魚餅彈性有口感，配少辣的泰式酸辣醬，風味滿載！泰式大蝦炒金邊粉 $128金邊粉炒得乾身均勻，味道酸咪咪幾開胃！蝦乾幾鹹，大蝦反而淡味！
繼續閱讀
啟德AIRSIDE開咗咁耐都冇嚟過, 今日過嚟呢邊搵食, 搵到呢間比較特色既餐廳, 有滑浪既背景, 應該會有野睇, 一早訂咗一行五人, 夜晚7點都唔算太多人, 訂位時可以吧台區,主餐區同SURF VIEWING DECK或者室外, 嚟得當然係要坐滑浪區啦, 今晚個座位安排坐正滑浪區正中間. 而家好多餐廳都係手機落單, 呢到都唔例外, 餐牌唔算多野食, 一張餐牌寫晒小食前菜, 主菜,配菜同甜品, 初頭揀咗啲嚟試, 睇下份量先, 發現份量比想像中少, 以咁既價錢配咁既份量確實貴咗啲泰式燒牛肉沙律$108 - 燒牛肉係幾好食, 但牛肉好似得6-8件泰式涼粉$38 - 呢個係粉皮嚟, 但好普通泰式醉鬼炒河粉$118 - 唔明咩叫醉鬼? 普通一個干炒牛河泰式炒通菜$78 - 普通既炒通菜烤雞肉沙嗲 $88- 雞肉係嫩口既, 都係配沙醬味道先出泰式香炸魷魚鬚$108 -呢個魷魚鬚就貴啦, 雖然炸粉係少, 但得5件泰茶千層蛋糕$88 - 賣相係可以, 但味道唔太出, 千層做得太厚, 口感麻麻經典芒果糯米飯 $68- 冇諗過咁精緻, 糯米飯比較實唔得軟熟, 雖有椰香味呢杯係無酒精既士多啤梨沙冰, 味道都唔差CLASSIC MARGARITA $88 - 青檸薄荷味道, 酒味濃不錯OCEAN BREEZE SPRITZ $88 - 酒味唔算濃, 不錯呢個就係SURF VIEWING DECK, 撞啱今晚8點開始有人滑浪, 好彩今晚都有返啲安慰, 雖然食物普通冇乜特別令人想回味既, 呢到試過一次就夠
繼續閱讀
之前去Airside見到頂樓有一間餐廳【浪谷】有得邊食飯、飲野同衝浪，非常特別，所以最近趁放假就同fd去試下。餐廳非常大、而且裝修幾特別。烤雞肉沙爹（五串）：沙爹串燒得啱啱好，外層帶微微焦香！沙爹醬濃郁惹味，花生香氣十足。紅蝦他他：紅蝦新鮮彈牙，醬汁加咗啲香草同檸檬汁提鮮、調得酸辣開胃。配埋脆鍋巴一齊食，口感層次豐富，係道好精緻嘅前菜～泰式咖哩雞金麵：金麵吸晒咖哩嘅精華，每條都掛滿濃郁醬汁！雞肉煮得入味又嫩滑，咖哩香而不辣，椰奶味好突出。配料仲有炸麵增加口感，一啖麵一啖湯，非常惹味。馬沙文咖哩牛肋骨（半）：牛肋骨燉到超淋，一叉就散！馬沙文咖哩香濃帶甜，香料味好有層次。半份都好足料，配白飯或者薄餅食簡直絕配，連啲咖哩汁都想飲埋！經典芒果糯米飯：芒果香甜多汁，糯米飯煮得軟糯適中，椰奶香氣十足！甜品來講份量剛好，為成餐飯畫上完美句號～泰式奶茶：茶味香濃，甜度調得啱啱好，唔會太膩。加咗冰飲更加清爽，奶香同茶香平衡得好好，係解辣嘅最佳選擇！龍眼冰茶：龍眼肉清甜多汁，配埋冰茶底好清爽。飲落去有淡淡香茅香料味。
繼續閱讀
