泰金鍋

營業中

休息中

老實講好多年冇寫食評，為咗呢間餐廳係要再寫！！！真心好差好差好差揀咗C餐澳洲M6和牛 $378再加一Total$416食物質素差到不能再差（利申：影相睇落質素已經靚咗 肉眼睇再差啲）啲牛勁唔靚 連X寶$40幾蚊嘅牛，都仲好食過佢 佢啲牛似瘦肉切到勁薄，可以一d油花都冇 仲好意思話自己係和牛可以選擇嘅配料又勁少，雪糕只得雀巢選擇收得呢個價錢，冇hagaz-das都要有Dryers啩性價比勁差以後唔會再幫襯！！！呢間餐廳係OpenRice點解會有咁多好評 自己諗諗原因！！！

之前係旺角食過覺得佢個冬蔭公湯底唔錯同埋大頭蝦都好新鮮小朋友有得無限夾有得玩最開心🥳見荃灣新開左緊係黎棒下場地方唔算好大 小食無旺角店咁多不過勝在唔爆場唔洗等位🤣我地叫左set B,每人$318加一牛肉都算新鮮，另外都有好多款火鍋配料90分鐘好夠食👍🏻

海之戀開了間新火鍋店，平日晚上很旺場，餐廳裝修新淨闊落，主打泰式火鍋放題。火鍋一人一鍋，每人可以選一個湯底。✨馬來娘惹叻沙鍋：推薦！香濃惹味～✨青檸椰奶雞湯鍋：淡淡椰奶香，淥菜好食～✨B set 美國產極選肩胛牛小排餐可透過QR code 無限落單，上菜同收碟速度都好快。要了B SET,提供五款精選肉任食～美國產極選肩胛牛小排：推薦，油花分佈不錯，肉質嫩腍。澳洲產M6和牛：肉味濃郁，肥瘦均勻～泰式沙嗲雞肉串豬肉串：推薦!!沙嗲好香～特別是豬肉串好滑蟹籽墨魚滑：墨魚滑好彈牙夠新鮮，蟹籽增加咗口感。另外有自助吧，超多款熟食、火鍋配料、飲品及甜品。熱食有海南雞、泰式炒肉、碎冬陰功湯、泰式油飯、粉絲等有泰式醬汁提供，酸酸辣辣好惹味～✨自助夾新鮮海蝦當晚是大頭蝦，好大隻生猛!!親自動手捉蝦，有得玩有得食，保證新鮮大頭蝦都好彈牙肥美!ENCORE了幾次～✨甜品除了雪糕雪條外，一定要試自製泰式椰汁西米糕和班蘭椰汁糕兩款都好好食！充滿濃厚椰奶香，很軟糯！✨飲品有提供自家製泰式奶茶和泰式香茅水，還有很多罐裝飲品，茶類和啤酒。

-近年好興泰式火鍋，一直以為都係湯底唔同姐🤣 點知今次一試，真係好似置身泰國，有啲驚喜喎😍 今次試咗B餐，Highlight D重點分享比大家先🥰🥰-😋 湯底👉🏻 呢到係一人一鍋，我哋兩個人所以可以試到兩個湯底🥰👉🏻 馬來娘惹叻沙鍋：重口味之選🤣 超級惹味，完美還原平時去食叻沙嘅味，少少辣，係加咗幾次水都唔會覺得個湯淡咗好多👍🏻👍🏻👉🏻 檸檬香茅鍋：呢個相對清淡，但係唔會清到清湯咁😂 檸檬同香茅味好出，岩曬我呢啲想揀個特別湯底、又唔想太heavy嘅人😛✌🏻-😋 醬料👉🏻 平時港式邊爐有嘅蒜蓉、辣椒仔等等呢到都有餐，最特別係佢真係有泰式醬料提供埋💋 泰式酸辣醬真係好食到停唔到口🤤🤤🤤-😋 肉類👉🏻 我哋個餐係豬、牛、羊都有齊😋 全部肉類質素都非常高，油脂分佈都好平均，我哋已經唔知自己Encore咗幾多盤🤣🤣-😋 熟食👉🏻 熟食方面，出面自助Bar有得拎，QR code都會得嗌，海南雞、泰式炒粉絲味道都好出色👍🏻 而家最鐘意佢個沙嗲串燒，佢嘅沙嗲醬真係呀花生粒個款，仲要好juicy，超好食😍-😋 甜品👉🏻 雪糕、雪條、椰汁糕呢啲基本甜品佢都齊，味道都唔錯👉🏻 最值得一提嘅一定係佢嘅自助刨冰

