泰鳩 (已結業)

想嚟好耐，但係怕人多，所以都係找一天放假，可以慢慢hea。難得朋友又放早，就一起hea食hea遊。午市套餐價錢超值：真心可以樣樣都試，係自己胃口唔算大，不能三心兩意。選了海南雞飯及冬蔭功海鮮湯金邊粉，仲加了鳳爪沙律，刺激一下味蕾。鳳爪沙律：沙律辣味濃，魚露帶出鮮味，仲有肉厚的鳳爪，真是開胃前菜。海南雞飯：重點是雞，能做到肉嫩皮滑，仲要唔會太油膩，而以為是普通油飯，佢竟然是有椰香的飯，細心看仲見到椰絲，嘩……用心而朋友特別嚐辣兼愛金邊粉，於是冬蔭功海鮮湯金邊粉就是日精選了，冬蔭功香濃唔算好辣，得。而海鮮種類不少，大大件青口，蝦仁，超吸引。下次要唔叫套餐，因為太飽了，叫多d小食，期待中……

由 alton、deegor、lokman 夾份開的泰國餐廳，位於旺角地點方便，先從 app 取排隊號，不知是否星期日的關係，大概等了 1 小時左右，而用膳時間 90 分鐘，掃 code 落單的～至尊牛肉船麵 $78第 1 次黎咩都想試，選擇困難症嘅我，最後揀左有肥牛、牛柏葉、牛丸、時菜等既牛肉麵，份量十足，而且湯汁濃郁，果然無揀錯呀～咸檸七 $38因為勁口渴所以 1 坐低就即刻落飲品 order，但等了超過半個鐘，杯野飲都仲未黎，而且略嫌細杯，無咩七喜味，似檸水多啲，有點扣分 🤷🏻‍♀️斑蘭椰汁糕 $58這個是微暖的，不會太甜，不錯呀，可能因為開業不久，上餐時間有待改善啦，但一定會再去幫襯架～

兩個星期前先食完，因為同朋友推介過，佢又好想試下，所以呢日一行三人又嚟咗食呢間😂Happy Friday嘅晚上，6點多啲嚟到，唔使等位就入得～因為今次多上次一個人，所以叫咗兩個主食：冬蔭功豬頸肉炒飯同埋泰式蝦炒金邊粉，仲有叫咗份泰式生蝦、一份炸蝦餅同埋馬拉盞炒通菜（好可惜當日無我最愛嘅椰菜苗）🥲 一份椰汁西米糕～ 仲有一人一個椰青雪山消暑～幾滿意兩個主食～ 鍾意冬蔭功豬頸肉炒飯嘅惹味！金邊粉酸酸甜甜好開胃！呢兩個都好過上次食嘅蟹肉炒飯🙈 生蝦新鮮爽口！蝦餅係上次食過好食 所以encore的～ 通菜也不錯，但有椰苗就更好🥺 椰青雪山好打卡able，不過本人都係鍾意椰青嗰種清爽多啲！椰汁西米糕就一般般，朋友想食就試下～兩次食呢間感覺都幾好，有機會就再响～

5月底同朋友睇完戲去嘅。唔係因為啲流量明星，但叫做試下囉….最先上嘅通菜，瀨晒嘢，碟油多到！好似油價唔洗錢咁。濾唔完。好離譜。從來冇試過出面食嘢碟菜咁*多油…招牌雞脾，正常可以食。但最離譜係雞脾個價錢係同嗌嘅炒飯同價！因為個炒飯簡直…普通到不能再普通…到直情不值一提…！出面隨便搵間茶記都炒得好過呢度，兼且唔會獅子開大口要呢個價。而且飯都係好油！搞到我食完即刻肚痛去廁所….😤😩好彩朋友腸胃好鐵冇事。即刻blacklist呢間，嬲到寫劣評。不知所謂….一啲都唔泰，一啲都唔好食，一啲都唔抵。勸老闆想賺啲fans錢前諗吓你哋開店目的係乜。同呃人有乜分別。有圖有真相。😠😡

