泰金國

營業中

休息中

第一次食泰國菜食到短期內會即刻想再食😄不過真係太多人排隊，夏天等位真係熱死，小編應該等到冬天先再食了😇多人食到佢地都唔憂做咁，服務態度都幾惡劣，語氣態度真係好差😂平時咁注重服務嘅小編都心甘情願黎排隊食第二次，就知道有幾好食😗.🥩燒牛肉 $88第一次黎完全係因為燒牛肉，有五成同七成揀，雖然揀咗七成不過都係偏生😂講真味道唔係太過出眾而且比較多筋，不過鍾意食牛嘅一定會叫，所以小編兩次都有叫到🫡.🍖燒雞翼 $18/隻燒雞翼係意想不到咁好食，第二次到訪都係因為太掛住佢🥹雞肉超級juicy，一路食一路有汁滴出嚟，食完一隻之後都忍唔住即刻再加單🤪.🥭芒果糯米飯 $45呢度嘅芒果糯米飯就係勝在超多椰汁同埋好夠暖，食落好舒服😌椰汁多到好似湯咁浸住啲飯，所以味道會偏甜一啲，而芒果酸酸地唔太甜，啱啱好balance返😚.人均消費～$200.🍽味道：3.8/5🏙環境：3/5👨🏼‍🍳服務：2/5💧衛生：2/5💰價錢：3/5

今日偽泰之旅，選擇左去九龍城食完泰國餐，再去按摩！下午4:30pm黎到出名食晚餐一定要排長龍嘅泰金國，呢個時間就唔使排隊，店內仲有好多室位可揀。一入門口就見到大廚係廚房燒緊一件件鎮店之寶，我地二話不說就點左燒牛肉，外加少辣木瓜沙律及泰式日常飲品-椰青、青檸梳打，因為一陣去按摩，所以無點太多野食。燒牛肉揀左5成熟，到餐時啱啱好，牛肉連帶牛脂帶黎嘅味覺衝擊，實在好好味！我地仲encore左一次添！食完差唔多6pm，店外已經排咗十幾人，下次可以試吓呢個時間點黎😉

前排見有人不斷分享呢間嘅燒牛肉好好食😋就等我去試試佢一如既往我係外賣自取嘅😂打電話去叫外賣大概半個鐘可以攞，一去到見到門口有好長嘅堂食隊，另外有外賣隊，有人淨係叫一個燒牛肉就走😂心諗一定好好味。眼見餐廳大部分員工都似係泰國人。。👉燒牛肉 $88呢個價錢性價比都唔錯。佢唔係一般泰國餐廳嘅串燒，佢係成舊牛肉燒好然後切片再加個醬汁。件牛肉份量都幾合理，部位係有肥有瘦有筋，雖然有筋，但係佢燒完之後都好軟，係可以成舊食唔會好韌，而且牛味都重👍🏼真係幾好味嘅，唔怪得咁多人讚。另外佢嘅醬汁係另上俾你自己點嘅，個醬汁都幾夠辣，唔係平時串燒嘅醋汁。。👉泰式拼盤（大）$148我打電話落單嘅時候佢都有講清楚細到大嘅分別，就係大拼盤有皮蛋，細拼盤無，所以如果想食皮蛋嘅朋友就記得要叫大啦！大拼盤有4樣嘢，有魚餅 蝦餅 炸皮蛋 仲有一粒粒果d我唔知係咩😂全部都好食，個皮蛋仲糖心添，大家放心試！。👉泰式冬蔭公（細）$98去每一間泰國餐廳我都一定點冬蔭公湯，不過呢個冬蔭公湯可以話係零辣🙈搞到我覺得似香茅蕃茄海鮮湯😂材料方面佢有3隻半邊蝦，係唔霉嘅，湯入面嘅菇係秀珍菇，因為我係草菇愛好者，所以扣d分。整體除咗唔辣都無乜

冇得飛極都掛住泰國地道菜！全港最好食都係九龍城！而家泰國餐廳都唔係必有嘅鹽烤烏頭，呢度有得食！自己一直不太愛吃中式的檸檬蒸烏頭，總覺得充滿泥味，肉質不夠嫩滑。但發現烏頭魚用泰式方法去焗煮，讓我刮目相看！尤其是鹽烤方法簡單得來又好有鮮味，一啲都唔腥，如果家中有焗爐的話，真係極力推薦的菜式之一﹗