明明周圍啲枱未執好，餐廳又冇人排隊，個員工西住面咁走嚟執我哋枱，客人都未走就執枱…..客人走左，啲枱又唔執，明顯趕客，我哋已經食梗雪糕準備走，使唔使做到咁核突😓

當日星期日下午去食 選擇咗和牛套餐90分鐘打邊爐任食 首先佢佢出面嘅小食以及打邊爐材料選擇極少聲稱泰式打邊爐，但係剩係得一個蝦餅同魚餅係泰國嘢，其他全部都係街市買到嘅魚丸佢連甜品櫃最基本嘅所謂椰汁糕小小太過甜品都懶得整出嚟 齋擺住個牌另外佢嗰啲小食牌寫住嘅嘢同佢入邊擺住嘅嘢係唔一樣嘅寫住榴槤包，點知入邊擺嘅係白饅頭我又入去坐到離開佢嗰籠饅頭由始至終都係嗰一嚿饅頭都唔換 出邊嘅嘢食少之又少連一個星期日佢都唔做足少少其二我嗌嘅和牛套餐佢一上到嚟嗰四碟牛我真係打咗個突 我幾乎以為係街邊買到$20 一磅嘅肥牛完全冇牛味 全部嘢都真係可以講話好差佢收我呢個價錢食呢啲質素，我真係表示好不滿應該遲早執笠

有得任夾流水蝦🦐嘅泰式火鍋放題，有得玩有得食，夠哂特別✌🏻!! 荃灣店採用一人一鍋方式，可以自己自私食😆，想淥咩就淥咩夠哂freestyle。揀咗食B餐 – 🐃美國產極選肩胛牛小排餐（$338/120分鐘），有得任食😻🤤澳洲極選肩胛牛小排、美國下肩胛眼肉🐂、丹麥皇冠豚梅肉🐖、澳洲產草飼羊肩肉🐏等；另外亦可以scan QR code及到自助區任取多款火鍋配料同小食，個人推薦墨魚仔🐙、蟹籽墨魚滑、珍寶蟹柳、雞扒肉等，應有盡有👍🏻～·有8款特色湯底🍲選擇，同朋友分別揀咗🍋檸檬香茅鍋、🐓青檸椰奶雞湯鍋，個人較喜歡青檸椰奶雞湯😽；其他湯底仲有泰金冬蔭功鍋、馬來娘惹叻沙鍋、藥膳豬骨白湯鍋、泰式麻辣鍋等，喜歡香辣嘅朋友必試🌶️泰式麻辣鍋。·最開心係店內設有自助區任夾新鮮流水蝦🦐，流水蝦每日直送到店，我就專揀啲一夾就跳走嘅夾，陪哂生猛😆!!（瞓著咗/暈咗嘅就俾佢繼續啦😹），流水蝦手掌咁大隻，淥熟咗都唔會縮到好細👍🏻，肉質都算唔錯～·另外，呢度亦提供多款泰式熟食、小食、飲料、甜品，全部食材由泰國🇹🇭產地直送、並由泰國廚師親自主理，好多款都好好食!! 包括木瓜沙律🌶️、泰式鳳爪、泰式炒豬肉碎、泰式沙嗲串燒🍢、

這間位於荃灣海之戀的【泰金鍋】，主打泰式火鍋放題，晚市有四款放題套餐，由二百多元起。我們選了B餐，包了幾款海鮮、美國牛小排、豬羊、多款泰式串燒及沙律等，另外還有自助吧，超過40款的火鍋配料、熟食及甜品等。熱食有海南雞、泰式炒肉碎等等，十分豐富。所有套餐都可以自助夾新鮮海蝦。湯底有十款多，我點了養生菇菌清湯鍋。幾款肥牛都肥瘦均勻，而且肉質嫩腍。自助區有多款特色丸，入口彈牙，蔬菜款式都很多。泰式甜品一定要試椰汁西米糕。最後一定要試這個刨冰，自助區有多款配料，打卡一流，製作一份獨特的刨冰。

