泰廚泰國菜館

營業中

休息中

同朋友喺旺角行街，行到通菜街搵到呢間餐廳。由於都好一排冇食泰國嘢，所以入咗嚟。餐廳，好似茶餐廳咁嘅格局，面積唔算好大，好彩啱啱有位。見到餐牌上面嘅咖哩辣蟹非常吸引，決定一試。咖哩辣蟹 (⭐⭐⭐⭐⭐)分量好大，足夠兩個人食。咖哩汁辣得嚟可以接受。蟹肉都幾多，食落啖啖滋味，都幾過癮。仲有啲配菜，令到咖哩嘅口感層次增加。蒜蓉包  (⭐⭐⭐⭐💢)為咗配咖哩辣蟹，我哋點咗蒜蓉包。蒜蓉包配辣蟹配搭一流，又唔使驚食到太飽，比飯更加好。泰式生蝦 (⭐⭐⭐⭐💢)餐廳仲有個值得推介嘅一元任選一款美食。我哋 食夠200蚊，可以任揀一款。我哋揀咗泰式生蝦，泰式生蝦唔係好多件，不過作為開胃前菜係唔錯。除咗泰式生蝦之外，仲有泰式木瓜沙律、泰式粉絲沙律同埋泰式椰汁糕選擇，一蚊一碟冇理由錯過。整體嚟講都幾滿意，又唔算話好貴，只要唔嚴餐廳好似茶餐廳咁，可以考慮幫襯。~~~~~~~~~~~~~~~~~~~~~~~~ 泰廚泰國菜館 旺角通菜街126號地下推介菜式：咖哩辣蟹👍🏻分量好大👍🏻口感豐富👍🏻價錢大眾 

成日都行金魚街, 成日都俾一陣串燒味吸引住~ 但係又唔知點解又好少停底睇下係邊度有串燒買, 今日好大風, 但係做完GYM又好飽餓, 由行人天橋一落就見到一間泰國野, 門口有串燒~ 好鬼香, 我就知今晚係你啦~~~ 鋪面細細~ 原來佢仲有閣樓, 但係我地揀咗坐下層, 第一吸引我眼睛係一個食滿200蚊加1蚊有泰式生蝦食~ 好扺丫~ 叫咗一個細泰式小食盤餅, 椰青, 泰式香葉肉碎飯, 燒雞全翼兩隻, 同埋一個泰式燒豬頸肉湯河~ 泰式生蝦---好新鮮, 有蝦味, 唔似係雪藏貨, 個泰式汁唔太辣, 泰式小食盤餅--有沙爹燒豬肉2串, 2塊炸蝦餅, 2塊炸魚餅, 2條炸春卷, 蝦片, 85蚊都幾扺食~ 個沙爹汁超惹味 泰式香葉肉碎飯---炒得一D都唔油, 香葉好多~ 成個飯都好香, 仲加埋隻荷包蛋, 好有泰國街邊小炒FEEL, 好好味 燒雞全翼---哩個一定要叫~ 燒得雞皮好香~ 唔駛去BBQ身水身汗啦~ 俾15蚊有人燒埋俾你食~ 好正 椰青--- 要讚下佢買貨果個人~ 椰青好嫩~ 椰肉可以全食~ VERY GOOD~ 結論: 非常扺食~ 種類多~ 值得推介~~

今晚打波前同隊友去左旺角泰廚泰國菜館食晚飯。好快就有座位坐，安排好上樓上。我哋叫左一串燒豬串，燒雞串。仲有星期二特價泰式菠蘿炒飯，泰式咖哩海鮮，馬拉盞炒椰菜苗，滿200元加一蚊換左泰式椰汁糕。燒雞/豬串-平時門口經過都覺得好香，燒得好香口醬汁都好味道。泰式菠蘿炒飯-成個菠蘿裝著，料都好足炒得好香口。泰式咖哩海鮮-咖哩好香口又唔會辣，海鮮口感幾好。馬拉盞炒椰菜苗-夠晒香口，同埋椰菜苗口感好好又新鮮。泰式椰汁糕好味道

