泰簡單

營業中

休息中

因為公司係銅鑼灣,所以平時LUNCH都成日去試新野,當初同事只係搵黃店支持去食LUNCH但食過一次真係覺得好好食,所以一定要介紹比大家去試下,宜家平均一個月我都最少食3.4次🙌🏻食物方面:LUNCH MENU 有10幾款選擇💁🏻‍♀️⚪️泰式鮮蝦炒金邊粉我係勁中意食金邊粉,而哩間金邊粉炒得好乾身,加左D魚露同埋青檸汁,更加開胃,鮮蝦都有成5,6隻好足料🤩好彈牙,有蝦味唔係急凍果種無蝦味☺️⚪️印尼炒飯炒得好乾身唔會好濕,味道岩岩好,飯上面配上一隻半熟蛋,仲有2串沙嗲豬肉串,份量好多👅⚪️星加坡喇沙湯麵湯底好香,椰香味好重,唔會太咸,味道岩岩好,上面仲有好多海鮮,3隻大蝦,兩隻魷魚,半隻糖心蛋,麵底好吸湯,好好味🤪加埋豆腐卜好正!.整體方面:餐廳裝修好令,一入去就見到連儂牆,可以揀座室內同室外,座位都好座得好舒暢,食物質素都好好,而且午餐都係$60-68😏價錢合理,細食既人可以3個人食2個餐,推介,支持黃店!!👍🏻

與男友偶爾找到這間泰國菜，一出升降機門口已經被店舖環境所吸引走進餐廳內，無論室外或室內環境同樣雅致員工都好有禮貌點了燒豬頸肉、冬蔭功湯，蟹肉炒飯同馬拉盞通菜每碟份量與一般泰菜餐廳比較都多，味道都好正宗一定會再去食！

前兩日同朋友仔去銅鑼灣食泰菜因為實在太掛住泰簡單嘅金枕頭, 所以再次去食 但兩個人食唔到幾多嘢, 嗌咗三樣嘢食就收皮啦<金枕頭>烤得金黃鬆脆嘅法包, 裏面包住甜咖哩, 中間混合咗少少嘅蜆肉, 味道好特別令人一試難忘, 係一種會上癮嘅味道<泰式五味鴨>泰式五味鴨嘅份量唔係好多, 下低墊咗一啲菜, 但係味道酸酸甜甜好開胃<飛天通菜>因為諗落好似好耐都冇食過素菜, 所以嗌多份飛天通菜, 味道偏辣<泰式蝦片>大食妹好鍾意泰簡單嘅泰式蝦片, 食落脆卜卜<凍龍眼茶>凍龍眼茶飲落甜蜜蜜, 係大食妹食泰菜嘅必備

星期四晚上，同一個frd去食泰國菜...之前一路都好想帶呢個朋友品嘗下呢間餐廳。仲記得早幾年係銅鑼灣做野，下午周不時都去呢到食lunch，覺得幾好味抵食，反而未試過食晚飯....今次終於有機會了....一出lift，整個環境都好泰國feel，望一望晚餐menu，發覺好似都有點貴....本來都諗緊食唔食，最後都係決定食😂入到去有分內外座位，我地見天氣清涼，所以選擇坐出面...都好chill下我哋睇完menu(抱歉🙇🏻‍♂️又忘記影menu)，叫了個泰式燒雞、魚餅蝦餅拼盤（各4塊）、金邊粉同兩杯beer (buy 2 get 1 free)...原本以為份量不大，但d餸一到，就發覺性價比不錯，$120-150一碟左右，但咁大份，絕對抵食....最後埋單：$580....價錢還可以吧，味道又正...推介推介

泰國餐廳成日食同音字「太」黎改名就好常見嘅，今次依間泰簡單係銅鑼灣都好出名就真係一啲都唔簡單，門口較隱蔽，位於總統頂樓，未入去已經見到好多得獎既展示一入去既裝修又靚又精緻，非常吸晴準備坐低你就知點解佢係頂層！！佢有天台既户外座位氣氛完全無得輸餐牌實在好多選擇，從豪試佢既得獎菜到中價泰菜到淨飲野都得先試下佢嘅生菜包，賣相不錯份量相對唔多，但香料足，味道正唔會太辣而又夠味，風味十足，生菜可以搵佢加既另外叫左個燒豬頸肉，份量特多，十幾廿塊燒烤味好香，做到外脆而都仲有肉汁既，肉質亦算嫩依個菜推介，送酒仲一流加多個泰菜必食甜品芒果糯米飯，佢擺成好似四方體咁芒果係上面飯係入面，係靚既食既時候飯仲熱，加上椰汁配埋凍凍地既芒果係正既飯既口感相當不錯，黏得黎唔會好硬，加埋個汁好夾到芒果大舊多汁，略嫌有啲酸仲叫左個Asahi Tower享受下天台户外飲嘢既正個tower都係唔使四百，同你去酒吧飲差唔多，仲有蝦片任你食，實在係抵坦白講淨係食個氣氛環境都無得輸淨飲野都正，食物又高質，地點又就腳，絶對大力推介#市區得好緊要但完全唔噪#到依家都唔明點解走廊有張床#好正但唔想太多人知太多人去🙈

