泰斗 (中達大廈)

營業中

休息中

唔知點解食泰國菜好似坐室外會特別好feel，叫埋支泰象啤就更完美喇！嚟到尖沙咀嘅泰斗，特意book咗室外嘅位置，好寫意咁嘆吓我哋嘅晚餐，同樓下繁忙嘅海防道相映成趣。如果你怕熱嘅，其實餐廳亦有室內冷氣位置。大頭蝦冬蔭功湯冬蔭功係一樣我哋少有極端嘅嘢食，因為我就好鍾意，相反A姐一向都唔太鍾意。不過，其實酸酸辣辣嘅冬蔭功確實好開胃，份量非常多，足足有成4碗！更重要係材料十足，入面有唔少泰式香料，所以味道好豐富好有層次，但就略嫌蝦肉有少少梅。小食拼盤拼盤有有泰式雞卷、魚餅、蝦餅、素春卷。全部炸得好香口，我哋一致鍾意蝦餅，入面勁多蝦肉，夠晒彈牙；泰式雞卷炸得勁脆，入面雞肉勁多肉汁。記住要點埋泰式辣醬，就更加惹味。鹽燒牛舌兩串牛舌，燒得啱啱好。一串有四塊，鹹香味十足，肉質軟腍，勁香牛肉味，加埋秘製醬汁，又香又辣，好好味呀！新派美味老虎蝦餐廳嘅招牌菜之一，上枱前仲會淋上酒，形成火艷燒蝦。老虎蝦大大隻，夠晒彈牙，至於醬汁香濃，除咗帶有微微嘅酒香，仲有焦香味，味道好有層次。泰式蝦肉炒金邊粉呢個泰式蝦肉炒金邊粉新鮮炒起，炒得好有鑊氣，味道酸酸甜甜，記住撈埋花生粒同青檸汁呀！另外一讚係勁多鮮蝦，非常抵食。

通常去海防道只是匆匆的過客，細看之下原來有熟食街市及很多餐廳，今日與朋友去了中達大廈4樓的泰斗。.環境好正，有一個密封式的露台，光猛通透，開揚舒服，又有冷氣覆蓋，可以見到樓下海防道人來人互的熱鬧。香港這種露天餐廳越見越少。嘆著椰青、青檸七喜hea下，清涼透心呢，爽呀！.新派美味老虎蝦（2PCS）- 上菜時用火焰燒，烈火熊熊之老虎蝦，簡直可以當一個藝術品。如果晚一點去深夜更看得到火焰呢。經火燒一燒，更點焦香，也keep到溫度。老虎蝦肥美大隻啖啖好，鮮甜，加上醬汁好好食。.汁燒安格斯小排 - 牛肉味香濃，燒到很香，又保留到肉汁，鮮嫩可口，肥瘦適中，加上泰式辣醬，酸辣酸辣更加開胃。.咖哩南瓜盅（海鮮）- 原個南瓜，材料豐富，有青口、魷魚、鮮蝦、薯仔、洋蔥等，咖哩煮得入味，更加可以刮南瓜肉來食，伴飯食一流。.想不到在人來人往的海防道，也有個恬靜露台泰式餐廳，很是享受呢。

今日約咗朋友去尖沙咀海防道泰斗食泰國嘢，已經唔係第一次嚟，之前印象嘢食好新鮮。今次order咗新派美味老虎蝦、海南雞、濕炒海鮮河、汁燒魷魚筒、蒜蓉包、烤薄餅、泰式蝦肉炒金邊粉，另外叫咗椰青。新派美味老虎蝦係兩大隻虎蝦煎香，再加上秘製冬陰功汁，然後上臺前再落酒喺表面，然後點火燒一陣，完全係打卡之選，而且做法特別，食落有酒香特別惹味。海南雞就絕對肉質嫩滑，而且一啲都唔肥，同埋特製三款海南雞汁將雞嘅味道推上另一層次。濕炒海鮮河及泰式蝦肉炒金邊粉 就夠曬泰式傳統味道，特別係個炒金邊粉第二度好難食到。汁燒魷魚筒就夠曬爽口彈牙，魷魚夠曬新鮮。蒜蓉包及烤薄餅即叫即整嘅關係，熱辣辣所以夠香口好好味。椰青係食泰國嘢必要之選，為呢餐畫上完美句號。