呢間由Mirror同Error成員開嘅泰菜餐廳早前開張，已經得到好多迴響同支持，因為set lunch價錢貼地又好味～ 但一直抽唔到時間去試，只能喺週六晚上同友人一齊去食！6點半去到已經滿座，等位等咗大約半個鐘先入座！同友人點咗一份蟹肉炒飯、一份豬頸肉、一份黃金蝦餅、一碟蒜蓉炒椰菜苗、仲有一份斑蘭千層糕！再一人一個椰青消暑！基本上每樣都無嘢挑剔👍🏻 不過豬頸肉好大片，覺得可以切細塊少少，會比較易點汁同入口😂 另外，可能新店開張唔係好夠人手，我同友人坐最入邊嘅兩人位，想叫上菜同埋單都要特登行出去先搵到人～ 不過呢啲小case，食過好味 第日會再次幫襯👍🏻

我諗真係除咗班鐵粉入去食,服務方面不過不失,可能職員比較少,尚算可接受,食物方面個人親身體驗後,用難食都覺得形容得唔夠貼切,簡單d不值一試....完。*純粹個人口味,不喜莫插。

［Alton x Lokman x Dee 三兄弟合力開泰菜泰九鳥、高汁貼地😎］1️⃣泰九鳥拼盤黃金蝦餅、魚餅、春卷、牛雞串燒、冬陰公單骨雞翼2️⃣ 馬拉盞炒椰菜苗3️⃣ 菠蘿海鮮炒飯4️⃣ 泰式蝦炒金邊粉飲品：🟠 醉九烏鳥 Cocktail🟡 泰迷芒 Cocktail⚪️ 甜爺子 Cocktail#全部都好有水準👍🏻#如果飲得酒就推介醉九鳥鳥cocktail😏#店員勁好人比我坐住等朋友#明星店都可以有水準貼地#傾計好地方#絕對可以二訪三訪四五六訪

今日放假，同朋友去泰九鳥食lunch, 兩點去到唔使等，開心～每人叫左個set lunch 再加小食，海南雞無骨食得好爽，有好多件雞，CP 值超高，雞又滑又香，配埋黑醬油同泰式辣醬，碗飯好快見底😆朋友一個叫左菠蘿海鮮炒飯，足料又有鑊氣另一個叫左泰式蝦炒金邊粉，佢話如果再惹味d 就更好，三個都飲凍熱情果茶，咁熱又食辣野飲果茶啱哂👍小食的春卷同雞翼都好食，不過鳳爪就唔係好入味，同埋for 我地就辣左d, 唔係好食等辣既就留意下啦。今次食得好開心，同朋友吹水歎足兩個鐘，平日下午悠閒過，下次晚市再試其他野🥰

女兒素來喜歡泰國菜，並且經常關注MIRROR成員，於是就揀選了依間餐廳預約了8:00PM⏱️一出電梯就發覺人山人海客人以年輕人為主，但都係安靜及守規矩地在耐心等候。🥢泰式涼拌火辣魚皮 $78本以為冠以「火辣」應該要「運功抵禦」，但並非想像中的勁辣，魚皮是淖熟的，QQ好彈牙，符合期待值，夾埋紅蘿蔔絲一齊食，爽口，作為前菜可以先醒胃，備戰下一道菜色。🥢泰式生蝦(8隻) $88配以泰式酸甜汁， 蝦肉新鮮，最適合作為餐前小食。🥢青芒果大蝦沙律 $78🥢鳳爪沙律 $78泰國菜所調的醬汁都大同小異，而這兩款菜的醬汁與涼拌魚皮的味道相同，缺乏層次感及驚喜度，不過該店所調的醬汁味道是不錯的，不會太酸太鹹，濃淡度適中，起碼比較我之前在九龍城食過的泰國菜出色得多。🥢慢煮牛肋骨 $268跟PIZZA或蒜蓉包，可配青咖喱或紅咖喱，我們選咗青咖喱，咖喱椰香味十足，但略嫌不辣，肉夠冧有濃香牛味，牛肉沒有醃製過，想必店家要突出肉味的賣點，肉片切開後平舖在一條肋骨上，表示足料；拌以薯仔、紅蘿蔔及青瓜，既飽腹又可豐富口感。🥢至尊牛肉船湯粉 $78主要的熱食，可選河粉、油麵或金邊粉，我們選了金邊粉，粉條較平時食的為幼，湯底

