泰鳩 (已結業)

今日同朋友去咗呢間泰國嘢原來話試業緊，有啲feedback想俾，諗住趁仲fine tune緊可以留意 (btw IG DM過意見但冇人睇)因用QR Code落單，有啲選項無法講到，如可以加喺落單頁面就更好，例如炒河少油、走芽菜、飲品少冰走冰、少甜走甜之類。炒河理解一般係多油，但同炒飯相比，炒飯食完後無論碟定塊葉都好乾，而炒河食完後就有層油留低🙈所以如果有少油揀就更好👍🏻另外飲品我地試咗好多人都推薦嘅泰式奶茶，味道係真係好好飲，但以正價$38或跟餐加$18黎講，份量好似細咗啲，飲咗兩啖就去咗半杯，如可以大杯啲或跟餐加錢平少少就perfect。最後尾聲嘅甜品，班蘭千層糕，味道很好，但口感好似實咗少少，希望可以淋啲或煙靭啲。另外梳化卡位好好坐，但直吹風口，有好有壞。整體黎講好好味，環境都舒服，如可以考慮埋以上就更完美，一定會再黎的🫶🏻

椰汁沙冰淡如水 成杯嘢完全冇味肉碎煎蛋飯 非常一般正常泰國餐廳味道都好過佢比百幾蚊食兩隻烚雞髀係個紅咖喱汁味道正常，但個醬汁太稀，薄餅正常水平一心諗住試新餐廳，見到有明星效應本身已經期望不高，但估唔到咁差冇下次

個人覺得金邊粉真係可以encore金邊粉真係好好食生菜「九鳥」包又係吾錯👍拼盤又係抵食之選杯沙冰又吾會好似食冰咁只係啲單吾好咁亂就好啲見到個哥仔拎住杯沙冰吾知邊張枱好無助真係好慘呀😅

早兩日與同事試吓去食lunch，到達嘅時候只係得幾枱客。侍應話提醒嗰日冇海南雞飯，我心想揀豬手飯，但scan個QR code時個menu冇得揀，問個侍應，佢叫同事set返部機出返，之後落咗單，但轉頭又有另一位侍應話其實嗰日冇豬手飯，結果換咗叫牛肉船河。等咗大概廿幾三十分鐘，latte同船河到，我杯latte唔滿，而同事嗰杯latte滿到瀉，而味道極之普通。至於碗船河，一食塊牛肉就覺得好硬好柴，只能夠說，咁嘅價錢就咁嘅貨色。其實始終唔係街邊鋪，有少少專登嚟食，但食咁嘅質素，真係唔會有下次。再講當日嘅混亂，同事明明落單係牛肉船麵，但嚟咗船河，而另一位同事嘅食物就等咗一個鐘都未嚟，唯有叫侍應轉外賣。但由侍應話幫佢轉外賣到佢拎到個外賣，又再等多咗廿分鐘。等待嘅過程中，睇到有好一段時間全場只有幾個客有野食，而原來隔離枱比我地早落單叫咗個船河，到一個鐘後仲未有，好明顯佢個船河就係送錯咗俾我同事。成個lunch好明顯間鋪冧晒檔，啲侍應都好可憐，仲聽到其中一個話死喇死喇。唯一能夠讚賞嘅係侍應好有禮貌，希望試業後所有野都會有改善。

今日午餐1:45左右 walk in 上去食，幸好有位叫咗個泰式冬陰公湯河+凍咸檸七，價錢合理，親民價，可以再去好食環境舒適裝飾設計優美位置方便地方細細包場一流外面露天環境尚可

已經係第三次上去，其實想試晒所有食物，但都要啲時間，想再叫必食嘅去骨海南雞，但可能上得去太晏已經冇晒，變咗有機會試燒春九鳥，原本都怯怯哋驚燒嘅會偏“鞋”，但竟然連畀人感覺一向乾柴嘅雞胸肉，佢都可以做到鮮嫩多汁，我係一向只食雞髀肉嘅人，呢隻燒春九鳥係連雞胸都好味🤪比較可惜嘅係可能因為想等齊食物先合照，燒春九鳥嘅皮唔脆🥲下次吃都要及時🫣另外終於都試到彷彿係傳說一樣嘅泰式豬手，之前一直想試都係會冇，佢果然冇令我失望兼十分精彩，滿滿嘅骨膠原同蛋白質，既係味覺享受又可以滋養身體👍🏻今次再叫慢煮牛肋骨轉配紅咖哩，香辣微甜更惹味🥰再再再下次希望試到火山骨😅泰九鳥嘅美食要講緣份🫶🏻

知道旺角有間泰國餐廳試業中，所以同朋友晏晝搵嘢食就上咗去食。環境都幾好，主要以黃藍色為主嘅裝修枱同枱之間唔算太逼三點鐘開始有下午茶餐，份量係二人用，就叫咗嚟食鹹點有沙律、雞牛串燒、豬頸肉、蝦餅魚餅春卷當中豬頸肉有少少辣味，好食雞肉串燒嘅雞肉好滑另外甜點有啲糕點同泰奶茶凍玫瑰花嘅水晶糕幾特別，有一種花香味泰奶茶凍好味，好thai茶就揀咗香茅斑斕茶，好香，而且好貼心一直有個火暖住，食到最後啲茶都係暖嘅，唔使飲凍茶！價錢都相宜，每人都係一百蚊左右，會再嚟幫襯，下次試下其他嘢食。

