泰斗 (中達大廈)

營業中

休息中

今日同家姐去咗尖沙咀度食泰國菜，一上到去餐廳就覺得呢度好有feel，而且仲可以坐係balcony嗰度慢慢傾計，望住街景，真係相當唔錯!小食拼盤：我哋叫咗個細嘅小食拼盤，但係其實份量都有啲多，有蟹餅蝦餅春卷同埋雞翼。味道正正常常，我比較鍾意食蝦餅，好大呀。而個雞翼就偏硬身。鹽燒牛舌串：個牛舌好好味，好爽口，一啲都唔韌，而且個味道都好味。串燒沙嗲羊肉：呢個羊肉唔係太蘇，肉質幾嫩，好juicy。牛肉椰香黃咖喱：個黃咖喱好香，一啲都唔辣，牛肉就好嫩滑，我哋仲叫咗一個薄餅黎送，點啲咖喱汁，非常好食。芒果糯米飯：芒果糯米飯相當唔錯，芒果好甜，配埋椰奶好香。千層糕：喱個就好普通。 消費大概$250。

今晚临时决定去着呢间泰斗餐厅用膳……外意地令我有惊喜无论係装修内外环境、餐桌的摆设、以至连餐牌的图片……都令我感到有兴趣在此用餐的意欲只可惜入来时只能安排我坐在门口位仲要系入口冲正的位置令我非常不悦差点想转个地方吃饭……最后点着其中一份迦厘蟹等吃都非常合口味和有水准特别系店主赠送的香芒糯米饭等甜品。非常有水准。係我吃过泰国菜之中最好食嘅甜品超甜美嘅吕宋芒同埋热辣辣嘅糯米饭。我想下次会再光顾此店

這天晚上約了朋友到尖沙咀吃晚餐，我們決定吃泰國菜。雖然餐廳位處人來人往的海防道, 但並沒太多大陸遊客。可見來吃的人都不是只求填飽肚子, 他們是真心想欣賞食物。店面：很有泰式風情, 露台那邊能看到很多樹。裡面的環境:有些食客, 但不至於太多, 能在熱鬧和清靜中間取得平衡。餐單印刷精美，上面有各種食物的圖片：點菜後不久, 食物陸續送上, 算是有效率。泰式炒椰菜苗 $118一開始當然是要吃點蔬菜。一來健康, 二來可以先墊一墊胃。椰菜苗很鮮嫩, 咬下去很爽口。調味方面做得很好, 刺激味覺之餘不會太辣。鐵板蠔仔蛋 $138賣相很吸引!蠔仔很新鮮, 沒有放久了的怪味。蛋煮得很香。整體來說很不錯, 但朋友覺得如果能燒焦些會更好, 味道會更濃郁, 我想這是很個人的吧!豬頸肉炒飯 $108豬頸肉肉質鮮嫩, 飯炒得很香, 而且每粒都很分明。吃後齒頰留香。小食拼盤 (大) $168非常豐富, 有雞翼﹑春卷﹑魚餅等, 應有盡有。炸得外脆內軟!經過一番努力後, 仍是吃剩了一點, 所以如果2人吃的話, 點了這個後就要看大家的食量再點其他食物, 以免浪費。(左) orange juice $58﹑(右) 青檸梳打

依間樓上泰國菜非常之受歡迎，book左兩次都ful booking，今日第三次嘗試，終於成功有位，可以同朋友過黎食飯！食泰國菜又點少得生菜包，呢度除咗可以選擇豬肉做餡料之外，仲有鴨肉可以揀添，如果唔食得辣仲可以走辣。我今次就選擇左豬肉，份量都幾多，就算三至四個人食都冇問題。食落去油份唔會太重，但夠香口。而冬陰公湯就比較辣。入口係甜同酸味為主，然後慢慢就有一股香同辣湧上，味道有層次。我朋友超鍾意食魚，尤其係泰式做法既魚就更加吸引。呢度有明爐同鹽燒兩種做法，我哋就選擇左鹽燒盲糟。魚肉相當之嫩滑，啖啖肉，附上嘅醬汁以酸為主，唔會太辣，蓋過魚既鮮味。

