泰金鍋

營業中

休息中

近年火鍋款式愈嚟愈多，想試勻咁多樣嘢，可以嚟試下呢間泰金鍋。佢係泰式火鍋湯底X 手切潮汕牛肉X活捉海鮮 三樣人氣元素加埋一齊，一次過滿足晒你三個願望。($388pp)泰式火鍋湯底冬蔭功湯式非常惹味，酸酸辣辣，而且店家加咗唔少新鮮香料，令到湯底層次升級。青櫈椰奶雞湯比較溫和，酸酸甜甜，椰子味香濃，而且加咗椰奶會令湯層更厚身。手切潮汕牛肉其實成個餐有咩13樣肉類選擇，基本嘅澳洲產M6和牛、西班牙伊比利亞豚肉、美國產極選肩胛牛小排等等；但要數比較特別嘅係佢仲有手切潮汕牛肉！依家香港人已經食厭咗平時嘅肥牛，多咗去內地食潮汕牛肉火鍋，貪佢夠新鮮軟嫩、肉味夠濃。呢度嘅潮汕牛肉一共有四款，潮牛吊龍、潮牛匙仁、匙胸口朥同新鮮黑栢葉。而且佢好細心咁寫埋烹煮時間，小編都建議按返時間去淥，如果唔係會好韌的。小編四款入面就比較鍾意吊龍同匙仁，肉質軟腍，肉味香濃。匙胸口朥同黑栢葉小編就少食，口感偏爽彈，冇乜特別味道。活捉鮮蝦相信呢個係放題界新寵，任得客人自己撈海鮮。我哋去荃灣店當日缸入面只有活蝦，我睇IG啲片觀塘係可能有鮑魚花甲。各位入去之前記得問清楚，免得失望。活捉鮮蝦最好係可以自己揀蝦，專捉有活力、大隻就實

成日行過都會想試泰式火鍋因為聞到椰香 香茅同冬蔭功香味好吸引今次去試左M6和牛+手切潮牛120分鐘放題套餐已包鮮活海鮮區（鮮蝦、鮑魚）- 四款手切潮汕牛- 捉海蝦放題- 熟食區 秘製泰式小食 炸物- ⁠甜品區 - 綿綿冰機 多款泰式甜品- ⁠自助吧我點左青檸椰奶雞湯底味道香甜 仲好濃郁手切牛全部都淥5秒就食得 配埋泰式醬料 好似去左泰國咁蔬菜及火鍋配料選擇亦非常多 新鮮熟食既泰式炒粉絲 ｜酸辣無骨鳳爪沙律 |泰式沙嗲豬肉串都大推介加埋杯泰式奶茶就好完美

通關後這些年主要返內地吃 原因除了抵食環境大和服務好是香港在低價位不能贏的硬傷吃過2年開始悶 而且上面也供過於求物價大漲 看到幾個yt說這間看價值很實惠 環境也很舒適 最重要是獨有 看現在一堆日式 台式 什至港式火鍋成行成市 泰式真心少 你去上面有樂冊 又貴能吃的也少 所以就來試試 聽說有好幾間分店但看yt見這間有定量當然先來不冒險了 早一又訂位1230那是星期日還有些卡位店員也不吝嗇給能個卡位 很感激滿意 2個人才吃2百頭 也不會把你隨便塞 然後說種類真的很特別竟然有點心可惜蝦蛟沒有了 大概開12點時很快沒有到走的時時是1330也沒有再補充 未知是否不會補 的還是當日太忙忘記了也許人手不足？越說越遠 繼續說食品吧除了點心有冬陰公湯內也有不少蝦 湯勁好喝很高質 炸物有魚餅魚片頭 這些都是什麼日台式都欠缺的 菜竟然有水蓮真心獨有還有貴價羽衣甘藍 丸什麼都有唔一般放題相同 他們有自己泰式奶茶和香矛水 更有紅豆沙是起沙的座位間很濶不迫也是有了 夠鐘和收錢都不會催 這也給滿分了牛肉也是同價中最好連豬也是很好 這比較少有這間荃灣我是真心推薦