坐係露台望住海防道車水馬龍好休閒除左有3部冷氣機仲有兩把大風扇吹住傍晚時分入坐不會太熱 加杯芒果沙冰透心涼主打新派泰國菜 味道改良下幾有驚喜服務好nice不時都會問我地夠唔夠風餸菜上枱仲會幫手分湯及串燒起竹簽$128 秘製紅咖哩牛舌 （必叫原本預計味道較辣 但加左菠蘿增加甜酸度椰汁及花奶相伴下令咖哩少辣得嚟又易入口每片不算大但厚身既牛古爽脆浸耐左都不會老蒜蓉多士手撕成小塊沾埋咖哩汁超正$128 原盅椰青大頭蝦冬陰功用左大量椰汁及椰肉既冬陰功辣得嚟又帶清甜除左有成隻大頭蝦可以食 切成片既椰肉有趙頭$108 泰式蝦肉炒金邊粉用左大量蝦仁同芽菜 炒得幾有鑊氣味道幾正宗而且好飽肚下$38/2串 串燒沙嗲豬 串燒沙嗲雞每串都算大件 特別係豬肉面層香口燒得靚

泰斗在尖沙咁海旁道，餐廳半開放式，望出去是翠綠既樹林景，份外有天然感！像到了泰國一樣，還播放輕快泰國流行曲！menu超多選擇，圖文並茂非常清楚！員工服務都幾好，還推介了我時令燒馬友！新派老虎蝦，醬汁帶點微辣又惹味！帶點椰香咖哩香辣感！店員再將酒放上蝦點火，做出火灸感，賣相一流！老虎蝦夠大隻，肉質爽口又有彈牙感，醬汁將虎蝦包圍，味道夠哂惹味。泰式香辣蝦膏海鮮炒河，海鮮非常豐富足料，青口，蝦，魷魚，還有青紅黃椒，夠鑊氣又惹味，好有質數。泰式香料味好重！堅好食。鹽燒馬友，新鮮既鮮真係幾好食，肉質鮮甜又夠滑，剛剛熟，還滲出香茅味道，超香！旁邊既香辣汁好出色，更帶起魚既鮮味！魚又夠大條，店員招招得好！

放暑假想去泰國渡假？今日去了位於尖沙咀A出口附近的泰斗，感覺猶如去了陽光與海灘的泰國！.有一個很大的露台，見到下面繁忙的海防道，透光感十分，不會壓迫。用窗簾圍著，keep到空氣，所以即使坐露天位都好涼爽。.新派美味老虎蝦（2PCS) - 上枱用火再燒一燒，熊熊烈火令晚餐增添光彩。老虎蝦好新鮮厚肉，爽甜好食。加上秘製泰式醬汁，非常exotic。.大頭蝦冬陰功湯（細）- 去泰國餐廳當然要飲冬陰功湯，酸酸辣辣好開胃。細份的夠4個人飲。.咖哩雞南瓜盅 - 又是可以打卡的作品，原個南瓜入面是咖喱雞，也有洋蔥、薯仔粒、車茄蕃，很豐富，沾上咖喱汁食天易入口。.泰式鮮蝦炒金邊粉 - 金邊粉炒到好入味，條條都柒上醬汁的色，香口好食！.再慢慢嘆杯青檸梳打，relax 的程度令我覺得好似去了泰國。

