泰鳩 (已結業)

叫咗3樣嘢食 分別係生菜包肉碎、冬陰功豬頸肉炒飯同芒果糯米飯。先講第一樣嚟到生菜包肉碎，啲菜洗得唔乾淨，上面好多黑色污糟要自行清理。第二樣嚟到係冬陰功豬頸肉炒飯，炒得唔均勻，一啖好咸好酸，一啖冇味咁。食完生菜，呢個炒飯都等咗十幾分鐘先嚟到。第三樣係芒果糯米飯。食晒前面兩個 再等咗最少20分鐘。期間向店員查詢過三次。因為第一次嚟食唔知甜品使唔使再叫佢上。第一次就問 使唔使而家叫上，有個黑色衫嘅男同事講嘢大大聲聲話 落咗單就會嚟㗎啦。再等多一陣都已經有啲唔耐煩，坐戶外根本冇員工會行過。再一次見到頭先黑色衫嘅男同事。向佢查詢多一次，佢話 嚟緊再等多一陣。都係未嚟。開門入去搵另一位長頭髮男同事查詢。佢同我講 你自己望吓吧枱嗰度 整緊啦 1分鐘送到俾你。跟住我等多5分鐘，終於見到芒果糯米飯。份量細細碟。計埋+1要80幾蚊，一啲都唔值，而且唔特別好味。第一次嚟試吓食呢間嘢，自問每次同店員講嘢都好有禮貌，對今次用餐好失望。

公眾假期同朋友試下佢哋lunch,見係明星開又假期, 比營業時間早D去到, 點知職員話可以入去坐,雖然冷氣似未開足, 清潔姐姐掃緊地😅 但都OK啦, 起碼唔使企到12點先俾入座👍🏻坐低後職員俾QR code我地, 話12點後就可以send order出去~<去骨海南雞(半隻)>睇報導話餐廳推介海南雞, 咁當然要試~雞肉比預期想像中更嫩滑, 雞肥瘦幾適中, 冇勁厚肥膏, 可以冇罪疚感下食埋雞皮~有兩款醬汁點~難怪sell海南雞係推薦, 真係幾好味👍🏻<馬拉盞芥蘭>炒得唔係好油, 唔咸~ 幾好,碟菜最後清晒~<椰汁雞湯>個日午市冇冬蔭公湯, 有D失望~😞朋友想飲湯類, 唯有order椰汁雞湯試下~一上枱, 個湯好香, 飲落唔係假甜種椰子味~唔錯~裡面仲有半隻雞, 都係好嫩, 肉唔鞋👍🏻<冬蔭公海軍湯麵> (上)<豬頸肉"九鳥"撈涼拌米線> (下)叫左兩個set lunch, 但兩款都覺得一般~冬蔭公個麵比豬頸肉米線好D, 同枱朋友們都覺得豬頸肉幾乾鞋, 米線幾硬~<香茅趣辣雞中翼>本人唔太好辣,

之前聽朋友試過，話上菜慢，野食唔夠熱尋晚冇book第一次去，覺得好多野都正常返啦！可能之前試業階段有啲野仲未run得好順上菜算快，速度滿意，食物亦冇唔夠熱嘅問題環境ok今舒服，雖話限1.5小時用膳，但如果冇人等枱都冇俾人催味道方面，個人覺得尚算ok, 海南雞最好食，菠蘿炒飯都好食，個菠蘿好甜👍🏻入面材料充足有口感泰式拼盆比之前豐富左，多左豬頸肉喺入面，味道都唔錯，不過雞翼麻麻地，比較油，春卷好食，蝦餅普通之後再加單叫左個蝦膏炒河粉，都算幾惹味不過個人覺得好咸，食完好想飲水最後就係泰式魚皮，呢個要慎叫，如果d汁撈得均嘅話真係好辣！3隻辣椒之選，不過幾爽口開胃嘅🌶️🌶️🌶️飲品方面，水準普通啦，唔算差但仲有改善空間，同埋水吧好似唔夠人，出飲品比較慢，需要再改善下明星餐廳來講都算平民價，三個人每人二百幾蚊已經超級飽，當然如果有機會見到偶像嘅話就更加物超所值啦（不過我諗都幾難）