免費嘅餐前小吃蝦餅最好食最正常冬陰功一百蚊2人分量少得可憐完全唔辣海鮮只有蝦一隻仲要開邊蝦肉係唔新鮮仲要係梅嘅冬陰公完全唔辣 椰奶太多 漿住不特止仲好重奶味成碗冬陰功只有蝦同草菇 完。泰式公巴魚 又貴又唔好食條魚睇落死咗一千年肉質死實冇鮮味炸完再落埋極重嘅調味料都覆蓋唔到 陣嘔味不過賣相有90分齋睇唔食應該冇乜事海鮮處理能力 -200泰式豬頸肉肉質雖然冇彈性 但刀工唔錯舊舊豬頸肉薄切平均有d咬口但估佢唔到嘅係好好地一塊豬頸肉配搭一種勁奇怪嘅醬汁 勁奇怪酸縮😩豬頸肉味道連新記車仔面都比唔過但已經係當中算最標青嘅菜小編已經寫唔到落去

經同事介紹黎到銅鑼灣樓上呢間泰簡單食lunch，如果無人介紹一定唔會識上上到去環境感覺係幾泰式既，店員都無香港人，好似幾正宗咁！嗌咗個lunchset既海南雞飯好快就有得食啦！賣相唔錯呀 但係味道就...雞就柴咗小小，飯就無乜特別 食落去無同事介紹得咁好食，但你話當普通食個飯係可以既環境真係幾泰國味，海南雞個味道就有待改善呀或者可能係我今日唔好運 食到呢隻雞 事關我之後上網睇都有幾多好評，希望下次會更好啦

朋友介紹就一起來了，門面都幾難發現，要上樓，但估唔到內裡裝潢勁靚好精緻，十分有泰味道。而且有室外座位，每張枱都有一盞小燭台，極有氣氛。不過我們怕熱便選擇了室內。星期六夜晚都唔算多人。店內有一張床不知是可以休息還是打卡用，幾特別。每張枱會有盤辣蝦片小食，卜卜脆，但後來結帳才知是要收費$13的。我們點了象啤，味道不錯，女仔都易入口。頭盤當然點生蝦，生蝦都夠鮮甜，是辣椒比較辣。小食方面點了串燒和炭燒豬頸肉，串燒有豬和雞，啖啖肉，又唔會燒得老，而且旁邊還有幾塊烘底三文治，配沙嗲汁不錯。炭燒豬頸肉也是，特配醬汁非常正。湯就一定揀冬陰公，味道調配得剛剛好，不會太重椰奶味又或者太酸。值得推介的就是金枕頭！好像是這裏的名菜，是一個大麵包中間配有咖喱蜆肉汁，非常香口！麵包更加外脆內軟，點醬食一流，必點！而且相對其他咖喱菜式已經叫比較平。然後叫了一個大桶飯，內裏包括有橄欖、蝦、肉鬆等配料，味道不錯，飯粒鮮明，但建議多人才點，份量都比較多，最後要打包。最後當然唔少得飛天通菜！是泰國菜的精髓啊。總括來說這間的味道是不錯，合乎水準，唯一缺點就是價錢太貴了，人均約350，不能經常吃。

食泰國菜水準最保持到應該都係呢間，食開小食拼、菠蘿炒飯、金邊粉。都煮得好有獲氣。加埋椰青就十分解喝啦！但有個缺點係佢個冷氣都幾鬼凍，凍到要著大嬲，之前吹到病左。

泰簡單？還是應該改名為「泰唔掂」/「泰難食」?以前差不多一個月去一次，有一排沒有去，最近見天氣悶熱，好想吃泰國菜，立即想起佢，誰不知，從來沒吃過這麼難吃的泰國菜，相信不是轉了大廚就是轉了老闆，希望大家不要中服,張相好似好正，係泰式拼盤，phad Thai,係未食之前影的，食左之後，其他食物如泰式鳳爪（冇味，唔辣，唔係泰式味道，有好多芫茜），燒牛肉沙律（冇泰式味，又係好多芫茜），本人吃芫茜，但不是大量加在泰菜上，冇心機影，簡直有中伏之感