泰金國成日都聽人講話九龍城好多泰國菜今次就黎到呢間九龍城區比較出名嘅泰國菜十二點開門 但係十一點半開始門口已經排曬人泰式肉碎生菜包 HK$88食泰菜好鍾意嗌生菜包食黎到呢度都嗌咗碟試下佢嘅泰式肉碎酸咪咪而且又好咬口味道唔錯但係啲肉醉好多汁食食下會唔小心食到成隻手臂都係記得要帶紙巾😂😂泰式炒金邊粉 HK$78呢個金邊粉好似每枱必嗌咁金邊粉炒得好有鑊氣 而且份量都算大份味道同出面食嘅就冇咩唔同～泰式冬蔭公 HK$98呢個冬蔭公湯好有驚喜入面好足料 好多菇同蕃茄之餘 入面仲有三四隻大蝦蝦肉仲要係好結實彈牙冬蔭公湯味道酸酸地又唔會太辣 飲完一碗都仲覺得唔夠喉 飲咗兩三碗 飲到成肚都係水但好滿足😆順帶一提 呢間啲燒牛肉好出名一路食就一路嗅到燒牛肉嘅香味 好吸引🥲下次再嚟一定會點呢個食😋😋😋

終於介紹呢間食過至少10次既泰國餐廳佢好味既程度係佢係一間即使每次黎到都要排最少𝟐𝟎-𝟑𝟎分鐘 𝐰𝐞𝐞𝐤𝐞𝐧𝐝有時仲要排成個鐘隊 但係我都會去完再去食既餐廳(´ސު｀) ✿ 泰式燒牛肉 $𝟖𝟖呢個係枱枱都叫必食既燒牛肉!!我有幾次都特登買外賣返去食既一碟牛每碟燒牛肉都係即叫即燒 所以黎到仲係好熱辣辣我揀咗五成熟 牛肉燒到表面焦香 裏面仲係粉紅色既入口唔係超軟嫩嗰啲牛 不過牛味好濃同埋有肉汁( •̀ ω •́ )鐘意既仲可以點埋佢嗰酸辣醬汁一齊食係我食過咁多間泰菜最好味既燒牛肉呀!!✿ 醉貓海鮮炒河 $𝟖𝟖呢個炒河好有鑊氣 辣辣地咁好惹味🌶海鮮既份量都唔少有魷魚同蝦🦑🦐仲落咗大量既九層塔落去炒 香料味好重份量都好多 不過就有少少油 食完要飲返杯沙冰解解膩～

星期一嘅6:30左右去到 估唔到都已經排緊4-5枱 等咗半個鐘度入得 燒牛肉沙律 $98想食燒牛肉又想食燒豬頸肉 驚太多肉食唔晒就揀咗沙律 燒牛肉嘅份量比想像之中多好多 牛味濃 燒得香 又淋！沙律底就好多洋蔥芹菜蕃茄青瓜 撈左去辣辣地個汁超惹味!! 揀咗小辣不過都覺得越食越辣 但又好過癮🤪燒豬頸肉 $78呢個熱辣辣燒起好香 食落唔會覺得好肥好多油脂 反而好爽口 醉貓肉碎炒金邊粉 $78超大份既炒粉!! 夠乾身 唔油膩 除咗肉碎仲有好多豆角粒粒 個味幾好 不過唔知點解叫醉貓 😹招牌泰式咖喱炒蝦 $218本來以為隔籬枱炒蟹先至係一大碟 點知呢個炒蝦都係大碟到嚇親🤣🤣 個咖喱係加咗好多蛋落去嗰種所以一啲都唔辣但係就好香濃 擺上熱辣辣嘅蒜蓉包食好夾 3隻大蝦開咗邊好方便食 大大隻幾脆口蒜蓉包 $28識咁耐出邊條路一直有增無減 所以都明佢真係夠鐘就叫你要埋單 不過佢上菜都好快 所以都ok~