這間新開的火鍋專門店位於荃灣海之戀商場，主打泰式火鍋放題任飲任食。店內環境寬敞開揚，感覺悠閒，裝潢充滿泰式風情。晚市時段設有四款120分鐘放題套餐，均可體驗捕捉活蝦放題。捕捉活蝦放題可親自動手捉蝦，即捉即食充滿樂趣！鮮蝦來自本地蝦場頗肥美，使用有機飼料養殖，每日新鮮運送到店，味道十分鮮甜。九款泰式湯底每日新鮮熬製，最受歡迎是冬陰功湯底。青檸椰奶雞湯鍋，濃稠的雞湯鮮甜十足，帶一層油脂充滿膠原蛋白，青檸椰奶酸甜順滑好開胃；藥膳豬骨白湯鍋鮮甜美味，更含豐富的營養。澳洲產M6和牛餐 - $328肉類方面，澳洲產M6和牛極為嫩滑，帶有豐富的脂肪紋理，柔軟且多汁；極上牛舌最軟嫩、鮮脆且多汁；特級牛胸腹帶有肉筋且纖維較粗，帶點有嚼勁；特選豚梅肉爽口幼滑；澳洲產草飼羊肩肉不肥不膩不羶。海鮮方面，蟹籽墨魚滑鮮甜爽滑夠新鮮；紅皮魚柳細嫩且層次分明；墨魚仔嚼勁十足。小食方面，原隻大蝦米網卷金黃酥脆不油膩；泰式雞寶充滿東南亞香料味；還有泰式沙嗲雞肉及豬肉串，即燒不乾柴，嫩滑多汁好惹味。自助區超過90款火鍋食物、熟食區、配料、飲品及甜品熟食區方面，泰廚秘製海南雞肥美飽滿，有爽彈雞皮及嫩滑的雞肉；泰式黃咖喱海鮮帶

呢個位之前間牛牛火鍋新開都有幫襯過幾次, 一開始覺得唔錯所以有keep住去, 但質素每況愈下就冇再幫襯, 之後早排見轉左而家呢間諗住去試下新野, 入去之後覺得好似同牛牛冇咩分別, 連碗都仲係寫住牛牛先知係同一集團, 今次揀左C 澳洲M6和牛餐, QR Code落單+出去自助夾野食同蝦揀好湯底坐低佢會先上湯底, 2份牛肉, 如埋送既他他醬焗蝦, 睇返上面門口餐牌張相先見到佢話每位2隻, 點解我地2個人得2隻? 不過都冇所謂, 反正隻蝦都唔好食, 湯底幾香, 牛肉質素都唔錯qr code落單睇一睇有咩食, 選擇好少, 門口menu寫既已經係全部, 不過可以出去夾野食既, 但好多野睇落都乾乾地好似擺咗好耐咁所以都只係夾咗少少, 第一次食自己夾蝦既餐廳, 但我發現我唔係太適合呢種玩法, 親手夾隻蝦上黎佢抽搐嗰下有d不安, 所以夾左一次就冇再夾, 樣樣都唔啱食唯有主攻肉啦, 因為d肉一碟得4片所以每次都叫2-4碟, 但明明都係點m6和牛, 但總會有碟睇落唔係一樣既肉夾左係底都算啦, 再點多2次之後d牛直接變晒下圖既質素, 會唔會差太遠??見到咁樣都冇心情食落去, 埋單走算啦

非常伏，第一次食60分鐘但40分鐘已經食完。湯底檸檬香芧，無味！選擇少，用料差，丸類全部淋身，烏冬本身用幾蚊包嗰D，唔係貴貨但仲要開曬佢浸喺水，烏冬全部碎濕濕，一煮已經淋到不得了！蔬菜選擇少又唔新鮮。熟食有蝦餠魚餠冬蔭功湯，味道一般。有雪條。服務又差, D 侍應無禮貌！好伏！大伏！40分鐘就埋單走人！無下次！

炎炎夏日邊個話唔可以過嚟打邊爐？今日就帶大家嚟一間 泰式任飲任食邊爐！金泰鍋。我地點左C餐 m6和牛套餐。餐廳特別之處 就係可以一人一鍋每日可以揀返自己最想食嘅湯底。鍾意食辣嘅朋友，可以叫辣嘅湯底。食唔到辣嘅朋友可以叫其他特色嘅湯底。我哋點咗冬陰功湯底 以及椰子雞湯底。一入到嚟 就見到好多唔同嘅泰式食物。真係眼花撩亂 每樣嘢食都10分吸引。所以每樣食物我都拎咗翻位置品嚐。一開始已經有兩盤精選牛肉送上枱面。 油花都相對平均。入口幾有牛味有口感。呢個餐最主要係食澳洲和牛 我哋當然係嗌多和牛啦。和牛充滿油花 脂肪紋理十分漂亮。入口即溶 油花爆滿 而且肉味濃郁。感覺十分滿足。另一樣相當出色的就是牛胸爽。牛胸爽是牛心口的一整塊脂肪。充滿油香，爽口而不油膩。餐廳還有一個最大的特色 就是可以在魚缸夾新鮮的游水蝦。餐廳有一個獨立魚缸，養住新鮮蝦 等着你來夾。 鮮蝦肉質爽彈 10分鮮甜。好玩又好食。此外 我們還參加了一個夾蝦王大賽。 如果夾中指定重量，就能獲得獎勵。食到差唔多飽 係時候到甜品時間。佢有一個位置可以整，你自己喜歡食的刨冰。10分有特色。你可以選擇唔同嘅配料加上去 製作一個只屬於你口味的刨冰

