泰式生香 (已搬遷) 新店位置

我要推介呢度既海南雞飯呀!今次都只係偶發同朋友黎食飯先食到,原來係好好味架!雞唔係最正,雖然多肉,但係最吸引人係個飯,顏色淺黃,應該落左一d調味,不過食落又唔太油,反而好香,除左個飯,第二好吸引人既係個醬汁,點雞肉食一流,不過真係幾辣,好在佢分開放,可以自己調較點幾多,唔食得辣既就真係對佢又愛又恨咯!

今次四個人食咗六樣嘢,剛剛好啦. 個酸辣湯個人認為酸辣度唔錯,不過可以再辣啲,但海鮮味就欠奉. 豬頸肉米線都幾入味,但就同鳳爪,木瓜沙律一樣咪. 木瓜沙律就一般啦,我食過有間有蝦米仔嘅,好似好味啲. 咖哩豬扒飯就差啲喇,個汁好'傑',好多豆粉,而且冇咩咖哩味. 不過我見好多人叫,唔通我唔識食???? 不過整體其實唔錯嘅,因為佢都好平,四個人先至係$240,有咁多嘢食都幾抵啦. 最緊要都有辣味,否則我就唔會有興趣喇!!

第一次黎呢度食呀!叫左個酸甜班腩飯,係午餐,所以24蚊連飲品,好抵!可惜真係太普通,好既係班腩一d都唔腥,而個酸甜汁又真係好醒胃,不過汁既份量又多左少少!味道ok啦!仲叫左個牛肉金邊粉,反而呢個掂喎!幾有泰式風味!牛肉淋而唔,而且唔肥,好岩我胃口,個湯清清地,唔錯!粉夠滑!一碗廿蚊,ok喎!

早前見Olivian和cheap兄食過，好像都幾好，昨晚便和辣椒女來試試。本來想叫二人套餐，但又唔算太餓，怕食唔完，最後叫了冬陰功海鮮湯、海南雞飯、泰式炒米線、椰青和青檸梳打。冬陰功海鮮湯- 材料豐富，海鮮都算新鮮，辣味香濃，真係無介紹錯，可惜味精都唔少，之後都幾口渴。海南雞飯- 雞肉已去骨，雖然賣相唔多好看，但雞肉嫩滑，味道都幾好；油飯加入炒過的蒜蓉粒，令味道更加香，及多了一點咬口，我自已就幾喜歡。泰式炒米線- 今次炒得比較乾身，米線變得有點一舊舊。椰青- 味道偏淡，好在都幾夠凍。青檸梳打- 青檸得薄薄的一片，完全飲唔到青檸味，冰又真係幾多，好在昨晚都幾熱，所以多冰都可以保持冰凍長一點。價錢唔貴，味道都算幾好。加上店內養了一隻貓貓，看到它食東西時趣怪的表情，增加再去的機會。侍應招呼唔算，可惜時常大開中門，令冷氣唔多夠凍。

九龍城雖然多泰國菜館，但係唔就腳，search search下見到cheap兄介紹話唔錯。大辣的冬陰功海鮮湯，又平又大鍋。蝦、魷魚、蜆、蘑菇材料十足好豐富，面頭佈滿紅色的辣油、又有好濃郁的香茅味，大辣都不算太辣，連飲兩大碗，不過返到屋企好口渴。木瓜沙律-酸酸甜甜，仲有生豆角，同係泰國食的一樣。香辣炒西蘭花-即係蒜蓉炒西蘭花，只是加了好多辣椒，又係唔太辣，西蘭花夠爽。泰式炒粉絲-炒得唔錯，唔油但又唔會乾"爭爭"。老公飲了杯珍多冰，名副其實真係有好多"冰"。越食越有泰國feel，下次試埋生蝦tim。

星期六由行完廟街之後想食泰國菜, 咁一路向尖沙咀方向行, 是旦搵間泰國菜食下, 一路行到黎呢度先見到第一間泰國菜, 本來都諗住放棄. 世事就係咁, 所以冇得強求.我地叫左冬陰公(中辣), 肉碎生菜包(中辣), 酸辣鳯爪同埋泰式炒通菜. 我另外叫左杯珍多冰.冬陰公好好味(比起我星期日係蕉葉飲果個好好多), 中辣對我黎講好似辣左d, 不過男朋友就覺得ok.肉碎生菜包就唔係好辣,不過味道都好好, 只係嫌佢炒得唔夠乾身.酸辣鳯爪係我最鐘意果個, 好爽口.泰式炒通菜就好普通.我覺得間野都算係又平又好食.

尋日晏晝同個朋友行尖沙咀行到餓餓地, 記起未試過"泰式生香" , 就索性o黎呢度試o下. 我地叫o左"辣椒豬肉碎炒飯" 同埋"冬蔭功海鮮湯"辣椒豬肉碎炒飯($26) - 仲以為會有驚喜, 原來都幾普通o既炒飯, 送料有豬肉片, 豆角, 香花菜, 紅辣椒片, 同少少青辣椒粒. 飯炒得有o的濕, o的辣椒完全唔辣, 香花菜亦冇乜香味. 作為一般o既茶餐廳炒飯就唔錯, 但實在無乜特色可言.冬蔭功海鮮湯($38) - 一大煲足夠三個人飲, 可自選辣度(小辣/中辣/大辣), 我地食得辣, 叫o左大辣. 個湯本身好足料, 紅辣椒碎佈滿湯面, 仲有好多青辣椒粒, 香茅同老薑(薑味非常辣!) 湯料有唔少蘑菇同泰式魚蛋, 海鮮料(蝦仔, 青口, 魷魚) 都幾豐富. 湯有好香o既青檸味同香茅味, 雖然係大辣但我地都唔覺得點辣, 酸酸甜甜咁幾好味.埋單64蚊唔算貴, 但食完之後行行o下街無幾耐就覺得好口渴, 要外圍去買o野飲, 睇o黎煲冬蔭功有"師傅" 坐鎮, 功力仲好深厚添! 睇怕以後都唔會再幫襯喇.

有日路過柯士甸路﹐被某種炒飯炒麵的香味吸引﹐<br />沿住香味望過去﹐就見到呢間“泰式生香”...<br />見未食LUNCH﹐於是諗都無諗就坐低醫肚先。<br />呢間餐廳絕對係小本經營﹐裝修欠奉﹐亦無咩<br />泰國餐廳FEEL﹐講真其實有少少似港式快餐店。<br />不過餐牌上的﹐就真係泰國小菜及粉麵等。<br />點了泰式香辣炒河﹐生蝦刺身及肉碎生菜包﹐<br />炒河味道很不錯﹐辣椒蒜頭香葉份量都夠﹐肯定<br />唔係“港式炒粉變種”。肉碎生菜包味道還可以﹐<br />如果再辣一點就更好﹐肉碎份量亦不足以配合<br />送上的生菜。生蝦刺新都幾抵食﹐$58 有8隻大大隻<br />的生蝦﹐甘甜軟滑﹐刺身汁料亦夠味夠勁﹐連渣<br />都掃埋的話就小心變“潤腸嘴”了。<br /><br />呢度價錢唔算好平亦唔算貴﹐係介乎一般泰國菜館<br /