泰潮 (嘉咸街) (已結業)

這天在中環午飯，這餐廳大門以米芝連三隻大字作為招來，午市大約一時一般都要稍為等待。這天一個人去，只要問問店員就會很快安排座位，除了地舖還有閣樓二三十餘座位。這次叫了胡椒豬肚湯河，帳單作寫真野：唐人街粿條。個人很喜歡粿條，在香港比較少見，早幾年在馬來西亞檳城吃過類似的，倒忘了是不是同一樣食物。這「湯河」很夠胡椒，但不會辣，個人不愛吃辣但很喜歡吃胡椒味。還有些不知名趣趣伴碟？我想是倒到湯裏一起吃的吧。豬肚不會很大塊都剪到適中大少。沒有很「蘇」的味道，都給胡椒味蓋過。還有小甜品和餐飲。可以走飲管，值得一讚

我喺中環區成一個套餐，通常都要$90，但係一間嘅下午茶餐都只係$45，仲包你小食同埋甜品，仲有超正宗嘅泰式奶茶。叫咗一個海南雞飯，不過因為下午茶關係份量比較細，但係對於女孩子來講就夠食啦。雞肉嘅肉質好滑，而且雞皮嘅油脂唔多，配上醬汁真係好好食。正宗嘅泰式奶茶香港買少見少，甚至喺泰國點都係飲緊港式奶茶。佢哋嘅青瓜辣辣地，配飯都唔錯。仲送咗特色嘅冬瓜湯，咁多樣加埋都只係$45，聽聞午餐價錢就要$60左右，下次都可以試吓。

星期五既夜晚去完ifc買野去揾野食比我揾到間泰國野雖然之前聽過依個名但未食過一於今日試下佢 啲staff服務好好叫左兩個一人餐包碟飯，有湯，野飲，小食問甜品around $88到一個依個係紅咖哩雖然牛腩好少但係個汁好好食 唔辣有椰香唔夠肉都食曬個飯再黎叫左個海南雞飯個油飯有驚喜 真係好有雞油香飯食個有咬口雞就一真係有雞味嫩滑野飲同其他野顧住食影漏左但係串燒同雞翼都無得輸好juicy沙嗲串燒汁好好味叫泰式奶茶就冷熱飲都唔洗加錢甜品係椰青大菜糕總括黎講，係中環食到咁既質素咁既價錢絕對合理

我見健康食品拉麵多人排，就行左去咗呢間泰潮。未試過，就試吓佢。一入門口,見到佢個出菜出緊碟香茅豬扒飯，豬扒上覆蓋住一層立立令嘅啡色芡汁，個心當堂打個突。入到去，見到十枱有九枱食海南雞, 我唔信邪，叫咗個泰式豬手飯。 結果，悔不當初。豬手肥到核爆，完全無鹵水味，有幾片豬大腸同半隻蛋，最難頂係飯面頭果一大pat深色芡汁，疑似係香茅豬扒同一pat芡汁。點解泰國野會有芡汁? 仲要係一pat都唔知係咩味嘅芡汁！到底我食緊啲乜嘢？！唔通呢度淨係得海南雞食得？咁你唔好賣其他野嘛！好辛苦食左一半，頂唔順放棄。杯泰式檸茶，用的不是泰式青檸，味道又是怪怪，飲兩啖就棄左。仲有個椰汁糕甜品我都無食。呢個set要$80。唔好講中環唔中環，唔好講米唔米芝連，你收人$80俾呢D質素人食, 有冇搞錯？！你好意思嘅？！$80，我去你對面間日本野夠食碗好食你一千倍的拉麵了！好奇怪的係，我見食評大多數都係激讚，就算批評都好留手，用詞好克制，只係話味道「令人失望」。係我唔啱，我食左又貴又難食嘅嘢總是特別激動。呢間野，永遠唔會有下一次。

lunch嚟食飯，唔知係咪因為星期五嘅關係，所以等位都等咗好一段時間。呢間嘢嘅海南雞好似好出名， 所以我就叫咗海南雞lunch set.佢個set呢係跟咗一啲似係上海拍黃瓜咁樣嘅醃青瓜，都幾好食，特別係夏天嘅開胃因為怕肥，所以我轉咗白飯，但朋友話油飯都好食！啲雞呢就算我唔轉脾，都係好滑！set係仲有一個湯嘅同埋嘢飲。額外嗌咗碟菜，12蚊，比較細碟，不過我想食健康d! 而且通菜佢係用上湯煮，唔係用腐乳炒，我覺得好好！整體上啲食物係唔錯嘅，不過等位耐啲，同埋間店舖比較細，環境只係一般。中環嚟講 100蚊到算係咁。