旺角呢間泰菜想試好耐，經常人頭湧湧，今日放假搵到時間lunch time去，被安排到樓上既卡位坐。個侍應哥仔做野快手，出餐都快。講下D野食先：泰式生蝦 - 食夠200蚊加一蚊就有生蝦食，非常抵！生蝦好新鮮爽甜，配埋蒜片同辣汁食冇得頂。冬蔭大頭蝦湯 - 大頭蝦大隻到好似小龍蝦咁，湯好有辛勁香濃，反而冇咩椰味，但仍然好飲，充滿泰式風味。泰式炒金邊粉 - 52蚊包青檸冰，酸甜開胃，唔會炒得太乾或太濕，好食。串燒雞/豬 - 串燒汁掂，雞燒得多汁，推介。但豬略硬。和牛串 - 肉味香濃，油脂適中，好食。馬拉盏炒通菜 - 好惹味，菜好鮮嫩。叫得太多野最後仲要pack走，$300有找，性價比高！

好多人想到食泰國菜會諗到去九龍城，但其實唔洗去到咁遠都可以食到正宗又有風味既泰國菜，之前認識呢間被佢門口即燒串燒香味吸引到，門口姨姨睇住order即叫即燒，加上餐廳位置係旺角實在方便，所以我都encore串燒當然係呢到一大特色，我地叫左雞串同牛串每款試下，雞肉串每串都好大舊雞肉，熱辣辣燒好配上惹味的沙嗲汁，絕配非常和牛串燒配搭埋青椒、洋蔥，賣相同口感都豐富不少平時經常接觸都係越南河，泰式湯河很少地方有機會嚐到。泰式湯河湯底同平時食開既越南湯底不同，呢到食落有d似平時食牛腩麵既湯底，帶少少八角既味道，好好食尼食泰國菜當然唔少得食埋咖喱，每次我都一定叫呢到既薄餅配返咖喱汁，薄餅多層鬆軟，而且即叫即做，上碟時熱辣辣，每次依完呢個都好想快denocre

泰國菜真係令人懷念，尤其個冬陰公湯，今次都例牌點冬陰公，串燒牛雞豬各一，豬頸肉炒河，滿200蚊可以加1蚊換生蝦。和牛串，要𡁻一段時間雞同豬，串燒重點我諗係啲沙嗲汁，都不過不失，個人覺得雞較好食。1蚊有4隻，都抵既，都不過不失，當然泰國好食啲睇落好野味，食落好多豬頸肉，而啲河粉好闊身，食到飽泰國每次食飯都例牌點，泰國既味道比較酸，好開胃。而呢個就飲落有少少甜，個人比較中意酸多啲，呢個海鮮湯有4、5隻蝦，青口，魷魚，細細鍋幾足料。下次可以試第二間泰菜

因為工作關係，很久很久沒出街搵食。最近特別懷念旺角一間歷史手悠久的泰國菜館。記得上次來光顧已經是一年前了，今天瑞來，感覺仍然很泰國。光顧滿200元可以用1蚊選擇指定菜式，我揀的是生蝦，蝦都是新鮮的，有彈性，肉質精瑩，很爽口。另外點了小食拼盤，有串燒，春卷及蝦餅，特別喜歡蝦餅，既厚而且彈，非常推薦。主菜點了黃咖喱雞柳，適合不太食得辣的人，咖喱都幾香 送飯或者簿餅都一流。飲品點了龍眼冰及椰汁冰，龍眼冰清甜，龍眼像6都好食。椰汁冰比較特別，因為有一些椰汁糕在入面，兩種享受。

泰廚泰國菜館都幾大，有兩層，我哋就坐咗喺第一層，餐牌選擇都幾多，每日重有特價食品同加$1食品。平日都好多人等位呀，等左15分鐘就入到去。菠蘿炒飯好大碟，入面亦都好足料，有好多菠蘿，炒飯亦都好惹味。泰式炸蝦餅併春卷，蝦餅炸起脹卜卜咁，切開半邊圓拱型，外層炸得夠脆得黎又唔油淋淋，咬開蝦餅肉彈牙又香口。春卷都好香脆。串燒叫左一串豬、一串雞同一串和牛。呢度一次過淋晒啲沙嗲醬上面，唔使自己點。沙嗲醬惹味，d肉亦都燒得好好。馬拉盞炒芥蘭夠大碟又夠鑊氣，芥蘭炒得清脆碧綠，鮮嫩無渣。最後加$1要左椰汁西米糕，佢有兩層，第一層比較creamy，似係椰漿嘅感覺，底部係西米比較結實，唔會太甜，係適合炎炎夏日嘅甜品~

