泰鳩 (已結業)

係明星店😆 普遍人係咪都覺得明星店會貴會唔好食呢，不過呢間聽落口卑幾好，朋友又食過唔錯，所以都有信心試下！前菜叫咗4串串燒，$88幾抵，不過可惜一食落口就知係炸唔係真係燒的，炸嘅油膩好多。食落就好香口，啲肉質都唔鞋，唔介意係炸嘅朋友仔可以去試下，沙嗲醬好惹味，有花生粒粒！炒金邊粉份量都幾大碟，有雞有蝦，好足料😆 炒得都有水準，呢個價錢好抵食紅咖哩豬仔骨好鍾意食豬仔骨，上枱見到有4支大骨😍 紅咖哩唔辣少少甜，個骨就咁食已經好香好好食，落咖哩汁好似好多餘😂 啲豬肉好滑，一咬就脫到骨😂芒果糯米飯糯米飯就泰國菜必食😍 佢竟然有紫米！好正，紫米本身好似冇糯米咁香，就溝糯米同椰汁先好食~芒果都夠甜，好食😍另外嗌咗兩杯cocktail 🍸椰子同泰奶base！好有泰國特色，我杯泰奶仲有泰奶jelly😍 唔好睇佢細細杯，酒都幾多🍸作為鏡錯粉真係必去打卡，唔貴，又幾好食👍🏻

知道係mirror/ error成員有份開嘅餐廳，以為會貴啲，但性價比好高，午餐價錢非常親民。仲要平日午餐唔需要收服務費！今日帶金舌頭黎食所以全部點菜都唔辣的。我最鍾意蟹肉炒飯，金舌頭最鐘意大蝦雞肉金邊粉。個牛肉牛丸船麵係輕口味，牛片係超瘦唔肥，冇乜味精，食落唔會好似坊間個啲咁口渴。凍泰奶好飲，檸茶少甜都調得很好！最鐘意係餐廳用藤椅做主題，logo隻雀仔著泰服拎住碟餸好得意。餐廳隱蔽處有一行係窗口位，下午有陽光照到好有情調，同埋見到露台都有位，冬天應該會開放？景觀甚佳！本身以為會播mirror/ error啲歌，不過今日係台灣抒情歌為主，哈哈。同埋侍應姐姐s好多靚女！開心！

想試呢間泰國菜好耐架喇！終於黎到食真係好開心！春卷好味，午市加$18就有！午市加$25就有鳳爪，朋友覺得比較辣，但我就覺得還好，跟一般鳳爪差不多辣！冬陰功湯金邊粉幾好味，料足，味道濃！海南雞撈檬，不是一般餐廳有汁俾你去撈，而係已經撈好，入味既！香茅雞翼 都有驚喜，仲以為會係hea做既得兩隻雞翼，估唔到又係入味架喎！仲有伴碟！最好味係呢個 南瓜椰汁豬扒焗飯，要等15-20分鐘，超香椰汁味大愛！總體而言，泰「九鳥」真係用心製作！對得住食客！各位頭巾兵團、蛋白粉、鏡粉、羊群、雯雯、404 快啲去幫襯下！

好友小機就移民(真係好唔捨得><)，假日約聚舊，大家都係錯粉，當然去Thai Kau支持下，由DeeGor、Lokman and Alton三兄弟開設的泰國餐廳，由於晚夜反應熱烈，已經得返Lunch有得Book，照殺!Book左12:00，2位。門面的海南雞Logo好可愛!餐廳面積不大，以黃藍為主調，簡約明亮，設有戶外位置，12:00準時去到啱啱開舖有乜人，之後就越來越多人。餐牌，假日的下午都有Lunch Set，劃一收費$62包野飲，食物多款選擇價格親民。椰香斑蘭咖啡(凍)，跟餐+$13，微微的椰香及斑蘭味，咖啡味都係偏淡，一般。泰式奶茶，跟餐+$13，小機的。春卷(4件)，跟餐+$18，口感酥脆，內餡香口。香茅雞翼(2隻)，跟餐+$18，口感香脆，淡淡的香茅味，味道不俗。海南雞飯，$62。見係推介就試下，海南雞份量多，雞脾來的啖啖肉好滿足，雞肉唔算好軟滑但亦唔鞋，味道正常水準，油飯唔係平時常見果款，有點似係茉莉香米，食落比較味道比較清香，都幾好。泰式蝦炒金邊粉，$62，見多人叫就試下，金邊粉材料份量十足，金邊粉口感煙韌，味道酸酸甜甜幾開胃，兩個都唔太食得辣，我又唔小