星期日一家四口喺海之戀shopping完，因為天氣凍決定食火鍋，不過最近食過海底撈，今次唔再去，喺附近嘅泰金鍋walkin有位，就食呢間。A餐$258/位（餐要全枱一樣），4個都計大人（身高過130當大人計），不過可以一人一鍋，有唔同湯底，我地叫咗冬蔭公、椰奶雞同藥膳豬骨。自助區有中式點心，泰式甜品，雪糕雪條，好多飲品選擇，當然唔少得基本嘅火鍋配料，雖然種類無其他出名嘅火鍋店多，不過已經夠食。我今次無影相，只係影自己order咗嘅嘢食。因為坐窗口位，有風景睇，感覺舒服。第一次食，覺得呢間嘅食物、服務同價錢都算唔錯！

呢間之前係旺角食過晚市，印象中質素中規中矩，比較特別嘅係可以夾活蝦同埋有一啲泰式小食。今次荃灣呢間食午餐。選咗最平嘅放題火鍋套餐A餐：澳洲產下肩胛肉眼，60/90/120分鐘，揀咗60分鐘，每位$118。3月做緊優惠，星期一至四午市火鍋放題免收加一服務費。湯底一人一鍋，揀咗馬來娘惹叻沙鍋同檸檬香茅鍋。前者味道尚算香濃，微辣，入面仲有少量香茅、香葉，越滾越夠味。後者初時微酸清淡，後期就變成香茅清湯。火鍋肉類有三款，另外有自助吧，一般嘅火鍋配料，如丸、菇、菜、瓜、粉麵烏冬。・澳洲產下肩胛肉，肥肉極少，快灼廿零秒，太耐就會嚡，少許肉味，主要都係食呢款。・嚴選特級牛胸腹，些少肥膏，淥耐啲都可以，軟身，但無咩肉味，要咗兩盤，叫做試過。・特選豚梅肉，一般，唔夠爽口，只食咗一盤。飲品都多款式揀，有一款啤酒。另外有泰式奶茶，香茅水。點心有四款，食咗燒賣同蝦餃，一粒夠了。小食有蝦餅（脆面，彈牙，OK）、魚餅、炸魚皮（唔脆的）、炸豬皮（唔脆的）、青咖喱雞（咖喱味唔錯）、酸辣鳳爪、木瓜沙律。生果有哈密瓜。甜品有雪糕、雪條，都有十零款。整體用餐感覺良好，上肉速度快夾準，自助區嘅火鍋料、熟食、飲品、甜品選擇多，

今天是2025年3月23日7點15分喺荃灣西海之戀商場入面見到分店就同先生及小童兩大一小揀咗價錢貴啲嘅120分鐘入座,諗住時間多少少,食得舒服啲啦加少少錢都冇所謂！點知到120分鐘時候就已經見佢喺我張枱度收走啲食物倒落個鍋入面！當時我行開咗同小朋友去洗手間,一來一回已經10分鐘,返到嚟只見到職員將台上一碟一碟咁樣倒落個鍋度,然後話夠鐘,我當時個感受就係  唔使即刻將啲嘢食收走曬下嘛,嚴重到要即刻收枱趕人離開座位？？我唔係喺度食快餐呀，兩大一小埋單加埋一差唔多$1100當時我問過職員夠鐘喇咩佢話係呀，咁唔使即刻將我啲食物倒曬落個鍋度呀嘛，你都要畀時間人哋離開！完全服務態度好差,人哋第二啲食店食完120分鐘後都會畀時間人哋執拾離場120分鐘包埋執嘢走,咁樣嘅服務態度不知所謂！ 當時我對店內職員有意見到前台收錢時反映前台嗰位唔知係唔係經理,只係說一句唔好意思，完全沒有心去了解理會及解決到客人嘅問題！ 收咁嘅價錢食泰式嘢仲要冇乜嘢食好同唔好食絕對影響公司形象聲譽請著啲咁嘅員工對待客人等執笠 唔會推介呢一間食店咁樣嘅質素一世都唔會幫襯趕客走等執笠