雖然本人唔係好食得辣，但又好鐘意食泰國菜，近黎聽到旺角開左間新舖，見咁啱地點就腳就去左試上到去，原來仲未正式開張，不過似乎大部分都ready 好，佢有outdoor seats ，可惜當日落雨唔方便出去重點黎喇，雖然裝修幾靚又igable 但價錢非常合理，幾個朋友個個想試嘅都唔同，結果真係叫左好多😂去骨海南雞🐣超級滑！忍唔住連埋雞皮食左好多件菠蘿海鮮炒飯 真係有菠蘿🍍本身唔好粉麵飯，不過都要添食生菜包！呢個係一一一定要食！雖然佢少少辣，但係真係會食到停唔到，爭少少想問店員可唔可以加生菜🤭小食拼盤都好好食，最難忘係佢個單骨雞翼🤤其實都講唔晒咁多味餸，不過更重要嘅係佢有生啤同Cocktail，下次再去試埋其他嘢，順便happy hour😎😎

上星期日下午5點左右, 同朋友2個人上到去, 可能因為唔係繁忙時間, 唔洗等位直入~我地得2個人唔係嗌到好多野食,1. 泰9拼盤 ($158)超級豐富!!! 我自己覺得串燒最驚喜, 雞同牛串上面都有椰汁, 好香好夾,同平時出面其他店嘅沙嗲串完全唔同嘅風味 2. 泰式蝦炒金邊粉 $88夠香夠乾身, 有鑊氣 配料除左蝦之外仲有雞肉, 豆干, 足料好味~3. 椰香斑蘭咖啡 $32超香斑蘭味~~ 唔會太甜, 好滿足總結, 我覺得價錢十分合理, 性價比高, 食物質素, 溫度, 都很好! 上菜速度也不錯(我去個時段不是爆場的), 店員都好有禮貌, 整個體驗都很好 希望下次可以多啲人一齊來, 試多啲唔同菜式!!

最近有間新泰國餐廳正試業中，餐廳有室內，露天，地方寬敞，今次應邀好友去新地方試菜，第一日試完午餐及下午茶，都未食完就即興約第二晚再落去食晚餐，除咗食飲埋cocktail，兩日試咗唔同菜，款款好吸引好好食。個人好喜歡菠蘿海鮮炒飯，菠蘿、蝦、腰果飯底炒出來唔多油！掂呀！其次，1. 泰國菜點少得蒜蓉包，個包熱辣辣出爐好鬆脆2. 生菜九鳥包 肉可加少少辣（配白飯不得了）3. 泰式鳳爪好好味，酸酸辣辣好醒胃！4. 火山骨 個汁好好味，可以辣少少5. 泰式明爐魚加番辣少少，同明火關係，煙攻到眼淚出埋😆6. 芒果糯米飯，個芒果好甜！楊枝甘露甜品香滑細膩芒果仲好甜！ （有啲店地方舖甜唔芒果好酸）原先想試醉九鳥，但要下星期先有得飲，唯有叫咗pinecolada、mojito、margarita、Chang beer 飲，下次約朋友再飲過。🍻🍹講太多冇用，約埋朋友去食就知幾九鳥好味😋#旺角美食 #譽發廣場4樓#下次試海南雞飯#泰國菜 #美食 #foodie #泰國美食 #thaikau ##foodstagram #foodphotography

宜家仲係試業中，我大約2:30PM到，大約坐滿左7成左右lunch都好多選擇用QR Code點餐好方便最後點左蟹肉炒飯+春卷+青檸梳打飯乾身唔油，份量多，上枱時仲冒緊煙春卷雖然唔知咩餡，但好脆下次試埋其他聽聞椰汁糕好食，但lunch唔到見有得點，唔知係賣晒定夜晚先有

襯住新開試業，見暫時人唔多約左一班朋友去食。今日坐室內，見有室外位，未知係咪因為試業所以未開放室外。今日叫左幾款嘢食試，泰式涼拌火辣魚皮，酸辣度剛剛好，開胃醒神，魚皮整得軟硬程度剛剛好，唔會太硬唔會太軟。泰式明爐魚好滑，個湯酸酸地，爐魚一啲都唔腥無泥味，如果可以個湯再濃味少少更好。慢煮牛肋骨，叫得慢煮當然係煮得好腍, 配上咖哩, 好有驚喜, 如想食較辣可選紅咖哩, 唔食得咁辣可選青咖哩。香葉肉碎蛋飯，呢個反而比出面其他店嘅味度較甜，唔算太辣，飯量勁多。嘢飲暫時都未有得試cocktail 類飲品，要遲啲再去試下。以試業左幾日嚟計, 是絕對值得返兜既食肆

地點唔係地舖，所以用餐環境更舒服，完全唔似喺油麻地。另外佢有露天用餐區，但因為有雨，所以冇機會坐出去。店員安排坐卡位，更自成一閣，坐位放咗針織咕好有特色。店內裝修用色鮮明，用上富泰國風情但簡約嘅裝飾，相比起其他傳統泰國餐廳（好似唔見四面佛😅），泰🐥更有現代感。上菜時間唔算快，一道一道上，即係用心製作，可慢慢享用☺️店舖職員細心有禮收餐具速度快🫰🏻食物夠熱美味😋啤酒夠凍選擇多🥰甜品見人哋叫嘅芒果糯米飯勁精美🙂一定要再幫襯