唔知點解總係好鍾意食泰國嘢🤣 朋友介紹話尖沙咀有間餐廳坐得好舒服，有open area！我毫無懸念咁帶埋爸爸爸媽媽一齊食餐飯💕上到黎真係幾surprise! 估唔到廣東道有間咁靚嘅餐廳！好開揚😍 望下menu，選擇都唔少呀，而且價錢真係好抵最重要係服務態度真係好好👍🏻👍🏻小食拼盤(小) $128有春卷、蝦餅、魚餅及雞翼，全部都熱辣辣我最愛食蝦餅，肉質很鮮嫩，而且彈牙有咬口而且全部炸物食起上嚟一啲都唔油膩👍🏻冬蔭公明爐魚 $188需時製作，好嘢係值得等！明爐魚同冬陰公湯係分開上的，首先店員會幫忙點火，然後加一半冬陰公湯落去個爐。等一陣間就會滾起啦😋由於有金不換、檸檬葉、香茅唔同既香料🥰令我哋不停咁飲湯！😋而且冬陰功湯唔係好辣，好易入口👍🏻配埋個魚食非常之夾魚肉都ok嫩滑，配料都有好多菇類同粉絲🙈椰香青咖哩豬 $108我最愛青咖哩，因為辣味唔太勁，而且椰漿味濃郁😍加埋茄子豆角👍🏻 送飯/薄餅係一流😛豬頸肉炒飯 $108其實原本諗住叫泰式燒豬頸肉但因為叫咗青咖喱所以一定要叫個飯啦😉係冇揀錯嘅！ 炒飯粒粒分明，好有穫氣💕豬頸肉份量都唔少，不過可能係跟炒飯嘅緣故，始終冇散叫嘅燒豬頸肉咁惹味，不

食物選擇多，三五知己黎呢度食晚傾計就岩晒!! 小食拼盤 $128 有齊晒雞翼、蝦餅、魚餅、春卷， 各款都整得好出色，尤其係金黃既蝦餅，好彈牙呢！(●´ω｀●)ゞ雞翼唔會太乾身，魚餅好香香茅味～ .鹽燒盲曹 $148 燒魚好正!!魚肉鮮嫩啖啖肉，醃得岩岩好(*´з｀*)成條魚都清晒!! 鴨肉生菜包 $128 鴨肉碎粒炒得好香好惹味，不過有D辣，我唔係太食到(´,,•ω•,,)♡蝦醬炒通菜 $88 想食菜可以叫呢個，🥗咸咸香香，幾好～ .本來仲想食甜品，但實在太飽了(´,,•ω•,,)♡ 泰斗地址：尖沙咀海防道38-40號中達大廈4樓全層

呢間餐廳我去過幾次，覺得嘢食幾好食，環境又幾好，靜靜地，又唔會太過被騷擾，就同朋友係到聚餐😋😋😋每次你都有叫小食拼盤，可以一次過滿足我四個願望，我最鍾意佢哋嘅炸物炸得又靚又唔油膩，而且好香脆吸引！魚餅好好食，非常香口，而且幾香，雞翼炸得乾身但保持肉汁，點上醬汁更好食😝😝第一次食鹽燒鯽魚，我覺得超好食，食到個皮有少少脆，而且唔會太咸，入面散發一陣香茅味，而魚肉係超級嫩呀😋😋😋叫埋個惹味嘅生菜包同椰青，不過我覺得椰青比較厚肉，所以唔算太多椰青水🤣🤣

呢日同另一半嚟到呢間位於尖沙咀海防道嘅《泰斗》一嚐泰式火鍋。餐廳裝修充滿泰國風情，座位舒適。餐廳側邊也有大量半露天座位，可以一路食一路欣賞街景，歎好味火鍋及象啤，同另一半飲返杯啤啤佢。我哋揀了 冬陰功 和 泰北烏汶鍋 做湯底。冬陰功湯底香料十足，味道夠鮮夠辣。而泰北烏汶鍋的香料也很多，包括有香茅、金不換和檸檬葉，材料豐富，入口清新。餐廳提供特色泰式醬料，包括有泰國辣醬、泰國豆豉醬、豉油和紅辣椒粒，味道款款不同，各適其式，分開嚟食或者混合一齊食也好好味，别具風味。一開始先嚟個 特盛海鮮盤海鮮包括有 鮮蟹、鮑魚、大蜆、 貴妃蚌和大蝦。每款海鮮都非常新鮮，肉質鮮甜又味美，打邊爐必選。食完海鮮再嚟新鮮嘅 牛頸脊牛頸脊的肉質十分新鮮又嫩滑，牛味夠濃，大約淥10秒鐘就食得，用冬陰功湯底去淥，吸入濃郁嘅湯底，味道唔錯，唔點醬汁也好好味。另外還有 什錦拼盤拼盤包括有 泰式牛丸、泰式豬肉丸、粉絲、金菇、鮮冬菇、豆卜、生菜。泰式牛丸和豬肉丸，不是太大粒，易入口，肉質鮮味，爽口又彈牙，點上由餐廳提供的泰式醬料，味道唔錯。用特別加重金不換份量的 烏汶湯底 去淥粉絲又是另一番風味，湯底入口清新鮮甜，再配上金菇、

