浜滝 (已結業)

今次搵食搵到黎天后~呢度真係好多選擇就算我地揀定左想食日本野, 都仲有幾間可以揀最後我地揀左呢間睇落裝修唔錯, 經過果陣仲聽到老闆介紹緊新番既酒最緊要係下文會提及既promo入鋪右邊就有一面牆全部都係手繪紙扇~幾有特色前少少既吧枱位就有好多唔同既酒, 米酒清酒全部都有, 聽老闆介紹岩岩仲番左一批新既, menu冇~所以想叫酒既記得問問店員有咩好介紹今晚唔係特別餓, 所以我地睇完餐牌就決定左叫一個主食同大量小食首先到既係呢個芥末+牛油果+蝦整成既醬配餅乾~餅乾好脆, 合格~醬既芥末味唔會太濃太攻鼻, 加上最近好興既牛油果同蝦鮮味, 幾有趣幾好食跟住到既係今晚既主食~海老味噌拉麵對味噌非常有愛既我當然即刻先試一啖湯底~蝦味鮮且夠濃味, 味噌味唔會太鹹, 湯底黎講好正麵身軟硬適中, 唔係我食開既硬麵, 不過都彈牙蝦就非常大隻,鮮味十足~ 最驚喜係湯底入面有一塊熱石係度~除左某間用呢樣做賣點既拉麵鋪我都極少見, 主要係用黎keep住湯底熱既跟住到既係好期待既A5 和牛 - 近江牛~佢跟埋一個小鐵板同gas爐比你自己燒~仲有岩鹽, 黑椒同味偏淡既醬油自己調味~食高級牛通常我都只落少少岩鹽提一提味

說是不能錯過因為單看門面很容易就行過兼頭也不回門面跟平常密不透光的日式餐廳相反,門口開着有時還有日本人出來拉客這麼親切差點誤會他們的質素普通, 誰想到有驚人發現!店內就幾張高桌子,都是高椅子,適合三五知己把酒談心酒的選擇不少,食物除了拉麵串燒外,還有點特色的海葡萄, 秋刀魚釀明太子,燒明太子等今天胃口普通,先點了濃厚醬油拉麵,我估計是醬油混合豬骨湯底,濃是醬油,厚是否豬骨,食落亦很一致湯是滾住上枱, 全因裏面有塊熱石, 拉麵我會說是al dente,剛剛好,有口感很彈牙秘製炸雞要了兩塊,味道不錯,偏濃味及鹹, 送酒應該很搭大阪燒餅雖是很普通,但要堂食亦不是那麼普遍,不吝嗇放上木魚紫菜醬汁是重點，呢度仲加上蝦乾多了一重鮮味整體來說他們有優質食物,親切價錢及服務, 重要的事要講三次, 不能錯過不能錯過不能錯過

First time here. The interior decor is comfy and good background music. Just me and son having a quick lunch (he ordered a ramen and I ordered deep fried pork cutlet, extra side order two pieces of fried chicken). To cut the long story short, everything was delicious. My son is a ramen lover and he rates the ramen 9 out of 10. Will definitely visit again.

上次試完九龍城店, 今次特意約埋整班朋友一起又去試埋天后分店｡ 這分店的比九龍城的寬趟, 周圍擺設好有日本風,仲擺滿好多日本酒, 真係仲未開始食都已經比啲環境吸引住｡ 今次叫的熱石拉麵同上次的一樣咁有水準, 而且足料又惹味｡特別是究極海老拉麵, 大大隻海蝦送上, 再加上一大堆櫻花蝦, 送到上檯面仍然吱吱聲地滾住, 真是會食極都不厭倦｡ 不過不得不提, 這店的小食真是無得頂, 雖然份量不是太大, 但係色味俱佳, 製作精緻, 可算是別有風味的, 絕對值得再來食多幾次｡忌廉薯餅口感鬆脆, 外脆內軟, 而且食落去不太油膩 ｡燒沖繩菠蘿串就好抵食, 大大舊, 燒過後的焦糖化比生吃更甜｡螢光魷魚漬就最特別, 店員說是日本產的, 所以食落去鹹得黎帶點海水味, 配合埋蘿蔔蓉吃, 更清爽｡當然少不得雞翼串, 真係超好食, 肉質不但潤滑, 而燒得非常均衡, 醬汁真的很惹味, 真係食完都好耐人尋味｡

