泰式生香 (已搬遷) 新店位置

第一次黎食飯, 個位服務員態度真係好好叫左個生蝦好辣, 不過辣得黎好好味,個湯真係好正, 又落足料, 不過凍左飲就麻麻地囉臘腸炒芥蘭食落口有少少苦, 無想像中咁好食炒蟹d汁好好味, 不過個蒜蓉包差左少少

日剪完髮約朋友食飯，見到隔離餐館企滿人，跟住友人話入去試試看。入去坐低後老闆娘非常熱誠地招呼。跟住問佢有乜好食，佢推介咖哩炒蟹，生蝦，燒魚，冬陰公湯，燒羊扒。。咖哩炒蟹非常野味，生蝦好鮮味但係汁辣D，燒魚鮮又甜，冬陰公都好味但辣多小小仲好，燒羊扒非常可口。總括來講呢個價錢食到呢種味道仲算合理，不過坐得有D擠壁。

見到openrice 既好評，向尖沙咀返工既我地，我地就一行5人lunch 閃過去試下。我地叫左lunch set 既青咖哩豬扒/雞扒飯，hk$30/set，送飲品 。個青咖哩汁不錯，個汁既顏色唔係青色，而係黃色架。不過d豬扒同雞扒就凍凍地，應該係未夠熱。同埋炸得比較"窿"。我地另外叫左芝士蝦球，味道一般，唔夠芝士味，如果芝士味濃d就完美咧。不過芝士蝦球要成48蚊6粒，都比較貴。我估食炒野應該會好食d。

這間泰式小店從廚房到樓面, 都是由一家人來打理, 服務體貼, 很熱情和細心。食物方面, 以前的確是做得比較好, 但現在的水準還是很不錯。因為兩年前男友帶過我來, 是夜想吃泰菜, 我們很自然地又跑到這裡來了。酸辣海鮮粉絲沙律：聽個名字還以為是全素的, 原來除了粉絲、海鮮 ( 有青口、魷魚、蝦、蟹柳 ) 和魚丸之外, 還有豬肉粒。再加上洋蔥和主角辣椒粒, 泰味十足。雖然叫了小辣, 但吃罷四分三碟舌頭都變火了, 對我來說, 幾辣下!~旁邊的那個又不幫手>.<個人而言, 如果扣除豬肉粒, 感覺會比較清新, 事關豬肉粒份量太多了, 膩了一點, 夾起粉絲時, 好有螞蟻上樹的效果。蝦是連尾蝦, 尾段是連殼的, 肉質新鮮爽口。芝士炸蝦球：外面沾上一層麵包糠去炸, 香口美味, 內裡的芝士都溶了, 有流心架, 由外至內都是熱辣辣的, 蝦丸亦好彈牙, 配上好朋友泰式辣醬又增添一份惹味了。然而美中不足之處就是其中一粒沒有芝士在內, 老闆娘不好意思地說忘了加, 要換嗎? 不用了~泰式蠟肉炒芥蘭：每次必點的小菜。這個蠟肉不是中國的那種, 沒太多脂肪, 比較有嚼頭, 味道有點似煙肉, 好香, 比中

同朋友o係附近打波, 黎食 d 野醫肚唔算太多人, 有電視睇都唔錯泰式生蝦, 好食, 一碟八件, 青辣椒加薑蒜, 頗辣但好味炒金邊粉, 酸酸地, 好開胃炒芥蘭, 普通肉碎生菜包, 好味, 但頗辣下咖喱大頭蝦, 大頭蝦炸過, 好多咖喱汁, 點法式蒜包, 唔錯

呢間野我去過好多次, 因為工作關係, 成日都係佢度食lunch, 終於有一次我係佢度食dinner 喇, 終於可以好好試下真正既菜色 (因為lunch通常都係得咖啡雞扒飯, 有時好彩既有冬陰功朱扒米粉架, 又可以轉其他粉, 但我都係會叫menu裡的濕炒河多~ 同set lunch相差8蚊左右之嘛~)dineer - 食到佢個泰式生蝦啦, 勁正, 唔係用紅辣椒係用青辣椒架, 鍾意食辣一定愛上, 唔鍾意太辣就撥走一d青辣椒茸先好食.冬陰功湯 - 好夠味, 比較以真係 泰國食果d , 原來佢地d廚房仔廚房佬真係泰國人黎架!生菜包 - d肉碎也不錯, 不過好惹味, 不過唔食辣既又要小心啦, d肉碎有d辣架.明爐烏頭同燒魚, 我揀左好耐最後要燒魚~ 燒了鰂魚, 都唔錯丫, 用d粗鹽捽過就燒, 都好入味喎(d皮唔食, 因好多鹽好咸既~)海南雞飯 - 正呀, 個海南雞飯個汁撈d 油飯食真係正! d雞又勁滑, 美中不足係d 雞少左d...唔緊要, 都好似有得淨叫佢半隻咸雞~~ 唔知meun上的咸雞係咪都係海南雞咁架呢? 不過唔緊要, 佢個雞絲湯金邊粉係我至愛, 都有好味既雞食~四個人食, 食到