作為mirror同error粉絲點都要黎朝下聖 😌😌這間位於旺角的泰國餐廳係lokman、Alton同Dee哥夾份開餐廳以富有泰國風情的黃色為主色加上簡約的裝飾 🌴座位旁放左好多好有特色的針織咕𠱸有卡位亦有普通座位店員安排了我們的座位更加是自成一角坐得舒服之餘又方便同朋友傾計 //泰9單骨雞翼(8隻) $68//雞翼上桌時熱辣辣香噴噴預先拆成單骨雞翼外脆內嫩外層炸得香脆，肉質嫩滑多汁整體口感香口得黎好惹味又唔膩 //生菜9包 $88//豬肉碎上面好特別的加了炸秋葵乾未試過呢個配搭又估唔到秋葵同泰式肉碎味道係咁夾令肉碎嘅口感特別惹味肉碎亦加了好多泰式香料一齊炒味道少少辣而香口個辣就算不吃辣的朋友都食到而且份量好足放在生菜一齊食好正 //泰式蝦炒金邊粉 $88//金邊粉口味酸酸甜甜，岩晒夏天開胃炒得夠香夠乾身有鑊氣配料除左蝦之外仲有雞肉，豆干等等旁邊更放了花生粒同七味粉可自行調味食落唔油，非常正宗

1.冬陰功海軍湯麵配河粉🍜冬陰功湯底唔會太辣，河粉都還可以！海鮮有魷魚，青口同大頭蝦！份量都好大份，食一碗其實都好飽肚。2. 泰式蝦炒金邊粉🍝相對之下，泰式蝦炒金邊粉算唔錯！金邊粉內有好多芽菜，韭菜，紫蔥，豆腐乾，花生同泰式辣椒，旁邊仲有兩隻蝦。3.飲品🥤泰菜點少得一杯解渴既青檸梳打同佢地既特飲翠綠湖呢！翠綠湖係斑蘭椰奶溝鮮奶，真係好有泰式風味。⭐️P.S. 環境都乾淨企理，地方都好光猛。服務都ok，上菜都好快，係速食既好去處。

旺角行完街街，想試吓泰菜，嚟咗這間樓上舖，感覺好似去咗cafe咁，入度去，感覺好warm舒服🦐泰式蝦炒金邊粉炒得惹味 唔會太乾身 係辣🌶️比花生碎多 食起比較辣 蝦肉和雞肉都好juice冬陰功豬頸肉炒飯有乾蔥香味 食落勁香口乾身 有鑊氣 唔算太辣朋友怕食辣，都食到鍾意這杯「芒芒雪沙」，夠凍夠芒果香夠大杯，cp值高，順便解吓辣最後，叫咗椰汁西米糕，甜度剛剛好，食落好fresh希望下次食到店舖皇牌甜品cake，（個waiter話要預早訂）約朋友一起開party先

朝聖Lokman、Alton、阿Dee開嘅泰國菜！價錢比想像中親民喎，午市套餐連飲品 $62就有交易！更設學生餐同醫護人員專用餐$52！除左咸檸七、椰青smoothie、泰式奶茶等特飲，仲有cocktail同draught beer。餐廳以黃色為主調，更設有户外位置，估唔到weekend避開lunch hour黎都近乎滿座。▪️火山骨 $188三大條豬脊骨！用手拎住大大條骨咬特別有風味 (放心！店家有手套提供)。肉質軟腍唔柴，相當入味，酸味味帶點微辣好開胃▪️燒春雞 $158 燒春雞燒得幾香喎！雞脾嫩滑多汁，雞胸軟腍唔柴，甜甜地幾入味▪️泰式蝦炒金邊粉 $62 (午市套餐)金邊粉新鮮炒起，上枱嘅時候仲出緊煙。金邊粉幾煙韌，酸甜適宜，旁邊配有花生碎同辣粉比你自己撈，仲有唔少豆腐乾同蛋碎，正常發揮~ 如果多幾隻蝦就好啦 (不過呢價錢都算係咁) ▪️海南雞飯 $62 (午市套餐)海南雞肉質滑彈有雞味，雞皮唔算爽彈。油飯裝到超滿，飯粒分明好夠味，帶點油香，重口味人士幾鍾意

