泰皇閣泰國菜館

營業中

休息中

九龍城出名食泰國菜，而泰國餐廳亦有好多，今次去食的泰皇閣，非常有驚喜，好值得推薦給各位朋友。一開頭叫左個蒜蓉包同燒雞全翼，蒜蓉包焗的時間控制就好重要，太耐會太乾，太短又會唔夠香口，呢到就候到夠脆又唔乾，蒜香味融入到包中，好能夠帶起食慾。燒烤方面，雞全翼都幾大隻，外香內嫩，質素亦十分高。主食有椰青海鮮炒飯，泰國菜菠蘿炒飯就食得多，椰青炒飯都比較少見，試過原來都另有一番風味。炒飯用埋上大量海鮮，仲有新鮮椰肉作配料，椰肉非常爽甜，味道唔太濃，岩晒淡口少少既朋友。秘制泰式炸豬手，由於係用油炸而家，豬手外皮非常脆！ 而餐廳早貼心地將豬手切成小件，令我們不用費勁去切開，細節位亦大大加分。

同朋友二人聚會，朋友好想食泰國菜二話不說就走到你九龍城搵食。你間餐廳唱上面有一啲推介嘅菜式，有埋圖片，睇見都流口水。正正因為見到佢推介呢個蛋包金邊粉，我哋都忍唔住叫咗一份。第一份到既係生蝦刺身，生蝦肉質彈牙好新鮮，個醬汁酸辣適中好野味。龍眼冰同芒果沙冰，龍眼冰有好多龍眼喺度甜度適中，芒果沙冰飲落去充滿着新鮮芒果味，解辣又解渴。叫咗泰式串燒一半豬肉一半雞肉，估唔到豬肉咁爽口，調味好有泰式風味。馬拉盞炒椰菜苗， 每次食泰國菜都必點嘅菜式，好香口，椰菜苗一般地方好少食到。大蝦蛋包金邊粉，淨係睇個賣相都超吸引，啲蝦肉好爽口，金邊粉炒得剛剛好。仲有一個泰式明爐蒸鱸魚，魚肉好滑，配上泰式汁料好好味今晚餐晚飯食到超滿足，下次再想試吓佢個青檸安格斯牛👍🏻

父親節的星期六打算到九龍城食泰國茶，想試一下未曾試過既餐廳，最後在openrice見到這間好像挺多好評下就訂了座位。環境其實比九龍城其他泰國餐廳乾淨些，坐的話都叫幾好的。但一打開餐牌就覺得比其他泰國餐廳的食品少，價錢亦偏貴，最後埋單6個人一千多。叫了咖哩炒蟹，咖哩只有色和加了蛋黃花在面增加了一點黃色，是完全沒有咖哩味，連聞都只能聞到很少咖哩味。另外叫了蒜蓉包點咖哩食，成餐飯最滿意的就是蒜蓉包…小食盤還可以…炒菜沒有味，辣又不夠辣，一點味道也沒有……菠蘿炒飯也是只有顏色……吃到懷疑自己失去味覺😑😑😑😑冬陰公份量偏少，然後又不肯幫我們點火，又不夠熱。雖然不能說難吃，只是沒有味道，九龍城那麼多選擇，我只能說這間可一不可再。

想去九龍城食泰國野，但唔想又食小曼谷，見呢間open rice d comment唔錯就試下。好不幸食完當晚即刻瀉，即情要飛車翻屋企個隻，女朋友第二朝亦肚痾。野食都好多味精，我地翻到屋企飲咗幾杯水都仲好頸渴。話就話唔加一，但五道菜兩杯野飲，加埋都要六百蚊。咁既食物質素，唔會有下次了。生蝦，極大機會係因為呢個肚痾。冬陰功最正常。馬拉盞炒菜，都係唔香的。軟殼蟹咖哩，咖哩還好， 蒜蓉包都夠脆，但個主菜好唔掂呢！軟殼蟹唔熱唔脆，明顯反炸，收成百幾蚊，比小小質素好無呀？！蝦餅，完全無蝦味，我以為自己嗌咗魚餅呀大佬。突登揸車去九龍城，又唔好食又貴又肚痾，灰。