- 繁華既尖沙咀食肆林林總總，想搵一間唔係太貴但又有feel既餐廳真係唔容易。- 但今次搵到間鬧市中有園景，仲合乎哂我要求既泰式餐廳，有Feel既露台，望到出邊公園啲樹有靚靚燈光，仲要有冷氣（好重要🤣）。- 今次我地前菜叫左炸軟殼蟹柚子沙律🦀🥗，清新得來又健康，泰式汁酸酸地少少辣，勁開胃。而且軟殼蟹好大隻，炸到脆卜卜。另外，加埋腰果、椰子脆脆同炸蒜片，味蕾大爆炸。- 因為夏天唔係好想食咁多野，所以主菜我地叫左個冬陰功湯同新派美味老虎蝦。- 冬陰功湯造型十足，係用椰青裝住🥥，二人份量入面仲有蝦，味道夠哂酸但唔會太辣，飲完仲可以刮埋啲椰肉食🤤。因為我地果日落住雨，所以飲完個湯暖笠笠🥰。- 新派美味老虎蝦其實就係用咖哩汁黎整，味道好特別，啲蝦又大隻，上枱又係表演💯。無錯！佢同樣都係有著火嫁🔥！- 飲品方面，我地果日太口渴啦🤣。所以我地叫左椰青、龍眼冰同椰汁冰。飲品價錢好實惠，椰青仲要好大個，勁推薦啊❤️！- 我地仲忍唔住叫左芒果糯米飯🥭🍚，我就覺得幾正宗。因為佢個糯米飯係熱上，而芒果就凍冰冰，雙重感覺再配搭椰汁🥥，真係無得輸！而且芒果仲要好甜，糯米飯整成心形🧡，有泰式風情又吸引。

中午時段，行經呢一間泰國菜，一於入嚟堂食，試一下佢哋嘅手勢先。.見到餐單，有好多經典嘅泰國菜式。今次點咗3樣餸，泰式無骨鳳爪，泰式辣椒膏炒花甲，同埋蝦醬炒通菜。點樣少不得佢哋嘅招牌凍飲薄荷青檸，哩個好有泰式風情。青檸嘅酸甜喚醒咗夏日嘅感覺，有埋薄荷葉更加清新。.蝦醬炒通菜嘅蝦醬好香，😍係我最鍾意嘅泰國炒法，通菜同樣好鮮嫩，非常滋味。.泰式辣椒膏炒花甲。少見嘅特色辣椒膏，微辣之餘更加可以帶出花甲嘅鮮甜。

行經尖沙咀發現1間新式泰菜！自己一直都未試過，因為平時食慣酒樓😁已經好厭悶，dinner time換一下泰國菜口味，最啱我心水。夏天熱辣辣行到興，當然要飲杯嘢飲啦，😍香滑嘅泰式奶茶係招牌，點可以錯過？😉甜得嚟，仲好有茶香。果然令我喚醒返泰國嘅感覺。佢哋嘅露天茶吧好舒服，😋同friends一齊食住傾，零舍寫意。同場仲試咗下佢哋嘅特色🦐火焰蝦。店員喺你面前即場燒，見到🔥紅紅烈火，真係好特別。

Blue Monday 你地放工會選擇食咩？ 我就選擇同謙謙食微辣開胃的泰國菜😊踢走落雨加Blue Monday的情緒。⚛️ 廚師發辦的咖哩火焰虎蝦 ～ 侍應係我地面前點火再倒入蝦裡， 等待酒精燃燒過後，咖哩虎蝦入口唔會有濃烈的酒味，反而係咖哩和酒香幾特別， 虎蝦肉亦見爽彈。⚛️ 秘制紅咖哩牛舌 ～ 對謙謙來說是中辣的紅咖哩， 辣味吸引牛舌煮得夠軟腍。⚛️ 烤薄餅 ～ 點得咖哩冇理由唔叫返個薄餅來配搭嘅， 薄餅點咖哩汁食最夾。⚛️ 細小食拼盤 ～ 有蝦餅，魚餅，素春卷， 泰式雞卷各4件， 熱氣野謙謙鍾情蝦餅， 我就覺得雞卷幾出色，不過都唔緊要反正拼盤就可以滿足唔同人的需要 😊⚛️ 泰式蝦肉炒金邊粉 ～ 謙謙點必之選，金邊粉炒得幾好，味道上酸酸甜甜好開胃。🥭 芒果糯米飯 ～ 嘆返個芒果糯米飯咁先叫圓滿的一餐， 呢到椰漿分開上幾細心，芒果都幾甜。

