218
79
57
港鐵銅鑼灣站 D4 出口, 步行約2分鐘 繼續閱讀
電話號碼
2838 2896
獎項殊榮
最優秀開飯東南亞菜餐廳 (2009)
特色
慶祝紀念日
營業時間
今日營業
11:00-00:30
星期一至日
11:00-00:30
付款方式
Visa Master 現金
座位數目
170
其他資料
Wi-Fi
深夜營業
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座
外賣服務
加一服務費
室外座位
食評 (381)
太滋味的泰味 焦點食評
等級4 2017-03-14
2151 瀏覽
食泰菜係米真係只有九龍城?去銅鑼灣食泰菜真係唔知去邊度食,睇睇下op食評,remind返我仲有呢間!咁耐冇黎,緊係打去book枱先,8.30去到好多人等位,好彩有book!呢間泰菜同九龍城個D又好唔同,比較contemporary D,裝修亦係新派加泰式佛的details,加上柔和燈光,感覺舒適。等位area都充滿oriental特色。過左露天area仲有間小屋,用草蓆做ceiling,吊左風扇,又幾有泰味喎!先送上餐前小食($13),蝦片好脆又好味道,如果可以不斷refill就好。醃鳳爪($76)真係幾辣,好惹味,有好多配菜,青瓜、西芹、蘿蔔、洋蔥、番茄仔,既健康又開胃的前菜。肉碎生菜包($84)豬肉碎炒得ok,生菜亦新鮮,但係味道相對就普通D,可以試其他菜式。香茅豬肉絲燴銀鱈魚($168)呢個fusion菜值得推介一下,呢個組合幾特別,好少係其他泰菜館食到。香茅豬肉十分香口,銀鱈魚亦非常juicy,有3塊,份量也不算少。面放了數條翠綠色的蘆荀和金黃色的apicot,賣相吸引,食慾大增!最後真係唔可以miss桶飯($95),好食到暈!材料有蝦、豬肉乾、欖角、肉鬆等,口感一流,層次豐富。蝦新鮮爽口,欖角和肉鬆增添不少味道,下次必點! 繼續閱讀
(以上食評乃用戶個人意見 , 並不代表OpenRice之觀點。)
十二道泰味 焦點食評
等級4 2016-11-22
3416 瀏覽
最近秋風涼爽,最鍾意就係BBQ或者露天食飯。但係係港島區,呢兩樣都好難做到。諗起銅鑼灣的泰簡單有露天區域,就打去Book位食個靚飯。實在太多人了,一行6人去到都重要等一等先入座。露天最舒服既就係有少少風吹過,加上望到個天空,心情特別好。泰燒豬頸肉,咬落去都有不少肉汁,口感比較軟身不夠紮實,可能有用過梳打粉去鬆肉,影響口感。炸蝦餅好出色,所有蝦餅炸過後一開二,表面炸得脆身,而入面的蝦膠好彈牙,味道不算重,配上泰式辣醬岩岩好。冬蔭功(中),大約可以盛到8-9碗,份量十足,好多蝦頭同蝦身(分開哂)。味道不算太辣及太酸,味道易於入口。蝦肉的口感唔錯幾結實,好開胃。要食咖喱當然要食薄餅啦。薄餅煎完之後比較硬身,餅身不夠鬆軟香口,好普通。泰式肉碎生菜包好好味,辣味好過癮,酸酸辣辣好開胃,包哂係生菜包入面,口感大爆發!泰式炒通菜,冇咩特別,炒得比較油膩,麻麻地木瓜沙律,味道偏辣,幾酸下。唔食得辣的朋友唔好挑戰。豬牛雞串燒,真心係麻麻地,肉質全部都好有鬆肉粉的感覺,不夠結實香口。沙嗲醬都冇咩特別,唔夠出色。泰式炒金邊粉,呢個好食,味道岩岩好,好香口。金邊粉炒得乾身,配上花生碎,好味道。豬仔脾咖喱,豬仔脾煮得好軟身,用叉輕輕一撥已經可以拆哂D肉落黎。煮得好腍反而冇左豬仔脾特有的肉質口感,亦都冇哂豬仔脾毛身的味道。咖喱的味道係唔錯既,配上薄餅食都幾好味。忘記了名字的泰式炒飯,口感有點濕潤,味道非常好,唔會辣,好香口好味。推介!泰國嘅糯米飯大家就食得多啦,但你有冇食過紫米嘅先?芒果肉大大粒,夠甜,而且唔酸,好好味😋紫糯米有別於平時嘅糯米,口感更加煙韌軟綿綿。而且紫米嘅香味比較濃,所以味道更佳。配上少許椰汁,味道十分滿意 繼續閱讀
(以上食評乃用戶個人意見 , 並不代表OpenRice之觀點。)
等級1 2017-05-19
56 瀏覽
女服務員服務差,落錯單仲唔認,仲要比佢黑面反屈,叫加水又扮睇唔到。酸辣海鮮粉絲湯,無酸辣味,得甜味,仲有花生碎,味道九唔搭八,有點怪喇沙麵又唔夠椰漿味木瓜絲沙律味道一般 繼續閱讀
(以上食評乃用戶個人意見 , 並不代表OpenRice之觀點。)
等級3 2017-05-14
102 瀏覽
餐廳喺總統戲院樓上,不過樓上餐廳依然人多,有室內同室外坐,不過環境通風又有風扇冷氣,所以即使室外都唔算太熱。餐前小食先有蝦片生菜包肉碎份量唔多,味道都算幾辣。名叫金枕頭,即係麵包盅入面有蜆肉咖喱,麵包好香脆,咖喱偏甜,如果再多啲咖喱汁就好啦。蟹肉炒飯,其實味道唔差,蟹肉都算多,但賣相真係比較頹,一個大碗裝住,好似大碗飯咁,同餐牌張相有啲分別囉。不過最可惜嘅都係冇生蝦,搵晒成個餐牌都唔見有生蝦,問返侍應先知原來呢度唔賣生嘢。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-04-21
446 瀏覽
銅鑼灣食店成日換新,無邊幾間捱到貴租,行過發現原來泰簡單都依然存在,所以今晚就同朋友上黎食飯。 記得良久之前都已經嚟過泰簡單食飯,都幾好味,仲記得招牌菜金枕頭好正,今次要再試下。  今次我地坐 outdoor,有泰國 feel,今晚唔太熱,唔太多人,飲啤酒吹下水,氣氛一流! 如果怕熱,可以人土室內,地方都好寬敞,不過冷氣好大,要帶外套仔。  我哋兩個人叫咗四個餸:冬陰雞湯 $ 69冬陰公唔太辣,都夠足料,適合啲唔鍾意太重口嘅人,所以我就覺得麻麻地,我prefer 一飲落口就食道發熱果重辣虎蝦蛋網炒貴刁:即係 pad Thai  $108Pad Thai 就炒得好乾身,味道正宗,個粉都好爽口,呢個就值得 encore。金枕頭:即係法包+咖喱+蜆肉 $110 份量都幾大,兩個人真係食唔晒。今次個咖喱唔夠味,味道唔突出,一般般,係有d失望。芒果糯米飯 $50食泰國菜一定要食埋芒果糯米飯,佢個糯米飯唔太甜唔太椰,好多芒果,芒果都夠甜,正!今次都可以話不過不失,以前覺得好好食嘅金枕頭,今次就覺得水準一般,不過銅鑼灣兩個人食人飯,一個人頭$200 唔洗,其實都係算性價比好高,食物份量都算大,一大班 Friend 嚟就仲正。 繼續閱讀
(以上食評乃用戶個人意見 , 並不代表OpenRice之觀點。)