今次嚟呢到食泰國菜，可以話係明智之選😌😌呢到環境感覺很高級、仲有露天茶座，感覺非常舒服☺️兩個人撐枱腳，諗住叫個冬陰公湯飲下，職員見到我地得兩個人，就話我知 有二人份量的、只需$88🧡🧡 非常體貼❤️❤️點左份飛天通菜👍👍👍仲有咖喱海鮮🦞🦐🦀🦑🐙同埋海南雞🐔佢地嘅咖喱海鮮都幾新鮮，仲好足料，淨係青口都有成4隻😋😋😋，個汁撈飯一流🤤🤤海南雞 雞肉好滑好肥美，再配埋佢地個醬汁下次一定會再點

今天到訪位於海防道中達大廈四樓的泰國菜餐廳。餐廳裝潢帶一點點的時尚感，平曰在這兒吃午餐已經覺得不錯，是夜到訪，有著不一樣的感受，晚間的氣氛截然不同。用餐區域分室內和露台座位，晚上的露台座有著婆娑樹影和昏暗的燈光作背景，加上輕風吹至，感覺更chill.蒜香軟殼蟹$108這軟殼蟹啖啖肉，炸得脆香鬆化，蒜味十足又香口，沾上泰式甜辣醬，加一點酸甜微辣，不錯。泰式燒老虎蝦$168（2隻）燒老虎蝦大大隻，而且已經開邊，不用拆殼，真合我意。老虎蝦蝦肉爽彈鮮甜，而且蒜蓉牛油令蝦肉更為香口，再加特調泰汁的一點辣，不錯。蝦醬炒通菜$88這炒通菜鑊氣十足，通菜爽脆嫩綠。雖然已經過了時令，但仍然保持軟嫩，而且蝦醬味濃鹹鮮，帶一點油潤，又不會過鹹。泰式香燒雞（半隻）$168（製作需時20-25分鐘）這香燒雞份量唔少，而且帶骨的部分唔多，啖啖肉。燒雞燒得表面微焦，皮脆肉嫩又juicy, 有著陣陣香燒風味。沾上甜辣醬的雞，帶丁點辣，更為惹味可口。雖然製作需時，倒值得等待。泰式蝦肉炒金邊粉$108這pad Thai 味道幾好。最愛那比較潤濕的口感，味道甜甜酸酸的，好醒胃，而且一點也不辣。加埋雞肉、旦絲、豆腐乾、爽口蝦

港式邊爐就試得多，泰式邊爐就未試過。呢日就同朋友嚟呢間位於尖沙咀海防道嘅泰斗，試下泰式打邊爐嘅滋味。一共有四款湯底可以揀：冬陰功、椰汁雞、泰北烏汶鍋及泰式牛肉船河鍋。冬陰功湯底香港人都好熟悉，烏汶湯底充满金不換、檸檬葉及香茅等……香料嘅香味，用嚟配海鮮或者肉類都好適合。泰式邊爐醬料方面都有別於一般嘅港式邊爐，餐廳提供泰國豆豉醬、泰國辣醬、豉油及紅辣椒做醬料。先嚟一碟特盛海鮮盤，大大隻螃蟹、肥美彈牙嘅貴妃蚌、大蜆、鮮鮑魚，大蝦……等等，其中嘅螃蟹仲有滿滿嫩滑嘅蟹膏，款款新鮮，肉質肥美，味道鮮甜，唔使點醬汁都已經好好食。牛頸脊，十分新鮮，牛味濃郁，口感嫩滑咬落爽口彈牙，十分唔錯。什錦拼盤，有新鮮嘅冬菇、金菇、豆卜、豬肉丸、牛丸、生菜及粉絲等。豬肉丸及牛丸十分彈牙，size比平時嘅肉丸細粒, 一啖一粒滋味過癮。渌粉絲之前，可以先通知餐廳職員喺烏汶湯底重新加入新鮮九層塔，等湯底滾咗之後，就可以自製一碗滋味嘅烏汶湯肥牛粉絲。打邊爐當然要配啤酒先盡興啦。Hoegaarden ($68) - 跟餐有7折。/ 象啤 - 味道唔錯，我個人幾鍾意。