浪谷 餐廳的環境非常有特色，融合了泰國文化元素，並設有室內衝浪的設施，讓人感受到一股熱帶風情。這裡的裝潢獨特，適合拍照打卡，CP 值超高，約會好地方，有驚喜，為用餐增添不少樂趣。服務態度非常好，員工親切友善，隨時準備提供幫助，讓人感受到賓至如歸的氛圍。交通非常方便，地鐵站上蓋，無論是本地居民還是遊客，都能輕鬆抵達。以下是我點的菜式：烤雞肉沙爹 五串雞肉鮮嫩多汁，搭配秘製醬汁，香氣四溢，令人難以抗拒，泰國風味。紅蝦他他 新鮮的紅蝦配上魚子醬，酸酸辣辣的口感讓人食指大動，配上脆米餅，增添層次感，絕對是一道美味的開胃菜。泰式蟹肉炒飯炒飯中蟹肉份量十足，與雞蛋一同炒製，鮮味四溢，令人回味無窮。馬沙文咖哩牛肋骨 ❤️必食🩷呢個咖喱汁必定要撈飯，好食到連汁都要食埋，咖哩汁濃郁，必定要搭配米飯一起享用，牛肋骨肉質軟嫩，入味十足，讓人一口接一口。泰茶千層蛋糕一層一層，每一層的口感都十分豐富，不會過甜，清新的奶油味道令人愉悅，完美作為餐後甜品。芒果汁新鮮的芒果汁口感清新，潤喉解渴。芒果冰沙綿密的冰沙，讓人感受到濃郁的芒果風味，是炎熱天氣的絕佳選擇。高品質的泰國料理，世外桃園，性價比高，還有友善的服務和便捷的交通，無論是約會，午餐還是聚會，都是一個理想的選擇。
繼續閱讀
全港首個室內衝浪場位於啟德的AIRSIDE，有滑板衝浪和直立式衝浪任玩，特設餐廳酒吧區，主打印尼、泰國和越南的東南亞融合菜式。店內環境寬敞舒適，裝潢以亞洲衝浪島嶼為主題，樓底極高身，能欣賞到衝浪場的遊玩情景，如置身泰國感受熱浪。三文魚刺身配泰式辣汁 - $98三文魚有著明顯的脂肪紋路，入口滑溜帶豐腴的魚脂香，泰式醬汁酸酸辣辣很清新。烤雞肉沙爹 - $88/五串即叫即燒得外帶微焦好香口，咬開雪白的雞肉嫩滑多汁不乾柴，可蘸上濃稠的沙嗲醬。經典大蝦炒金邊粉 - $128金邊粉比河粉更幼身更堅韌，條條分明集甜酸鹹於一身，三隻去殼去腸的鮮大蝦爽滑彈牙，又有豆腐乾、雞蛋及芽菜等，可加入青檸汁、花生碎或辣椒粉。馬沙文咖哩牛肋骨 - $268/半份濃厚綿密的泰式咖哩有著淡淡的棕櫚焦糖味，略帶花生堅果風味和辛辣香氣，味道相當有層次且溫和；大大塊牛肋骨拆出一塊塊牛肉，脂肪多且夾帶著少許肉筋，嫩滑帶微嚼勁，牛味好濃厚。泰茶千層蛋糕 - $88一塊塊柔軟的蛋皮層層堆疊充滿著豐富的層次，每層夾著香滑的鮮忌廉，淋上濃稠的泰式奶茶醬，有著獨特的手標茶葉香氣，還有士多啤梨及藍莓等水果平衡膩感。椰子冰淇淋 - $52幼滑細膩的雪糕球有著濃厚的椰奶香氣，又有一條條爽滑的椰子肉，還有粟米及藍莓等。Coconut Taro Sago Drink - $58招牌無酒精特飲之一，清甜的椰青水加入香甜的芋頭，還有粒粒晶瑩剔透的西米，質地濃稠綿密。Mango Smoothies - $68幼滑細膩的沙冰好綿密，有陣陣芒果的香甜，薄荷葉增添清爽感。
繼續閱讀