泰海鮮 (已結業)

食得海鮮都離唔開呢幾個人氣海鮮聖地前來朝拜，品嚐一下真正鮮嘅味道，我地呢D為食精又點會執輸，當然會前來品嚐人氣美食，先去左海鮮檔關財記買啱心水時令海鮮再來呢度加工就可以品嚐一餐美味海鮮盛宴，未食海鮮前先吃呢度人氣美食之一泰皇芝心蝦丸，熱辣辣又大大粒蝦丸，入口鬆脆又內軟，先食到蝦肉彈牙又鮮嫩，內裏又啖啖香濃芝士醬汁真係一個唔錯餐前小食，海鮮亦逐一出場，先有係白灼九節蝦，隻隻蝦大小一樣比基圍蝦更鮮甜，入口肉質鮮嫩又多汁，簡單做法已食到原有鮮味另一款係油鹽水蝴蝶蚌，真係要撞啱時間先至可以食得到佢，蝴蝶蚌肉質細嫩又爽滑，一咬就食到滿口鮮甜肉汁其後有白酒忌廉煮花甲配烏冬，一上枱已被嗰陣香味吸引注而且份量十足睇見每條烏冬都沾滿左香濃嘅醬汁， 未食都知味道十足，一啖花甲配一啖烏冬連湯汁食簡直係完美食法眨眼又食左幾款美味海鮮，輪到有鹽油焗奄仔蟹，食佢係因為奄仔蟹膏夠飽滿又夠鮮味，用左鹽油焗食落會更香濃更滋味咁又品嚐左一餐美味海鮮料理。

友人約食海鮮，二話不說就提議再訪位於三聖邨的泰海鮮。這碟名為必食豬扒，真的沒有改錯名字。主角豬扒是在前一日打鬆了，故肉質甚為鬆化軟嫩。而鋪在豬扒之上的魚乾及洋蔥，一個脆一個爽，夾住豬扒一拼放入口中咀嚼，立時享受多重口感。薑蔥鮑魚煲是友人的推介。鮑魚沒有太強烈的味道，但吸收了薑蔥的香氣之後，便變得惹味起來。要讚的是，鮑魚有咬口又煙韌，不錯。白酒忌廉煮花甲配烏冬是我極力要求想吃的菜式。花甲肉是異常的厚身大隻，由於已吸收了白酒味道，因此吃著時，也感到絲絲酒香味。雖然每條烏冬都已經掛滿忌廉汁，可是忌廉汁的確太多，吃完烏冬還剩下不少，不知可否用來撈麵呢？芝士焗龍蝦配炒飯底也是我喜歡的。 看！濃稠的芝士已經和炒飯混和在一起，令我這個芝士迷情不自禁地，一口接一口的吃著，十級邪惡啊！

早幾年同朋友嚟過三聖食海鮮，喺海鮮檔買完就拎去隔離啲餐廳加工就得。最近又約大班朋友去三聖，今次朋友先入去買海鮮，大家再喺泰海鮮集合。 喺泰海鮮可以選擇喺大廳定包房，包房當然會貴一啲，不過都只係計算加工料嘅價錢每兩加$1，而且多咗私隱度同空間，一班朋友嚟都唔錯。如果想熱鬧啲咁食海鮮就可以喺大廳，價錢就更划算。 食海鮮雖然都係蒸炒焗，但係交俾泰海鮮就可以變出唔同款式。 最親民嘅貝殼類可能就係花甲，聽過有人唔鍾意食唔同嘅貝殼類，但花甲真係好少人唔鍾意。唔似蜆仔得丁點肉，花甲肉一口剛剛好，肉身爽口又鮮甜。無用傳統豉椒炒花甲，換上西式嘅忌廉汁，甜甜哋散發濃濃嘅白酒香，提升花甲嘅鮮甜。 平時配海鮮可能用伊麵底，今次轉放有咬口嘅烏冬，掛汁力十分強，每條都沾滿白酒忌廉汁，超級惹味！ 喺泰海鮮最愛嘅小食一定係芝心蝦丸！雖然話係海鮮，但蝦丸嘅芝士心真係邪惡！而且包住外面嘅麵包粒炸得非常透徹，超級邪惡！不過唔好咁心急食，小心芝士辣口呀！ 個泰式辣醬令我諗起嚟親泰海鮮好似都無食過泰味喎！下次再嚟記得要試冬蔭湯煮先！ 仲有一樣都算係泰海鮮嘅經典，就係佢個海鮮蕃茄薯仔湯！ 喺街市買完海鮮，店家通常都會半賣半送畀多

