影片
港鐵尖沙咀/尖東站 B1 出口, 步行約8分鐘
繼續閱讀
電話號碼
63119111 (WhatsApp)
營業時間
今日營業
16:00 - 00:00
星期一至日
16:00 - 00:00
以上資料只供參考, 請與餐廳確認詳情
誤打誤撞搵到間隱世泰國餐廳，好好食仲好抵食，我哋一行六人，叫咗11樣賣單只係$1600幾🤩🤩老闆娘冇收我哋開瓶費，超讚😘！ 我哋由六點半坐到夜晚差不多十一點，完全冇限時，啲服務勁nice，屬香港少有嘅良心餐廳。我哋一致好評，真心值得推介！ 🙌🙌🙌🙌🙌客人唔多，我哋同老闆娘傾咗一陣， 原來廚師係泰國人，喺香港已經有十年飲食業經驗，怪不知啲餸菜全部都可以做到咁啱香港人口味。啲餸菜可以揀BB辣/小辣/中辣/大辣！我哋就全部叫BB辣同小辣😌🍤蝦餅 ～ 好食，彈牙！秘製醬顏色幾靚😂但偏辣，不過又同蝦餅好夾😋😋😋😋🍗牛油雞翼 ~ $60/6隻，幾大隻，抵食！😋😋😋🥚百花釀皮蛋 ~ openrice睇相幾靚，所以叫咗，不過味道比想像中普通，皮蛋乾咗DD，反而出面層肉夠味幾好食😋😋🦀咖哩炒蟹 ~ 隻蟹幾大隻，新鮮有膏！咖哩汁好好味少少辣，勁多葱/芹菜同洋蔥，好入味，夾手抓餅超好食！本來仲有配蒜蓉包，焗到金黄色超靚😍，我覺得單食都好好味😋😋😋😋🥬馬拉盞炒椰菜苗 ~ 幾惹味，好食，食到椰菜苗甜味😋😋😋😋🥩火山排骨 ~ 排骨新鮮好大件，唔算好入味，反而個湯酸酸辣辣好開胃超正，仲有勁多葱同莞茜，我至愛，yummy!!😋😋😋😋🥘 冬陰功海鮮湯 ~ 好味！個湯酸辣味啱啱好，海鮮有蝦有青口，大頭蝦幾新鮮，青口好大隻！😋😋😋😋🐦金杯鴿鬆 ~ menu見唔到，係老闆娘私心推介！一上枱就知道係心機手工菜。服務員教我哋先試原味，再加青檸汁試提昇咗嘅味，果然食得出層次，好正！對我黎講係幾辣，但好好味，個皮超脆，勁香口！😋😋😋😋😋🐽鹵水豬手 ~ 好淋，味道幾好！😋😋😋
繼續閱讀
同朋友聚會大家想食泰國菜，然後有人推薦食依間韓國街附近新開嘅泰國餐廳，話食過性價比高，所以我哋就去咗試一下。•🔸泰式生蝦刺身 $118食泰菜必定會叫泰式生蝦，呢到既生蝦夠大隻，口感爽口彈牙。鍾意食生蝦嘅人必定要試吓。•🔸泰式無骨鳳爪 $78無骨鳳爪數量都幾多隻，三個人食完全唔使爭。如果本身重想嗌埋沙律開胃但又驚食唔晒嘅朋友可以揀呢個，因為呢一碟嘅配菜同其他舖頭比較相對較多而且好新鮮，滿足咗細胃口但想食鳳爪又想食沙律嘅願望，係一個幾好嘅前菜選擇。(🤭小提示🌶️如果好怕辣嘅朋友可以同店員查詢返可唔可以減少少辣椒，因為佢哋味道都真係幾正宗，唔係得幾塊辣椒碎裝飾個種。)•🔸冬陰功海鮮湯(小辣)$198冬陰功湯可以自己揀辣度，唔會過酸過辣，而且有青口，魷魚同蝦，滿滿嘅海鮮，非常抵食。我飲冬陰功首要條件一定要熱辣辣，呢間餐廳最好嘅係湯會同火爐一齊上，一路㷫住，唔使趕住趁熱飲晒佢，或者有壓力驚凍咗唔好飲。