近期都捧到上天花板既餐廳我都忍唔住要黎試下，星期四夜晚都唔算排好多人，等左10分鐘左右就有位，但係其實眼見裡面好多吉位但係冇安排入坐。室內既裝潢好有泰國feel，以黃色作為主題，Outdoor都有小量位置，不過夏天就不了~限時90分鐘❣️等左20分鐘先開始慢慢上菜，我地2人叫左3款食物🩵泰*九鳥*拼盤$188 當中有5款小食，最推介係呢款，有選擇困難同埋一大班朋友都可以食~!分別有蝦餅.魚餅.春卷.冬陰公單骨雞翼.牛肉串.雞肉串。甘多款幾抵食既，全部都係新鮮炸起，好好味，脆卜卜🩵泰式蝦炒金邊粉$88黎到泰國餐廳梗係要試下，等左半個鐘先到，追單都追左兩次。最後上到黎蝦得兩舊，仲要係凍既，味道不過不失，可以再濃味啲，唔推薦大家叫🩵蒜蓉法包$38等得最耐竟然係蒜蓉包，見隔離枱既朋友全部都係跟埋咖哩一齊上，因為我就單點既，又係追左幾次單先有。個包好硬仲有d苦味，乾到入唔到口，可能有汁會唔同d既，不過下次都唔會再試了仲有好多唔同既泰式飲品

我同朋友去咗旺角譽發廣場嘅泰九鳥食泰國菜，真係好開心嘅用餐經歷！我哋點咗生菜九鳥包、冬蔭公湯、沙爹雞串同牛串，再加上凍泰式奶茶。話說番生菜九鳥包，雖然有啲肥肉多咗，不過口感真係好正，肉汁多多嘅同清新嘅生菜一齊，食起黎好好味。至於冬蔭公湯，就唔係咁正宗，酸度多咗啲，但都仲有獨特嘅味道，畀我哋帶來咗不同嘅口味體驗。沙爹雞串同牛串都好好食，烤得香口多汁，真係好好味。肉質好嫩，加上泰式香料同醬汁，每一口都係享受。最後，我哋飲咗凍泰式奶茶，超涼爽，奶香同茶味好濃郁，口感好順滑，真係解渴。總括而言，泰九鳥餐廳係一個提供美味泰國菜嘅好地方。雖然冬蔭公湯唔係咁正宗，生菜九鳥包嘅肥肉有啲多，但整體嚟講，食物嘅味道都好好。餐廳環境舒適，服務態度友善，令我哋用餐嘅感覺更加愉快。如果你對泰國菜有興趣，我就推介你黎試下泰九鳥，相信你都會有一個美味又開心嘅用餐體驗啊！

我同兩位朋友去咗Thai Kau食lunch，佢哋係中午12點營業，咁我哋係比較早到，朝早11點幾入座，唔使等位。海南雞飯海南雞飯好好食，係我最愛，醬汁同花生醬汁甜甜地，沾上雞肉，係好開胃又好味嘅。油飯唔會好油，份量都好飽㗎~佢哋嘅咖啡都好好飲。拼盤拼盤幾好食，春卷同蝦餅都唔錯 ，價錢又合理。份量都夠2-3個胃口細嘅女仔食，值得一試。環境都唔錯又乾淨，有露台座位提供，staffs服務態度ok~餐廳嘅位置好近油麻地地鐵站，好易搵～下次會再來幫襯～

舊年同朋友幫襯過沙華dee泰，雖然係到會，但同場朋友一致讚好。到今年話開舖，朋友相約去吃，今次真係一試難忘。首先利申﹕我地都係鏡粉同錯粉嚟，但係今次真係乜粉都幫唔到。原本預約七點，食之前果日，朋友話舖頭希望我地改早半個鐘，理由係「有人book七點」當時大家已奇怪，有人book七點，同叫我地改早關係響邊？唔會係想我地食半個鐘嘛？後來大家諗，可能想做兩轉啩？比起預約還早到達，約六點半度未齊人，被告知用膳時間為90分鐘，明白的，於是快快透過qr code落單，酒精特飲(醉九鳥，menu圖右下角)在餐單上有五款，order餐單得兩款，無問題，照落。拼盤﹕牛雞各兩串，有朋友吃了雞，說﹕係咪蝦嚟？的確，雞有雞味牛有牛味原來有意思，真係食唔出係雞。馬拉盞炒菜﹕有朋友話太濕，我覺得普通一碟炒菜。蟹肉炒飯﹕淡，無味，無味指真係唔知放咗咩入口。生菜包及生蝦刺身﹕全晚最好味咸食，不過生菜多番少少好啲。泰式明爐魚﹕魚都滑，之但係啲湯底係暖，試過食第間，係會滾。冬蔭公湯一定要講…點解冬蔭公湯會係甜？你無睇錯，真係糖水果隻甜咁，好彩我地叫一煲。肉碎蝦膏炒河﹕較炒飯好，正常味道。斑蘭糕同椰汁西米糕係最好味甜品。(有