相約朋友於中環食飯，朋友介紹這間榮獲米芝蓮推介的泰潮。一間夠平民地道的泰菜店，是有什麼讓人驚艷呢？我們2人選了晚市2人套B $298，因為包括了必點的海南雞，另菜式分別有：冬蔭功湯 ： 用火爐加熱著，冬蔭公湯味道微辣而不搶，材料豐富有蝦，草菇，茄仔等。蝦夠彈牙，無得輸。泰式炸蝦餅拼春卷： 蝦餅金黃鬆脆，蝦膠肉爽彈，而春卷好脆口，蘸酸甜汁味道一流。泰式青木瓜沙律： 很喜歡這沙律，生青木瓜好爽脆，加埋泰式沙律汁及少許辣椒調味，酸甜好醒胃，好合夏天食用。亦中和下吃了炸物的膩感。招牌咖喱牛筋腩：泰式咖哩不辣而惹香，沒有椰汁調味但也很香濃，牛筋腩肉質軟腍。份量足還有薯仔等配菜，配飯吃真是一絕！泰潮海南雞(例牌）：來到招牌米芝蓮海南雞，脾及胸各半，雞油豐腴，肉質鮮嫩，喜愛雞脾肉咬下滑溜溜，遜即溶化！而醬汁是特制的泰式醬油及酸辣汁，醬油出色味道不咸，提升層次！果然名不虛傳！黃油飯不油 ，軟硬剛好！泰式炒雜菜：椰菜 木耳菜心還有菠蘿，炒得剛熟有嚼口。味道清爽！套餐十分豐富，還有泰式甜品呢！ 兩人捧住肚離開。食物及環境均令人回想去泰國旅行的情景，而且價錢實在性價比太高，吃到念念不忘有質素的海南雞，值得推

Happy Friday 同細佬入中環食泰國餐餐廳位置隱蔽，係小路入面，地鐵係上環行去近d餐廳裝飾好有泰國style，感覺簡潔地道！6:30pm去到可以直接入座～二人餐好豐富8款加埋都唔過$300，有齊我同細佬想食嘅嘢食泰國菜必叫鳳爪辣勁十足！帶有微酸，好開胃！份量多札肉肉碎湯係專人送上，用個迷你火鍋爐裝住，專人再幫手分成2碗個湯好多料，札肉香口惹味。細佬飲咗2碗！雜菜新鮮，款式同份量都幾多，蒜味幾濃炸蝦同春卷脆口惹味，配埋雜菜食，感覺冇咁熱氣細佬極贊牛筋腩咖哩，咖哩味似港式咖哩，牛筋腩大大件，煮到軟淋，配飯一流一碟例牌海南雞，雞肉嫩滑，沾點泰式甜酸醬食，味道絕配最後仲有椰汁糕甜品，為豐富嘅一餐畫上句號埋單$300都唔過，絕對超值

餐廳外有個懷舊三輪車，可以影相打卡。餐廳內牆身貼上懷舊牆紙，天花掛上紅紅嘅燈籠，十分搶眼。冬陰功湯酸辣度合適的湯底，配上豐富材料，有鮮蝦和菇類，而而且十分開胃。泰式炸蝦餅拼春卷蝦餅超級大份，外面香脆，內裏彈牙，鮮味十足。春卷都是脆卜卜，內裏以疏菜為餡料。酸辣鳳爪個人最鐘意泰式鳳爪，酸酸辣辣，清脆爽口，十分開胃。招牌咖哩豬頸肉香濃特製咖哩，充滿椰香，又唔會太辣，送飯都已經好好味。豬頸肉肉質鮮嫩，配上咖哩入口，另一番滋味。泰潮海南雞皮薄唔會有過多油脂，肉質滑而嫩，配上泰式辣醬，每口都充滿雞油香。泰式蒜蓉炒雜菜新鮮疏菜配上蒜蓉味，不過不失。