•🔸泰式蝦餅拼春卷 $88我每次食泰菜都會掙扎叫蝦餅定春卷，但全部都叫又會怕食唔曬，呢度啱啱好可以滿足我兩個願望可以兩樣都食到。蝦餅外層好脆內裏好彈牙，春卷係網狀個隻，炸到金黃色好吸引，脆得黎有層次感而且有滿滿既餡好正。醬汁方面除咗平時每間都有嘅泰式甜酸醬，仲多一個帶有香料味比較酸嘅特色醬汁，同其他餐廳唔同可以換吓口味。最重要炸物放咗一陣都唔會即刻變到出油或者淋咗，重係脆既非常抵讚。•🔸芒果魚 一上枱大家見到覺得超有驚喜，原條魚份量好足，好多肉，加上有滿滿既青芒果絲，擺盤好靚好適合打卡。魚既表面炸到脆卜卜，但肉依然保留到嫩滑既質感，加上經過調味酸酸辣辣嘅青芒果絲，成個菜都好醒胃唔會因為炸左而覺得漏。(小tips: 呢道菜係無喺menu入面，想食嘅話可以預約時問一下。)———————————————💬總結，服務好細心，侍應哥哥除咗會先了解你食既辣度再比你建議之餘，重會成日留意大家枱面情況會唔會唔夠水，同埋都盡量收咗枱面唔用嘅嘢等我地坐得舒服啲。食物上你會睇到廚師嘅心思，我哋嗰日叫嘅每樣嘢都係好食同有水準，而且份量唔會少，性價比高。整體地方都好乾淨，枱同枱之間位置好寬敞好適合一家人或者聚會去。唯一係地點唔係地舖所以大家要多留意一下大廈名。下次想食泰國菜一定要去試埋其他菜式先得🤭亦都會推薦我啲朋友去試下👍🏻👍🏻👍🏻
繼續閱讀
誤打誤撞上樓食泰國菜真係大碟夾抵食，性價比高，環境舒適坐得舒服叫咗芒果魚，店員推介，上枱夠哂份量，配上芒果絲口感夠清新，好開胃火山排骨我至愛，一字排骨夠淋，最欣賞佢個湯底，味道好正唔會好似冬陰功湯咁酸辣蝦卷拼蝦餅都好好食，特別係個醬汁值得下次再光臨
繼續閱讀
同朋友食生日飯，第一次去試，入到去環境乾淨企理，三個人坐嘅位闊落之餘亦傾到計。見到餐牌價錢親民有驚喜。店員介紹咗兩個菜：一個係芒果魚，一個係炒花甲，朋友想食火山骨，我想食泰式鳳爪，再點多個生菜包同泰式拼盤！因為我哋幾個都唔食得好辣，落單前已吩咐小辣。芒果魚有驚喜成條魚都炸到好脆，骨都食埋，仲有芒果好鮮甜。火山骨都要賺，個湯好鮮，唔會得死辣！花甲係原來係店員即日喺街市買，所以限量供應，所以好新鮮！買單每人$300左右、好抵食，下次會再去！
繼續閱讀
同朋友係尖沙咀行街行到攰，咁啱見到呢間樓上嘅泰國菜好似幾抵食就去試下，店員推介我地食生蝦刺身（$118）做頭盤先作為海鮮控嘅我當然唔錯過啲蝦大隻得嚟仲要勁彈牙跟住試左個辣椒膏炒青口（$128）因為我唔係好食得辣所以本身都驚辣椒膏會太辣店員聽到即刻勁細心咁幫我同廚房講少辣個辣汁開胃到忍唔住要叫個酥餅沾嚟食青口吸收曬啲香料同辣椒嘅香味然後食左個滷水豬手（$148），一嚟到見到個份量有啲嚇親😂勁大碟🫨開始擔心2個人會食唔曬個滷水汁勁香，豬手肉完全唔鞋，好正送飯一流如果唔係有啲飽一定會叫個飯嚟撈豬手汁臨走嘅時候見到另一邊係卡位嚟個私隱度極高啱曬gathering 下次一定會叫多啲朋友一齊嚟食野🙂↕️
繼續閱讀