食咗好幾年 宜家開始打OpenRice食評所以一定會諗到佢 好值得你寫一篇食評鼓勵呢間餐廳 千祈唔好執笠因為坐又坐得舒服有室內有室外 價錢雖然比起前幾年加咗價 但係銅鑼灣來講其實都OK外國親戚嚟香港探我哋所以就帶佢地食呢間泰菜泰菜必點都係果幾樣生蝦刺身嗰汁唔錯唔會太辣但係好提味招牌蝦餅蟹餅春卷泰式鳳爪拼盤超鍾意食個蝦餅同埋泰式鳳爪 蝦餅彈牙泰式燒豬頸肉一定要點 超嫩滑超好食燒得好香焗菠蘿炒飯黃咖喱泰式炒蟹其實我係鍾意食個咖喱蛋汁但隻蟹都幾多肉馬拉盞炒通菜好惹味好香椰青 珍多冰

👧🏻發覺真的好喜歡食泰國/日本菜式泰簡單也是我其中一間約閨蜜👭的餐廳原因是可以選擇露天位置坐餐廳🍴氣氛感覺幾好👍🏻👍🏻🔸炸蝦餅$79（4件）外面炸得脆口，內裡蝦膠好彈牙餐廳充滿泰國的風情

星期五Happy Friday 難得第二日day off就想同朋友們放鬆下💆🏽‍♀️，食餐豐富嘅晚餐。經朋友提議下，我地黎左呢間有露天座位⛱嘅泰國餐廳。一入到餐廳，侍應好熱情地帶我地到露天的位置坐低。隨即有侍應放低左蝦片同水。可能因為係星期五的關係，所以露天嘅座位幾乎滿座。😥餐廳氣氛感覺幾好，但一拎起個餐牌就發現有好大問題！！！因為燈光真係十分暗，睇餐牌真係有點吃力😓我地分別點左4個菜和1杯飲料🥤（評分：5⭐️為最高）冷盤：醃蟶子🌶🌶（評分：⭐️⭐️⭐️⭐️⭐️）個人認為呢道係最令人驚喜的冷盤一般的泰國菜餐廳只有提供鳳爪沙律、生蝦🦐等的冷盤，所以這道醃蟶子可能是這家餐廳自創的菜色。每隻蟶子上都鋪滿有洋葱、蒜頭、辣椒等配料味道酸酸辣辣，感覺創新而又不失泰國風味。👍🏽主菜：香茅黑椒牛柳粒（評分：⭐️）個人認為這道菜最令人失望🤦🏾‍♀️牛柳粒感覺炒得太耐 有啲韌雖然道菜加左香葉一齊炒但感覺一點都不像”泰菜”🤦🏾‍♀️主菜：泰式乾炒河粉(雞)（評分：⭐️⭐️⭐️）呢碟炒河就不過不失吧，除左雞同河粉，仲有荷蘭豆、芥蘭、椰菜花、紅蘿蔔等嘅配菜🥬主菜：青咖哩蝦球 （評分：⭐️⭐️⭐️）呢個青咖哩入面的蝦球🦐份量不錯，絕對唔係得一兩

之前係銅鑼灣返工同同事嚟過覺得唔錯星期日再嚟試下， 估唔到點幾鐘食飯時間竟然無乜人！難得紅日都有LUNCH SET仲要價錢唔算貴我叫咗個生牛肉湯河份量超級多（不論係牛定河粉）， 不過牛肉已經熟晒吉列洋蔥豬扒又係超大份明明MANU上係一塊， 不過上到嚟變咗兩塊皮係脆皮唔係吉列同埋D肉係霉㗎

還記得對上一次到「泰簡單」用膳的時候已經是數年前的事，當時這餐廳給予我的印象相當不錯，環境舒適又休閒，味道濃郁又惹味。因此，今次在銅鑼灣辦完事後，我便不禁令想起昔日的美好回憶，這亦驅使我到此用膳。當我到步的時候，這餐廳給予我的感覺就如以往一樣，泰式又休閒的裝潢令我頓時放鬆，同時又給予我舒適的感覺!而我到步的時候，正正就是下午茶的時間，所以我便直接從下午茶的餐牌裏點了香草肉碎蛋飯，然後再加$10點了一杯芒果汁。香草肉碎蛋飯香草肉碎的味道濃郁得來又香口，吃得到肉香味之餘，又帶輕微的辣勁，配上流心的雞蛋一起吃確實是不錯! 可惜的是雞蛋滿滿都油，吃上去確實有點油膩，同時白飯又不夠熱，所以吃上去有點失色!芒果汁芒果汁的芒果香亦算相當濃郁，味道又相當香甜，不錯!雖然這裏的環境依然，但是食物的質素確實退步了，希望他們能夠正視問題從而加以改善!