浦和日本料理 (已結業)

成日行過地鐵站都見到大大個招牌，都好相試，但又唔知好唔好。見網評又好壞滲半，最好都係試一試!首先要讚刺身，好新鮮，又快到，我地全部都試勻，都ok新鮮的，三文魚夠肥，吞拿魚冇渣我最鍾意三文魚,鱆紅, 北寄貝(吃了三ROUND)都快到!串燒:和牛串好，冬菇少少鹹唔算乾、栗米都爽口有汁、秋刀魚都幾好食的。炸物︰蝦粉漿少少厚有d漏、南瓜番薯唔油幾好、炸蠔唔錯。其他熱盤︰海鮮粥真係幾甜多料。 牛肉鍋個湯好好飲，好鮮甜俾我地清晒！清酒煮硯都可以。卷物︰花之戀用三文魚腩，正!芒果卷必食推介,軟殼蟹手卷OK待應加水同收碟都好快，都好有禮貎!我同朋友都覺得無決定錯，有喜出望外的感覺。

聽朋友介紹話呢間日式放題好似唔錯,星期五晚上就去試一試, 我地選擇左9點後特價時段, 價錢係$158, 9點準時到達, 入面唔滿座, 但都要等成十幾分鐘先安排到座位坐底, 已經有點唔太好的預感 一入到去覺得佢地的裝修都好日本化, 但我印象中上一手都係日本餐廳, 唔知佢沿用定係新裝修, 講番d野食, 本menu好似成本書咁厚, 種類繁多, 有刺身, 炸物, 爐端燒, 鍋物, 壽司, 天婦羅, 拉麵烏冬, 甜品, 飲品等等 刺身: 我地諗住選擇d我地食的刺身, 點知個經理懶好咁話寫個刺身併盤試下, 點知來到d刺身唔多好食, 唔新鮮, 而且無三文魚, 諗住追加時, 侍應竟然話是日三文魚沽清喎, 吓!!!!!! 我坐低左十分鐘就話沽清, 我地9點後特價時段來食, 唔好以為平好多, 更加唔係貪平, 因為其實只係平$10, 而且我地只係等埋屋企人放工先選擇呢個時段入坐, 好似入左黑店咁, 明知星期五多人客架啦, 香港人亦喜歡食三文魚刺身架啦, 都唔入多d貨, 真係令人非常非常失望!! 炸物: 我地要左d炸帶子, 炸丸同炸薯餅, 都係雪藏來貨, 炸得熱辣無話唔好食... 爐端燒: 燒物我地叫左車厘

已經係第二次食呢度D158兩小時任食! 鍾意呢度坐得舒服~而且呢個價錢可以食到多款刺身, 壽司, 串燒, 炸物..一品料理都ok抵食啦!刺身:我好欣賞呢度鱆紅魚,好新鮮~仲有老公鍾意既八爪魚~壽司:有我鍾意鰻魚壽司，花之戀~~手卷: 軟殼蟹手卷相比第一次好食，軟殼蟹唔凍配合夠脆紫菜~好味!串燒: 鹽燒雞軟骨串值得一試~有我鍾意串燒粟米, 鹽燒銀杏串~有老公鍾意燒秋刀魚&燒多春魚~我同老公都覺得好抵食呀! 以後晚飯就多一個選擇啦!天氣開始凍，如果有任食Shabushabu 就更好。

之前一路都係聽人講呢度幾得有幾得, 所以成日諗住要來試嚇, 宜家終於都有機會了。由於有朋友來過所以特別推介咗希靈魚馬刀貝刺身，海老天婦羅，甜品，稻庭泠烏冬同埋前菜, 果然好味!!!! 之後仲有刺身啦~ 雖然唔限時價錢要$188 (有加一) 但有頭盤北海道長腳蟹及鮑魚送， 及上枱的刺身及和食質素都幾好, 可接受^^另外仲有即叫即燒既串燒, 我就特別推介汁燒和牛串，鹽燒雞翼串及汁燒雞骨腸了, 燒物夠熱辣香口. 好味到唔識講, 有機會大家可以去食嚇。佢地既烏冬全部都係手打, 勁Q, 又滑, 再吸收埋鼓油底真係好味到唔捨得停呢!!!!跟住態度友善既服務生又幫我地點咗d刺身倂好味, 魚生夠鮮甜、馬刀貝樣爽口得o黎又好鮮味。其他熟食都唔多講了, 不過值得一提既呢就係呢度d壽司既飯, 感覺非常住家feel, 唔會係出麵食落用機壓o個d 冷冰冰o既感覺, 舊飯又壓到實曬, 一d都唔好食。呢度o既壽司好得!! 不過係d紫菜唔係好夠脆啫, 可能係, 運送期間"林"咗都未定, anyway 呢個係可以包容o既。無限時有頭盤送仲有一大好處就係鐘意坐幾耐都得, 又唔會因為我地坐得耐都叫咗野食唔來呀, 真係令人有