九龍城小泰國之稱，個個都吃thai,由於就泊車，於是停到邊吃到邊，隨機地選到呢間野，見佢有泰國人叫我們試下就入去試下。 見個牆上有推介，而且配堆法包，不過到在台上個軟殼蟹好腥。。。。個咖哩汁就好好味，所以最後我地無完成個蟹，吃晒D汁。蛋包炒thai金邊粉，個蛋包真係好硬，但個粉炒得還好，加堆花生碎最好味。炒得很香口，但份量感覺很小，新鮮菜，like!泰式煲，個底湯好咸，碗仔次feel,  一般。呢個最好味，個糯米不會太熱，暖暖得加上棷汁，好好味，最like呢個菜式環境位置很小，背對背坐。幸好，我們早到早吃完未有人在背面坐。離開時，開始有兩三台客人要進入。

早兩日同好姊妹食飯，佢話想食泰國野，於是得我就OpenRice 咗呢間餐廳。兩個人叫得唔多野食，但勝在份量剛剛好，夠晒兩個人食。蛋包鮮蝦金邊粉睇佢張相已經覺得好吸引，有好幾隻鮮蝦係上面，炒得幾入味，蛋真係整到網狀，好厲害，酸酸甜甜好過癮又飽肚，其實金邊炒同蛋都幾夾！香葉辣椒炒海鮮落單時叫佢唔好炒咁辣，上到枱味道剛剛好，唔太辣，有好多海鮮：蝦、魷魚、青口；加咗香葉炒係好正好香濃！送飯送麵都唔錯。冬陰公（小）小的冬陰公其實都有四碗份量，有兩飯大蝦，好多菇，酸味同辣味都配合得幾好，唔會搶過另一隻味，正路煮法。

平時很少吃泰國菜，因為老公怕吃辣。但今天在九龍城，路過一間叫泰皇閣泰國菜館時，老闆就站在門口跟我們介紹一下不辣的泰國菜式，所以馬上入去試一下。首先點了一個脆肉炒芥蘭走辣。芥蘭好新鮮，因為吃下去莖的部份很鮮甜。脆肉有點像五花腩燒肉，但一點都不油膩，而且咬下去很爽口，超級邪惡。泰皇閣招牌炒飯，好豐富。炒飯蓋上煎蛋和大蝦，賣相就已經很好看，炒飯內有提子乾，大大隻青口，加上蕃茄汁酸酸甜甜，好開胃呀。最後加了兩隻泰式燒羊架，肉質很軟熟，咬下去很有口感。最後到甜品，當然是香芒糯米飯。很喜歡吃泰國的芒果，因為就算全未熟都是很鮮甜的。糯米飯煮得剛剛好，軟軟綿綿加上椰漿的香味，很好吃。還有只要上他們的Facebook專頁給個讚，就可以得到一杯雪糕。一個完全不辣的泰國菜，但也感到很有泰式味道。

之前無耐先嚟過九龍城，不過無計，朋友指明要食泰國菜，要食泰國嘢一諗就諗到九龍城，佢仲有埋餐廳介紹埋，就算放工搭車過嚟唔係太方便都要出席💪🏻💪🏻話晒九龍城好多泰國嘢，都行咗一圈先搵到，泰皇閣店鋪不太，但平日都差唔多8成坐滿，有信心保證，之後再望落餐牌，價格算合理水平，可以放心叫🤣🤣食泰國嘢第一樣要叫嘅當然喺冬蔭公湯，印象中好似70-80蚊，但個size都幾大，再嚟湯入面都足料濃味，至於味道無偏酸或偏辣，算係適中，熱哄哄呈上枱之下好快就入晒，二個人平均每人都入到3碗👍🏻👍🏻另外叫咗青咖喱雞配薄餅，青咖哩汁配包/薄餅最好味，呢到嘅薄餅薄身易咬口，亦吸汁👍🏻👍🏻至於青咖哩雞都好足料，有我最like嘅泰國茄子🍆😂😂蛋包金邊粉喺餐廳嘅推介，上碟時感覺個蛋煎得幾靚下，不過食落熱哄哄，金邊粉炒得夠乾身並唔油膩，唔錯唔錯，配埋炒芥蘭同埋泰式奶茶中和番以上幾碟重口味嘢食，啱晒，兩個位最終食得happy

