泰式生香 (已搬遷) 新店位置

放工約了好耐冇見的友人食飯，大家冇心水食咩好，決定周圍行下睇下有咩食，經過一間泰國菜，諗諗下都好耐冇食泰國野了，好掛住冬蔭功湯，一於入去試下。 是一間小小的店子，裝潢不太特別，牆上掛有少許泰國畫像，但有電視睇果下都幾正，平日的晚上，不太多人。 MENU。 龍眼杯，$20，有好多龍眼肉，但龍眼味又不算好濃，偏甜，味道普通。 冬陰功海鮮湯，$68有蝦、魷魚及蜆等，材料豐富，味道香辣濃郁，不過都幾鹹。 泰式鐵板炒蠔仔，$68，不是用鐵板上，蠔份量適中，蛋太乾了，味道普通。 炒金邊粉，$58，味道酸酸甜甜，微辣，但欠缺花生碎，普通。 馬拉盞炒通菜，$58，份量多，好惹味。 食物水準普通，感覺不太正宗同有點hea，衛生一般，上第一杯飲品時，杯飲品是點污糟要換過，不過服務上不俗的，價格尚算合理。

約了老婆在尖沙咀等佢收工後一起晚飯，星期五的晚上金巴利道天文台道一帶，滿滿三伍成群一起排隊晚飯，可以話全是韓式天地，不想等太耐，選了最少人等的泰菜，這間知道開了很久，但一直未有試過，選了最基本的菜式，試試佢功夫，但真是有點失望，有些其他區的比它更好.

同老友記係附近恤返個靚髮，近近地就係附近搵野食，路經見到個價錢幾抵，決定入去試下先泰式生蝦蝦唔大隻，肉好薄，但勝在爽口，醬汁香濃味美，但老友記覺得好辣，即刻要叫杯野解解辣，如果醬汁分開上可以隨意點會比較好，我食得辣既都覺得辣度夠泰式通菜新鮮熱辣，好惹味海南雞飯雞好嫩好滑 但係油飯冇味珍多冰同青檸梳打我個珍多冰都可以，但啲一條條綠色冇味，青檸梳打老友記都麻麻地埋單每人120~130蚊 尖沙咀黎講應該算抵食！

屹立尖沙咀多年的泰國餐廳，每次收工想食泰菜，而又不想去九龍城的話我就會選擇這一間公司走過去只需五分鐘，很方便~平時叫的蒜蓉包很香脆，可是這次大失所望像放了很久似的，只得硬！泰式小食併盤有香葉雞，炸蝦餅，炸春卷，泰式魚餅和炸雞亦，最好味是炸蝦餅，其他都一般~泰式螄蚶我覺得太腥了，朋友卻食得津津有味這個生蝦是最好味的，自家製生蝦汁，又酸又辣，惹味非常，很想食完再食！看到這個炒雜菜就有點後悔為什麼叫套餐，因為大家都不喜歡吃這道菜香辣肉碎炒飯很惹味，少少的香辣，味道很好酸辣的鳳爪份量也多，每人也可食幾隻，醃得很入味傳統泰式冬陰公，不過不覺有海鮮，一人可分一碗多點，不過太辣，胃部一直熱熱的鹽燒鯽魚，魚肉很嫩滑，中間加了很多香草，所以魚肉也有淡淡香草的香味平時我不會叫凍飲的，但套餐已包了四杯，首選咸檸七有點後悔叫了套餐，因為埋單$750，但是套餐都不是我們最想食的食物，下次還是散叫，價錢差不多

2人去吃晚飯。店內衛生不好。椅子也很舊。點了椰子雞湯，味道是酸酸辣辣的，沒有椰子味。本來想吃豉辣炒蜆，店員介紹泰式炒蜆，所以點了泰式。蜆肉不生鮮。蝦醬炒飯正常。不會再來。

The worst Thai I've ever had. Food was way below average with some dishes barely edible. They wash dishes in a common bucket almost in front of you.. (accidentally gave 3 for hygiene, Open Rice doesn't allow changes. Should be -3!) I know it's Hk, I lived in mainland for years, but that's another level. Just an awful parents' send off dinner..

