泰金鍋

營業中

休息中

喇沙湯底 麻辣湯底推介M6 m8和牛 及 鮑魚 扇貝，好味飲品亦有很多款選擇仲有熱 食有多款 雪糕 及甜品 選擇店員服務態度很好出食品都很快環境 不錯地方清潔 整齊 衛生一定 下次會再光顧

$318-120分鐘火鍋放題Set B（80品）：肉類有得揀嚴選特級牛胸腹、丹麥皇冠豚梅肉、澳洲產極選肩胛牛小排、澳洲產草飼羊肩肉、美國產下肩胛肉眼、特級牛胸爽、極上牛舌。肉質都唔錯，B餐主打牛小排，油脂分佈均勻，唔會太肥，肉質嫩滑，咬落去真係好Juicy。8款特色湯底，真係任君選擇，有泰金冬蔭功鍋、馬來娘惹叻沙鍋、藥膳豬骨白湯鍋、青檸椰奶雞湯鍋、泰式麻辣鍋等等，夠哂泰國風味。今次我揀咗香檸椰奶雞湯鍋，椰奶味好香濃，但飲落去又唔覺得膩，反而好清爽，真係一試難忘。小食方面，選擇都好多，有豬肉雞肉串燒、雞寶、蝦餅、春卷、蟹子墨魚滑、海南雞、木瓜沙律、泰式鳳爪等等。全部食材都係泰國直送，由泰國廚師親手處理，質素真係唔使擔心。我特別鍾意沙嗲串燒，有雞肉同豬肉兩款，沙嗲醬味道濃郁，食落去好惹味。仲有炸蝦餅，外皮脆卜卜，內裡鬆軟，真係一啲都唔油膩。呢度其中一個亮點就係活蝦放題，想食幾多自己夾，唔使客氣😆😆。蝦真係好新鮮，肉質彈牙，鮮甜味十足。甜品方面，我最中意佢嘅椰汁糕椰汁味濃郁，下底嘅西米煙韌，咬落去口感豐富。每次嚟呢度，呢個椰汁糕都係搶手貨，見到就即刻攞，唔攞真係會後悔！

成日食泰國菜，但食泰國嘢嘅放題就第一次，都幾有新鮮感。自選一款美國產極選肩胛牛小排餐放題揀湯底泰金冬蔭功鍋冬蔭公嘅味道不太辣或過濃。青檸椰奶雞湯鍋兩款都係泰式味道，但雞湯嘅青檸同椰奶味就好突出，令湯底入口清甜。龍蝦（每人1隻）贈送龍蝦肉係鮮甜嘅。流水蝦任食自己夾流水蝦放入桶，扎扎跳嘅蝦，蝦肉鮮甜，入口彈牙。外面放著三隻海南雞肉質夠滑唔鞋，亦夠入味。澳洲產草飼羊肩肉澳洲產草飼牛肩肉羊肩肉質夠滑冇臊味。牛肩肉，好滑有牛味。原隻大蝦網卷炸得香脆(唔係淋晒嘅)紫菜包住蝦肉加埋泰式辣醬食，好地道嘅小食。自助：飲品、雪糕、生果、泰式甜品、多款丸類、蔬菜、粉麵、菇類。生菜爽口，魚旦出奇地彈牙好食，西瓜同哈密瓜清甜，泰式甜品有米奇老鼠頭嘅造型好得意。

昨天下午得閒，乘屯馬線去海之戀商場嘅泰金鍋，食牛牛火鍋。因為以前幫襯過好幾次，覺得好坐、好舒服，所以特意再去。4:55到餐廳，當時冇客，門口接待員俾咗一個近門口嘅單排坐位我。由於同鄰枱係相連，如果有客坐，咁我哋就係排排坐，互相非常接近。於是我問接待員，可否坐細卡位 (兩人卡座)，佢話唔得，咁我話佢知，之前每次都俾卡位我，而且呢個時間，一個客都冇，仲要係星期四，到我食完都未會好多人。不過最後佢都係say no，咁我唯有照坐佢規定嗰張枱。跟著出去攞食物，旁邊有位職員正在用膳。突然聽到佢話:「一個人想坐兩個位呀？」我當堂覺得好委屈，接待員喺附近都聽到，我就問佢點解要講客是非？之後好唔開心、唔想再喺度食！跟著走咗！而家我更加明白，點解香港人寧願上大陸飲食！唔怪之得香港食肆啲生意咁差！我哋喺香港消費，要貼錢買難受！誰願意？

今日經過荃灣海之戀，見 的新分店，好大好乾淨，而已座位寬敞好舒適，7PM 都唔算多人，所以入座食 120 分鐘火鍋放題，估唔到7:30PM 開始越來越多人好熱鬧，我地揀左B set 美國產極選肩胛牛小排餐 $318，任飲任食2小時，最吸引我係有泰底湯底，仲有放題]，真係有得玩有得食。有8款湯底，我揀左馬來娘惹叻沙鍋，好香濃惹味，有檸檬葉、南薑、香茅等香料，加上椰漿奶香，甜，鹹、辣味道兼具，好開胃好味。日式蕃茄濃湯鍋，唔係辣既朋友揀左蕃茄濃湯，也是濃郁蕃茄味，帶點微酸，消膩又開胃，大人細路都喜歡的味道。美國產極選肩胛牛小排，油花分佈非常均勻細密，肉質十分柔軟，且油甘香甜，超好味。嚴選特級牛胸腹，即係牛五花，一層油花一層肉層次明顯，肉質結實帶油筋且油脂較多，好油香。澳洲產下肩胛肉眼，肉質較緊嫩，少脂肪，口感彈牙且肉汁豐富，食極都唔怕膩。特選豚梅肉，肉質腍軟細緻，脂肪分佈均勻，沒有筋，好爽口帶點煙韌，配麻醬好夾。澳洲產草飼羊肩肉，有濃郁的羊肉香味，不太羶，肉質柔軟口感豐富。 香味也十分獨特。呢度仲有泰式醬汁提供，配海鮮一流，但估唔到配肉同菜都好夾，酸甜微辣，令食物味道更豐富，好味。捕捉活蝦放