本身無諗住寫食評，所以無影相。但食飯體驗惡劣，不得不寫。事緣在這間荃灣店八點入座，九點半被趕走無錯，係趕走人仍在座枱面d嘢當面收哂我仲要後補一句「我哋收舖架啦，你哋要起身走」如果你營業時間寫係至到22：00我會覺得你地d員工真係好心急收工或者這是你們公司的默認做法？我尊重你哋d職員，不會爭執但我真心覺得被羞辱咁急趕客走？難道你哋可以做多一輪生意？定係慳好多兼職時薪？食物質素唔評論反正300幾蚊人頭大家自行斟酌歡迎有特殊僻好喜歡食飯消費被人趕走的幫襯呢間野

晚上7:15入座，直到埋單（120分鐘後)椰汁糕斑斕糕從來沒有出現過！喺繁忙時段居然從來沒有refill過甜品區，真係令人失望！我曾經兩次問過職員，職員答我答案係refill中，但最終食完埋單，從來沒有見到呢兩款甜品。食物一般冇特別，我相信食一次就夠！真係幫襯一次就夠😩🙄

諗住帶屋企人黍之前去食，好彩自己一個食左先，如果唔會比人鬧🥲 時段： 1:30pm, 食左個$138套餐（但六日加$10）75 分鐘，再加一，總數食左$174冬陰公湯底，有二碟牛+一碟雞+ 50g 牛（reception ar 姐果一刻勁推呢個，唔知做乜）牛肉質素overall 完全分唔到咩部位，因為紙甘薄，一陣風食完（40 分）雞肉質素：2 件仔甘大把😓，但新鮮（70 分）湯底： 好普通，唔濃又冇椰奶，之後再加湯越打越酸，變酸清湯（50分）菜丸bar: 正常，有齊應有丸同菜(80 分）蒸點心bar： totally fail, 全部蝦餃燒賣over steam, 出哂水，一夾起溶左塊皮！🤦🏻‍♀️點解冇伙計睇住架？熟食bar: 食左有麻辣雞（70 分），通菜同肉碎等左廚房好耐先差不多我夠鐘埋單先fill，味道一般（50分）炸物櫃： 炸豬皮正常，蝦片正常，炸咩芋頭片同蕃薯片冇食（因為賣相唔吸引）糖水bar lunch time 只有紅豆沙同綠豆沙，但係又係冇fill 😮‍💨勉強筆到少少食，勁林，我直程覺得難食！如果真係要讚我只欣賞佢個飲品雪櫃好多種類，雪條有彩色黑加倫，同麵𣕧有貴貨出$1

任食打邊爐就食得多 有冇試過泰式邊爐任食呢🍲仲要有活蝦任撈任食🦐荃灣海之戀就有啦！ \ 泰金鍋 / 🇹🇭主打泰式火鍋 湯底就揀咗最signature嘅冬陰功湯🍲椰子燉雞湯🍲自助區入面有多達90款食物熱食方面，仲有泰式必食嘅泰式肉碎🐷泰式咖喱、海南雞、椰汁糕😋仲可以叫泰式串燒，炸蝦餅😋飲品方面汽水果汁樣樣齊 仲要有泰式奶茶🥤我哋今次食嘅係Set C 澳洲產M6和牛餐🥩和牛入口即化 非常juicy😋最正嘅一定係門口嘅任撈蝦池啲蝦全部都非常生猛！一夾上嚟仲扎扎跳🦐📍 泰金鍋 (荃灣)荃灣大河道100號海之戀商場1樓1010號舖