女友成日話想食，唯有陪下佢啦！多人等位！不過啲侍應嘅服務有待改善，分別同兩個侍應講左話想落單，佢地都話等等先然後就走左去冇返過黎！係個位等左成個字先有個經理經過見到問我係咪想嗌野食！———————泰式生蝦生蝦肥美爽口，食落都幾新鮮冇怪味！蘸埋佢個醬汁黎食之後，唔爭氣咁叫左兩round！————————泰式燒豬頸肉食燒豬頸肉好驚會乾身！佢外皮咬落去又幾香口，肉汁爆juicy！不過食落略嫌有啲凍，希望下次食個時已經改善！————————香芋雞肉焗飯整體唔算太差，啲飯一粒粒幾好𡁻口！加左適量嘅腰果增加口感，但如有預先炒過會更加香！不過等依個焗飯都有啲耐之餘仲有啲失望！啲雞肉淡左啲，好似冇乜調味咁！芋頭仲有陣怪味！如要普通食飽係可以既！女友都滿意，我自己就只好陪佢食！

星期一既夜晚約左朋友黎呢間餐廳食飯， 訂枱之前睇相已經覺得環境好靚。 再睇地址見到間餐廳係尖沙咀海防道， 完全想像唔到係個一條咁多人既街道， 點樣可以一個咁relax既view， 所以未去之前已經好期待。 原來佢係一棟大廈嘅四樓， 個位一望出去只會見到九龍公園D樹， 環境實在值得一讚。首先一定係叫兩個椰青， 椰青夠凍又多水食泰菜絕配。之後當然要叫泰式生蝦， 生蝦同埋 醬汁分開上最岩唔太食到辣既人， 又想食辣又怕太辣， 分開上個辣度可以完全由自己控制。 生蝦新鮮又厚肉， 彈牙又好味， 只係兩個人佢畀左七隻蝦有D難分。另外再叫左一個蒜香軟殼蟹， 估唔到D蟹有咁大隻同咁厚肉，$108蚊咁大碟實在太抵食。 可能D軟殼蟹太厚肉， 再加上係炸既， 食完呢D已經有啲飽嘅感覺。 可能如果有少少辣辣地嘅話呢就冇咁滯。泰式炒金邊粉係食泰菜一定要食既， 呢碟我都推介， 好夠味又夠熱， 仲要好大碟。 另外仲有一碟蠔仔煎蛋， 心諗使唔使咁大碟， 成座山咁。 呢碟餸係鐵板上既， 黎到既時候噴哂煙， d 煙初初不斷飄去我塊面度， d staff好細心即刻幫我移開咗蝶蠔仔煎蛋先， 等佢標完煙再移返嚟張枱嘅中間。 相比

在海防道中間位置，這餐廳有 open balcony, 如食晚飯，見到對面的幾顆大榕樹，環境唔錯。看看餐牌的食物，老實講了無新意，但安慰的就是食物味道都好， 鹽燒盲曹有香草味，亦相當肉滑。泰式燒雞都好入味。唯獨是不要叫炒什菜，好多油！

之前已一早預訂了一間樓上的泰國餐廳，位置方便，就在尖沙咀海防道，即是九龍公園和海港城中間那條大街。現今以香港的菜式來說，泰國菜實在不是主流，趨勢是大家都偏向吃受歡迎的泰國菜。一上到那座大廈的12/F，便是泰斗，餐廳原來有分兩個area，一個是室內，一個是室外，但室內和室外中間並沒有玻璃阻隔，即代表如果外面大風的話，涼風依然會吹進室內。但天氣如果清涼，坐外面確實很不錯，是綠悠悠的一片樹海。餐廳的食物款式什多，有海鮮、咖哩、串燒等種類，光是看餐牌也花了不少的時間。 生菜包 $128幾道菜中，我最喜歡的就是這道菜，肉碎的份量比我想像中還要多，不只有鹹味，還有酸味和辣味，泰國人向來喜歡酸辣的食物，清清的生菜加上酸辣的肉碎，可說是「平淡中的熾熱」。 小食拼盤(細) $128以一個小食拼盤來說，$128實在有點貴，看看質素如何吧。分別有蝦餅、魚餅、香葉雞中翼和素春卷，蝦餅和素春卷都脆卜卜，很香口，雞翼則比較細隻，不知為何會感受到甜甜的感覺？魚餅就有很濃的香葉味。 串燒沙嗲豬、牛、雞(各2串，2串$38)3款的味道都差不多，但是有個共通點就是一放涼了一會兒就會變得很硬，豬肉什至是咬不開的的⋯⋯牛肉和