拿, 即係咁... 本人平日都好少話寫寫負評比d餐廳，始終人地都要做生意嘛。但身為拉麵迷既我試完呢間野... 實在無辦法再忍,可以將一碗拉麵煮到比茶記既出前一丁更差!! 實在不得不寫!!!首先一坐低就叫左碗濃厚醬油拉麵同罐可樂。碗野一黎到仲熱到起泡 諗住幾得意就影低，心諗應該唔差啦!! 但因為太餓都係忍唔住飲啖湯. 唔飲由自可 一飲...holy s&*% 仲要有舊石係個碗底..我唔知想點我再望一望個meun... 濃厚? 你邊度濃?? 邊度厚?? 我好似飲緊碗鹽水... 總之覺得比緊燒鵝脾價錢 食緊難殘渣既感覺。 埋單109...我都唔知食左咩落肚...唔好意思! 整篇食評連一張相都無， 因為拉麵質素真係連我搵手機去影一張相既動力都提唔起!! 最後都係去附近食多個車仔麵算...

聽朋友介紹, 說這裡的串燒很有水準, 所以今次特意跟埋他們一起去吃。餐廳都很方便, 地鐵站行2分鐘就到了。這裡晚市都頗多人吃, 都等了有一段時間。我們先後叫了燒雞翼, 燒雞軟骨串, 3個拉麵。串燒的水準真是非常好, 賣相十分吸引, 香味十足, 特別是雞翼串, 燒得非常好。每一隻燒得時間剛剛好, 肉質不但很多汁, 而且很滑。不過就偏鹹了少少, 但用來跟飯一起吃就真是一流。雞軟骨串也不差, 口感有點像有骨漢堡排, 調味適中,再配上生蛋一起吃, 都幾特別。我們亦都有叫了3 碗店鋪的主打熱石拉麵, 味道也不錯, 不油膩。特別是那碗濃厚醬油拉麵, 香濃的豬骨湯配上堅靭的面麵條, 而叉燒也很夠味道, 不過就稍有點少。至於極辛地獄拉麵的辣度也十足, 十分惹味。最後店員更說更說現在做緊promote, 如果每人打卡like & share 佢地個page, 仲可以送一隻海蝦刺身。我地就跟住做。不過真係十分意外, 沒有想過送的也那麼好, 大大隻, 原子筆那樣長度, 而且又新鮮。整體來說, 食物水準都真是不錯, 特別是串燒值得一試, 加上宜家做緊promote, 真是很抵食!

餐廳幾細間，當晚用左openrice app 訂位，仲有折扣優惠。之前見到有白子嘅相，一心想黎食一坐低就問有無，點知同事話原來冬天先有 (白子好似係銀鱈魚嘅精子)不過佢地介紹左好多時令新鮮嘅嘢比我地食先講一講佢地嘅熱石拉麵，熱石燒熱後直接放入碗麵度，令湯一直保持高溫。上枱嘅時候啲湯仲係沸騰緊 味道方面都幾好，湯濃麵爽。海膽燒波士頓龍蝦， 海膽同龍蝦都幾夾，不過龍蝦燒到半熟，好快凍左，燒熟啲應該會好味啲。日本珍寶蠔雖然無美國Pacific 咁大但味道濃郁同鮮味好多餐廳每晚都有唔同新鮮嘅嘢推介比大家同埋仲有供應串燒，好有日本地道居酒屋feel，值得一試

