浪谷 (AIRSIDE)

預祝父親節的晚飯，預訂了位於啟德AIRSIDE的浪谷，餐廳以室內滑浪🏄為賣點，如要觀賞滑浪，必須更早預訂座位才可。雖然我們的座位隔了點距離，但也可看到少少。我們一行6人，點了4人用的套餐B ($1,800)並散叫了其他食物。侍應很好，於點餐時有提醒我們4人餐都應該足夠我們享用。套餐所包含的餐點確實很充足。單是前菜小食就有5款，烤蝦木瓜沙律，選了不辣，木瓜絲爽脆，份量多，面層有3大隻爽口烤蝦仁。沙律的醬汁酸酸甜甜，令人開胃。烤雞肉沙爹 (5串），雞肉的肉質不會粗糙，配搭充滿花生香的沙爹醬，微微帶甜又好惹味！脆炸泰式魚餅 (5塊），魚餅大件，肉厚又彈牙，充滿泰式香料味。野紅蝦韃靼配鵪鶉蛋黄和魚子醬，紅蝦刺身配上少許魚子醬，並加上鵪鶉蛋黃，令刺身帶淡淡魚子醬鹹香，蛋黃令蝦刺身的口感更滑溜。將紅蝦他他鋪在淡口的脆米餅上口，一滑一脆，令口感層次更豐富。烤牛肉配泰式辣椒醬，牛肉燒得好香又入味，能保持肉嫩多汁，所配的醬汁十分搭配，令牛肉的味道更為突出。泰式香炸魷鬚 ($108)，套餐以外單點的小食，炸魷魚鬚的脆漿不會太厚，爽脆而不韌，微微鹹香，蘸上辣醬，饒有風味。泰式海南雞，雞件皮脆肉嫩滑，不會有雪味，搭配三色醬料，辣醬是配烤牛肉的那款，配雞件都算不錯。三色醬料可滿足各人口味。蟹肉炒飯配蟹奄列，炒飯及奄列都嚐到蟹肉，炒飯夠乾爽而不油膩，唯奄列稍為過熟，沒有什麼蛋汁。經典大蝦炒金邊粉，色澤與平時吃的炒金邊粉有點不同，不是偏橙色的，雖然配料一樣，但就沒那種酸甜味。而且金邊粉較為散碎，沒什麼口感。泰式炒通菜，通菜都算大碟，不會只得幾條。通菜爽脆嫩綠，夠鑊氣，微辣惹味。冬蔭公湯，加入泰式香草、香茅、檸檬葉，菇菌份量不少，還有大大隻的虎蝦。冬蔭公的味道偏酸而不算太辣，容易入口。青檸辣椒蒸盲鰽魚，最後一道送上的主菜，魚肉嫩滑，魚骨不多，容易食用。湯汁帶青檸香，但整體味道偏淡，魚肉不太吸到湯汁味。高級甜品拼盤，餐牌沒有列明有些什麼甜品，所以我們另點的甜品，有些都重覆了。拼盤共有6款甜品，每款甜品的味道都不錯。除甜品外，還有藍莓和士多啤梨等水果，足夠大家share。經典芒果糯米飯 ($68)，芒果偏酸，反而甜品拼盤那芒果還好一點點。糯米飯微暖，配上淡淡鹹香的椰汁，好吃。椰子冰淇淋 ($52)加入椰子肉、水果及粟米，配料都是次要，主要是椰子雪糕的椰子味夠香！Coconut Taro Sago Drink ($58)就是椰汁芋頭西米露，只是比起平時吃的糖水稍為稀一點點。若果芋頭香一點會更好飲，椰汁味稍重。雖然餐廳以室內滑浪作招徠，但食物質素都算不錯，而且份量充足。我們所點的套餐，其實不用散點，也足夠令我們飽肚。…查看更多

今日同大家繼續去啟德食好野。感覺Airside 有唔少特色餐廳。6️⃣樓有一間可以室內沖浪既餐廳酒吧。呢度寬敞，坐得舒服。餐廳用上藤椅梳化再加上大綠色植身。而水池前兩座大型燈具，外型十足一個帳篷，好似置身東南亞度假feel，亦為現場增添現代感。🍽️［三文魚刺身配泰式辣汁］🇭🇰HKD88前菜點左呢一款「三文魚刺身配泰式辣汁」。刺身入口軟滑，味道幾鮮甜，配埋泰式辣汁，食落更香辣開胃🤤。🍽️［泰式醉鬼炒河粉］🇭🇰HKD108比起一般嘅Pad Thai，今次呢就想試吓呢個泰式炒河粉。炒河粉唔算好油膩，配上青胡椒，蒜蓉，九層塔🌿，聞落都幾香。入面仲有D脆炸蔬菜🥬，口感幾豐富👍🏻。🍽️［泰式大蝦粉絲煲］🇭🇰HKD128我好鐘意呢一款菜。大蝦大隻，又爽口彈牙。採用左泰國香草同花椒，香味吸引。下層粉絲吸收湯汁同大蝦精華，都幾入味，用嚟送飯一流👍🏻。🍽️［泰式炒通菜］🇭🇰HKD72通菜用左辣椒🌶️、蒜蓉同豉油一齊炒，熱辣辣又惹味。🍽️［芒果糯米飯］🇭🇰HKD68食泰國嘢又點可以少得芒果糯米飯？芒果軟腍香滑，同暖椰漿好夾，糯米幾黏口，如果煮耐D會更好味😋。整體嚟講，我幾鐘意呢度既環境，樓底高，坐得舒服😌，又有D度假Feel，而野食都唔錯👍🏻，岩哂同朋友嚟食飯傾計～…查看更多