如果大家未去過泰國同埋九龍城，可以試一試生蝦唔夠大隻，蒜頭唔夠大粒，辣椒粒亦唔夠大飛天通菜唔知點解超濃酒味冬陰功，重點係冬陰功，一飲直頭係蕃茄薯仔湯，我未飲過一碗冬陰功喺無草菇，九層塔但係有薯仔紅蘿蔔，仲要唔辣🤣🤣🤣🤣大蝦沙律無味唯一正常係黑啤夠大杯對得住個價錢

當日同屋企人去咗食咗午餐，人均$120左右。每人嗌咗一個餐，包括；香葉肉碎蛋飯、至尊牛肉船麵及冬陰公海軍湯麵。午餐仲加購咗香矛雞翼。- 香葉肉碎蛋飯：較油膩，但勝在份量大，建議細食者可以嗌少啲飯！- 冬陰公海軍湯麵：可以揀麵底，我就揀咗幼麵。湯底唔太辣，適合返香港人口味。湯麵入面嘅海鮮都知係急凍㗎啦，但一啲雪味都冇，仲好彈牙！- 凍椰香斑蘭咖啡：椰香味好重，蓋過咗斑蘭味，整體都好夾。下次可以嗌熱嘅試下！整體而言，明星較應+旺角地段，價錢真係尚算合理，適合大班人一齊聚餐。味道嚟講，都偏重口味，不過大大份夾食。

好味呀！併盤有好幾款主打小食，適合咩都想試下嘅人，串燒亦唔會乾到咬唔到。鳳爪沙律，無骨鳳爪夠爽。泰式明爐魚，魚肉滑。海南雞又夠滑、但雞肉唔散。蟹肉炒飯，好多蟹肉係個飯入邊😆唔使拆殼、啖啖蟹肉，正呀！泰式蝦炒金邊粉，唔會過份濃味，少少辣、甜甜地，同枱朋友不論是否食辣都食到舔舔脷。咖哩慢煮牛肋骨，啖啖肉，咖哩好香，足料炮製。甜品，千層糕熱辣辣、有煙出，口感軟糯。椰汁西米糕，香甜好味、好多西米。椰香斑蘭咖啡，充斥着滿滿的斑蘭香味，但沒有蓋過咖啡的香味及口感，不會太甜。不太好飲咖啡的人都值得一試。

食物價錢平, 星期六晚飯，限時90分鐘。食物份量不大，味道比較差，還不如自己整的味道。尤其明爐烤魚，沒有任何味道。炸魚餅，好油。冬陰功湯，唔酸又唔辣。生菜包味道－般，較多肥肉，火山骨，令人尷尬，肉不多，要用手食。總括而言，雖然平，但食物質素差，只是明星效應，應不會回頭了。

見係公司附近就去食個lunch啦，嘩...簡直不知所謂到爆啦，等野食等差唔多成粒鐘，講緊間餐廳冇咩人，問人點解咁耐就黑哂面唔理，野食質數唔洗講，唔係唔好食但似茶餐廳，絕對稱唔上泰國嘢食，衰過乾炒牛河，個船麵跟本就係一碗好普通既金邊粉，其實唔係明星開就盲目咁寫好食，真係我諗連佢地自己食都過唔到自己啦，個肉碎蝦膏炒河，得一堆乾蔥頭咁既野完全冇蝦膏味，失敗到爆，衰過前面茶記，最衰仲要害人lunch遲到呀…服務差，食物差，連杯野飲都苦既😭

真係店如其名泰x難食，成間克店嚟㗎，食物質素十分差勁，泰式蝦無蝦味蝦肉又唔新鮮，其他食物份量其少，馬拉盞鬼咁多油，環境細坐得唔舒服，用具碟子上有食物乾固汚漬唔衛生，入咗成班朋友揾食黑名單，一定唔會再嚟幫襯。明知自己個店名咁衰就咪鬼去改啦。