泰廚泰國菜館

營業中

休息中

復活節假既第一天， 約左2個好耐無見既朋友到旺角shopping本身諗住行完街睇下戲先食野，但3個女人行行下唔記得左時間🙈去到戲院發現無晒位，又累又肚餓，唯有搵下附近有咩食😩但一個唔想食日本野，一個又話唔食韓國，搵搵下搵左泰國野，發現呢間食評都唔錯於是即刻過黎攞位，其實都幾多人好彩都等左唔係好耐😬😬😬✌🏼✌🏼✌🏼我地見門口剪報介紹海南雞所以叫左半隻，仲有金邊粉、濕炒河同友人堅持很想食既生菜包。值得一讚既係個幫手落單既姐姐好nice～而且俾籌我地既叔叔仲好熱心咁幫我地數埋前面有幾張飛，係旺角真係少有架！

Went here because this Thai joint has been here for ages.You can always smell their grilled satays when you walk past.The papaya salad was interesting and it had crab legs just like the ones in Thailand but it was very spicy.The chicken was really good because it was silky and tender.The vegetables had to be rinsed by soup because it was way too salty.The amount of salt could probably be used to cook 10 dishes of vegetables.

今日晏就同朋友黎到呢間位於旺角既泰國餐廳-泰廚泰國菜館，一入去，可能由於係正直午餐時段，餐廳坐滿哂人，職員就指左我地上二樓，好彩岩岩好仲有兩個位，可以唔洗等。我地兩個人，分別叫左一個飯，一個撈檬。1.泰式手撕雞配油飯上到枱，其實係海南雞配油飯，雞既分量唔少嫁，有6件，仲要係雞脾位Tim，D雞肉好滑，雖然係冰鮮雞，但竟然做到食唔出雪味，另外D皮好爽脆，油飯而都好好味，唔會好油，一股甜甜既清香味。另外套餐仲跟左碗餐湯同埋杯特飲，湯無咩特別，係通常海南雞飯都配一碗湯，有淡淡胡椒味。餐飲就簡左青檸冰，酸酸甜甜好開胃，而且唔洗另外加錢。2.炭燒豬頸肉撈檬豬頸肉撈檬好大碗，面頭有切得好幼細既生菜絲，炸左既乾蔥絲同埋花生碎。同平時食既撈檬唔同，店家好細心，醬汁係用雪櫃雪住，保證食果陣撈檬係夠冰凍。我一向係重口味，一落就落左好多醬汁但食落就發覺落得太多，完全唔同平時食開既餐廳，佢既醬汁好濃味，蒜味同辣味都非常之重，食到一半實在頂唔順，跟住店員好貼心幫我加左d湯，變左酸辣湯檬，味道都好唔覺，令到一個檬兩個食法！！由於我地係食午餐時段，所以價錢好抵食，見其他既食評都係話呢間餐廳係好出名，希望下次黎可以一試

食泰國菜除左九龍城是個地標外 旺角既泰廚都唔可以數漏！不論任何時候 都會見到人龍係店外排隊今日未夠6點就黎食晚餐 店內已經坐左7成人喇 兩人晚餐叫左：生蝦（叫滿200蚊就可以以1蚊叫生蝦一客）生蝦賣相唔錯 1蚊有4隻是個跳樓價 蝦肉新鮮個醬好重香茅味泰式炒芥蘭碟菜炒得好靚 顏色翠綠 唔會炒得過火 辣味好夠 一碟份量都唔少哦！ （食唔到辣既我就會覺得好辣😂）菠蘿炒飯食泰國菜一定要點個菠蘿炒飯就咁肉眼睇已經見到好多材料呢到 有蝦 葡萄乾 青口菠蘿肉等等 味道一流古法烤烏魚魚裡有不同香葉 再用錫紙包住黎燒 魚質滑同夠味 唔老 同條魚都幾大條 兩個人食啱啱好

沙華弟給！如果第一時間叫你諗起食泰國菜嘅地方，可能你會諗起九龍城！無錯！雖然我都係😂哈哈哈。。 不過今日小編就同一位有人嚟到旺角呢一間其實都幾出名嘅泰國餐廳試試佢！位於旺角金魚街呀佢，位置方面唔使講！正！好彩事先有book位，小編大約八點半左右嚟到餐廳，咁啱有張二人枱，所以唔使等位，但係我哋坐低之後，已經全場爆滿。由於都餓啦，所以好快睇完餐單就落咗order啦，連Menu都影唔切！小編同友人分別帶咗一杯龍眼冰同埋椰汁冰，兩杯嘅味道都唔錯唔會太甜，絕對係食泰菜嘅最佳飲品之一。第一道先來嘅菜係生菜包，見到佢嘅份量唔算多，生菜大約有八至十塊左右，但係呢個份量係絕對足夠二至三人食用嘅。生菜唔算太大塊，但係就都幾新鮮，而肉碎亦都有少少香辣嘅感覺，非常開胃，生菜包可謂食泰國菜亦都係必要嘅菜式之一。近鏡睇睇，如果生菜再大塊啲就比較好，但係而家成樣野個感覺都唔錯，幾好食！麗都第二道菜係炒金邊粉，相信炒金邊粉亦都大部份人鍾意食泰國菜嘅話都係必叫嘅菜式之一，而呢度嘅炒金邊粉都炒得都唔錯，不過唯一有少少可以改善嘅地方就係可以炒濕少少，因為而家相對太乾身，但味道唔錯，唔會辣，有少少酸酸地咁，又係開胃嘅！食泰菜