我過去那死黨早晚共對~♫~ 各也紮職以後沒法暢聚~♫ ~♪話說艾文人生中有兩個最好既朋友，以前真係說得上早晚共對~♫~ 人大左各有各忙，少見左，其實心底裡真係好怕有一日會疏離左，無言共對...... 好在每一次聚埋食飯都笑足全場、話題不斷、開開心心，令艾文既擔心一掃而空~~~~~多愁善感完就係時候講下今次嚐過既泰國菜！由地鐵旺角站 B2 / B3出口走兩三分鐘就可以見到「泰廚」，或者像艾文一樣由火車旺角東站沿行人天橋，行到天橋中尾段落右邊的樓梯，即見「泰廚」招牌。菜館內裡係茶餐廳格局，算不上舒適，但四四正正亦唔侷促，朋友聚腳傾計都冇問題(前題係我地三個人)。我們仨點了沙爹豬雞串燒各三、春卷併魚餅、菠蘿炒飯、炒金邊粉、粉絲沙侓。「泰廚」每日都有一款特價菜，今日係泰式菠蘿炒飯，另外全單滿二百蚊可以一蚊選一個冷盤，當中有泰式生蝦，我們則選了粉絲沙侓。咁多款菜當中，以這味沙爹串燒最好食，尤其沙爹雞肉串燒，外面脆裡面軟，咬開仲有d雞油，真係好邪惡！12蚊一串有三四舊，實在係高CP值！豬肉串燒則稍稍韌左丁丁，但係豬肉梗係熟d好啦！另有和牛串燒，20蚊串，下次要試試。 六串沙爹豬雞串燒‧HKD$72

久聞旺角這間泰國菜館CP值一流，當然立即來試一下～舖位離地鐵站很近，是兩層式的小餐館，面積不大但環境挺舒服的～串燒是這間餐館的賣點，所以點了3款串燒～和牛：肉汁非常多而牛味重沙嗲雞肉：沙嗲少辣帶點甜，肉質很嫩，最喜歡這個！泰式香茅雞翼：泰/越香搭茅系列必點！另外點了蒜茸炒芥蘭，因我很喜歡蒜茸味，再多一點會更完美！菠蘿海鮮炒飯：味道濃香，量多，菠蘿很鮮甜！另點滿$200，可加+1選生蝦，超讚！飲品點了龍眼冰和珍多冰，肉多味濃不解釋！泰/菜館不二選！

約了朋友到旺角飯聚，朋友想食泰國菜，上網一睇見到就近金魚街有一間泰國菜小店，就決定一試。一到餐廳門口，見到店員在燒串燒，香味撲鼻，肚子即時打鼓，但店外已有人排隊等位，唯有耐心等候，幸好5分鐘便有位了。一打開餐牌，選擇凡多， 眼闊肚窄，在選擇困難症抵下終於點了泰式豬頸肉沙律，泰式小食拼盤(小)，泰式炒金邊粉，加2杯香茅冰。其實每日還有特價優惠菜式，但今次吃不下了，唯有下次再試。泰式豬頸肉沙律原本以為沙律會有好多菜，點知一上枱，豬頸肉份量十足。豬頸肉非常香口，肉身不會太乾，恰到好處。泰式小食拼盤(小)拼盤款式數量合理，款式選多，沙嗲串燒果然美味，沙嗲醬絕對是重點。蝦片一片接一片，停不到口。另外我最鍾意食春卷，外脆內暖，非常野味。泰式炒金邊粉超多伴碟花生碎，配合金邊粉一齊食非常夾，而金邊粉炒得夠乾身，整體滿意。泰式香茅冰第一次飲，意想不到地好味，有少許薑的香味，份外清新。整體而言，非常滿意，而且吃得飽飽也不過2百幾元，非常抵食，值得推薦!