九龍城泰菜餐廳也試得七七八八，唯獨「泰金國」一直未有機會嘗試（因長期排隊），今日平日下午兩點多路過，就試試看。由於只有我一個人，即使很多想試的菜式，也無法一一點上。最後就點了午市套餐及小吃。《泰式金邊粉》每次去到泰國餐廳，通常都會點泰式金邊粉看看是否夠地道。一上枱不得了，熱辣辣，加上鑊氣夠，香噴噴，令人食指大動。份量亦非常之巨型，必定夠飽肚。最欣賞用了泰式蝦醬炒金邊粉，鹹香味夾上青檸的酸味，非常惹味又開胃，值得試試。《燒雞翼》燒烤部傳來陣陣烤肉香，眼看餐牌能一人吃下的燒烤只有燒雞翼， 點來過過口癮。雞翼烤得香脆，咬下內裏肉汁豐盈，好味到連平日不好雞翼尖的我也把整枝雞翼吃光光。總括而言，味道好，必定會再試，但極度建議叫親朋戚友一同品嚐，多點幾款菜式。

週末到有小泰國之稱嘅九龍城一遊，做完Spa，係時候醫肚仔。6:30pm途經泰金國，門口已經一排左一條長長嘅人龍，既然時間尚早，又唔太餓，就去排下啦！排隊排咗一個鐘，7:30先可以入座，餐廳內環境比較狹窄，枱與枱之間都很 close，餐廳沒有華麗嘅裝修，服務生大多是泰國姐姐，反而別有一番泰國風味。生蝦刺身新鮮彈牙，配上酸辣嘅醬汁，好好食！炸過嘅蝦頭，完全冇浪費蝦嘅每一個部份。飛天通菜好濃味，微辣口感容易入口。仲有烤豬頸肉，肉質爽脆彈牙，燒到好香，推介！冬陰功湯味道濃郁，偏辣，但又幾開胃。唯一比較不推薦嘅係蝦炒飯，食不出蝦膏或者蝦醬嘅味道。餐廳食物價錢優惠，全部都大大份，性價比高！

【良心性價比超高地道泰菜💛】九龍城多泰國嘢應該個個都知，次次都唔知去邊間食好😂今次朋友揀呢間係聽聞呢間燒牛肉好出名！朋友話平時要排隊🤪我地係晏就去就冇乜人😚總結唻講係推介❗️.🍴泰式乾炒(雞) (💰:$68)河粉炒得幾有鑊氣👍🏻料都超足，好多雞，蛋香都幾JENG🤣份量超大😆.🍴燒豬頸肉(💰:$78)燒豬頸肉份量超大🤣食落幾爽口，加埋個醬食辣辣地係另一個FEEL🌶.🍴燒牛肉(💰:$88)燒牛肉燒得啱啱好😆食落唔會靭，好JUICY👍🏻加埋個醬食辣辣地係另一個FEEL🌶份量超大😆推介‼️.🍴泰式香炒肉碎飯 (💰:$68)份量超大🤣炒到粒粒分明，有巨量肉碎，炒得幾入味，辣辣地👍🏻-💎推介指數: 💎💎💎💎💎💡性價比:✨✨✨✨✨(LUNCH SET抵食份量又大😍)🍴ENCORE指數: 💛💛💛💛(下次好想試蝦餅！或者皮蛋蝦餅🤩)-

九龍城既泰國菜真係好正❤️係由泰國人主理的 但如果想試 要比d耐性排隊 仲要帶埋風扇仔！因為真係好多人🥲-🍴燒牛肉 $88基本上所有既碳燒小食都好推薦✨✨✨因為真係好香碳燒味 燒牛肉燒得啱啱好 好juicy 同好香牛肉味👍🏻 唔需要任何調味都好夠味😋🍴泰式燒雞翼 $18/1隻一上枱 所有朋友仔都掛住食唔講嘢了😂因為真係好好食 個皮少少脆口 再加埋炭燒味 一流🍴泰式燒豬頸肉 $78如果唔夠喉 可以叫埋豬頸肉 一樣燒得好出色👍🏻唔會好難咬 又唔會太淋🍴炸蝦餅 $78🤣其實我覺得似炸蝦球多啲👍🏻成舊都好真材實料 啖啖都係蝦肉 抵食🍴泰式炒金邊粉 $78炒得剛剛好 唔會痴埋一舊 連埋d花生碎一齊食 口感好好🤤🍴菠蘿炒飯 $78中規中矩 但幾香菠蘿🍍味 撈埋d肉鬆食 口感更多層次

九龍城嘅泰菜出名選擇多同好食底食，呢間泰金國我每次路過都大排長龍，今次中午途經見唔洗等位又未食午餐當然要試下啦。叫左一個午餐泰式炒金邊粉，份量超多兩個人食都非常足夠，跟餐加左杯椰汁冰夠香濃正常發揮，另外叫左碟燒牛肉性價比超高燒得焦香，而且肉質軟淋價錢又平