泰斗朋友生日選擇左係尖沙咀食泰國菜慶祝！之前有朋友推介過泰斗，已經心心念念好想試，今次終於試到！我哋三個人叫左生蝦(食泰菜必食！)，冬陰功湯，明爐魚，同大蝦。生蝦配上蒜頭同辣椒，點埋個酸辣醬十分開胃！冬陰功湯非常驚喜！用原個新鮮椰子黎煲，非常有椰香而且唔太辣，唔食辣嘅朋友都飲晒！店員仲主動黎幫我地分湯，又刮埋啲椰子肉出嚟，第一次飲冬陰功湯係加埋新鮮椰肉，啖啖足料，好好味好滿足！大蝦上既時候有一個小小的火焰表演睇，打卡一流！椰香咖哩汁大蝦好惹味，食完隻蝦啲汁用黎點麵包或薄餅都會好正！最後上既明爐魚好大條，面頭有好多香料，未開火都已經芳香撲鼻，令人食慾大增！個人最欣賞入面啲粉絲，索晒個湯底，好出色！另外仲有一專門點魚既自家製醬料，再將條魚提升到另外一個層次😋😋😋我哋唔夠時間買蛋糕，然後發現呢度都有小蛋糕賣！店員仲會親手為你寫生日牌，好有心思！最驚喜嘅係佢哋會送上一張即影即有，朋友好開心🥳覺得我哋準備得好好👍🏻其實都係店員嘅功勞😆我覺得店員的服務和態度非常之好🥰🥰都會成為我以後再來食的原因環境方面有分室內室外， 但室外一啲都唔熱，因為同樣有冷氣，而且望住海防道一排樹，好有在外國度假的感覺☺️

A stone’s throw from the Kowloon Park, the setting at Thai Master is one of the best spots for a relaxing meal within the area.  The spacious balcony yields uninterrupted greenery views and a decidedly laidback atmosphere.  The menu here is pretty comprehensive, from Thai savoury staples to sweet desserts, you’re sure to find something to delight you taste buds.Pomelo Salad (HK$98)👍👍👍👍👍The refreshing pomelo goes really well with the crunchy deep fried coconut flakes, mixed well with the citrusy-

見到👀呢間新派🇹🇭泰菜餐廳🍴喺尖沙咀⚓️海防道幾就腳，今晚就特登🤤過嚟試吓！原來🤩呢間餐廳都幾大，座位🪑幾舒適，我哋六點幾嚟到就未算好多人。最特別嘅係佢有個😍超大露台，坐喺度👀望住九龍公園🌳感覺好 chill，彷彿係鬧市中嘅一個綠舟！依家天氣☀️熱，一坐低我先叫咗杯🍹珍多冰，佢好冰🧊凍解渴而且🥥椰汁味濃，粉條又多又煙韌👍。朋友仔要咗個🧉椰青，佢話椰肉🤤好嫩滑，椰青水清甜解辣🌶，最後佢差唔多😮食晒啲椰肉😂。燒豬頸肉沙律🥗入面有好多🔥燒豬頸肉🐖，差唔多係🐖豬頸肉多過沙律🥗，佢個沙律汁好香辣🌶惹味好開胃，不過比我想像中辣咗少少🤏。🦆鴨肉🥬生菜包分量十足，而且入面嘅🇹🇭泰式酸辣🌶醬汁帶出咗🦆鴨肉嘅鮮味🤤，用🥬生菜包埋來食好 refresh 😋！火焰🔥老虎蝦🦐一上枱侍應就會🤩淋上點着咗🔥火嘅酒🥃，幾秒鐘⏱已經酒香四溢，而且仲有少少🤏焦香🤤。虎蝦🦐好大隻，肉質爽滑而且好😍鮮甜，重點係個咖喱汁撈埋頭先點火🔥燒過嘅酒🥃食起上嚟充滿層次感👍，而且亦令到隻虎蝦🦐嘅鮮味更上一層樓！酸辣🤤青檸🍋明爐魚🐟都幾大條🤩，佢個🇹🇭泰式酸辣醬汁好醒胃🤤，魚肉🐟鮮嫩而且越煮越入味😋，粉絲吸晒啲魚🐟汁同埋酸辣汁亦👍好好食！總結