呢間泰式生香的午餐真係便靚正甜甜的咖哩系我最愛，距的密製黃咖哩偏甜，而且特別到伴有蛋碎，可以撈飯一齊食。雞扒好脆，每一口都食到脆脆的外面加好鬆口幼滑的雞肉，另外配餐飲，凍熱同價。呢杯熱華田都ok.

今日係尖沙咀行完街諗住是但搵間野食下啦，咁岩見到呢間泰國野，睇到價錢都ok就入左去啦。第一個係馬拉盞通菜，味道都不過不失啦，同平時既泰國野味道差唔多。第二就係芝士蝦球，味道唔錯，入邊啲芝士都唔小。之後就係柚子沙律，一啲都唔係fresh個種feel，我expect會係凍凍地既，但可惜冇凍既感覺。最後就係個蝦醬炒飯，比平時食開既難食，味道只係可接受，但唔可以稱上好味。另外想講既就係間鋪有個唔知那來既細路，唔係食客黎，應該係老闆啲親戚。但真係幾嘈，個細路講兩句，個呀媽又大大聲話佢，總之冇環境可言～所以一間咁普通既餐廳仲要加一真係唔會有下次😓

跟友人無無聊聊逛到尖沙咀，剛好就是晚飯時間，我們當然想覓食處。但沒有一早做定資料搜查，周圍都逼滿排滿。還是隨便去一家就算了，一餐半餐不在意。　　環境就是一般街坊小店的格局，沒有豪華裝修，感覺家常。座位算是寬敞舒適，不會擠至背貼背。衛生情況則是普普，有時有些昆蟲到訪，還是草草吃完就走人。炒金邊粉　　金邊粉條條分明，雖然加入醬汁翻炒，但只有黏感沒有粉爛。夾起時還是清晰不糊，不會炒得過水過淋。粉質彈性嚼感重，微微韌度叫人吃得不覺膩。芽菜爽脆的質感混合其中，讓整道粉食不會只有軟稔。豆干絲的香味清新，點點似肉的質感也是加成。配上酸中帶甜，開胃溫和的醬汁就更是可口。肉碎生菜包　　肉碎脂肪位不多，不會太肥膩，卻未至於太瘦太柴。濕潤有致，唔會淋爛至水浸或出水咁，只係咀嚼下十分順口。調味亦叫得宜，不算過份濃嗆人工，微辣帶葉香。生菜尚可叫爽脆，就真係唔靚仔有點穿爛既，好在唔覺好污糟。泰式拼盤　　蝦餅、雞翼、包雞、春卷及魚餅各兩件，剛好夠我同朋友分食。蝦餅炸得脆口，不會燶過頭，蝦肉爽彈，唯獨蝦的鮮香不夠，只靠微甜調味加分。雞翼乾身不油，不過未至於老柴。帶輕輕香茅香氣，不會太過濃嗆。香葉包雞包得密實，非隨便鬆

經常嚟食的一間泰國小店,地方細細經常坐滿,老闆兩公婆熱情招呼每枱客人,我諗應該好多熟客,每次看演唱會前或後都嚟,地點接近嘛,行路就到紅館,今次就睇杜德偉前嚟食,兩公婆食得唔多樣,今次叫了老婆至愛辣椒肉碎炒飯,提示大家食唔到辣要點小辣,越食越想食的炒飯;香茅炸雞翼,之前未食過,因為諗住大路嘢,今次老闆娘問我食過未,我話未佢就叫我試試,不得了,一食就停唔到口,好味得嚟又熱辣辣,熱到一路吹一路放落口,值得推介;最後點了馬拉盞通菜,總要有點菜健康點,合格吧;飲品每次都叫咸檸七,佢地嘅咸檸比外邊特別好味,大家試完就知