九龍城有兩寶：一是潮州菜，另外便是泰國菜。食店林立，今趟一試新式泰國菜。 生蝦刺身比平時的更大、肉質更厚實。醬汁火辣得非常過癮。 鳳爪沙律鳳爪也算是多，配上清爽的芹菜、青瓜木瓜絲，作為前菜也是不曾錯過。 以下三樣我會放在我的龍虎榜頭三位，可能不是最精見的生菜包、串燒、明爐烏頭等，但對於愛好泰國菜的人士，幾款都能夠獨當一面、突圍而出。 泰皇秘製燒鰂魚鰂魚為淡水魚，魚味比咸水魚的較淡，但將它炸成班球，完全沒有魚骨，配上泰式醬汁及其配料，不論是賣相或是味道都相當吸引 青檸配安格斯又一道新菜式，半生熟的安格斯，又有酸酸甜甜的青檸汁，異常合襯。 炸蝦餅份量大而且細心地開半，可以大家一起分享。這裡有時會有特定的promotion，但若然三五知己聚首，卻是一個非常好的選擇。不過，飲品方面就較為遜色，價格偏高但款式不算出眾。另外，店員也不算太細心，至少入座便該奉上溫水。除此之外，我相信叮叮也是十分滿意，原因就是我們重遊舊地，踏遍我們走過的路。

預早兩個星期book 枱食母親節晚飯，媽媽喜歡食東南亞菜，打過去好幾間，都係商場入面既食肆，一係無大枱，一係指定食套餐，話母親節當日只做套餐，我都R頭。最後媽咪話食返附近餐廳得啦，咁就book 返泰皇閣。點知接缐生話得6pm / 8pm, 而且6pm 已經fully book ... 無計啦。 8pm 係第二場，門口仍然有好多人等，見侍應出出入入，超忙，好多一家大細，最後都等到8:30先可以入座，算好彩！ 格離枱個𡃁仔倒瀉湯，見老世親自抺枱抹地，攪到有D人要8:45先可以入座。雖然今晚等左好耐，落單後廚師忙中有錯，但係佢地好識做，特登煮D傳統菜，好少廚師肯做。 埋單時又送花畀母親，真係體貼，有氣氛。總括而言，味道都無因為人多而失水準！最後見無咁忙，同老世吹水，我唔明其他食肆係母親節當日只可以點套餐，原來係有原因！主要係廚房一次煮一式幾份，無咁忙，又方便落單，食客快快脆脆食完bye bye , 今晚又長知識了！

來到九龍城，當然要試試這裏的泰國菜，今次選擇當中的佼佼者，泰皇閣泰國菜館！去到泰國便一定會看的椰子水，所以買到九龍城吃泰國菜也一定會試試椰子水。這杯椰子水的味道比較甜， 70分。至於椰奶三色冰，比想像中好飲，吃得出椰奶的成份很高，不是只是落砂糖的飲品。75分。炒蠔餅,一看到這個炸到金黃色的蠔餅便知道這味不簡單，脆得來又不會有燶，火候剛剛好！吃上去卜卜聲非常有口感！85分！至於這味炒飯也不錯，但是也僅是合格水平以上。60分。雞肉和豬肉串燒都不錯，味道中上， 70分。值得一題的是這間店舖有老鼠....我們這家人和後面的那台人也看到了在佛像後面有老鼠不停走來走去......