有一日咁岩食完飯經過呢間餐廳，見到餐牌寫住最平嘅雞絲湯金邊粉只需要20幾蚊就有啦。呢個價錢係乜嘢都貴嘅中環真係好吸引，一於約咗朋友今日嚟試吓。 我叫咗海南雞飯，上碟嘅時候買相都可以，雞件都算多塊，佢跟嘅醬汁並唔係平時嘅甜豉油，反而係泰式嘅酸酸地嘅醬汁，果然係做泰式路線。食完飯仲有個小甜品送，係椰汁糕，好好味。得閒都會再嚟食呀，下次試吓佢嘅金邊粉先！

中上環一带想食泰國嘢都有好多嘅選擇， 今日揀咗去《泰潮》開餐， 在中環街市附近， 小巷仔入面。因為曾是米芝蓮推介， 覺得環境，食物，服務都有番咁上下。 餐廳樓面唔算好大， 小店模式， 裝修有啲舊香港嘅感覺。餐廳也提供二至四人泰式套餐， 平日六點过後仲有七折優惠。揀咗这款二人套餐$268， 有湯 ，菜，咖哩， 招牌海南雞，甜品，炸物同白飯， 相當抵食。這款海南雞飯份量唔少，差唔多有四分一隻。 雞味濃， 肉質夠嫩滑，雞皮又夠爽， 海南雞個秘製醬汁更係精髓所在！ 底部墊上大量香甜嘅椰菜。附設嘅白飯真係夠曬份量， 可以選擇白米饭或雞油飯。 白米飯選用泰國絲苗， 勁有米香但唔会好黏糯， 伴以泰式咖哩汁非常非常滋味。揀咗《泰式冬陰功湯》， 夠濃郁， 辣得好搶喉又夠酸， 亦不失海鮮嘅鮮味， 細細鍋材料勁豐富， 超美味極推介！《招牌咖哩蝦球》 有四，五隻大蝦球， 豐富配菜有三色椒和雜菇。 咖哩汁味道帶甜唔辣又夠稠。《泰式蒜蓉炒雜菜》又係超夠份量， 夠曬鑊氣， 珍珠筍，蘿蔔，芥蘭， 木耳，三色椒等全都需要夠鑊氣先炒得好食， 且充滿蒜蓉香！《泰式炸魚餅拼春卷》炸魚餅 有別於平時食到有落好彈牙好結實嘅魚肉，

小週末到中環搵食，見到中環大排檔附近開了米芝蓮泰菜餐廳《泰潮》便入去試下。這間餐廳有幾款不同的套餐選擇，我們2人便選了一個$298的2人套餐，合共6餸2飯2客甜品，真的是捧住肚離開的。先來開胃前菜酸辣鳳爪，標準泰式無骨鳳爪做法，酸甜微辣開胃。泰式冬蔭功湯落足料，2人份量的大蝦便落了6大件，配上蘑菇車厘茄香料等材料，香味濃郁，煮法味道正宗。泰式海南雞用的是雞腿肉，配上油飯，雞肉香滑，吃得很飽。另一味咖哩豬頸肉，咖哩汁撈白飯，配得剛剛好。甜品是椰青大菜糕，不是太甜，好味。

中上環一帶，米芝連餐廳還真的不少，但泰國菜的米芝連卻不常見這間泰潮也許不起眼，但餐廳原來是連續9年米芝連推介，勝在其性價比高、用料不錯。二人餐$298（免加一）冬蔭公湯用料非常出色，湯底帶微酸，辣跟甜，沒有任何一味過度搶味，平衡非常出色。彈牙的蝦肉更是意想不到的鮮，其他餐廳不是梅的肉已偷笑！我們兩人吃了最少六顆蝦！青木瓜沙律辣！又帶點甜，青木瓜滿爽脆的口感跟辣味相輝映，非常開胃海南雞（例）已去骨的雞肉嫩滑，用心過冷河的結果就是皮肉之間的透明膠原保存得極佳，非常creamy 又健康，這雞可真不錯咖哩牛筋腩炆煮至極稔的牛腩 牛筋，入味得來不過辣帶點甜，薯仔的「粉」又是另一出色口感，美中不足是紅黃椒太多，搶了點主角的風頭小食蝦餅+素春卷素春卷不算淋油，用油不會太老，裡面的菜跟紅蘿蔔等味道濃而不過，值得一試蝦餅則味道口感也一般，可以忽略炒時蔬用料正路，有芥蘭，紅蘿蔔，粟米芯，椰菜，但好像還未炒熟呢...有點硬白飯+油飯件頭大，油飯帶點薑黃的味道，只是沒什麼特色班蘭糕介乎於啫喱跟大菜糕之間的口感，班蘭椰汁味香而濃郁，極飽的情況之下我們還是ko了它！整體用料很不錯，調味不覺太重，廚師功夫也值得一提