太就腳嘅關係，又黎到呢度食午餐。落單後，即刻送上兩碗冬瓜湯。泰國應有嘅醬料都有齊左 青檸梳打 不是平時新鮮青檸加樽裝梳打水那種， 似用糖漿色素溝出黎，比平時的不夠氣，而且較甜。手撕海南雞飯 - 手撕 名黎ga 姐，但雞肉嫰滑彈牙，黃油飯偏淋，午餐價錢，有此質素已經值回票價。雞肉沾上泰式辣汁後，減少了油飯膩口感覺。泰式豬頸肉飯，豬頸肉醃得很對味，有咬口但唔痴牙。但呢個醬汁就。完全聯想唔到呢個醬汁只有酸味，面上仲灑滿胡椒粉，想點明智嘅我將豬頸肉都沾上泰式辣汁，即刻好味番

周末早起，同我家大少食個早餐先。之前行過留意到泰廚出左泰式早餐，已經心郁郁想試下!係香港泰式早餐 我就真係未試過喇。主打麵質爽滑彈牙有口感。除泰式早餐外，仲有正常早餐供應，但唔知點解心理上總覺得少了一塊包。大少要左4 號 香葉辣椒肉碎拼扎肉麵湯底唔算辣，公仔麵確實幾彈牙，但絕對不可能是泰國出品。1號 香茅豬扒麵 湯底依舊唔辣。豬扒醃得好夠味，食落去香茅味唔濃但帶甜味 。公仔麵質感食落去應該是韓國公仔麵的彈牙口感，與韓國不倒x牌九成相似。飲品味道正常，熱飲黎講算大杯。

喺旺角經過開呢間餐廳，應該都發覺每次都好多人喺門口等位。但係今晚因為有啲野做，九點幾先食晚飯，呢個時候去就最好唔使點等位啦。 因為同朋友都唔係好食得辣，所以就嗌左幾樣唔辣嘅嘢，食泰國嘢通常都係要食辣嘅，但係呢幾日唔辣嘅菜式都做得相當唔錯。菠蘿炒飯嗌左一個必叫嘅菠蘿炒飯，喺其他地方食菠蘿炒飯通常都好細，但係呢一間嘅份量非常充足，亦都好足料。炒飯上面有一層厚厚嘅肉鬆，入面有好多唔同種類嘅海鮮，好似魷魚啊青口啊，好滿足。泰式炒金邊粉呢個金邊粉亦都非常惹味，甜甜地加埋啲青檸汁又有少少酸味。重點係配料亦都好多，所以呢一個亦都非常唔錯。鋪頭門口其實係有得買外賣串燒，而堂食嘅串燒呢就可以分開沙嗲醬上啦。呢間鋪頭其中一個賣點就係，一星期每一日都有唔同嘅優惠。我去食嗰日係星期一，就係食滿＄200 ,就可以加一蚊換泰式生蝦。味道都OK ,一蚊嘅話真係好抵食啊！最後埋單每人唔使＄130 , 都算幾抵食呀！

果日同朋友係旺角做完FACIAL～好少出旺角，唔知食咩好～諗諗下不如泰國菜～就醒起旺中對面呢間，無人唔識呢～不過我就第一次泥。。。閒日唔算多人，地方夠大好耐無食呢類型夠地道CASUAL既餐廳～價錢唔貴，眼闊肚窄既我又泥喇～馬拉盞炒通菜必點啦！好惹味好似係泰國食咁啊！馬拉盞超多～仲有泰式菠羅炒飯，食極都唔厭丫！波羅好鮮甜，最緊要係肉鬆同提子乾！好足料！一啖飯多種口感實在太正！見到門口燒烤阿姐燒得咁過癮，當然要嗌返兩串泥試下～燒雞串外脆內軟好正啊！個沙爹汁功勞不少！仲有個豬頸肉沙律！朋友上次泥食TEA試過豬頸肉話正～果然無介紹錯！好爽口，邊邊夠香夠脆，好正！用泥點返個沙爹汁食都好正喔～