今晚在這開飯喇！！！！先試食生蝦，個汁好特別係綠色的，同其他泰式菜館的不同，這間個汁好香好重味，還有個芝士蝦球，一口咬下去ｄ芝士係咁（ｇｉ）出來，好美味呀！！！！可惜我得兩人行，只試得小小菜式，下次一定叫多ｄｆ一起來開大食會！！！

尋日約朋友行百利，買完就地方食飯，行過金巴利道見到一間門面一D都吾起眼泰國餐廳，當時好大雨費事行就是但啦..一入門口就有肥肥地待應好熱情招呼.跟住介紹幾度菜有..鹽燒黑..味道鮮甜.芝士蝦球..夠特別.馬拉盞炒通菜..咸小小.冬陰公湯..好味不過料多過湯吾夠飲.咖哩炒蟹配蒜容包..咖哩味香濃D蟹又新鮮.六人..飲品連白飯四百五十有找..抵食.

本來約好ｄ朋友飲杯野，但有ｄ有事走唔到，最後得４條友，去食飯算啦！行到呢間鋪泰國野都無所謂就入咗去，就隨便orderｄ野食，有蔭功湯，泰式炒蜆，馬拉蓋炒通菜，燒豬頸肉和一個炒飯，ｄ侍應不停邦我們換盤和加水，服務都唔錯，蔭功湯好香好有泰國味道，燒豬頸肉和汁味一起很配合，原來是泰國人煮的！埋單都只係＄２０５好低，

呢日本來諗住睇波既，點知間間吧都滿晒，唯有死死地氣搵野食。我地由文化中心一路行到柯士甸道，ｄ吧都滿晒，離譜！但咁岩俾我地發現呢間泰國野，我地見佢咁夜都咁多人，就試下囉。我地叫左個泰式炒粉絲，好味好香，又多料，又有鑊氣，但係個咸香雞金邊粉的雞就唔夠咸，隻雞又係雪雞，冇乜味。其實呢間野都幾好味架，但係佢位置差d囉，冇人行到咁遠。

首先食海南雞飯, d 飯辣辣地, 幾ok.跟住叫左冰凍豬頸肉米線, 都係辣辣地, d 米線硬左少少, 可以接受, 但d 豬頸肉未熟, 美女廚房咩依家, 唉.... 最後叫佢整番熟先再"冰凍"過.. 失望. 食食下發現牆上有隻曱甴, 成4-5cm 長, 嚇到啦啦聲食埋d 野走人...

(4/8)經過之前一役，應該要沖喜一番。小店式經營，地方細小，叫了泰式炒金邊粉、冬蔭功、馬拉盞炒通菜、炸蝦餅，金邊粉，鍋氣略欠，實屬平凡之作；而炒通菜，太重的汁料蓋過，過鹹；炸蝦餅，用料不太新鮮，不爽口，但炸至金黃，中規中距；最後的冬蔭功，可以算是最好的一環，用料也算多，味道亦有指定的香茅味、海鮮鮮味。整體是合格的食店，但相比橋泰，似乎有丁點兒距離。

雖然稱不上抵食，但因全是泰廚，因此絕對不用擔心味道品質。多數食客都是熟客，大家有講有笑，很難得！荃灣也有分店，一定要帶家人試試！

晏晝午餐係$26 連涷飲, 叫左個羌葱雞肉飯, 好家常便飯feel. 同泰式真係唔覺有關係, 唔辣而且淡淡地, 可以話係比較健康啦.

看畢一個令人熱血沸騰的演唱會，十一時多，向尖咀方向覓食，很多食肆都打了烊，就是找得著這裡還沒收舖。舖面細細，又沒有裝修，似一般茶記，但印象中看這裡的食評是不差的，加上店員服務態度良好，又有可愛家猫陪客。1)馬拉盞炒雜菜店員提議用馬拉盞炒，不過實在太重味又過鹹，對於蔬菜的味覺又相對地大減，差矣。2)椒鹽豆腐椒鹽落得幾足，豆腐炸皮亦脆，做得不錯的可口小食，的確食不停口。好！3)炒金邊粉泰國菜館都愛用「泰式炒金邊粉」這個名，有一點此地無銀的感覺，出來也很可能不正宗，有了批評的空隙。平平淡淡的炒金邊粉，反而感覺地道一點，誰不知這是泰式炒！料不算很多，但個粉底做得煙煙韌韌，好有口感。據知冬蔭公與咖喱炒蟹不錯，不過真不想在該種時間吃這麼重的食物。有機會下回再戰，兩個人三道菜盛惠$99！抵。