每次經過，看見燒雞亦、串燒等，都會食幾串，而且門口常常有人等位，今晚就舒舒服服坐下食串燒、泰菜。原來串燒有日本和牛串，先來兩串和牛串，兩串雞亦。和牛串的汁是綠色，有小小辣，不會蓋過牛肉味，和牛肉質軟，燒到剛熟。雞亦是配了沙爹汁，甜甜辣辣。今天是星期四，所以叫了泰式明爐烏頭魚。原條魚上，再加了一碗湯，滾一滾，酸酸辣辣好惹味。$1任選一款，要了泰式生蝦，都有四隻。這間泰菜的泰式辣汁原來都綠色，加了香草，味道是小辣。泰式菠蘿炒飯，飯面滿滿肉鬆，飯炒得好香，海鮮又多，好足料，味道豐富，真心好味。

平時喺香港食泰國菜，基本上大部份人第一刻都係諗住去有小泰國之稱嘅九龍城，但今次我就跳出九龍城，同朋友去試吓旺角嘅泰廚泰國菜館。喺旺角開得咁多年嘅餐廳，一定有實力先可以頂得住旺角嘅租金，呢一點已經證明餐廳嘅實力。講返食物先，今次同朋友兩個人，所以點咗三菜一湯，另外加一蚊有碟生蝦首先上咗個泰式鳳爪沙律，估唔到比想像中嘅份量還要多，抵食！由於點菜金額超過$200，可以加$1有一碟生蝦，雖然得四隻，但確實係好抵，因為平時食一碟得8-10都差不多$100然後到碟泰式拼盤，一串豬、一串雞、一舊開邊蝦餅、一條開邊春卷同埋量蝦片，每樣都熱辣辣，證明係即炸，好味仲有個冬陰公湯，酸辣味啱哂我，入面嘅蝦仲好鮮甜最後上埋碟炒通菜，呢餐好滿足...埋單$350

話說成日經過旺角金魚街個天橋底，都會聞到陣陣BBQ 味🔥，夜晚更加係好多人企响外面等，咁岩今日又出開去，見又唔使等位，就即刻走入去食番個下午茶😋餐廳原來有上、下兩層，今次安排左我坐樓上，因為唔係真係太肚餓，所以叫左個扎肉湯河餐（本身$28，但轉冬蔭公另+$5），再送你一杯青檸冰或香茅冰。分量望落都幾大份，即刻試左個湯底，味道唔錯同幾足料；但扎肉就一般般，埋單計以$33 來講性價比都算高，下次會試下晚餐😋

又去到旺角覓食喇～旺角特別多好野食，我同朋友一齊放左工之後去覓食。近年好興韓燒、火鍋、雞煲呢啲食物，我想食日本菜但朋友又話想食韓國菜，喺我地爭持不下之際，突然我地都心血來潮想再去泰廚覓食 😋今次係第二次到訪「泰廚，呢間泰菜館有兩層，大約7 點幾 8 點既時候 呢到兩層都坐滿曬，出面仲要有大量人潮，佢地好多都係6 個人、8 個人咁樣黎食，睇黎並非浪得虛名 😲枱上已經放好碗筷同兩杯水，係香港典型茶餐廳風格，我同朋友就急不及待地睇下有咩好食先～ 😍餐牌好簡潔俐落 總共有三、四款不同既主題～ 食物方面 有頭盤小食、串燒、麵飯等等 每一道菜式都非常吸引 至於飲品方面 佢地有果汁、汽水、茶等等 應有盡有 😍事不宜遲 我地立即開始點餐 😝我地落完單之後 店員同我地講 因為過左$200 所以可以以一蚊既價錢換上面餐牌上其中一款小食 😍😋泰式生蝦 $1我同朋友都果斷揀左泰式生蝦 🦐 蝦既肉質鮮美 好滋味彈牙～ 再沾點泰式醬 蝦既鮮味更突出 嗰個泰式醬汁味道帶點酸 係經典既泰國風味 我地都係一分鐘內清碟 😝泰式豬頸肉 🥓 $70佢既豬頸肉厚薄拿捏得好好，燒出黎既效果非常好～ 外皮帶點脆，內裡既肉質鮮嫩，重