炎炎夏日最佳選擇緊係食泰菜☀️餐廳裝潢富有民族風情黃色主調夠sharp醒有室內室外座位，環境舒適適合朋友聚會😊🔖泰式鮮蝦炒金邊粉金邊粉值得推介❣️炒得香噴噴夠鑊氣味道酸酸甜甜好開胃配料豐富，大蝦、雞肉、蛋絲加上花生碎，香味更提昇☺️🔖冬陰公海鮮湯麵 🍜冬陰公湯酸酸辣辣夠晒惹味味道微辣，食到淡淡香茅味海鮮份量都唔少，有大頭蝦、青口同魷魚🦑配上索湯嘅金邊粉特別入味🔖青檸梳打值得一讚店員位位都親切友善服務滿分☺

🦐肉碎蝦膏炒河 $62一般味道 無咩記憶點份量對我黎講剛剛好但對男性就可能細份左D餐牌寫係辣嘅但我食唔出lol🫔追加春卷 $18 + 鳳爪沙律 $25春卷香脆唔會油得太可怕鳳爪沙律好開胃! 偏酸☕椰香斑蘭咖啡 +$18無咩椰香味係細個食三角形斑蘭糕味道太甜了 飲咗幾啖就放棄

由三位偶像Mirror成員Lokman、Alton同Error成員阿Dee合作嘅餐廳開業冇耐，已經吸引一大班fans去，去戈日好彩咁啱有訂位，雖然冇full house人流都頗多。環境以黃色為主題💛同時充滿泰國風情。泰式菜式都系大路款式，飲品反而幾特別，有各種特色沙度同埋cocktail。小食拼盤喺泰國菜黎講向來受歡迎，用一個價錢可以食曬吾同款嘅泰式小食，有蝦餅、魚餅、春卷、冬陰功單骨雞翼、牛雞串。蝦餅同魚餅有香茅味好有泰式風味～春卷系網絲春卷脆卜卜得黎吾會好油膩，冬陰功單骨雞翼好易咬，牛雞串啖啖肉食肉獸啱曬🐮🐔蟹肉炒飯蟹肉夠曬新鮮，同蟹籽、蛋炒飯撈勻後亦吾會蓋過新鮮蟹肉味🦀炒飯粒粒分明，好有鑊氣。炸蟹鉗脆卜卜，蟹肉又夠結實。椰青雪山即椰子奶昔🥥個樣好有玩味，真系成個椰子殼咁😆椰子同牛奶味濃，兩樣比例平衡，就算溶到某個程度都吾會話好淡，系變咗椰汁咁依然好好飲🤍

這間位於旺角的泰國餐廳，由Mirror的Lokman、Alton同埋Error的Dee哥開的，係旺角咁平民既的地方當然要去試試。餐廳以黃色為主，有卡位亦有普通座位，卡位還有富有民族色彩的咕𠱸作裝飾!餐牌上有多款泰式食物可以選擇，飲品亦有有酒精或冇酒精飲品!火山骨，泰國夜市必食既火山骨呢度都有得食，醬汁味道酸酸辣辣，火山骨份量超大份，共有3份大大份，豬肉肉質都幾軟腍而且入味，令人開胃!泰式蝦炒金邊粉，金邊粉炒得乾身，用上雞肉、芽菜、韭菜一齊炒，再拌入碟邊既花生碎同辣粉，再加入青檸汁，酸酸辣辣，食得過癮!馬拉盞炒芥蘭，芥蘭炒得脆身鮮甜，用上微辣既馬拉盞一齊住，十分美味!青檸梳打，梳打可以揀甜度，我揀了少甜，更能飲到青檸的味道，更清涼解渴!椰青雪山，這杯沙冰用上像椰子的杯盛裝，十分特別!沙冰有香濃的椰奶，能夠解辣又夠冰涼!