是日泰式晚餐。冬蔭海鮮湯：多料，辣味不重而偏甜，可能不太正宗但合我口味！泰式菠蘿炒飯：足料！鮮蝦、腊腸粒、肉鬆、菠蘿用料足，味道一流！泰式拼盤：整體香口而不油膩，蝦餅及沙嗲串燒尤其出色。泰式生蝦：食滿$200可以加$1有4件生蝦，惜蝦鲜味不足。

朋友陪我在旺角買完波鞋，我提議去食泰國菜，竟然找到呢間地方小小但好好味的餐廳👍🏻👍🏻餐廳外有姨姨在燒串燒已經傳來陣陣香氣，入面分有上下層，我地被安排到二樓坐下。因為我地好肚餓所以叫左好多野，但枱太細每道菜都要諗一諗點放，食物普遍不錯😋👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

朋友介紹了起碼幾個月，一直無時間過來一試風味！今天有半天假很開心！約上朋友仔一起去吃心心念念的泰菜就是勁多人，勁多人排隊！詢問排第幾檯，OMG排第9檯，唔知平時是否都要排咁耐！我表示覺得好耐無耐還好旁邊有間寵物店可以過去打發時間～～～等等等到了，日日優惠唔同，今天禮拜一，棒古法烤槽魚🐟！聽聞好好吃，本來就要點的，今天碰好優惠日，可以省30幾塊！滿200加1可以任選一份，200很容易滿的！選了份泰式木瓜沙拉解下油感準備點的沙嗲雞跟豬，在門口排隊的時後就看到在燒就流口水，沙嗲超勁滿滿！辣味都重，不過就烤得兩面幾脆，入口香辣燒和牛串粒！一串3粒，比起沙嗲更愛這個，肉汁較唔錯，串埋洋蔥口感汁感更香口1元就能換到咁大份好開心😄，上面散的香料是整道菜的點睛哈哈，木瓜沙律口味偏較濃少咸，木瓜好脆爽口還有木瓜汁感嚼得出來。證明木瓜新鮮！酸甜甘甘好開胃海鮮东陰公湯75呢個價錢，咁足料好抵吃，有青口，蝦肉，菇，魷魚，等等⋯⋯香矛好重，第一啖辛辣香矛味湧上來好開胃，酸來帶少少甜，辛辣味越吃越重有點嗆口，覺得辣了，唔敢再吃完！不過剛飲真的好開胃醒神好飲等的泰式明爐烏頭魚終於來啦，表面的料好吸引人！好多配料有香

今天因為在旺角工作經過這間泰菜館很久沒有吃泰菜所以決定入去試一試這是香葉辣椒肉碎炒飯，炒得很香很野味，大約一人份量。不會太油膩！不得不點生菜包，生菜包的份量很多，帶一點辣辣的最值得推介就是這個海鮮冬陰公湯， 因為很辣， 海鮮也很足料味道比一般冬陰公湯更濃最後點了馬拉盞炒通菜，配上白飯味道一流這間太菜館都很有泰國風味， 食物的水準也不錯

今次再帶幾位朋友到此餐廳，雖然座位比較迫，但泰國菜絕對是平靚正。由於過了$200可以加$1自選小前菜，我們點了菜式剛好過了$400，於是就點了兩份生蝦。吃生蝦必定配上蒜片及辣椒，然後沾上辣醬吃用，令生蝦味道再提升。生蝦非常乾淨，肉質新鮮又爽口，而辣醫令人更回味。然後上菜的是泰式古法烤糟魚，它以錫紙包著上枱。以這個包裝形式煎煮，可以保留魚肉本身肉汁，以及將配料（香茅、蒜、大蔥等）的味道都留在魚肉身上，令魚肉味道提升。魚肉肉汁甚多，加上蒸煮時間調較得剛剛好，可令魚肉更加嫩滑，令人吃不停。而且糟魚魚骨不算多，令吃用時更加方便。旁邊那個配料偏向微辣，沾上魚肉吃非常相襯。另外，每次都要配點豬肉及雞肉串燒，兩者肉質熟度剛好，不會過熟致肉質變粗糙。而醬汁偏向中辣，如吃不了辣的人可沾少少醬汁便可。兩者串燒燒得外皮香脆，而且可保留肉汁，吃下去非常Juicy。這道菜都是每次必點的，就是馬拉盞通菜。剛上枱是熱騰騰的，夠哂鑊氣。而且通菜是新鮮及鮮綠色，吃起來是爽口及不會起渣滓。這道通菜偏向微辣，吃下來非常開胃。最後就是椒鹽海鮮炒飯，這個炒飯夠哂鑊氣，上枱是熱騰騰的。而炒飯炒得剛好，每粒餅粒都是粒粒分明，飯質不