爸爸突然話荃灣開咗間泰式嘅火鍋放題，即刻收到做野！今日就帶佢去食🤣環境餐廳闊落新淨，坐得都舒服湯底除咗一般見到嘅壽喜燒鍋、蕃茄鍋等，仲有幾款都係泰式湯底，冬陰功鍋、叻沙鍋、檸檬香茅等，啱晒食慣火鍋，又想試新嘢嘅人😆自助吧枱其實我都係第一次食泰式嘅火鍋放題，諗住都冇咩特別，不過原來真係有多啲唔同嘅泰式熱食提供，對比普通火鍋放題，有幾特別👍🏻 佢嘅熱食包括海南雞、冬陰功湯、泰式油飯、粉絲、泰式辣肉碎，味道都唔錯喎！😍菜款式都幾多，基本一般火鍋放題既菜都有🙊 飲品有泰式奶茶、香茅水！泰式奶茶甜甜地，有奶茶味，好OK！👍🏻 仲有飲品櫃有椰汁水、寫住泰文嘅飲品😂 可以試新嘢😎 我哋叫咗個泰金冬陰功鍋同埋青檸椰奶雞湯鍋，一開始嘅味道會出啲，加湯之後就會淡左，因為佢哋用同一款湯底加湯。自助刨冰機+甜品佢仲有個刨冰機，加冰落去就可以出到刨冰，仲有好多配料俾你自己，製作你自己嘅刨🤤 甜品唔少得泰式嘅嘢，包括椰汁西米糕同埋千層椰汁糕，仲有啲雪糕雪條🤟🏻B餐美國產極選肩胛牛小排餐 （120分鐘） $338 肉質都唔錯，包埋A餐既肉揀，都有五款肉，三、四款海鮮揀；食材都新鮮。B餐包埋嘅熱食都唔少，有沙嗲串燒、

港/台式火鍋就成日食，呢間係泰式火鍋放題，究竟有咩分別?!  食力組組員就相約一齊去試下。三種價位，要咗B餐 ($268) 澳洲產極選肩胛牛小排，有成80種食品選擇。任飲任食兩個鐘，基本啦。多款特色泰式湯底，選擇檸檬香茅鍋及青檸椰奶鷄湯鍋，滾起時已經聞到好香嘅香茅味，加上有檸檬微酸味，估唔到用黎火鍋(尤其烚肉時)都幾夾。掃二維碼就可落主要肉類及小食，侍應先送上幾客極選肩胛牛小排，薄薄一片，脂肪分佈及肉色靚仔。好快轉色就食得，口感柔軟及幾重肉味，馬上追加。另有極上牛舌又係唔可以錯過，軟熟得黎又有少少嚼口。丹麥產皇冠豚梅肉唔會太肥，食得過。其他蔬菜，丸類，菇類及粉麵類都可以自己出去拎。估唔到連泰式海南鷄度都有得食隔離仲有油飯，咁就少少地自製一客海南鷄油飯啦。加埋特色鷄醬，又有有味飯，要叫自己唔好食太多呀。見到有沙嗲鷄肉豬肉串，叫D黎過下口癮。熟食方面有幾款，小試咖喱海鮮及泰式海鮮炒粉絲，質素比美散叫。仲有泰式沙律及生果出面自助區亮點莫過於自己撈蝦，未試過自己撈跟手再火鍋。活蝦黎架，入口彈牙唔係霉，食多幾隻都可以。除咗紙包/罐裝凍飲外仲有自斟泰式飲品，泰奶/泰式綠奶茶/香茅水都有。清熱之選梗

❇️與老友榮少相約在荃灣海之戀商的泰金鍋享用牛肉鍋放題,確實是一個美好的用餐體驗。✨我和榮少抵達餐廳後,立即被店鋪的幽雅舒適的環境所吸引，坐在望海的窗邊位置，倍增食慾，我們選擇了豬骨湯鍋底。泰金鍋提供澳洲穀飼肩胛牛小排放題,每位成人只需$338,實在是超值。⭐餐廳提供了新鮮生猛大蝦放題,以及各種蔬菜、菇菌類、肉丸等豐富的食材。我和榮少忙著在鍋中烹煮不同的食材,享受着美味的過程。餐後,我們又品嘗了泰式甜品和自製刨冰甜品,非常好吃。此外,餐廳無限供應罐裝飲料和雪條甜筒,讓我們吃得非常過癮。🤩整個用餐過程中,我們都感受到服務人員的熱情周到,讓我們賓至如歸。我和老友在這裏度過了一個愉快的夜晚,飽餐了一頓美味可口的泰式料理,為這一天劃上完美的句號。