試業時來過一次，試了蟹肉炒飯跟春卷，及一個炒粉。蟹肉炒飯好味道，炒粉略為立口。那時起菜有點慢及有漏單情況。今次正式開業後，已採用自助落單，但未有相片參考，相信稍後會有吧，亦已再沒有漏單情況出現。食物方面今次試了燒春雞，雞肉算嫩滑，如有醬提供會更好。串燒點了牛肉和雞，火喉剛好，肉質嫩滑，沙爹醬味道亦不錯。午餐海南雞飯，雞肉好滑很嫩，伴隨之沙茶醬非常惹味！另外斑蘭咖啡很香椰子味及斑蘭味，值得一試。另外員工亦很勤力收拾碗碟，很好👍🏻

星期日同朋友睇Lokman有份主演嘅電影《命案》之前，去咗食佢同德仔、Dee哥三兄弟新開嘅泰國餐廳泰九鳥🤣晚市開6pm，我5:57pm去到拎飛已經有一大堆人企喺門口等位入去，好彩我都好快就有位坐戶外位置，都幾好feel🤟🏻🐣泰九鳥單骨雞翼 $68單骨雞翼炸得好香脆，裏面嘅肉都好嫩滑，食起嚟亦確係比正常雙骨雞翼方便好多。美中不足係太油膩，用廚房紙印一印啲油會好啲🫢🍢沙嗲雞肉/牛肉串 $88最鍾意呢個沙嗲串，因為佢面層有啲帶椰香味嘅汁，令到串燒唔會乾身同鞋口，保持肉嫩！點埋個沙嗲醬就更加惹味😋🍍菠蘿海鮮炒飯 $128呢個海鮮炒飯好足料，有勁多腰果、肉身、青提子乾，仲有青口、大蝦同帶子粒等。不過略嫌炒飯唔夠乾身，大蝦雖然彈牙但無咩鮮味🙃🥥椰青雪沙 $48飲咗啖朋友嘅椰青雪沙，都幾香椰子味👍🏻🥭芒芒雪沙 $48唔係唔好飲，不過椰青雪沙好飲啲😂

😎 早前得知「三劍俠」Lokman、Alton同Deegor合資喺旺角開咗一間泰國菜餐廳，小編依日專程lunchtime去幫襯。 🍜 冬陰公海軍湯河 😋😋😋😋海鮮配料好新鮮，有魷魚、青口同鮮蝦各兩件。冬陰公湯底係基本嘅酸辣，味道唔複雜，夾河粉食係唔錯！如果可以再濃味啲就更惹味。😚 🍹 凍椰香斑蘭咖啡 😋😋😋😋😋見到佢哋有一款特色咖啡，好想試下。綠色斑蘭糖漿喺底，然後係椰奶加濃縮咖啡。攪勻後，味道幾夾，有斑蘭同椰奶嘅香甜，又有咖啡嘅香濃，毫無違和感，值得一試！👍🏻午餐 💵💵 約港幣$80/人💁🏻‍♀️ 以餐廳地理位置、裝修同食物價格嚟講，午市套餐係相當抵食，加埋錢轉特飲都唔會好貴，而且平日唔需要加一，附近有唔少打工仔被吸引嚟食！可能冬陰公製作較花功夫，嗰日由落單到依碗湯河上枱，等咗大約廿分鐘。😝 如果大家趕時間嘅話，可以叫其他泰式飯或麵試下。‍最後，喜歡嘅話，歡迎follow @foodirectory.hk！