泰式生蝦$68(好食指數: 9/10)食過好多生蝦剌身，不過今次食既呢款生蝦特別好味。平時食既通常分開醬汁，但呢個已經係刺身上面淋左好多青辣椒汁，好入味，非常刺激。食一隻辣足十分鐘，一定要飲龍眼冰肉碎生菜包 (好食指數: 8.5/10) 肉碎生菜包比生蝦刺身無咁辣，不過好香香葉同茅香味，豬肉碎好入味，加上夾住脆既生菜食無得頂。不過如果想添加生菜就要加$15

又是小店時間，今次去到吃泰國菜的小店，一如以往，沒有豪華的裝修，希望能吃到好味的特色食品……咖哩蟹是必食的，但第一次到此，先試一試他們的咖哩味，點了一份咖哩牛，88蚊，有點貴，所以有點期望，誰知……來到的原全欠缺咖哩香味，吃下的味道亦較淡，質地水汪汪的，不要說伴飯，其實我覺得可當湯飲，而牛肉份量極少，是牛肉的來貨太貴吧！！！咖哩蟹……不用試了

泰國菜其實個人不太適合個人口味，因為入門第一課就是辣，而小弟抗辣能力跟低能沒兩樣。 泰國的辣不是四川的麻辣，也不是墨西哥刺鼻的辣，而是帶著香料香葉的辣，這種辣相對可怕之處就是即使解辣還是留有餘香的。今次選了尖咀韓國區內的一間泰國菜館，原因無它，就是萬綠叢中一點紅而已，難得另類菜卻頑強地生存於是帶著好奇心下入內試。店內空間非常小，只能放到幾張台而已，而通道也非常狹窄因此出入要很小心。 菜式價格也算公道，但小炒分分鐘比小吃還來得便宜，所以便點了2個炒類，2杯飲品和一份小吃。泰式酸辣鳳爪: 因為知道泰式的平均較辣，所以落單時已經提出少辣，但不知是否忘了還是已經減辣了，入口還是覺得非常辣，再浸汁跟本快噴火一樣。另外問題是一點也不酸，要知道酸辣不能單純的辣而已，酸味不但能中和還能更惹味。 但整道小吃也不是沒可取之處，那就是份量比平常的多。炒金邊粉: 我覺得一間泰菜館的水準可用著名的金邊粉作定論，這次的金邊粉算是不錯了，首先份量可以，炒得算香，味道也拿得夠酸甜，但有點失色是炒得太夠散，有很少量黏在一起也致上色不均勻。濕炒牛肉河: 河粉炒香最上汁是最基本的，而這道菜也做到這功夫，但問題出於配料上。

我同1個好耐冇見ge friend約食飯，係openrice見到comment唔錯就揀佢冬蔭公湯個湯幾好飲,夠味,飲兩啖即刻開胃晒咸魚炒芥蘭份量不算多, 炒得夠香, 芥蘭難得新鮮, 吃下無渣半打沙嗲豬同雞串燒, 燒燒得都唔乾，肉質亦有彈性，加埋唔會太濃味既醬汁，唔錯!春卷,蝦餅都ok.魚餅,豬頸肉就咸咗啲炒金邊粉：呢個餸反而比較失望，金邊粉唔夠香，亦唔夠彈性，入面既材料未見突出飲品我就要咗最愛嘅青檸梳打,幾醒胃,正可能我哋叫得太多野,埋單要3百幾. 唯一要改善的是,侍應人手不足

朋友跟我都是泰國菜發燒友.當然要四圍試下這店離本人公司不遠,正好試試,點了"豬頸肉沙律"味道不錯,主角豬頸肉不會太肥,配上其它配料非常合胃口這個有點辣的, 泰式蝦刺身.這個非常新鮮口感跟味道也是鮮甜的,最少不會是一口雪藏味泰式肉碎生菜包.份量十足.不過有點咸咖哩魚塊.這個不辣,很有耶香味.有點甜,配"蒜容包是不錯的配合還有金邊粉的也是不錯的味道,.不會炒得太乾身.(欠相片提供) 整體來說人宜客不算太多. 坐位還是 OK 的價錢在這地區來說是大眾化了如果可以關埋到大門,更好, 晚上都會有點熱氣吹出來的服務算不錯的,不過我廁所不是好得