Dayz 跟朋友們都非常喜歡吃海鮮曾經有一次朋友們買了一大堆海鮮去 Dayz 家辦海鮮宴沒想到事前的準備功夫超～級～多事後亦需要花很多時間去清潔及整理我們得出的結論就是...處理海鮮還是要找專業的（笑）Dayz 去過不少地方吃海鮮，包括鯉魚門、西貢、香港仔、銅鑼灣避風塘、流浮山、三聖等等～唯一一間 Dayz 會回頭光顧的海鮮餐廳就是三聖的泰海鮮無論食物質素及服務態度都令人滿意價錢也很合理～上星期 Dayz 跟朋友又去了泰海鮮今次亦帶上小B終於等到小B 一歲了！可以稍微讓她嚐試一下蝦蟹呢！！在等待海鮮加工期間...當然要點些小食啦～必食豬扒這款小炒並不是每次都有供應喔！聽說因為作法繁複，而且挺費人手所以曾經停賣了一陣子今次在 Menu 上看到，真是蠻幸運的～豬肉以全人手挆軟，肉質鬆化腍軟再以醬油醃製鹹鹹甜甜的，非常惹味豬扒上面再灑小魚乾，香脆可口泰皇芝心蝦丸Dayz 超級喜歡的一款小食！！蝦丸大大粒，外層沾滿了麵包糠炸得香酥，有口感咬下去，流出大量芝士，味道非常香濃Like like～海鮮湯另一款每次來泰海鮮都一定要點的菜式以雜魚、蝦、沙白蜆、瀨尿蝦、番茄及薯仔等食材去烹煮不但味道鮮甜，

有一日我屋企人突然間好想食海鮮，知道屯門有一間食泰國海鮮好出名，所以就成家人去咗食。我見到啲人話豬扒係必食，所以就試吓，發現原來真係好有風味，同埋真係冇推薦錯。

本人一向喜歡食海鮮， 我常幫襯的是三聖及西貢早前某blogger 推介這個餐廳 今次一於試試地點方面對於本人來說前往三聖路程一般， 我是駕車前往的， 因為怕泊不到車所以六點便到達， 當時商場的車位還有25個， 當我離開大約 七時半的時候所有車位已經滿坐(當天是星期五)，駕車朋友需要留意一下環境方面當然不能和三聖入口的海天比較， 但內裏還境亦光猛，乾淨，整齊， 沒有迫的感覺選擇方面和附近餐廳一樣，如果食海鮮的話是需要到門外三聖村海鮮檔選購， 本人隨便看了一下，其實每一檔價錢差不多， 當天本人買了一斤半本地龍蝦，四隻南非鮑魚，一斤墨魚， 一斤紅色肉的蜆， 兩隻瀨尿蝦， 以上價錢總共1000元， 價錢來說我認為如果以上海鮮都是在普通街市買的話，這裏應該貴了約二至三百元左右， 都尚算合理因為都預咗佢貴煮食方法餐廳提供各樣的煮食方法， 大路的煮法當然有， 而今次餐廳標榜的青山灣焗(芝士焗)及一些用泰式方法煮亦有今次我的選擇為青山灣焗龍蝦(開邊)， 椒鹽瀨尿蝦， 豉油王煎鮑魚， 刺身墨魚， 冬陰公煮蜆 首先龍蝦方面， 芝士焗的方法非常惹味， 而龍蝦走油亦走得很好， 沒有過份煮熟， 龍蝦肉非常爽甜面

同屋企人食生日飯 弟弟滿心歡喜諗住試下秋生推介的餐館。我地買左$1700海鮮，一行7人去食！呢餐都算經典，無諗過咁新鮮嘅海鮮可以煮到咁，仲要講係秋生推介，成餐飯無一碟係覺得好食😡 ！！第一碟 炒花甲看似唔錯咁，但唔夠味 呀師傅你未落鹽喎仲要成碟只係暖.......！椒鹽瀨尿蝦 咩事？咁嘅色？個殼林嘅？平時最鐘意「損」個殼，今次完全無左呢個指定動作啦！因為成碟都無味！！我都想知啲炸蒜係咪只係後期加上去！同樣，成碟又係暖嘅.真係好差！蒸扇貝零失手啦掛？錯啦！佢蒸過籠呀 救命 🤯還我新鮮海鮮呀！！！都係果句，碟新鮮蒸起嘅扇貝，唔熱㗎！！青山灣芝士焗龍蝦一句講哂：唔識欣賞，唔入味 成碟又係暖嘅 完全唔夠熱 黎到今日最「驚喜」一碟 椒鹽鮑魚 上菜果刻真係啤一聲！咁樣係椒鹽？咩料？忍唔住立即叫個姐姐黎問問😑點知佢答：你地叫左呢個酥炸蠔有問題？真係可笑 連姐姐都睇唔出係椒鹽鮑魚！忍唔住立即叫佢同旁邊碟椒鹽瀨尿蝦比一比，究竟咩係椒鹽！跟手就有另一個姐姐講話問問廚房！覆返我地話：我地呢度係咁煮㗎 真係世界級回覆，無野講！😡我真心唔知泰國菜個椒鹽煮法是咁的 ！但個瀨尿蝦又係大家認知嘅椒鹽做法！只係想講一句

好耐無同呢班朋友食飯了，想食海鮮但唔想太貴，決定去比西貢及鯉魚門便宜的屯門三聖邨，去得三聖，當然選擇去泰海鮮，一行八人，當然訂返間房坐得舒服啲，記得訂房但唔記得訂炸子鷄。首先去三聖海鮮街揀了一些海鮮，有龍蝦、鮑魚、大扇貝、花甲、桶蠔、奄仔蟹、海鮮湯料，再由店員帶同海鮮一同到泰海鮮俾侍應，再秤斤両後向侍應講其煮法或由侍應介紹烹調方式。除買了海鮮加工外，另響泰海鮮點了一些網上推介的名物，本身想點炸子鷄，但唔記得要預訂，於是點了必食豬扒($96)、黃金鮮魷($108，餐牌無的，問咗師傅今晚無咁忙，專登做俾我哋食的)，蒜蓉炒菜心，另外6樣加工海鮮同海鮮湯。必食豬扒先出場，眼看無乜特別，但咬落去好淋身又夠入味，洋蔥炒得好夠香，魚仔又夠脆香，剩低嘅洋蔥同魚仔用嚟撈飯食。黃金鮮魷，睇到係用好多鹹蛋黃去煮的，鮮魷夠嫩又彈牙，配上黃金鹹蛋黃去煮，非常邪惡。白酒忌廉煮花甲配烏冬，呢味又係名物，白酒忌廉夠香滑，配上彈牙烏冬一流，花甲沒有煮得過熟，剩咗嘅汁又可以撈飯。酥炸桶蠔，大大隻桶蠔，外面金黃香脆，裏面剛剛熟，百感交集。海鮮湯，睇到湯渣有雜魚、瀨尿蝦、沙白蜆、番茄薯仔湯，啲瀨尿蝦仲好鮮甜肉嫩，有咁多料一齊

行完山之後最滋味的就是吃一頓好吃的，在屯門三聖邨馳名海鮮，既然來到三聖邨附近，Why not不直接到三聖邨，吃飽飽才回家呢？ 很多人都會在附近購買海鮮然後帶到餐廳煮，我們也不例外，由朋友帶領下買完海鮮就到餐廳煮，見到海鮮生猛如此，真令人滿心期待。 因為我們太懶惰的關係，這次的海鮮都是以「不用剝殼」為大前提。 酥炸桶蠔 - 大大隻的桶蠔，相當有份量。連一個湯匙也無法好好的盛載起來，剛剛炸好的桶蠔相當的燙熱，吃用時要小心一點呢！香酥味十足，包裹著充滿鮮味的蠔。 經店員推介來嚐嚐這個薑蔥鮑魚煲，味道也不錯，是清蒸鮑魚的另一個選擇。保持著鮑魚的鮮味再加一點惹味，好吃好吃！ 平時一向很少吃這麼多炸物，這次完全就是豁出去了。酥炸大元貝也是一個新的嘗試，依然香酥十足，非常香口。泰海鮮的炸物挺有信心保證的，大家可以放心嘗嘗大廚的炸功！雖然我較喜歡清煎元貝，但想搞搞新意思的也可以嚐嚐這個酥炸大元貝！ 最近轉天氣，也感到有點乾燥。朋友建議也個海鮮湯。這個海鮮湯確實相當足料，以我最愛的蕃茄薯仔湯作底，味道香甜已經是一定的事了，然後再加上雜魚、瀨尿蝦、沙白蜆，相當有鮮味。店員會幫我們把湯渣和海鮮拿出來，不要忽

由於小妹偏愛食海鮮，所以特別約了幾個朋友仔一齊到屯門「覓食」， 三聖一直都以海鮮聞名，大家買完生猛海鮮，然後再帶到餐廳加工。 今次決定到近期大熱的「泰海鮮」，如果多人的話可以自己包房， 人少就可以坐普通位，感覺同樣整理潔淨。 海鮮方面就去「關財記」買完再加工， 分別點了必食豬扒、泰皇芝心蝦丸、油鹽水瀨尿蝦、 青山灣焗芝士龍蝦同豉椒蟶子皇配煎米粉底。 必食豬扒賣相吸引，每塊豬扒都是用人手拍打， 沒有使用梳打粉，口感鬆軟不會過硬，而且保留豬肉的鮮味， 食肉獸強烈推薦，味道鮮甜，肉嫩多汁，配菜銀魚仔十分香脆，完全是「伴飯」之選。 芝士控必食之選，泰皇芝心蝦丸，完全100級邪惡！ 將芝士釀入蝦丸中，可以包上麵包粒，經過油炸後變得金黃香脆， 外皮十分鬆脆，一咬下滲出芝士濃香，流心芝士的香味令人流口水。 香濃芝士再配上彈牙蝦肉，味道層次豐富，完全大滿足。 另一重點推介就是影帝都大讚的青山灣焗芝士龍蝦， 採用三種不同口味的芝士焗製，味道十分豐富， 濃濃的芝士香味已經刺激食慾，龍蝦肉質新鮮彈牙， 每一口都沾上芝士，整個口腔都比芝士的香味佔據，完全心花怒放！ 個人認為豉椒蟶子皇配煎米粉底也不錯

泰海鮮, 不要誤會, 不是主打泰菜的地方, 雖則, 這裡真的有泰菜吃. 在泰海鮮, 還是吃中式的海鮮, 當中又有特色的煮法. 這次星期日來到, 相當旺場, 是值得大家專程前往的好地方.青山灣焗芝士龍蝦 這裡的龍蝦, 最佳做法就是青山灣焗芝士龍蝦. 其實跟附近那家店很相似, 但出品就以這裡為佳. 芝士舖滿在面層, 不會太硬, 很有芝士的鹹香, 加上鮮甜的龍蝦肉在底, 就是精彩.白酒忌廉煮花甲配烏冬 同樣精彩的是白酒忌廉煮花甲配烏冬, 可以選擇配或者不配烏冬, 但說真的, 不加烏冬, 食味起碼減了一半, 因為那個白酒忌廉汁, 就是要用烏冬來索汁, 小晴晴吃過不停呢.鮮料海鮮湯 妹夫愛喝湯, 自然要選鮮料海鮮湯. 這個湯, 不是魚膽做的世界湯, 而是真的真材實料, 啖啖鮮味的堅海鮮湯, 當中竟然有瀨尿蝦, 不得了.薑蔥鮑魚煲 薑蔥鮑魚煲, 是否怕會是實實的, 又想不到是控制得很好, 鮑魚爽口, 薑蔥味很入味.招牌炸子雞 來客雞給小晴晴, 那當然是招牌炸子雞半隻. 是高水準的炸子雞, 皮脆肉嫩, 無論黑肉白肉也很出色, 是必吃的吧.白灼菜心 至於白灼菜心, 重點是像山一般的份量, 吃了那麼多海

自新年海鮮聚後不經不覺半年有多，雖然近月有在屯門工作，但都沒有去過三聖 工作項目接踵而來，加上去了數回有長有短的旅行，日子充實就會感覺過得很快 依稀記得上回嚐過菜式的味道，轉眼間又已經和友人們身處泰海鮮，安坐店中等食 大件頭泰皇芝心蝦丸實在吸引，裹滿酥脆麵包粒，炸後竟是乾爽不油膩 蝦丸微甜，充滿嚼勁，中心釀滿稠身香濃的熱融芝士，鹹甜交加，小心燙口 雖然不蘸醬汁已經十分冶味，但如果有甜酸辣俱備的泰式雞醬可蘸以解膩就更佳 一向不太喜歡豆豉，但鹹辣香口的豉椒配上爽甜彈牙的蟶子皇卻又確是相襯 在豉椒蟶子皇配煎米粉底的世界，雖然蟶子皇是主角，但要先吃煎米粉，以免過爛 蟶子皇算厚肉又不硬韌；煎米粉邊位帶脆，中心吸醬後變軟滑，質感豐富的一味 上回教人一嚐驚艷的青山灣焗芝士龍蝦必定要Encore，今次成品少燶一點更金黃 表面厚厚芝士層頗為脆身，鹹香芝味濃，乾爽不油膩，配上甜甜龍蝦肉剛好 龍蝦肉腍中帶爽，緊實多汁，亦可輕易起肉，大口大口將鹹甜並重的美味收歸胃納 蒜蓉粉絲蒸元貝比手掌心更大份，而貝肉蒸後沒有過份縮水，依然厚身大件 貝肉留有淡甜，不失水分，未會過於韌柴，依然腍香易嚼 蒜香輕滲，不會

這個假期在黃金海岸過了兩天, 晚餐就選擇來三聖的泰海鮮. 簡單的說, 泰海鮮已經成為三聖的焦點, 來這邊吃海鮮, 泰海鮮是不少朋友的首選.鮮料海鮮湯 $18 x 5: 9分, 令人念念不忘的, 是鮮料海鮮湯. 每位只是$18, 便宜得發笑. 喝口湯, 很香甜, 鮮味相當突出, 而且還附上湯料, 包括瀨尿蝦, 沙白蜆, 鮮蝦, 雜魚, 蕃茄, 以及薯仔等等, 這個陣容, 堅豐富.白酒忌廉煮花甲配烏冬 $210 + $45: 9分, 至於白酒忌廉煮花甲配烏冬, 精華是配上的烏冬, 質感爽彈, 吸盡白酒忌廉汁及花甲的味道. 至於花甲反而成為配角了, 但也挺鮮嫩的.薑蔥鮑魚煲 $64 + $60: 8.5分, 接下來的是薑蔥鮑魚煲, 相當惹味, 鮑魚質感很爽彈, 每口也有薑蔥的香味, 火候控制得剛剛好, 是傳統一點的選項.青山灣焗芝士龍蝦 $120 + $448: 9分, 來到泰海鮮, 必吃的是青山灣焗芝士龍蝦, 沒有之一. 點選了兩隻龍蝦, 份量十足. 焗得相當香噴噴, 面層的芝士脆卜卜, 味道相當香濃, 而底下的龍蝦肉仍然能夠保持鮮嫩的狀態, 很難得.招牌炸子雞 $168: 9分, 除了海

啱啱上一個星期去咗鯉魚門參加一個校友會，諗返起嗰日食嘅海鮮同今日食嘅海鮮相比，嗰日食嘅只可以講話係。。毛。。。海鮮毛。今天吃的就係巨無霸。成日去到街市買呢一隻扇貝，就算講到特大都好，都唔夠呢一度食嘅大。一個嘅份量足足有成個手板咁大，而肉身非常之厚實，我諗差唔多有五mm甘厚，用刀叉嚟食一啲都唔過分。再加上蒸嘅火喉剛剛好，無得彈。平時食開陳皮蒸鮑魚又或者薑蔥鮑魚煲，今次就特別啲試一試椒鹽酥炸鮑魚。爽身嘅鮑魚外面包着簿簿嘅脆皮，上面再加少少椒鹽。雖然冇薑蔥鮑魚煲咁惹味，但係非常之香口。淡淡的椒鹽味反而可以提起本身比較淡味嘅鮑魚嘅鮮味。還有岩唒時節嘅奄仔蟹，多膏，味濃。一隻又點會夠喉。

星期日同屋企人出咗去屯門遊車河， 去咗三聖買靚海鮮， 諗住佢老字號餐廳食餐好。 點之間餐廳已經結業， 假日人多又冇乜選擇所以去咗呢間泰國餐廳代煮， 見到咁多食評，諗住冇死， 點知中伏。材料有重皮蟹， 花甲， 瀨尿蝦等 蟹就油鹽焗， 隻蟹本身好肥，爆曬膏， 但整出黎賣相唔似油鹽焗 ， 問咗waiter 佢話用新派煮法，整得唔好食， 浪費左豉椒炒蜆冇鑊氣椒鹽瀨尿蝦唔入味， 太過乾身剩係海鮮唔夠食， 就嗌多幾碟小菜蔥油雞鞋口， 招牌蝦丸係生嘅得返小炒王好食浪費咗啲海鮮同時間