泰簡單

營業中

休息中

好耐無食過喇，今日因為個朋友想食泰國菜，佢就打左去book 位喇，所以我哋一行8人（岩岩好😛😝）就去食豐富的晚餐。不過入到去比較焗無咩冷氣，所以叫佢較番大d個冷氣，立即涼番曬👍🏿。我哋8個人都叫左好多款食物，有泰式炒河粉，木瓜沙律（小辣），生菜包（小辣），冬陰功湯（小辣），拼盤， 泰式金邊粉，仲有好多好多，有d都唔記得影相添🤦🏿‍♀️🤦🏿‍♀️。因為有朋友唔食得辣野，所以落單時都叫咗小辣，而且味道亦都相當不錯。每當有啲飽時，又食返啲木瓜沙律（開胃菜）又可以繼續食過😝😋😝😋食到最後梗係要叫番啲泰式甜品啦，差唔多每款甜品都好好味，有熱有凍的，我幻想自己好似去咗泰國旅行咁，實在太正啦🥰🥰。