放工後與妹妹來到天后逛下街，天氣真是實在太熱，都晤想在街逛得太耐，日落西山是時候又是晚飯時間，熱食食日本菜的妹妹提議去附近的「浜滝」食晚飯，在門外看看餐牌時，有位店員從店中走出來，熱誠地介紹及推廣時令的菜式，例如日本廣島蠔、店中的招牌制霸拉麵等......門外放了一個是日精選的黑板，看來都非常吸引。店內裝潢也絲毫不遜色，裝潢有日式風味，放置了大堆從日本帶來的裝飾品，店中播放著輕快的日本歌曲，整體上環境氣氛相當良好。店中除了拉麵之外，設有生蠔、串燒、特色小食等......餐牌上有彩色的食物照片，圖文並茂，容易讓客人參考。頭盤先來一份櫻花蝦凍豆腐 ($48)，櫻花蝦顏色十分鮮艷，放在凍豆腐製成了一就冷盤，味道微鹹甘香，同時豆腐帶出濃郁的豆香，口感十分香滑又清涼，再灑上翠綠的青蔥及大堆的木魚碎，增添風味。開胃前菜當然不少得有酒盜鰹魚肝芝士 ($63)，加鹽腌漬過的鰹魚肝味道帶點鹹味甘香，再拌上軟滑的忌廉芝士及脆脆的紫菜，可以中和鹹味又脆口，同時芝士又帶出粘滑的口感，入口即化，同時在口腔內慢慢滲出魚油的香氣，也有醒胃的感覺，佐酒更是不錯的選擇。一場來到當然要試試重量級的制霸拉麵($118)，大

今日天氣又焗又熱，又成35度。老婆又話唔餓，又話懶得煮飯，一收左太陽就同阿仔落樓覓食，原本就諗住去食泰國野，但行過見到平時好多人排隊間日本野仲未有很多人排隊，阿仔又話想試下，是就入去坐低左。入面環境都幾特別下，擺滿好多酒，都幾舒服，最緊要冷氣開得夠大，啱晒今日的天氣。阿仔話想食凍野，店員就推介個新出既刺身冷麵，唔係平架，但都幾足料下。隻赤蝦有手板咁長, 鮑魚同帶子亦都好新鮮好大隻，而且仲有醃過的辣三文魚粒，超級豐富。阿仔就話個麵底好煙韌，好好食, 我就夾左一著來試，輕輕咁 酸，少少咁辣，都幾醒胃下，好食。我自己就叫左個叉燒玉子飯，真正日本米煙煙韌韌，特別在那塊叉燒，食落去都幾香口下，而個混合了那些紫菜木魚一起食都不錯，分量十足，幾好味。看見隔離檯叫的串燒好似好惹味，我地都再加多幾串串燒。果然, 這裡的串燒真係不錯，菠蘿燒左來食仲甜美， 那個柚子雞肉串也很好吃, 很重柚子味, 很開胃。隻雞翼大大隻燒得很香口、很多汁，值得一試。仔仔話牛肉本身肉質好靚，但我地就覺得可以生些少，燒得無咁熟會好些。整體來說，這餐晚飯也不錯的，值得來試。

早左落到天后，約左客食飯未夠鐘，行過門口見到送鮑魚，所以行入去，諗住來個Happy hour 先問左係咪有鮑魚送，個侍應好細心教我係個玻璃樽嘟一嘟，去左Facebook 打卡，咁就有鮑魚送我講明係來happy hour 坐一陣咋，個侍應介紹我食日本炸雞翼，同黑生啤，仲同我吹左一陣水，佢講左好多關於地酒的資料，好難得，細細間鋪仔，個侍應好自豪自己賣緊的野，真係無幾可。 杯黑生啤好凍，正個雞翼大大隻，好juicy，好入味，得可惜約左個客傾野，指定要食中餐，如果唔係都叫埋佢來直落

今晚勁想食日本嘢! 但又唔想食又係壽司，就嚟到天后試下浜滝，就係貪佢咩都有!拉麵，刺生，小食，樣樣有!!嘩!!!!意想不到!!!食物用料非常新鮮! 每道菜都好有水準!!而且價錢合理!!!