明星嘅名氣大過食物嘅質素 睇到食店嘅客人 都係黎棒偶像場 但我就鍾意食泰國菜 又係新開嘅，所以黎試吓 先講環境其實幾擠迫 櫈背撞櫈背 坐卡位或者露台會比較好啲 先嚟過蟹肉炒飯 頂上邊個蟹鉗完全係麵粉製😆炒飯味到唔夠香 泰九拼盤 當中裏面嘅春卷 同泰式魚餅完全係一般超市買嗰類 超普通 串燒唔夠熱 除咗個蝦餅 同雞翼都比較好 最欣賞佢個杯椰香斑斕咖啡 雖然佢係落班蘭糖漿，但整體上係好飲嘅 食物質素比較普通 所以連甜品都唔響度食 蟹肉炒飯 $108 泰九拼盤 $188 凍椰香班蘭咖啡 $32另加一服務費 Total $361 唔會有下次囉

Thai Kau Thai Restaurant is not just any Thai restaurant. This one is run by two members of Hong Kong's most popular boyband, Mirror, and a member of their alter counterpart, Error. Located in Mong Kok, their aim is to provide inexpensive value for money Thai. We decided to try it out for lunch. It also appeared a lot of their fans were also there.The restaurant isn't very big and there is also outdoor seating. The color scheme is blue and yellow.During lunch time, they offer a lunch set menu. M

約左朋友喺旺角睇戲要搵地方醫飽個肚, 知道無侮三子😎最近開左間泰國餐廳九鳥衝去試。估唔到咁有驚喜🤩四個中女眼濶肚窄樣樣都想試, 最後叫左6樣野食😋生菜九鳥🐥包 (呢樣泰菜必食🤓)食泰菜生菜包食得多, 但呢個九鳥包首先唔好比佢個名呃左, 佢係豬肉🐷來但加左秋葵乾, 成碟肉碎口感唔同左, 好夾好好味, 有驚喜🤩燒春九鳥🐥 (聽到個名都夠好笑無理由唔試呀!)本來以為普通燒春雞, 一上枱撕開兩隻九鳥肶見到啲肉汁流出黎🤤本來想用相機見證呢一刻, 但都忍唔住一野咬左落去, 好西一定要襯熱食, 估唔到咁juicy, 九鳥胸一啲都唔鞋夠入味, 春九鳥好快就比餓鬼清晒🫣火山🌋骨 (個名夠勁!)佢真係砌到成座火山🌋咁, 差在未有火🔥噴出黎, 餐廳好貼心有即棄手套提供, 成班中女唔理儀態一人手執一件, 酸味味好開胃, 肉夠淋入味😋本身好中意”損”煲湯骨, 呢味啱晒我胃口, 但唔夠食, 下次一定要再encore🤟🏻至尊牛肉🐮船麵 (牛魔王是我)碗麵一上枱我忍住, 要影左相先📸唔好急, 我相信你地睇到張相都有同感好想即刻拍落口, 成碗牛肉湯咁, 牛味重牛丸唔喺凍肉舖買果啲, 唯一個肥牛可以唔使煮咁熟🤓菠蘿🍍炒飯

❝❝❝❝泰9❞❞❞❞朋友約食飯話要黎呢間，6:00去到唔需要等位。餐牌上食物嘅款式唔多，想嗌嘅時候有好多嘢都冇。餐廳用QR code落單好難先做到決定食咩，落完單生蝦又話冇，然後嗌咗個串燒，明明話沙嗲牛雞每樣兩串，點知嚟到嘅時候我問邊串係牛，然後店員同我講「落單嘅時候冇同你講我哋今日冇牛剩係得雞？」其實用QR code落單，我又點會知你冇啲咩呢？🤣不過如果全雞嘅話，都係同價的話其實就有點不合理。嗌咗個蟹炒飯，蟹肉同蟹籽嘅份量係勁少。然後又好奇怪只係得一隻蟹鉗😅而呢隻蟹鉗都出現得有啲奇怪好似去咗飲宴咁樣😂生菜9包，上面啲炸秋葵都擺放得比較奇怪總括嚟講唔難食嘅，不過就每樣嘢都好似有啲伏位。可以一試嘅……..

不是鏡粉，但見新開想試一試。在星期六12:40等位45分鐘枱才入座，眼見有1人坐4人枱，亦有吉嘅6人枱，應該是訂了枱人未現身，就算我等了45分鐘都仍然無人入座，對walkin客望到黎講有點難受😅希望餐廳對於訂枱/未齊人入座可有改善安排。食物份量大，味道不俗，尤其冬陰功河，色香味俱全；店員服務有禮。總體而言可以一試，亦相信好多粉絲都想應援，所以短期內未必再去，人多等比較耐。