唔知食咩好，喺海之戀兜咗個圈，天氣凍凍哋心血來潮想打邊爐，海之戀都有好幾間邊爐食肆，呢間有一人一鍋，而且呢間有我最愛嘅泰式椰奶雞湯底，就衝咗入去😊可惜嘅係呢個青檸椰奶雞湯底唔似泰國嗰啲（失望），反而個冬蔭公湯底值得推薦👍🏻食物方面係半自助形式，圖中嘅牛係fix咗嘅（二人份量，有四層），出面有自助形式嘅食物，好多丸呀腸呀菜呀蟲草花等等都有呀，雪條嘢飲都係任食任飲，泰式奶茶好飲，唔太甜有分幾種肉嘅套餐，價錢都不一樣我呢款寫住$108，但入座話今日要加$10，可能星期六啦，入座起計60分鐘，超準時叫交枱😂呢樣都理解嘅，比貴d就可以90分鐘的

火鍋食得多，泰式火鍋第一次食，今次同朋友黎到海之戀商場，見到呢間主打泰式火鍋店，平時多數食台日式火鍋，今次一於試新野啦。我地㨂左120分鐘Set C 澳洲產M6 和牛餐+大頭蝦放題，有8款湯底可選擇，我地㨂左泰麻辣湯鍋同埋藥膳豬骨白湯鍋。肉類有澳洲產M6和牛、澳洲產下肩胛肉眼、嚴選特級牛胸腹、牛小排、肉眼、特選豚梅肉… 個人特別欣賞澳洲產M6和牛，入口即化，牛味濃郁。大頭蝦任夾任食，可到門前魚缸自己挑選大頭蝦，夾既時候要眼明手先得，大頭蝦好生猛，肉質鮮甜爽口，鮮味十足。自助區除左火鍋配料選擇多外，仲有好多泰國特色小食，有清邁炸豬皮、秘製海南雞、泰串沙爹豬肉、牛肉、雞肉串… 就連蝦餃燒賣都有，而且食落係有質素。泰國特色美食：椰汁斑斕千層糕煙韌彈牙，椰香味突出；酸辣無骨鳳爪沙律酸酸甜甜，越食越開胃；泰式雞翼外脆內軟，肉質嫩滑；原隻大蝦米網卷外皮炸到脆卜卜，食落酥脆香口；泰色美食椰汁西米糕既椰香濃郁，咬落Q彈；香脆炸魚皮食落香脆可口。飲品方面有多款泰國特色飲品，有香茅水、泰式奶茶、冬瓜茶… 仲有多款罐裝飲品任飲；雪糕雪條任食，食到捧住個肚走。🔎泰金鍋 (荃灣)📍荃灣大河道100號海之戀商場1

泰金鍋進駐荃灣海之戀咁大件事一定要分享!主題泰式火鍋放題店有大量泰式料理超過90款食材飲品，火鍋湯底有八種選擇:泰式冬蔭公、馬來娘惹叻沙、冬陰公青檸椰奶雞湯、青檸椰汁雞湯、檸檬香茅、泰式麻辣等，120分鐘火鍋放題叫左Set C-澳洲產M6和牛餐+大頭蝦放題 $338/位主題賣點就一定係體驗活捉新鮮海蝦的樂趣🦐有每日新鮮運到本地養殖新鮮流水大頭蝦任夾!首先準備好冰桶，再將大頭蝦夾起放入桶內，避免生猛蝦跳來跳去，🧊冰幾分鐘再淥。鮮蝦夠新鮮又彈牙。肉類款式應有盡有: 澳洲產M5和牛、牛小排、特級牛胸爽、牛胸腹，肉眼、極上牛舌、西班牙伊比利亞豚肉、澳洲產草飼羊肩肉等，連即食熱辣辣點心蟲草蝦仁燒麥、流沙包、蝦餃等都有。🍤炸物同串燒，有泰式沙嗲牛肉、雞肉、豬肉及泰式炸蝦等，其他推介有蝦米炸網卷、燒菠蘿、蟹籽墨魚滑、日本扇貝等。自助區有海南雞、冬蔭功湯、青咖喱雞、泰式黃咖喱牛腩、泰式粉絲蝦、木瓜沙律、泰式鳳爪等多款蔬菜、丸類及泰國公仔麵選擇都唔少。而🥤飲品就有泰式風味的泰式奶茶、香茅水，雪櫃有多款罐裝飲品以及啤酒任飲。🧁甜品就有椰汁西米露、千層糕、椰汁斑蘭糕及椰汁西米糕，多款雪糕雪條以及是日糖水紅豆