喺香港嚟講，能夠有一間好似佢哋咁嘅餐廳都真係好難得🫣將衝浪嘅熱情由室外帶到室內😍喺呢度有得玩有得睇有得食，未準備好嘅我，都係以食行先😆؄🪐 香脆泰式薯條用嘅係幼身好似連鎖店嗰隻薯條🍟不過佢就好脆口，有啲似啤酒炸薯條咁嘅，加上泰式嘅調味料🧂特別可口😋§🪐 檸檬草和牛串因為用嘅係和牛肉🐂所以特別軟腍，和牛串燒得好香口😋帶有微微嘅焦香，檸檬草嘅香亦嘅提升咗和牛串嘅味道，必定要配埋沙嗲醬🤤惹味之選！§🪐 泰式大蝦粉絲煲大蝦粉絲煲可以話係經典泰菜之一，要夠鑊氣夠乾身就會好食👍🏼粉絲吸盡精華，蝦肉大隻又夠晒彈牙🦐保留咗傳統風味😋§🪐 咖喱雞金麵無記錯的話金麵呢個食法係泰北嘅美食🫢將咖喱汁淋上炸脆咗嘅麵條上😍咖喱唔係太辣，不過就夠香，配麵條係可以增加口感，仲有脆卜卜嘅感覺🤤雞肉滑溜，沾滿咖喱汁食一流👍🏼§🪐 泰式炒通菜味道較為淡咗啲，不過食咗咁多濃味嘢，當過一過冷河喇😆§🪐 芒果糯米飯芒果味道夠甜🥭好有心機咁砌咗個花形🌹特別欣賞佢個糯米飯，唔會死甜，煙韌度又夠👍🏼係我喺泰國食過嘅味道😋؄除咗食物，呢度仲有好多泰式風情嘅特飲，有冇酒精都有得選擇🤞🏼啱晒坐喺度嘆住杯嘢飲睇衝浪🏄؄🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼8️⃣🌟…查看更多

🏄🏻‍♂️每次去到Airside天台，都會被呢個室內衝浪場+餐廳吸引。餐廳環境好寬敞，餐廳佔地過萬呎，除左滑浪場，仲有主打東南亞泰國+印尼菜嘅餐廳，可以一邊食一邊睇人衝浪。樓底超高，餐廳範圍樓底有兩層樓高，加上落地玻璃，成個vibe真係好chill，有種唔係香港嘅感覺。🐶另外airside 作為寵物友善商場，當然餐廳都有戶外區，好多人都會帶埋主子們餐黎飲番杯野。🏄🏼‍♀️想試玩衝浪可以上網預約，餐廳有毛巾、衝浪設備，有更衣室，兩手空空都可以黎衝浪食物方便，餐廳會定期更新餐牌，呢到嘅餐點份量大概都係二人份量，就算兩個人都可以食多幾款野。🥗泰式燒牛肉沙律 $78燒牛肉半熟，熟度合適，入口軟腍，沙律菜開胃。🦐大蝦粉絲煲 $128兩隻超巨size大蝦，蝦肉質新鮮爽口。粉絲吸滿蝦味，每啖都食到濃香蝦膏味。🐔泰式海南雞 （半隻） $168海南雞肉質鮮嫩，配有3種浪谷招牌醬料。3種醬都好濃香，有薑蓉、黑醬油同醒辣汁。黑醬油偏濃甜，非常惹味，仲有偏酸帶辣嘅辣醬，非常開胃。🥬泰式炒通菜 $72通菜炒得爽脆，店好貼心會主動問要唔要小辣🫓印度薄餅 $38一份兩件，口感酥脆，薄餅都係沾咖喱最好食。🧉泰式奶油蛋糕配椰子冰淇淋 $88第一次食泰式奶油蛋糕，食一小啖已食到濃郁奶油味，口感非常軟身，入口即化嘅絲滑感。🍹Signature Virgin Colada $58飲品淡紫色，味道主要為莓味+椰奶，加入新鮮菠蘿和芒果汁，入口幼滑，清新解喝。🥭Mango Lassi $58呢到嘅mango lassi比較特別，除左芒果汁同Greek yogurt以外，仲加左肉桂，肉桂味香濃。…查看更多