譽發廣場成棟大廈裝修左之後好多餐廳都進鉒左，一直都想睇下有食但都無機會。今次因為鏡粉朋友想試下lokman、alton同dee夾份開既泰餐，book左7點上到去已經差不多滿座。泰菜一般既選擇餐單上面都有得選擇，全程用QR code落單，而且大部分既菜式都可以request特別要求，係加分位呀~．燒豬頸肉$78份量大份，而且燒得岩岩好，好juice唔會柴，脂肪分佈都好平均，唔會食到大啖油淋淋．泰式金邊粉$88有幾隻大蝦誠意十足，除左大蝦之外仲有好多雞肉，金邊粉既麵質Q彈爽口好好食，但伴碟既辣椒粉真係好辣，如果好似我地唔係好食得辣，唔建議撈埋落啲粉入面一齊食．冬陰公海軍湯麵(河粉)$88冬陰公超級好飲，唔會太辣又唔會太酸岩岩好，去到最後我地飲哂成個湯~配料都好足又係有大蝦同埋青口、魷魚，配埋河粉好夾，係會encore之選．芒果糯米飯$78有黑白兩色糯米，芒果方面有1個半，CP值好高，而且因為係芒果季，芒果好甜但唔係浸左糖水果種，非常滿足~

“泰九鳥拼盤”($188)“冬陰功豬頸肉炒飯”($108)“肉碎蝦膏炒河”($78)“翠綠湖/芒芒雪沙”($48)Lokman, Alton同Dee哥喺旺角開咗間泰國菜館😍平日晚市好快就坐滿,超有人氣餐廳以黃色為主,好搶眼醒神💛入座後用qrcode落單夠哂方便首先點咗份泰九鳥拼盤😛一個拼盤有齊蝦餅,魚餅,春卷,冬蔭功單骨雞翼,牛雞串每樣表現都非常唔錯😍特別鍾意炸到超香脆嘅蝦餅🍤同燒得岩岩好嘅牛雞串🤤另外點咗2個主食😆冬蔭功豬頸肉炒飯賣相好靚🐷每粒飯粒都沾滿冬蔭功汁好惹味☺️入面充滿住豬頸肉粒粒😋另一個係肉碎蝦膏炒河😚炒河有鑊氣,夠哂乾身😋肉碎加上蝦膏整體鹹鹹香香,好岩我食😝飲品方面叫咗翠綠湖,芒芒雪沙🥭翠綠湖即係斑蘭,椰奶,鮮奶💚味道清香芒芒雪沙超香甜😍夏天飲好爽😆

朋友係mirror同error粉絲，知道lokman、Elton同Dee哥佢哋夾份開左間泰國菜餐廳🍴已經成日帶唔同朋友黎食，今次小女子有幸🤣🤣終於到我呢間餐廳位於油麻地旺角之間一個商業中心，唔難搵！上到去環境幾開揚，主打色係檸檬黃，而且坐位又舒適‼️lunch time menu勁抵食，幾十蚊就有交易，唔錯👍菠蘿海鮮炒飯份量幾大碟$62嘅性價比幾高，入面有好多粒小貝同蝦仁🍤面上仲鋪滿好多肉鬆，十分足料👍飯底炒到粒粒金黃色，好有鑊氣😋😋香茅豬扒撈檬呢碗撈檬又係好多豬扒，用料十足🤩上枱時已預先幫客人加左檬粉湯，酸酸甜甜味道幾清新。不過略嫌豬扒有少少乾身，但係味道唔錯👍鳳爪沙律食泰國菜無理由唔點🥰開胃前菜係必點，而且佢哋跟餐都係加$25，無可能唔點🤭🤭香茅雞翼呢個必點小食👍💯新鮮熱辣又香脆，而且肉質又夠嫩滑，真係可以再encore💓💓椰香斑蘭咖啡見佢特飲加$13，發現呢杯好特別，所以點左黎試🥰估唔到班蘭同咖啡又幾夾，唔會互相搶味👍👍泰式奶茶泰國菜配泰奶是常識吧🤭😋旺角彌敦道558-560號譽發廣場4樓#泰國美食 #泰國料理 #旺角美食 #mirror #error #lokman #elton