好想日本野.. 咩都想食呀... 嗱嗱聲約三幾個frd 一齊去食la. 輪見到荃灣開咗間新日本野食放題咪..諗住去試下. 終於到咗我地約好果日.. 點知..網上出現一遍劣評.. 大件事.. 唔通真係好差!? 我地有想過轉場去另一間食評好少少既 & 貴少少既日本野食放題.. 點知... 又無哂位. 死死地氣返去之前book 好果間食lor.. 訂位果陣個姐姐仔好有禮貌, 我話唔想坐門口.. 佢真係留咗個中間既 sofa 座比我地, 算佢啦. 之後, 有個好型既經理果嚟落單, 食2個鐘就 158 , 如果唔限事就 188 , coz 我地仲有個frd 未到.. 豪比佢.. 揀咗188 ... 原來 188 每人送多一樣食物ga, 我地果晚有 焗蠔 , 蟹腳 & 海膽壽司, 我地3個人每樣叫咗一個. 焗蠔 - 味道ok蟹腳 - 超讚 有 4 碌, 好好味 (意外驚喜) 海膽壽司 - 好爆 (好多海膽) 同 幾新鮮p.s. 如果當作 加30蚊 一款以上既食物, 都算唔太貴既.一如之前既食評, 個經理同我地落咗個魚生先啦,佢都嚟得好快, 都好新鮮wor. 我地驚佢好耐唔比野食我地,

不錯的任食放題小弟和同事到荃灣食飯，見到浦和新店放題$158抵，款式頗多，就試吓。新店裝潢和風味重，座位寬敞，配以日式燈籠、餐具。店內燈光優和，感覺也舒適自在好FEEL。食物方面，任食放題也多款刺身壽司可供選擇，另外還有其他和風料理、爐端燒、炸物等。另有天婦羅吧，飲品甜品及沙律吧，推廣期任飲任食。日本清酒需另收費。 啤酒及飲品買一送一。刺身／壽司：刺身拼盆：入坐一陣樓面便會送來刺身拼盆。有三文魚、吞拿魚、油甘魚、八爪魚、北寄貝及刀馬貝等。吞拿魚有D筋，整體都新鮮！壽司：鰻魚、味付鮑魚、甜蝦、熟蝦及蟹柳壽司。質素OK。 手卷及卷物：三文魚手卷，紫菜夠脆。花之卷及玫瑰卷，也不錯。 爐端燒：汁燒和牛串：和牛切粒伴以小蕃茄及青椒串燒，有心思好味。鹽燒雞中翼：雞中翼燒得皮脆肉嫩，不會過份乾身，不錯。 鹽燒鯖魚：鯖魚味道很好，魚皮表面燒成微焦，配上檸檬汁，做得很好。 燒冬菇串：兩顆小冬菇作鹽燒，不太乾，可以。 炸物：海老天婦羅：大只香口。贊！南瓜番薯天婦羅：不錯海鮮薯餅：好味八爪魚丸：不錯和風料理：日式燒餅：味道可接受。牛油炒雜菌：就是牛油炒金菇及冬菇絲，牛油味不算太重，也不太油膩，不錯。

新開..諗住試新野...同老公去到已經8點多了...所以諗住食2人餐...等份menu等左10分鐘...果位super定a.m都唔知係咪玩野...一味叫我地等佢...佢同前一台客人吹水...唔幫都唔好唔比其他人幫...搞事既...全程無人理...茶都無+...地下唔少用過既紙巾...一肚氣之餘....食物完全係驚嚇....依世絕對無下次!!!!!

上個星期五晚同朋友兩個人嚟左呢度食晚飯,其實本來是打算去另一間的,但經過這裏看到是新開張,又冇咩人等位,於是入嚟試下,這裏有放題食,只是百幾元,好像好抵,但我們都食不到太多野,所以就散叫,有一個二人餐都好抵食,200元唔使,都有好多樣野喎,於是我們叫左一個二人餐:日式面豉湯-ok呀,唔會太咸三文魚子手卷-都好多三文魚子,但係紫菜不太新鮮,有些淋蜜桃沙律-都好味呀,好多蜜桃粒,都幾甜,青瓜絲切都好幼刺身拼盤-三文魚,吞拿魚,八爪魚-味道ok,但不太新鮮金菇牛肉窩-好像不太夠熱,只是暖的,牛肉都幾淋,有些金菇及黃芽白等炒雜菜-賣相一般,味道一般啦,不是好夠味,淡淡地朱古力慕絲甜品-都幾好味呀,不會太甜,底部有一些像士多啤梨醬就較甜這裏很多人食放題,我們剛剛坐在拿甜品雪糕的地方旁,都看見有好多人出來拿甜品,雪糕,飲品,雪糕都像有幾種味道,飲品都係,我諗這個價錢都幾抵食的.