泰底湯底小火鍋任食澳洲產M6和牛、特級牛胸爽、西班牙伊比利亞豚肉、極上牛舌等仲有超新鮮活蝦放題！自己捉蝦煮火鍋4款泰式特色湯底：檸檬香茅鍋、泰金冬陰公鍋、馬來娘惹叻沙鍋、青檸椰奶雞湯鍋另有其他火鍋湯底：關東壽喜燒鍋、日式番茄濃湯鍋、藥膳豬骨白湯鍋、泰麻辣鍋叻沙鍋好香好夠味，椰奶雞湯酸甜味道比較清香澳洲M6和牛超大塊好高質牛味濃郁，肉質嫩滑！牛舌色澤紅潤都好吸引伊比利亞豚肉都好食一定要試下自己夾活蝦好玩又好食！d蝦真係超新鮮新鮮到係咁跳番出黎😂好大隻食落好爽口彈牙仲有日本扇貝任食另有多款泰式特色小食：泰式炸蝦餅、沙爹雞、豬、牛肉串燒、燒菠蘿、原隻大蝦米網卷、泰式香木瓜沙律、酸辣無骨鳳爪沙律、炸豬皮香脆炸魚皮還有泰式炒粉絲、黃咖哩海鮮、飛天通菜 ，泰式媽媽麵小食連中式點心都有，非常多元化自助區新鮮蔬菜和丸類等火鍋料應有盡有甜品：必須食旺🍊寶&紅豆樂和椰汁西米糕

[ 泰金鍋 ]港式邊爐、日式火鍋食得多，聖誕假期去咗荃灣西呢間一人一鍋泰式火鍋🇹🇭🍲放題店，晚市更有得體驗自助捕捉活蝦🦐。✿ Set C 澳洲產M6和牛餐 $278/位起前菜🥗所有套餐任食泰式青木瓜沙律、酸辣無骨鳳爪等，鳳爪爽脆酸辣入味👌。火鍋湯底🍲有8款選擇，一人一鍋。「泰金冬陰功鍋」酸酸辣辣好夠味，但唔會過咸過辣👍。火鍋肉類🥩任食牛肉🐮有澳洲M6和牛、美國肩胛牛小排、牛胸爽、牛舌等，肉味都幾濃厚👌。另外任食西班牙伊比利亞豚肉🐷、澳洲草飼羊肩肉🐐等，啱哂食肉獸。火鍋配料晚市可體驗自助捕捉活蝦🦐。另外任食海鮮有日本扇貝、墨魚仔等，扇貝肉都幾大粒鮮甜。其他配料有蔬菜、丸類、包裝泰式麵食等。熟食🍢任食泰式熟食有 泰式海南雞，雞肉都幾嫩滑👍。另外任食泰式沙嗲串燒、泰式炸蝦餅、冬陰海鮮湯、泰式菠蘿炒飯等，款式夠多元化。飲品🍹任飲泰式香茅水、泰式奶茶，奶茶甜度適中。另外有罐裝、紙包飲品揀。甜品🍧任食泰式甜品有千層椰汁糕、椰汁西米糕，仲有雪糕雪條等。總結🫦 泰式火鍋放題有新鮮感，有得任食泰式前菜、泰式熟食等，仲要一人一鍋可以揀自己鍾意嘅湯底。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿泰金