泰海鮮 (已結業)

啱啱上一個星期去咗鯉魚門參加一個校友會，諗返起嗰日食嘅海鮮同今日食嘅海鮮相比，嗰日食嘅只可以講話係。。毛。。。海鮮毛。今天吃的就係巨無霸。成日去到街市買呢一隻扇貝，就算講到特大都好，都唔夠呢一度食嘅大。一個嘅份量足足有成個手板咁大，而肉身非常之厚實，我諗差唔多有五mm甘厚，用刀叉嚟食一啲都唔過分。再加上蒸嘅火喉剛剛好，無得彈。平時食開陳皮蒸鮑魚又或者薑蔥鮑魚煲，今次就特別啲試一試椒鹽酥炸鮑魚。爽身嘅鮑魚外面包着簿簿嘅脆皮，上面再加少少椒鹽。雖然冇薑蔥鮑魚煲咁惹味，但係非常之香口。淡淡的椒鹽味反而可以提起本身比較淡味嘅鮑魚嘅鮮味。還有岩唒時節嘅奄仔蟹，多膏，味濃。一隻又點會夠喉。