之前喺呢間泰國餐廳門外匆匆經過，見到好多人排隊等食晚飯呢日專程嚟排隊試吓，未到六點半，門口已經有超過8⃣️組人排緊隊 🚶🏻‍♀️🚶🏻🚶🏻‍♂️🚶🏻‍♂️🚶🏻🚶🏻‍♀️🚶🏻🚶🏻‍♂️一邊排一邊聞到餐廳傳出陣陣燒肉香味，越等越肚餓呢🤤～～～ 等咗接近半個鐘被安排入座(其實係因為前面有啲人未人齊先咁快)坐定定就自己掃QR code落單🔸泰式燒牛肉沙律🐮🥗本來諗緊叫泰式燒牛肉定係泰式燒牛肉沙律，不過朋友想試吓佢哋嘅沙律，所以最後都揀咗🐮🥗落單嘅時候有得揀小辣，我哋揀咗正常辣無論賣相定係味道都相當地道，夠酸夠辣生菜、青瓜、蕃茄，再有大量生紫洋蔥不過，對於食辣bb學員嘅我就食到噴晒火🥵🥵，連我食得辣嘅朋友都覺得呢個正常辣唔簡單～🔥燒牛肉燒到medium rare左右，我哋呢一塊牛肉有啲肥膏、有啲筋～比較難𡁻～～如果可以烤得焦香啲會好啲～🔸炸蝦餅🍤蝦餅外脆內彈牙，調味合適質素符合期望，但冇太大驚喜🔸泰式鮮蝦膏炒飯🦐🥘賣相普普通通但味道唔錯，份量都幾多有蝦又有蝦乾，蝦膏味唔算好突出炒飯有蛋絲、蕃茄粒同洋蔥粒蕃茄粒同洋蔥粒都好甜，不過份量少咗啲，如果落番多啲配菜，唔係啖啖都係飯會仲好🔸椰青🥥椰青水清甜椰青肉嫰滑佢嘅菜

九龍城真係好多泰國好嘢，做完個泰式按摩再去食個泰國菜，真係正。食咗一條烏頭魚酸酸辣辣越食越開胃，佢嗰碟串燒嘅雞同埋豬真係一流，椰青水都好新鮮，炒椰菜苗都幾好食。雖然環境就細咗啲同埋逼夾咗啲，但係食物質素上菜速度真係一流，咁樣嘅質素四百幾蚊我覺得完全可以接受。因為今日得兩個人食試到嘅嘢唔係好多，所以下次經開一定會再食多次。我哋叫咗個幾樣野嘅份量都好合理，本身入去唔係好肚餓食完條魚都肚餓咗，佢嘅蒜蓉同辣椒酸酸美味真係好開胃。好可惜串燒太好食唔記得影相

⭐️泰金國今日朋友請食出pool飯（遲咗半年）🥰我哋最後去我屋企樓下食泰國菜🤩想去食嘅朋友記得請早，我哋排隊排咗一個鐘㗎🌝但係價錢親民又好食，所以都值得嘅🥰。同埋佢晏咗可能有啲菜會賣晒，所以想食嘅朋友記得叫男朋友幫你攞位👍🏻。椰汁沙冰$38👍🏻👍🏻👍🏻簡直出乎意料地正！超級香嘅椰汁🥥同濃郁嘅椰漿味😍真係好似食緊椰子🤩會話係全場MVP❤️去到一定要嗌。芒果沙冰$38 🥭反而芒果味我覺得麻麻地🤔芒果味比較淡，鍾意食芒果嘅朋友可能會失望😞。燒牛肉$88🤩🧆作為食肉獸嘅我哋，當然要試吓呢度嘅招牌！🥰真係冇介紹錯，份量大之餘仲好食😋我哋要咗五成熟，牛肉好嫩，仲有肉汁爆出黎🤩。蒜蓉包$28我就冇食到嗰個蒜蓉包，但係聽朋友反映好香蒜味，牛油好中，麵包好香口同酥脆🥰。炒金邊粉$78呢一個就中規中矩啦，冇咩特別🤔唔係唔好食嘅，翻譯唔會令我有想再返嚟食多次的意欲😂。炸蝦餅$68呢一間嘅份量真係好良心，外皮酥脆內心Q彈🥰 蝦味濃😋醬汁酸酸甜甜，好夾😍泰金國 (九龍城)九龍城侯王道9號地下A號舖