一入到黎招呼的確唔錯,又幫我地整埋個刺身拼盆~但跟住落果D刺身ORDER就差得遠,ORDER數量多果D永遠都冇緊一大半,刺身又薄又唔係特別新鮮好食,雖然食D咁平既放題都預左有咁既情況,但係做得任食又唔比足人地食,又要減又要等...做唔起真係不如唔好做!最無聊係個沙律吧同埋D咖啡奶茶,沙律吧又唔係有咩特式野食,得D菜,粟米,蕃茄等等,D奶茶同檸檬茶都係用茶包,淡而無味,真係覺得好多餘!野食都唔算等得太耐,因為個侍應哥哥都周不時問我地同隔離檯D野好唔好食,有冇D乜野未到,幫我地跟進番,服務態度認真不錯,但人手好似唔係好夠,經常見到佢地左撲右撲,不過呢間野食物既質素同份量已經破壞晒一切,如果真係放題友,大家又可以少一個選擇!

見D食評寫得麻麻地，我都1516唔知去唔去好?不過這裹確係好就腳，所以同朋友最後決定博一博。一入去，侍應的態度都幾好，有禮貌，好過五XX她落了個刺身拼盤，出奇地好快就到，我見其他枱都好快!(進步了)串燒都OK!和牛串，雞軟骨好味。炸天婦羅煆好大隻，食了2隻。其他炸物如炸蠔,帶子都OK!立魚清湯不夠熱，要改善。軟穀蟹手軟紫菜有D淋，要改善。壽司只食了鰻魚和甜蝦，一般。但小丸子漏單，追了3次。總括黎講，都不是太差，不過不失。同大酒店當然無得比，但這個價錢$163都算OK!我都要公道D，寫番D中肯評價。PS. 我覺得有得寫紙仔會好D，侍應可以多D時間招呼人客，減少出錯

今日放假,話荃灣力生新開個間"浦和日本料理"放題好正..所以同媽咪決定去試 !!!前身江戶前的位置, 已經變左浦和lu..由於訂位既關係,都唔使等 ~~入到去安排坐二人枱...不過d人送野食比我地入面張枱個時就成日要媽咪起身..!大佬 ~~下下起身仲得點既 !?好彩立即有人幫我地換位..不過食餐飯, 其實都食到一肚氣...下次真係咪搞!好喇,點野食先...佢地冇紙比人tick,要用口講佢地落單....我就覺得唔太方便...邊記得咁多!?最尾反而我地要用筆mark低d number先落單..另外,出面有沙律bar,甜品bar,雪糕同汽水任拎....沙律bar：真係得三種野揀架ja , 就係蕃茄仔,生菜同粟米..後期連生菜都冇埋又冇人補...咁都叫沙律bar..甜品bar：有幾款甜品揀..但數量唔多, 次次一出就要衝埋去拎,搶咁款, 根本唔夠分 !雪糕同汽水bar：呢個就正常d ,不過佢個芒果橙汁竟然冇味囉 !!差 !!飲返汽水算 !到落order時, d侍應禮貌係唔錯架..話幫我地上左隻刺身船先..船!!? 等左幾個字, 呢架竟然係所謂既船..........希靈魚,媽咪話好酸又腥腥地.

見間野係雜誌賣廣告, 話新開張, D 圖影到幾靚下, 諗住去試結果係一肚氣1. 又話放題, 結果雪糕, 飲品, 沙律, 天婦羅蝦要自己出去拎, 好啦, 自己出去拎都冇乜問題飲品D 冰又放埋D 位令人睇唔到, D 雪糕硬到好似石頭咁, 叫人地點整, 天婦羅蝦排左成半個鍾隊先拎到2. 一開始叫的刺身拼盤, 每樣刺身各三至四件, 八爪魚得兩片, 叫左20分鐘都未到, 黎到時, 拼盤上的冰已經溶緊, 叫人點食上面個D 刺身, 索晒水3. 1個侍應服侍四張枱, 仲要人手幫我地落ORDER, 係冇D ORDER 紙俾我地TAKE4. D 壽司, 刺身唔夠凍, 同個侍應講過, 原來佢地5點幾將D 材料已由雪櫃拎出黎整, 搞到D 料唔凍, 咁好易變壞架5. 之麻八爪魚裡面又有沙, D 螺肉又係唔夠凍6. 所有ORDER 要客人等左20分鐘或以上先黎到, 即係通常客人只叫到四轉7. ORDER 的野唔整, 自己落左某D 野, 係冇黎到, 最離譜的係坐我隔離的一對夫婦, 佢地叫的ORDER, 有一大半都冇黎過, 見佢地食左唔係好多野, 但追過好多次單8. 熟人行先, 其他客人行後, 見到有D 熟人/ 其他