呢間泰菜店幾年前食過，今晚再度歸來，分室內同室外用餐區，室外燈光柔和，佈置有別於傳統泰菜餐廳今晚坐於室外，有多部冷氣調節溫度，一D都唔熱，仲可以望到街景，慢慢望住天空入黑，歡喜嘅可以叫杯酒類飲品CHILL下先食飯!酷熱天氣警告，即使晚上都仲有三十幾度，先黎個柚子沙律 ($98)，清新及喚醒一下味蕾相比起平日食到嘅泰式沙律，呢度嘅份量可謂相當多，材料有一梳梳清甜柚子肉，咬落爆汁，仲有紫洋蔥，芽菜等爽口食材，加埋原粒香脆腰果，增加咬口，個酸辣汁帶少許甜味，又食到炸蒜，乾蔥及蝦子嘅香味，引起食慾絶對幫到手!友人係咖哩愛好者，特別點名呢客椰香紅咖哩鷄 ($108)，辣度係兩隻辣椒侍應送上枱後，未食已經聞到咖喱香味，鷄肉份量唔會係數得出得幾件，亦有其他配菜如泰茄(我歡喜呀)，豆角，菠蘿粒，青豆，紅椒及金不煥，真係好泰FEEL咁惹味嘅咖哩汁又豈能浪費?!  點選D可索汁嘅食物 - 烤薄餅...........烤薄餅嘅功能比美白飯轉換口感，外脆又帶點筋性嘅薄餅，沾滿一身紅咖哩汁，醬汁味道係口腔徘徊...........就係呢碟新式火焰老虎蝦，上菜時令到我地張枱成為十零秒焦點..........哈哈侍

冇得去旅行唯有搵間靚仔嘅餐廳，朋友介紹尖沙咀海防道樓上有一間好似去咗泰國既餐廳，有outdoor位置，但係又唔會覺得好熱，仲有冷氣涼住，真係chill到不得了🤩食物種類好多架，好岩一班人眾餐😚我地嗌今日嘅廚師發板，新派火焰🔥老虎蝦，一上枱以為係表演，先會將啲酒淋落去老虎蝦上邊再點火，形成火焰🔥但係全場既食客都望住我😜果然食落去老虎蝦係特別鮮甜😋泰式海南雞半隻，全部都去唒骨，好細心💓擺碟好靚仔，而且份量好多😊一邊雞胸，一邊雞髀，雞皮好薄身又爽口，而皮下有啫喱膏，正呢，雞肉嫩滑，富有雞味，雞髀部位最好食😋鐵板蠔仔蛋❤️ 熱辣辣嘅蠔仔蛋👍蠔仔🦪份量好多，又好飽滿又好大粒，每隻蠔仔沾滿炒蛋，食落又有蛋香，又有蠔仔嘅鮮味🤩豬肉生菜包，清爽可口既生菜包住香辣惹味既肉碎一齊吃，真係好岩炎炎夏日呀，碎豬肉調味得相當好，香茅同羅勒葉令到豬肉更加提鮮，真係食極都唔停口呀😚串燒牛舌都幾特別，好少喺泰國餐廳可以食到，廚師將牛舌切片串起拎去燒，燒嘅火候啱啱好，食落爽口，有嚼口但唔會韌，Keep到juicy❤️