中環一向都去開SOHO區，食飯飲野樣樣俱全，今次唔洗行到咁高，係下面就有一間曾獲得米芝蓮推介既泰式餐館既中環分店，將曼谷風味同香港人地道口味集於一身，我就揀左個二人晚市套餐，性價比超高，咁多款式既菜埋單唔洗$300，聽Staff講原來埋單滿$500仲會送"泰潮海南雞(半隻)"真係抵到笑！👇📌晚市2人套餐A - $268▪ 冬蔭公湯 ▫ 食泰菜點少得冬蔭公湯，呢個係最基本既入門菜式，呢間餐廳絕對無失望，食得出做法夠正宗，"功"既意思係"蝦"咁解，湯底離不開以"香茅、檸檬、南薑黎熬，夠哂鮮甜又夠酸辣，味道岩岩好，配埋大大隻紅蝦，將成個湯既精華帶出！正！▪ 泰式炸魚餅拼春卷▫ 小食亦都唔差，即叫即炸，唔會黎到就淋哂，夠熱辣辣，春卷金黃，入口香脆，咬落"索索聲"，沾埋附上既泰式酸甜醬，加強濃味！炸魚餅夠厚肉，裡面釀左咖哩汁，食落有辣味感，入口煙韌彈牙，唔錯！▪ 泰式蒜茸炒雜菜▫ 鑊氣感有如食緊港式大排檔既風味，新鮮滾熱辣，味道唔會太淡，雜菜種類包羅萬有，以椰菜、芽菜、紅蘿蔔、菜心、椰菜花有唔同既口感同層次，食得過！▪ 泰潮海南雞(例牌) ▫ 講到餐廳最受歡迎既招牌菜

黎開中環呢頭見到呢間泰國野話米芝蓮 入去試下啦佢個位都算隱蔽 要行入小巷見佢米芝蓮  仲擔心會貴 點知比好多地方價錢更相宜 比係中環就係超值我地叫左二人餐 都係200幾唔使300蚊佢有好多野食最吸引一定係招牌海南雞 雞整到好滑 又唔會好肥好油另一個好食既就係咖哩豬頸肉 豬頸肉就正常啦 好食既當然係咖哩汁 佢呢個好滑好香椰奶味 有咖哩味得黎但又唔會too spicy之後泰國既炸春卷同炸魚餅都做好香口   春卷既蘿蔔斯好多 外面好脆但入面好JUICY 魚餅就味道做得好食 唔會話太鹹個冬陰功都好有驚喜 酸同辣平衡得岩岩好，入面仲有好多湯料個餐仲包左一碟炒雜菜、甜品 同兩大碟飯 真係超飽超抵而家中環店6周年 6:00後晚飯全單7折呀!

星期日過咗soho幫朋友睇鋪，等佢番黎就同佢一齊收鋪食飯，朋友話附近開咗泰潮分店，以前我地成日去深水埗嗰間食，呢日就一齊去回味下米芝蓮海南雞。晚市2人套餐A ($268)二人套餐價錢好抵，咁多嘢食每人$135有找！🔺泰潮海南雞(例牌)海南雞已去骨，入口啖啖肉，肉質嫩滑，皮薄冇咩油脂；海南雞醬汁少少辣好惹味。🔺雞油香飯飯香，但唔油👍🏻🔺招牌咖喱蝦球咖喱味非常香濃，味道唔辣，唔食得辣嘅朋友都可以叫，蝦球大大隻，好彈牙，就連薯仔都好入味。🔺泰式炸魚餅拼春卷炸魚餅味道香，有少少檸檬葉味，點埋酸甜醬好開胃！春卷香脆鬆化👍🏻🔺扎肉肉碎湯有生菜，肉碎，扎肉，好足料！🔺泰式蒜蓉炒雜菜炒得有鑊氣，色澤亮麗又唔油。蒜香濃郁，仲有多款雜菜種類，色彩豐富，好睇又好食。🔺泰式甜品椰青水製作成嘅糕點，入面仲有細細粒椰肉增強口感，味道清甜。🔺平時出面食個海南雞飯，閑閑哋都六七十蚊。呢到食咁多嘢都唔洗300蚊。聽到隔離枱話而家食夠300蚊，仲有炸軟心芝士蝦球送！