今晚跟住媽咪同親戚食飯，諗住又要悶一晚，但居然係食日本野，仲要係又新潮、又開心。呢到既裝修好正，好有型, 好似真係去左日本既居酒屋咁。燒芝士年糕，燒得好透，熱氣野就最啱我，用紫菜包住食，外面脆卜卜，裡面就QQ地夠彈牙，我一個人仲獨吞左兩個。成晚食咁多野，樣樣野都好好食，沖繩冰鎮鮑魚，新鮮、甜美、爽脆，充滿海水味，配上輕輕微微既酸汁，真係好係沖繩暢泳緊咁。全晚高潮就係火炙海膽龍蝦，新鮮就不在話下，新鮮既海膽龍蝦輕輕用火槍炙過，啱啱好，唔係熟晒，又保留到真鮮味，好戲在後頭，當大家品嚐過後，兩個咁大既龍蝦頭就係我面前，我又點會放過呢，龍蝦頭充滿蝦膏，啖啖都係極品清酒煮大蜆，眼見係全晚最普通既海鮮，但個清酒煮既上湯真係好好味，你話我老土都係咁話，我叫左個白飯撈湯食，正到暈。雖然係親戚請，但我偷睇過張單，食咁多海鮮都係三百蚊一個人頭，都OK抵食。枱面仲放左好多清酒，下次同friend 嚟，一定要試埋呢到既酒。

LUNCHTIME時間黎食人唔多唔洗排隊好方便, 而且成間鋪既燈光, 設計等等都好有日本居酒屋既感覺, 好啱一班人嚟邊食飯邊傾計。一行4個人總共叫左4個SET一齊SHARE, 有地獄拉麵, 鰻魚, 炸雞同埋芝士漢堡3個定食, 仲叫多隻生蠔試下味。另外我地仲每人叫左杯青檸梳打, 好大杯, 跟餐叫都只係+$5!不過叫完野食就要等至少10分鐘先有野食。地獄拉麵既湯底好濃郁, 辣辣地咁幾好食, 仲有隻流心蛋, 一碗$88料都算多,送上嚟果陣仲會有舊熱石係湯入面幫助起泡KEEP住個溫度, 好得意。他他炸雞定食就$52, 份量好足, 而且聞落好香, 略嫌唔夠脆, 但我覺得佢比既沙律醬同檸檬汁都好夾!浦燒日本鰻魚定食就$78, 食落好有口感,配既醬汁都好夾。塊芝士漢堡夠厚而且$58唔算貴, 佢配既秘製醬汁都好特別。另外生蠔好新鮮, 一啖咬落去果陣有好多汁!OVERALL嚟講我地都好滿意呢餐LUNCH, 得閒一定會嚟試埋DINNER!

同老婆途經天后，想食日本野。剛好經過，入去試下。九州生，爽甜鮮味。連我唔太食生蠔，完全冇加檸檬汁，都覺得好好味花魚一夜干，燒得啱啱仔，非常香口。味道鮮美。大板燒餅，好有口感，d醬汁又好味。總之就真係想不到咁好味啦另外，又試左一隻桃味嘅西班牙有氣果汁叫air flash。嘩! 好有桃味!! 同埋好天然。問過店員，原來係用真正鮮果去製造的。正呀

俾佢嘅裝飾吸引 喺門口睇吓個餐牌就已經有店員走出嚟介紹 服務好似幾好咁入到去店員仲繼續介紹 心諗 佢哋可能好少客之後我哋叫咗兩個拉麵1） 自家制黑蒸拉麵2）制霸拉麵黑蒜拉麵嚟先睇落個樣好pro咁 食落第一啖忍唔住話：好咸！同個朋友share一人一半夾硬食哂佢跟住制霸拉麵都嚟咗心諗 俾多次機會佢 應該呢個唔會好難食點知都係好難食 食咗兩啖就停咗不停飲水 唔怪之得佢一坐低就俾咗兩大杯水我哋整體嚟講真係麻麻 最好嘅係隻蛋算係流心唔係特別平 仲要加一所以大家都係唔好俾佢外表呃到啦