諗起九龍城你一定會諗起泰國嘢！今次試下呢間，雖然鋪仔細細其實幾舒服，掌櫃招呼好殷勤，同食客有說有笑！那天晚上下著雨估唔到落晒雨都可以坐滿。上菜仲超快添，真系估佢吾到。那天晚上好想吃燒烤嘢，就揀左個1. 泰王秘製鯽魚- 鯽魚先走油再加啲木瓜沙律底舔埋汁食，味道啱啱好2. 燒雞全翼-即時滿足了想燒野食的慾望，味道唔太鹹，感覺健康3. 泰式燒羊架- 好入味，好「淋」好味！還好像食到有紅酒的香味再加個椰菜苗-必食泰國菜飲品：椰青，芒果沙冰 （椰青清甜到一個點，超讚)最抵讚係沒有加一架

泰皇閣這天我约了家人在九龍城吃晚餐，來到這個泰國美食雲集的地方，我們當然要選擇泰國菜作為今天的晚餐，經過親友的介紹，我們決定來到這間泰皇閣試一試，店內環境清潔衛生，店內坐滿了客人，而門外亦有客人在輪候，證明食物的質素應該差，餐牌上的選擇很多，還有電視節目直播，供客人收看細冬陰公($76)冬陰公味道辣中帶點酸，非常地道，十分有泰國的風味，茹軟彈煙韌，份量非常多，足夠數人食用，十分抵食炸蝦餅($73)食物是即點即炸，所以食物的温度很高，蝦餅外脆內嫩，是用新鮮的蝦肉打成的蝦餅，炸成金黃色，賣相十分吸引，配上泰式甜酸醬，非常惹味，用細碎的生菜絲鋪底泰皇閣招牌炒飯($88)茄汁大蝦非常清鮮甜美，將蛋雕成蜘蛛網，十分有心思，炒飯粒粒分明，飯的質素很不錯，還有新鮮番茄，車里茄和青瓜的配料，份量非常豐富，非常抵食馬拉盞炒通菜($62)通菜十分爽口非常新鮮，馬拉盞的味道恰到好處，不會太鹹椰青($32)椰青水非常清甜，價錢算貴整體來說，食物非常有水準，食物的選擇很多，食物的份量非常多，食物的用料非常新鮮，食物的賣相非常不錯，食物是即點即製的，食物的温度很錯，食物的定價相當大眾化，又不會另外收取加一服

1）入座後坐了成大半個鐘，落單後問左幾次想要水，侍應不停叫我地等陣，等到最終我地要自己去便利店買枝裝水去餐廳。埋單時，同侍廳反映返，仲串我地話「我地無收加一，所以無水」其你一早講係唔提供係無問題，唔好話等等等，等到最後仲串串貢囉！2）上菜極慢慢慢慢，差不多等了1個鐘先上到3道，人手極度不足，見全場所有客都呆等同燥晒。上菜次序錯晒，首先來炒飯炒河，再上冷盤前菜，最後上小食（而碟菜係失蹤一個鐘都炒唔到，催單，得到答覆：「我地炒菜同煮其他餸係分開兩個廚！」其實你幾多個廚關我咩事？）錯單又計錯錢，建議大家check單。杯珍多冰都等左一小時都無來到。食物方面，泰東生菜包、菠蘿炒飯都唔錯。蒜茸包係淋嘅無toast過；咖哩軟殼蟹好咸，蟹係蟹毛仔咁細；廚師推介嘅燒牛肉青檸完全無味。總結：受氣、浪費時間等，味道同其他九龍城的泰菜都差唔多，唔係突出。建議大家唔駛來，免得食到一肚氣，食完仲要去附近餐廳搵宵夜食。

今晚入九龍城食泰國菜，揀咗呢間泰皇閣，舖頭細細但好好生意，好彩有訂位〜坐低叫咗杯龍眼冰解渴先，好清甜，好多龍眼肉，十分有誠意！菜式方面，要咗個必食的生蝦刺身，處理得好乾淨，新鮮彈牙，特別是個酸酸辣辣泰式醬汁，唔係死辣，同生蝦好夾。蝦餅拼春卷，一次過滿足哂兩個願望；蝦餅炸得好靚，鹹香味相當重；春卷外皮香脆、內餡多汁，而且裡面啲木耳紅蘿蔔好多好足料，最喜歡呢道菜。另外老闆推薦蒸魚，就即管試一試個盲曹魚，十分新鮮又嫩滑，無介紹錯。仲要咗個海鮮炒飯，水準以上，好滿意。