第一次同BoyFd BB食放題咁就獻左俾依間餐廳！環境好闊落裝修都幾入局。6：30pm 後要俾多十蚊（168）講d野食先Overall 黎講都ok先點刺身,都幾新鮮,到壽司卷物,款色多,花之戀的三文魚比三文魚刺身更肥美, 值得再吃我鐘意海老天婦羅，海老好大隻好味;但要排隊。前面個阿叔一挪就十件。有D誇！ 野菜天婦羅整體上都很出色, 而且有南瓜,蕃薯, 好味。串燒尤其出色, 由粟米, 雞軟骨, 雞肉, 鯖魚到雞翼 都燒得很香, 汁料也不會太濃而搶味。不過串燒出品有D慢迷你手打烏冬，個烏冬好彈牙，但係個荀有D鹹。我地即刻同經理反映，個經理即刻話sorry會換比我地，好快就有個無荀既手打烏冬送過黎。炸生蠔好好食枝豆都好好食我同BB都好飽剛剛有一枱有人生日待應都會唱生日歌都幾好整體來說, 服務其實不錯, 食品也優, 刺身很新鮮, 不過處理order就很混亂, 有待改進。但我覺得168 ok呀！下次可以再黎

我同我同事不嬲食晏都鐘意d好野不在乎價錢只在乎食物佢第一日開張既時候我已經去左食仲有個所謂 DISTRICT MANAGER 係度派NAME CARD又話+$10 送埋個自助SALAD 吧我去睇左個SALAD 吧之後...決定唔+$10開頭見LUNCH MENU 有個浦和精選刺身定食都好好奇問下個DM...個刺身定食有D咩嫁佢話我地既COOK會揀D最新鮮既刺身, 一共3種魚同2種貝類不過我地最後叫左三文魚海膽飯x2再叫多個鱆紅魚薄切不論食物新鮮之外 埋單果陣仲有個女侍應A 仲問我地D野食O唔OK...去第二次都覺得無咩野嫁...係佢公司留下有個人係度派傳單張傳單仲有個COUPON 憑劵送SALAD吧上到去個SALAD 吧..有粟米, 蕃仔茄, 生菜, 菠蘿, 桃送黎講都OK既~不過第二次係食熱野只係覺得佢D 生野好過熟野到到第三次, 呢次係我最後一次去SALAD 吧唔知點解...得返蕃茄仔-0-....咩都無...好無誠意囉~仲有既係D 日本WASABI 唔知點解係一包一包綠色果D 包裝既-0-我同同事因為知佢D熱野唔好食..所以我地諗住生野食咁我就問佢返第一次果個女仔A我:浦和精選刺

如果你唔知咩叫耐的話﹐可以去試吓。晚飯BUFFET。2小時。一入去﹐分別叫了熟食炸物和刺身。熟食炸物20分鐘內到齊。刺身等了35分鐘﹐追了3次單。連刺身船都唔到。第45分鐘﹐追到發火。仕應才斯斯然話溜左單。然後再追經理﹐換來好多個對唔住。係好有禮貌。但係2小內既頭1個小時用呢追單﹐邊有MOOD﹖跟住﹐呢咗架細既刺身船﹐後來幾經追單下﹐點既刺身呢咗﹐但熟食炸物都食到飽啦。枱枱都係咁催刺身﹐點解﹖呢個好似係佢地既目的。問WAITER﹐有D話﹕刺身不嬲都係耐D(言下之意﹐佢地唔係唔知問題)另一個WAITER話﹕個價錢平﹐所以個個ORDER刺身﹐出唔切。。。(好平咩﹖)問經理﹐佢話﹕廚房既TECHNOLOGY唔夠快﹐令刺身出得慢。。咁都得﹖佢D枝豆﹐炸物OK。刺身痲麻。問題係﹐開業都有一段時間﹐亦知道刺身係放題既主題﹐如果做唔到有足夠供應的話﹐點係要做放題﹖點係要客人等到個個發火﹖呢D唔係幾個禮貌既經理好以彌補﹖我唔會再去。寧願比多D去X田。